هل الترهل يروح مع الحديد وهل مستمر؟..بليز ساعدوني

[مخاوي الربع]

السلام عليكم ..

ماشاء الله الموقع اطور وااااااايد ..

عندي مشكله ..انا كنت متين ..كان وزني 157 ..والحين 98..طبعا نزلت بالمشي والرجيم للاسف ندمت اني ماكنت
مدخل الحديد ..الحمدلله صار للي صار..

فكرت في عمليه الشد ..ومرة شفت الكاتبن في الجم قالي كيف بتشل الترهل قلت له شد ..قالي مجنون ..لا تسوي وعطاني نصايح ..قال التزم بالحديد سنه وشوف النتيجة ..قال مثلا نكبر الصدر والكتاف البطن يخف..

الصراحة فكرت في كلامه ..خصوصا انه لو بسوي شد في الصيف القادم ..قلت خلني اجرب حظي..

لكن هل كلامه صح ...بقدر اشد جسمي كله بالحديد ؟؟ الترهل اللي مركز عليه صدر وبطن ..

وعندي سوال ثاني ..عقب مثلا سنين تركت الحديد لاي سبب..هل الجسم يرجع يترهل مثل الحين ..؟؟

اوكي على اساس اني خلاص شديت جسمي..كيف بحافظ عليه هل بستمر على الحديد بنفس الطريقة ولا اخف ولا بركز على الجري مثلا يحافظ..

يعني لو حد عنده فكر عن شد الجسم بالحديد يفيدني..لو في حد حاب يشوف الترهل ماعندي مانع لكن طبعا مب على العام لوول...براويه وابغيه يقول رايه

ارجوكم ساعدوني مب قادر استانس بالضعف الترهل مخرب عليه..

[Abo SaiF]

عليكم السلام ورحمة الله

الله يكون في العون .. والله ماعندي اي معلومه
لكن ان شاء الله الاخوان مايقصرون .. وراح يفيدونك
ويفيدونا بالشي هذا

تقبل تحياتي

[Aqili]

السلام عليكم ..

ماشاء الله الموقع اطور وااااااايد ..

عندي مشكله ..انا كنت متين ..كان وزني 157 ..والحين 98..طبعا نزلت بالمشي والرجيم للاسف ندمت اني ماكنت
مدخل الحديد ..الحمدلله صار للي صار..

مشاء الله عليك و للامام
فكرت في عمليه الشد ..ومرة شفت الكاتبن في الجم قالي كيف بتشل الترهل قلت له شد ..قالي مجنون ..لا تسوي وعطاني نصايح ..قال التزم بالحديد سنه وشوف النتيجة ..قال مثلا نكبر الصدر والكتاف البطن يخف..

لا تلجأ للحل الجراي الا في اخر شي ( كم عمرك )
الصراحة فكرت في كلامه ..خصوصا انه لو بسوي شد في الصيف القادم ..قلت خلني اجرب حظي..

لكن هل كلامه صح ...بقدر اشد جسمي كله بالحديد ؟؟ الترهل اللي مركز عليه صدر وبطن ..

الحديد يشد الجلد لانك يوم تبني عضلات تعبي مكان الدهون عضلات فيشد الجسم و بعد فتره ينقص الترهل لحد مايروح و يسير الجسم مشدود جدا
وشوف هذا لجا للجراحه :
http://bodyspace.bodybuilding.com/David630lbs/more.php?section=progresspics
و شوف هذ الرجال ما سوا جراحه بس استمر على التمرين
http://bodyspace.bodybuilding.com/cawiau/more.php?section=progresspics


بس اهم شي في موضوع الحديد انك تستمر و تواصل و انشاء الله بتوصل للنتايج الي تبغاها و زياده


وعندي سوال ثاني ..عقب مثلا سنين تركت الحديد لاي سبب..هل الجسم يرجع يترهل مثل الحين ..؟؟
و ليش توقف اصلا ؟؟؟ استمر افضلك بيني و بينك تحافظ على صحتك اهم شي في الحياه و انت عارف الامراض الوراثيه خصوصا في العرب . بس زي ما يقولو هل ممكن تشوف مزرعه تكون خضرا تقعد خضر لو ما اهتميت فيها و الجسم بنفس الطريقه

اوكي على اساس اني خلاص شديت جسمي..كيف بحافظ عليه هل بستمر على الحديد بنفس الطريقة ولا اخف ولا بركز على الجري مثلا يحافظ..

