المساعد الشخصي الرقمي

مشاهدة النسخة كاملة : كمال الاجسام محفز الجروث gaba ( إستفسار و بعض أسئلة )


تي باغ مدريد
01-09-2010, 04:56 AM
السلام عليكم و رحمة الله و بركاته

تقبل الله منا و منك الاعمال بهذا الشهر الفضيل و خصوصاً الايام العشر الاخيرة المباركة << اعاد الله عليكم هذا الشهر بالصحة و العافية

حبيت استفسر عن محفز للجروث اسمه gaba لواحد من الربع يبي يسأل عن مميزاته و عيوبه و مدى فعاليته و شنوو يجي بودر و الا حبوب و متى يستخدم و هل ينفع للضخامة


استفساراتي << شنوو احلى نكهة للسوبر تشارج < فواكه و الا اي نكهة
Leaner
01-09-2010, 05:25 AM
بالنسبةلاستفسارك، انا جربت الفواكة والعنب للسوبر شارج، العنب أحلى

واول استفسار ان شاءالله يفيدونك الشباب
THE CAST
01-09-2010, 05:27 AM
السلام عليكم و رحمة الله و بركاته
وعليكم السلام ورحمة الله وبركاته
تقبل الله منا و منك الاعمال بهذا الشهر الفضيل و خصوصاً الايام العشر الاخيرة المباركة << اعاد الله عليكم هذا الشهر بالصحة و العافية
امين
حبيت استفسر عن محفز للجروث اسمه gaba لواحد من الربع يبي يسأل عن مميزاته و عيوبه و مدى فعاليته و شنوو يجي بودر و الا حبوب و متى يستخدم و هل ينفع للضخامة
يجي حبوب وفيه منه بودر, وينفع للضخامه ويؤخذ منه حبتين يوميا (حسب الشركة فلكل نوع سرفنغ)
لكن
هذا المحفز له عدة شركات منتجة ولكنه منتج فاشل كمحفزحسب راي الاكثريه واذا وده بمحفز فليتجه لغيره مثل
انيمال ام ستاك او ستاك
استفساراتي << شنوو احلى نكهة للسوبر تشارج < فواكه و الا اي نكهة

بخصوص السوبرتشارج حسب راي مستعمليه العنب

بالتوفيق
vamber2009
01-09-2010, 05:42 AM
معليش سوال هل استطيع استخدام حفز التست والنمو وقت واحد
THE CAST
01-09-2010, 05:47 AM
^^^^^^^^
نعم
ابو مهاا
01-09-2010, 07:37 AM
القابا بروحه ماينفع لانه حمض اميني ويحفز القروث
بس لو بتستخدمه قبل لاتنام ومدخل معاه محفز قروث ثاني !!! صدمتك صح بيكون افضل واحسن قابا حق شركه التميت نتروشن لانه بيور يعني مايضر لو تضيفه مع شي ثاني
اما بروحه مابيعطيك فايده كبيره ولا بتحس بشي اصلا يستخدمونه الشباب لاي ماخذين قروث ,, يزيد تحفيزه
وفي منتج يحفز القروث بشي بسيط مع تسترون مع بعض انيمال ستاك ,,
والانيمال ام ستاك نفس السالفه زياده عليها انسولين الاول اقرب للتنشيف والتقسيم الثاني اقرب للضخامه
تي باغ مدريد
01-09-2010, 08:09 AM
اولاً يعطيك العافية للجميع و اللي استغربت منه ابو مهاا اشلوون ما يفيد برووحه يا رايت تعلمني يعني اخليه يدخل معااه جي اتش ماكس مثلاً لان ابي اعطيه مثل مكملاتي اهو ماخذ مثل كورسي و قال يبي ياخذ نفس محفزاتي << الاخ ذا كاست عارفها و اخووه جايب له غابا

ترو ماس < سوبر امينو 10000 < انيمل تست << جي اتش ماكس << سوبر تشارج << بس اهو يختلف عني انه عنده محفز غروث غابا << الاخ ذا كاست اهو عنده مثل اغراضي و انا فهمته اشلوون ياخذهم مثل ما علمتني انت و دخل معاهم الغابا اشلوون يستعمله معاهم علماً انه اللي عنده بودر و مع شنوو يخلطه اذا احد يدري يقوولي

بالنسبة للاخ ابو مها اشلوون تكمل فايدة هالمنتج يعني لو عنده انيمل تست و جي اتش ماكس و مدخل هذا معاهم بيفيده او يسووي شيء يساعد ما يساعد نورني بهالقصة هااذي لاهنت يا البطل و اذا عندك صورة للمنتج الافضل يا رايت تحطها لي لان بشووفه نفس اللي عند بو جاسم و الا لا << مثل ما ذكرت انه في كذا غابا يا رايت ما تبخل علي بصورة الافضل عشاان اشووف نفس اللي عنده و الا لا

