المساعد الشخصي الرقمي

مشاهدة النسخة كاملة : ابغى مركز صحي بالرياض


Meshalona
31-08-2010, 01:42 AM
السلام عليكم ورحمة الله وبركاته




الوالد الله يطول بعمره عنده ألم بالرقبة والظهر



ياليت اللي يعرف مركز صحي للتدليك بالرياض ويكون مركز راقي ونظيف يدلني عليه
THh Rock
31-08-2010, 02:10 AM
وعليكم السلام
سلامات يالغالي ما يشوف الوالد شر
تعال عندنا في نادي عالم اللياقه الاولمبي عند اسواق النخبه على طريق الملك فهد عندنا ثلاث مدلكين وافضلهم الاندونيسي اسمه احمد
لا عزمت كلمني
زاحف مزحف
31-08-2010, 02:13 AM
انا انصحك ببودي ماستر البديعة كبير ومساجهم كويس
Meshalona
31-08-2010, 03:21 AM
الله يجزاكم خير

بس ياليت لو مركز بالشرق او بالشمال

الوالد كبير ومايحب المشاوير البعيده
A L P A C I N O
31-08-2010, 03:47 AM
عندك ياطويل العمر على طريق الامير بندر في الروضه

وانت متجه لشارع انكاس ( خالد بن الوليد ) يجي على يدك اليمين

انا ماجربته بس واحد من الشباب جربه ويمدحه

وهو مركز متخصص للمساج والتدليك والعلاج الطبيعي من الاصابات الرياضيه وغيرها

الله يشافي ابوك ان شاء الله
8جيرارد8
31-08-2010, 04:46 AM
الله يجزاكم خير

بس ياليت لو مركز بالشرق او بالشمال

الوالد كبير ومايحب المشاوير البعيده

مايشوف شر إن شاء الله .. الله يخليه لكم ...
عندي لك اقتراحين..
وكلها أماكن محترمة ومشهورة ...
وفي شمال الرياض :)

الأول: عيادات الدكتور رياض الهجن للأبر الصينية ..
عندهم قسم للعلاج الطبيعي والمساج ...
عمالتهم محترفة من الصين والفلبين ..
موقعهم في طريق الملك عبدالله .. بعد تقاطع الملك عبدالعزيز باتجاه الشرق ..

الثاني: مركز "حياة سبا" ..
وهو مركز متخصص في المساج والاسترخاء ..
موقعه في قلب شارع التحلية ..
مقابل محطة العربة ..

وألف سلامة للوالد ..
ولا تنساهـ ،، من دعواتك ..
وادع لنا بعد ;)
Meshalona
31-08-2010, 07:13 PM
الله يعطيكم الصحه والعافيه كلكم وماقصرتوا :)