تقدر تحافظ على جسمك بعد ما توصل للمرحله الي تبغاها بالتمرين المتواصل على 3 مرات في الاسبوع او ممكن تسوي ضغط وعقله و تمارين بطن بس برضو كل هذا لا يغني عن الحديد ( لازم تواصل و لا توقف )
يعني لو حد عنده فكر عن شد الجسم بالحديد يفيدني..لو في حد حاب يشوف الترهل ماعندي مانع لكن طبعا مب على العام لوول...براويه وابغيه يقول رايه
في حدول تمرين للخ ابو راشد امشي عليه و بتستفيد انشاء الله
ارجوكم ساعدوني مب قادر استانس بالضعف الترهل مخرب عليه..


اتمنى اكون فدتك و انشاء الله الشباب يعطونك من خبراتهم و تستفيد و الى الامام

[THE CAST]

وعليكم السلام ورحمة الله وبركاته

انا كان وزني قريب من وزنك ماشالله والحمد لله تم القضاء على 90% من الترهلات وباقي شي بسيط في البطن والخواصر فقط
لاتخاف بتروح مع الوقت لكن عليك بالكارديو لمدة 45 دقيقه على الاقل يوميا مع دايت منتظم وحيتحسن وضعك كثير

اي استفسار تفضل


بالتوفيق

[مخاوي الربع]

وعليكم السلام ورحمة الله وبركاته

انا كان وزني قريب من وزنك ماشالله والحمد لله تم القضاء على 90% من الترهلات وباقي شي بسيط في البطن والخواصر فقط
لاتخاف بتروح مع الوقت لكن عليك بالكارديو لمدة 45 دقيقه على الاقل يوميا مع دايت منتظم وحيتحسن وضعك كثير

اي استفسار تفضل


بالتوفيق


هلا اخوي...

ما مشكور ..باذن الله بلتزم ويا المدرب وطرشت لك بع

[مخاوي الربع]

اتمنى اكون فدتك و انشاء الله الشباب يعطونك من خبراتهم و تستفيد و الى الامام


هلا اخوي..

عمري 22 سنه ..

خلاص ان شاء الله بستمر على الجم ويا الكتبن وبنشوف خطته كيف تمشي

[Heartbeat]

وعليكم السلام ورحمة الله

مشاءالله على الاراده

الاخوان ماقصروا بس انا بقولك شغله افضل شي سويته انك مالعبت حديد من البدايه
لأنك لو لاعب حديد ماقدرت تنزل كل هالوزن
دايم اللي يبي ينزل من وزنه اول شي سويدي وتمارين الكارديو ولما يوصل للوزن اللي يبيه
بعدها يدش حديد لأنك لو لعبت حديد راح يقل حماسك لأن الوزن ينزل بطيئ او يمكن يثبت بس
والرياضه تحميك من الترهل ب 70% فقط
في متخصصين يقولون ال 30% الباقيه ماتروح الا بجراحه وفي البض يقول تروح لكن بعد فتره بحدود
السنه او اقل شوي بس انت لو تلاحظ برنامج الخاسر الاكبر بدون عمليات جراحيه وبعد ماينزل وزنهم
ماتشوف ترهلات او ترهلات خفيفه اهم شي النظام الصحيح
بس انت ماذكرت جم طولك عشان نعرف اذا وصلت للوزن المثالي ولا بعد
وبالتوفيق ان شاءالله

[الرمـادي]

السلام عليكم

تمارين الكارديو وخاصة الغزالة لها مفعول قوية على الترهلات،،

وتمارين الشاملة باوزن متوسطة مع ثلاث حصص و تكرار عدد 3 راح تشد الجسم في فترة قياسية.. وهذي من واقع تجربة دامت 3 شهر.