و انا عن نفسي بجرب العنب عكس خوويي اللي عنده فواكه بس مع شنو اخلطه يا الربع ؟؟ ( ماي و الا عصير و الا وشوو ) << و اشلوون الطعم يعني اتلذذ فيه لما اشربه :P و الا بيلوع جبدي نفس الترو ماس اللي عندي

اسمحوولي ع الاطالة و مشكووورين و ما قصرتو هذا العشم فيكم << و اخص بالشكر ذا كاست اخو و حبيب و داايم ما يخليني محتاار
THE CAST
01-09-2010, 08:23 AM
اولاً يعطيك العافية للجميع و اللي استغربت منه ابو مهاا اشلوون ما يفيد برووحه يا رايت تعلمني يعني اخليه يدخل معااه جي اتش ماكس مثلاً لان ابي اعطيه مثل مكملاتي اهو ماخذ مثل كورسي و قال يبي ياخذ نفس محفزاتي << الاخ ذا كاست عارفها و اخووه جايب له غابا
هو عباره عن حمض بروحه مايعطيك المطلوب وتاثيره ضعيف
ترو ماس < سوبر امينو 10000 < انيمل تست << جي اتش ماكس << سوبر تشارج << بس اهو يختلف عني انه عنده محفز غروث غابا << الاخ ذا كاست اهو عنده مثل اغراضي و انا فهمته اشلوون ياخذهم مثل ما علمتني انت و دخل معاهم الغابا اشلوون يستعمله معاهم علماً انه اللي عنده بودر و مع شنوو يخلطه اذا احد يدري يقوولي
بالنسبه للغابا : قبل النوم سكوبين مع ماء او مع حليب
بالنسبة للاخ ابو مها اشلوون تكمل فايدة هالمنتج يعني لو عنده انيمل تست و جي اتش ماكس و مدخل هذا معاهم بيفيده او يسووي شيء يساعد ما يساعد نورني بهالقصة هااذي لاهنت يا البطل و اذا عندك صورة للمنتج الافضل يا رايت تحطها لي لان بشووفه نفس اللي عند بو جاسم و الا لا << مثل ما ذكرت انه في كذا غابا يا رايت ما تبخل علي بصورة الافضل عشاان اشووف نفس اللي عنده و الا لا
ابومها يقصد
http://www.bodybuilding.com/store/un/images/gaba_450_white.jpeg
http://www.bodybuilding.com/store/un/gaba.html
http://www.bodybuilding.com/store/un/gaba.htmlhttp://www.bodybuilding.com/store/un/gaba.html
وتقدر تاخذه مع كورسك لكن اشوف ماله داعي تخسر نفسك
و انا عن نفسي بجرب العنب عكس خوويي اللي عنده فواكه بس مع شنو اخلطه يا الربع ؟؟ ( ماي و الا عصير و الا وشوو ) << و اشلوون الطعم يعني اتلذذ فيه لما اشربه :P و الا بيلوع جبدي نفس الترو ماس اللي عندي
نكهة العنب لسوبرتشارج يمدحون فيها
اسمحوولي ع الاطالة و مشكووورين و ما قصرتو هذا العشم فيكم << و اخص بالشكر ذا كاست اخو و حبيب و داايم ما يخليني محتاار

تسلم

بالتوفيق
تي باغ مدريد
01-09-2010, 08:35 AM
يعطيك العافية يا ذا كاست

انا زين دبرت فلووس كورسي يا الله ادخل معاهم شيء ماله فايدة من الاول << بخليه ياخذه ع راحته و اذا ما يبي هم احسن و يعطيك العافية و ما تقصر لو اقوول مليون مرة شكراً لك مقصر معاك


بس عن نفسي انا خاايف من محفز التست هل تاثير التسترون ( الهرمون ) السلبي نفس المحفز انيمل تست << انا خاايف لان وااحد بالنادي قالي دير بالك من التست ترى رااح يجيب لك عقم و يمكن ياثر سلباً على العضو الذكري و الله انا خاايف و متردد
ابو مهاا
01-09-2010, 08:41 AM
سوري مانتبهت للرد بخصوص القابا مايفيدك يعني حيل تقدر تقول خساره فلوس بس يستخدمونه بعض الشباب في المحفزات القويه للقروث مثل برو اج جي اج او جي اج ماكس
لكن تقريبا كثير من الناس يستخدمونه مع القروث الابر المباشره
هذا بس الي حبيت اوضحه لك موفق ان شاء الله
بس ان قارنت بين الجي اج ماكس والقابا بتزعلني منك هههههههههه
توكل على الله وخذ جي اج ماكس وعلى الله يوفقك
تي باغ مدريد
01-09-2010, 08:50 AM
تسلم يا وحش ع الرد و بلاه بالمرة

