المساعد الشخصي الرقمي

مشاهدة النسخة كاملة : التخسيس واللياقة استفسار عن حبوب اوكسي اليت


رومانيه
07-09-2010, 09:10 AM
بسم الله الرحمن الرحيم

شلونكم شخباركم ؟

بدش بالموضوع على طول ... انا بسوي رجيم

انا حاليا وزني 60
و طولي 157

ابي اضعف 10 كيلوات باسرع وقت ممكن ،،، يعني شهر تقريبا

و شريت اوكسي اليت

بس حبيت استفسر عن طريقه استخدامه و الجرعات اليوميه ،،
علما بانه الرجيم الي ناويه اسويه بعد العيد ان شاء الله اهوا كالتالي ،،

الريوق ،، نسكافيه و جاي " مفتوح " الكميه الي ابيها

الغدا ،، مشويات و سلطه " أو" صمونه سب واي مع سلطه ،، و هكذا ,,

وجبه العصر ،، ايس كريم ،،تقريبا 200 سعره حراريه ،،

العشا ،، مافي عشى ،، انا هاده العشا من سنتين و ما اقدر ارده اذا كليت احس بطني يعورني خلاص تعودت ما اتعشى ،،
على الفكره الرجيم من تاليفي;):ee2:

و بالنسبه للرياضه انا امشي نص ساعه او ثلث ساعه

بس حبوب الاوكسي اليت تناسب الرياضيين صح ؟
من جذي انا خايفه استخدمهم ،، ابي اعرف الطريقه الصحيحه حق استخدامهم يعني شكثر العب رياضه و جم حبه اخذ و متى اخذ ؟

و هل لازم اخذ فيتامينات معاهم و لا لأ ؟؟


و هل عادي اشرب جاي اخضر بعد لاني ما اقدر اعيش بدونه ،، متعوده اشرب جاي اخضر ..

و شكرا ،،، ;)
do0o0hmi
07-09-2010, 12:04 PM
حبيبي انت كدا بتنزل سريع مرررره بس حترجع دبل وزنك في اسبووع والله
انزل شوية شوية احسن انا مسوي نظام غذائي انشاء الله يعجبك
الفطوور 3 بيضات مسلوقة مع نوع واحد من الفاكهة وحليب خالي الدسم الين تشبع
الغدا شربة خضار مع صدر دجاجة
العشا تونة
.hamad.
07-09-2010, 02:06 PM
هلا فيك اختي وبالنسبة للحبوب انا اشوف لو تلغينها افضل وتكتفين بالرجيم والرياضة وعندك الايسكريم لو يكون مرة اومرتين بالاسبوع بس وتبدلينه فالجدول بعلبة روب قليل الدسم او كوب حليب قليل الدسم ولازم يكون في عشاء في نظامك الغذائي عشان جسمك يشتغل ويبدأ في عملية الحرق ولو كان العشاء جبن قليل الدسم وتوست وحليب مثلا ..
موفقه
رومانيه
07-09-2010, 03:40 PM
اول شي مشكورين وايد على اهتمامكم ..

بس ما قلتولي متى اخذ الاوكسي اليت؟

على الريق و لا قبل الوجبات و لا قبل الرياضه و جم حبه باليوم؟!

ترى الايس كريم زين مافي سعرات وايد ،، مو كل الانواع طبعا بس في انواع دايت
رومانيه
07-09-2010, 03:42 PM
ترى عادي اكل ايس كريم من ضمن الرجيم مو شرط علبونه رجيم كل الاكل يكون مو حلو و ماله طعم

ما اقدر اتعشى ،، العشى يغثني ..
THE CAST
07-09-2010, 08:11 PM
بسم الله الرحمن الرحيم
شلونكم شخباركم ؟
بدش بالموضوع على طول ... انا بسوي رجيم
انا حاليا وزني 60
و طولي 157
ابي اضعف 10 كيلوات باسرع وقت ممكن ،،، يعني شهر تقريبا
اسرع وقت ممكن = تاثير قوي على الصحه العامه
و شريت اوكسي اليت
بس حبيت استفسر عن طريقه استخدامه و الجرعات اليوميه ،،
تسرعتي بشراء الاوكسي...عموما حبه على الريق وبعد نصف ساعه الفطور + حبه بعد 6-8 ساعات..ولاتزيدين عليها
علما بانه الرجيم الي ناويه اسويه بعد العيد ان شاء الله اهوا كالتالي ،،
الريوق ،، نسكافيه و جاي " مفتوح " الكميه الي ابيها
الغدا ،، مشويات و سلطه " أو" صمونه سب واي مع سلطه ،، و هكذا ,,
وجبه العصر ،، ايس كريم ،،تقريبا 200 سعره حراريه ،،
العشا ،، مافي عشى ،، انا هاده العشا من سنتين و ما اقدر ارده اذا كليت احس بطني يعورني خلاص تعودت ما اتعشى ،،
على الفكره الرجيم من تاليفي;):ee2:
رجيم غير صحي..يليت تحولي للاتي
الفطور: نسكافيه +2بيضا بيض مسلوق + ربع رغيف بر+ قطعة جبن صغيره
الغدا : نفس المكتوب اعلاه
العصر:بخصوص الايسكريم ترا مامنه فايده سعرات عالفاضي لنفرض 200سعره مثلا...هذي ال200 لواخذناها من الفواكه افضل بكثير,
على سبيل المثال
تفاحه +برتقاله + موز ولن تصل لل200 كالوري حتى
العشا : لابد منه ....علبة زبادي قليل الدسم
و بالنسبه للرياضه انا امشي نص ساعه او ثلث ساعه
بس حبوب الاوكسي اليت تناسب الرياضيين صح ؟
من جذي انا خايفه استخدمهم ،، ابي اعرف الطريقه الصحيحه حق استخدامهم يعني شكثر العب رياضه و جم حبه اخذ و متى اخذ ؟
تم
و هل لازم اخذ فيتامينات معاهم و لا لأ ؟؟
نعم تلقين حبوب في الصيدليه اسمها دايناميزن حبه قبل الفطوريوميا
و هل عادي اشرب جاي اخضر بعد لاني ما اقدر اعيش بدونه ،، متعوده اشرب جاي اخضر ..
عادي لكن لايكون بعد الاكل مباشره يعني بعد الاكل بساعتين او ساعه على الاقل
و شكرا ،،، ;).....................


بالتوفيق