[مخاوي الربع]

sport man

هلا اخوي.طولي 176 لا تقول المثالي 76 ..لانه مستحيل اوصل له

لو وصلت 85 -90 ..بس ..



الرمادي..

انا اتمرن لياقة وايد ..ببدء بالحديد من بعد العيد..

[ابو مهاا]

أخوي بصراحه عجبتني لما قلت انك مضبط نفسك ومجهز دورك اتوقع بالحكومي عشان العمليه !!
لانه انا اسف اني اقولها لك انا نزلت تقريبا 35 وكنت اللعب حديد من بعد مانزلت 10 كيلو كنت متين واللعب حديد خايف من الترهلات ولعبت !! حديد وسويدي وسباحه
وتغذيه ممتازه ومكملات لكن الترهلات حاليا فقط بالبطن السفلي والصدر السفلي ماقولك اني ماتعبت عشانها لا ولله الى تعبت وقضيت عليها وانا وصلت لوزني المثالي الحمد لله
لكن بما انك حاليا تعاني منها وانت باقيلك اساسا تقريبا 20-25 كيلو على المثالي فوق الي نزلته خذها من اخوك وانا اسف على هل كلمه
لازم عمليه !!! وماقول غير ماشاء الله عليك وعلى عزيمتك ولله وحش الله لا يضرك على المجهود الي سويته لكن انصحك امسك لك دور لين يجي وقت العمليه ونزل وزنك اكثر وترى عمليه بسيطه واثرها يخف ويروح تدريجي بعد سنه ممكن مايبين الى الي يلاحظه على الاقل افضل من شكل الترهل
وواصل ياوحش ولاتوقف

[مخاوي الربع]

أخوي بصراحه عجبتني لما قلت انك مضبط نفسك ومجهز دورك اتوقع بالحكومي عشان العمليه !!
لانه انا اسف اني اقولها لك انا نزلت تقريبا 35 وكنت اللعب حديد من بعد مانزلت 10 كيلو كنت متين واللعب حديد خايف من الترهلات ولعبت !! حديد وسويدي وسباحه
وتغذيه ممتازه ومكملات لكن الترهلات حاليا فقط بالبطن السفلي والصدر السفلي ماقولك اني ماتعبت عشانها لا ولله الى تعبت وقضيت عليها وانا وصلت لوزني المثالي الحمد لله
لكن بما انك حاليا تعاني منها وانت باقيلك اساسا تقريبا 20-25 كيلو على المثالي فوق الي نزلته خذها من اخوك وانا اسف على هل كلمه
لازم عمليه !!! وماقول غير ماشاء الله عليك وعلى عزيمتك ولله وحش الله لا يضرك على المجهود الي سويته لكن انصحك امسك لك دور لين يجي وقت العمليه ونزل وزنك اكثر وترى عمليه بسيطه واثرها يخف ويروح تدريجي بعد سنه ممكن مايبين الى الي يلاحظه على الاقل افضل من شكل الترهل
وواصل ياوحش ولاتوقف

هلا الغالي..

ما قصرت على كلمات المدح والتشجيع..

انته كنت تدرب تحت مدرب ؟؟ ولا روحك

انا ابغي اتجنب الحل الجراحي

[ابو مهاا]

ادرب بنادي وعندي مدرب خاص فيه
ومستمر حديد لكن قلت لك ان كان ترهل وجلد طايح تشوفه صعبه يشد وان شد بيطول يعني بقتره لايقل عن السنه الى السنتين وممكن اكثر
لكن العمليه ان كان الترهل واصل لمرحله قوييه
وانا افضل انك تضع صوره لأماكن الترهل حتى يشوفونها الاعضاء ونعطيك راينا

[مخاوي الربع]

ارسلت لك رسالة خاصة..اخوي..