و بالنسبة لمحفز التست هل له تاثير ع العضو الذكري او مثلاً تحول التسترون الى استروجين او حدوث عقم لا سمح الله او ضعف جنسي << مثل اللي يحدثه هرمون التست

و شكراً لك
ابو مهاا
01-09-2010, 07:49 PM
محفز التست عموما مايسبب هل ضرر ان شاء الله بس كم عمرك بالمناسبه
اهو يستخدم للي عمره 18 لكن بهل فتره التست نشط حيل يعني محفزات فوق 21
شوف معروفه التست ان زاد حيل الزايد يتحول الى استروجين بطريقه علميه ماعرف اشرح هذي الزبده
فالمحفزات تحتوى على منتجات تسوي بلوك على الاستروجين وتوصل التست لأعلى مراحله وماتخليه بعد يتحول استروجين يعني مثل الي ياخذ تست مع مضادات بس هذا كل شي موجود منه وفيه
بالنسبه للعضو الذكري او حدوث عقب ماعتقد انها بتوصل لهدرجه لانها مواد طبيعيه
بخصوص الانتصاب والنشاط الجنسي بيزيد بشكل قوي لما تستخدم هل محفزات ومافيها ضرر ان شاء الله شرط يكون عمرك مناسب وشرط تستخدمه مثل ماهو مكتوب بالعلبه
THE CAST
01-09-2010, 07:57 PM
يعطيك العافية يا ذا كاست
انا زين دبرت فلووس كورسي يا الله ادخل معاهم شيء ماله فايدة من الاول << بخليه ياخذه ع راحته و اذا ما يبي هم احسن و يعطيك العافية و ما تقصر لو اقوول مليون مرة شكراً لك مقصر معاك
بس عن نفسي انا خاايف من محفز التست هل تاثير التسترون ( الهرمون ) السلبي نفس المحفز انيمل تست << انا خاايف لان وااحد بالنادي قالي دير بالك من التست ترى رااح يجيب لك عقم و يمكن ياثر سلباً على العضو الذكري و الله انا خاايف و متردد

نعم انيمال تست اذا مر عالكبد يتحول لتست حقيقي
لكن ميزة هالمنتج
مدروس بعنايه وحاصل على براءة اختراع ومصرح ولا كان ماشفته في البدي بلدنغ
يعني الكيس يجيك فيه كل مستلزمات التست سواءا مضاد او غيره
ومايسبب عقم اصلا التست هرمون الذكورة وراح يزيد الرغبه ولكن الزياده المفرطه لها نتائج سلبيه
مع ان الشباب طايحين بالهرمونات البحته وبجنون..فالاطمئنان من ناحية الانيمال تست من باب اولى

واذا كنت متخوف او متردد خذ انيمال ستاك
تي باغ مدريد
01-09-2010, 11:05 PM
يعطيكم العافية يا ذا كاست و ابو مها

اسمحولي بس بهالاستفسارين البسيطين و بس

اخووي ذاك كاست لو استخدمت الانيمال تست مثل ما قلت لي مع المكملات اللي موضوعي القديم جاان تذكره ما رااح يضر صح

و بشنوو اخلط السوبر تشارج بماي و الا بعصير و اذا عصير بيكون عصير شنو
THE CAST
01-09-2010, 11:16 PM
يعطيكم العافية يا ذا كاست و ابو مها
اسمحولي بس بهالاستفسارين البسيطين و بس
اخووي ذاك كاست لو استخدمت الانيمال تست مثل ما قلت لي مع المكملات اللي موضوعي القديم جاان تذكره ما رااح يضر صح
ماراح يضر باذن الله
و بشنوو اخلط السوبر تشارج بماي و الا بعصير و اذا عصير بيكون عصير شنو

سوبرتشارج اخلطه مع ماء فقط
ابو مهاا
01-09-2010, 11:40 PM
لاخلطه بشي خاصه العصاير الي فيها فيتامين سي لانه يتركب مع الكرياتين ويصير مركب سام على الدم
انتبه دايما اتبع النشره الى على العلبه والله العالم انا معلوماتي مصديه بس اتوقع انه يقلب الكرياتين يصير ماده ثانيه ان خلطه مع عصير انتبه
تي باغ مدريد
02-09-2010, 01:14 AM
يعني اخلطه مع ماااي بس
THE CAST
02-09-2010, 01:40 AM
^^^
اصلا منتجات البمب مايصلح تخلطها مع شي غير الماء
تي باغ مدريد
02-09-2010, 03:54 AM
سؤالي الاخير مع كم مللي من الماء و شكراً

يعطيك العافية يا ذا كاست و مدري وين ارووح من جمايلك يا بطل
THE CAST
02-09-2010, 04:05 AM
اخلط واحد سكوب مع 200-250 مل

دعوه بظهر الغيب تكفي


بالتوفيق