المساعد الشخصي الرقمي

مشاهدة النسخة كاملة : التخسيس واللياقة فما هي اسرع طريقه لإزالة الدهون من المناطق اللي ذكرتها


Abo SaiF
09-09-2010, 03:54 PM
السلام عليكم ورحمة الله وبركاته

أسعد الله مساءكم يا اعضاء المنتدى
وتقبل الله طاعتكم .. والعيد عليكم مبارك مقدماً

انا اخوكم جديد في هالمنتدى .. واتمنى القى الاجابه الشافيه لكل تساؤلاتي
ندخل في صلب الموضوع :

اول يوم رمضان كان وزني : 91 كيلو .. الطول : 170 .. نسبة الدهون : 30%
وبلشت رجيم حيث ان الفطور .. شوربه + رطب + كوب لبن خالي الدسم
وبين الفطور والسحور سلطة فواكه ..
والسحور توست أسمر + جبن قليل الدسم .. واحياناً برجر مشوي

وكنت ملتزم بالمشي + الهروله يومياً لمدة ساعه .. مسافة 5 كيلو

وامس في تاريخ 29 رمضان قست الوزن ونزلت لـ 83 كيلو ونسبـة الدهون : 28%

وحالياً ان شاء الله ناوي ادخل نادي صحــّـي .. وناوي ادخل عالم الحديد ..
ومازال فيه نسبة دهون في جسمي خصوصاً في منطقة الصدر + البطن + الارداف

فما هي اسرع طريقه لإزالة الدهون من المناطق اللي ذكرتها سابقاً .. مع العلم اني شريت لـيبو6
وناوي ابدا بعد العيد لكن ابي توجيهاتكم .. ونصايحكم وماهي التمارين والخطوات المطلوبه
وهل تنصحوني العب حديد الآن او بعد ماانحف اكثر
ووالله اني مندفع بقوه .. لكن مالقيت احد يوجهني ولاني عارف وش اسوي

والله يجزاكم كل خير .. واسمحوا لنا على الإطاله
Abo SaiF
09-09-2010, 08:49 PM
الله لا يسفهنا
.hamad.
09-09-2010, 08:57 PM
السلام عليك اخوي...
وبصراحة نزولك للوزن انجاز كبير الله يثبتك وتستمر واشوف لو تبلش مشي سريع وبعدين هرولة مع الدايت احسن .. واذا وصل وزنك 80 بلش حديد عشان يخف الضغط على مفاصلك وتكون اخف فالتمرين .. والله يوفقك .
Abo SaiF
09-09-2010, 09:26 PM
الله يجزاك خير يا اخوي حمد وماقصرت
وجعلها الله في ميزان حسناتك
DRtrainer
09-09-2010, 10:34 PM
استمر بالتنشيف ابدا تمارين حديد اوزان خفيفة واستمر لين توصل نسبة الدهون 18-16 % اهني بلش تضخيم وشيل اوزان ثقيلة, طبعا ضروري تزيد اكلك بمرحلة التضخيم.
back2glory
10-09-2010, 12:25 AM
لا تنسي السباحه مفييييدة لك ..
Aqili
10-09-2010, 01:24 AM
ما تقدر تستهدف فقدان الدهون في منطقه محدده بس عليك بالحديد اوزان خفيه و عدات كثير و عليك بالكارديو . و ممكن تجرب HIIT بيساعدك كثير في نقصان الوزن
الرمـادي
10-09-2010, 02:34 AM
السلام عليكم

اخوي كل عام وانت بخير،،،

افضل شي لك ومن واقع تجربة،،،،

أول شهر تلعب كارديو لمدة ساعة ونصف والشهر الثالث تدخل مع الكارديو حديد التمارين الشاملة للجسم علشان يشد جسمك. ويكون باوزان متوسطة وعدد حصص 3 وتكرار 12.

والليبو 6 تستعمله مع الكاريو بيكون مفعوله قوي معاه.

واضبط تغذيتك بحيث تقل الدهون والنشويات والسكريات وتزيد من نسبة البروتينات في غذائك.
Abo SaiF
10-09-2010, 02:21 PM
الله يجزاكم كل خير
يعني ما ابلش في الحديد الا بعد ثلاث اشهر من
الكارديو والسويدي .. طيب استفسار بسيط
هل فيه جدول للتمارين امشي عليه يكون منسق على طيلة ايام الاسبوع؟
او لازم كل يوم اتمرن على الكارديو + سويدي ؟
وشاكر لكم وماقصرتوا .. والله يجعلها في ميزان حسناتكم *
.hamad.
10-09-2010, 11:44 PM
اذا تلعب في صالة رياضية ... بعد الكارديو والسويدي خذلك لفه على الاجهزة بشكل عام بس بدون وزن وكل جهاز جلسة من 15 تكرار والله يوفقك وتوصل لهدفك ..
Leaner
11-09-2010, 12:03 AM
أتفق مع الأخ الرمادي

تخسيس ومن ثم حديد وبالتوفيق لك ان شاءالله :)