[الامبـــراطور]

والله انا كنت مثلك كان وزني 111كغ وطولي 173سم وسويت رجيم قبل 7 سنوات ونزلت الى 71كغ بس ظهرت ترهلات في البطن والصدر
وجلس من وقتها 7 سنوات العب حديد ولاياقة والترهل ماراح بس انه خف لان العضل بدي يحل مكان الفراغ بس الجلد باقي اجزا واستخدمت كل شي عشان ازيلة طبيعي وللأسف ما راح
وللأسف سألت استشاري جلدية قال لابد من عملية ولكنه في نفس الوقت يقول الترهل الي عند مو بالشل الملحوظ لذالك لاتسوي عملية وتحمل الترهلات
يعني بأختصار إذا تبيه يختفي لازم عملية

[عشقي حديد]

في جهاز سمعت عنه بالمستشفايات الكبيره اسمه LPG ياخذ الشخص جلسات محدده ماتقارب من 12 الى 14 جلسه يوم بيوم قيمة الجلسه 150 البقج بـ 1500 الجهاز سمعت انه زي المكنسه الكهربائيه يسحب الجلد ويسوي مساج في ناس كثير مدحت وفي ناس تذم لكن احسن مافيه انه مافي تدخل جراحي مجرد مساج يحرك الدوره الدمويه ويصقل الجسم ويفتت كتل الدهون

[مخاوي الربع]

الامبراطور..مشكووور ما قصرت..


عشقي الحديد..

والله انا قريت عنه لكن تراه خدعة من الخدع العالميه

[عشقي حديد]

في ناس يقولون استفادو من الجهاز انا عن نفسي ماجربت تجربه شخصيه ولااعرف احد جربه لكن كلام ينقل بالمنتديات

[emarati9]

انا بعد نزلت 55 كيلو لين ما وصلت الوزن المثالي بس بعد ما كنت راضي من الترهل و فكرت اكثر من مره في العملية بس خفت و قلت نحن مب القوم اللي يتسدحون في البحر و علي هالاساس بس استمريت بالرياضة مع الدايت المعتدل مب الحرمان و الحمدلله و شكر له الترهل خف كثثثثثثثثثثثثثثثثثثثثير عن اول و ما يتلاحظ


نفس ما قالوا الاخوان خلك علي الرياضة و دايت معتدل لان جسمك يحتاج لكل شي عشان يبني من جديد


و عن نفسي اشووووف الترهل اهون من المتن فلا تفكر و استمر و ان شاء الله بتوصل للي تبيه


و اسمحلي علي التطويل بس حبيت احكي عن تجربتي


و اتمني لكم يوم سعيد

[نايف بن فهد]

مشاء الله تبارك الله عليك اخوي

نتائج اكثر من رائعه الله لا يضرك

من ناحيه شد الجلد مافيه شي اسمه مستحيل وانا اخوك

العمليات الجراحيه خلها اخر امل لك بس انت لازم تسوي اللي عليك

لازم تتعب عشان توصل للشي اللي انت تبيه

وفيه تجارب للاعضاء وبالصور تثبت كلامي

وهذا احد المواضيع لاحد الشباب

http://www.montada.com/showthread.php?t=674790

اطلع على الموضوع وشوف مشاء الله تبارك الله عليه

وفيه كذا عضو قدرو يوصلون لنفس المستوى


اخر شي اقوله لك اخوي مافيه شي مستحيل :)

والله يوفقك اخوي

[مخاوي الربع]

اماراتي 9 ...بالعكس نبا هاي القصص اللي تشجع ..مشكور وماقصرت..

نايف بن فهد ..الله يوفقك ومشكور علىا لموضوع ..

[أبــ قوشع ــو]

انا لست في معرفة الاخوان هنا لاكن من فترة معايشة بناء الاجسام 6 اشهر اقولك لا تسوي عملية...عليييييك بالجااااكوزي البارد يوميا وراح تدعي لي...يشد الجلد والجسم

[king of Compton]

عزيزي
الغلط كان في طريقة النزول الصاروخية سواء بسبب الحمية السيءة او التمرين الزائد عن اللزوم وهو شيء طبيعي مع الحماس لانقاس الوزن
المهم انا يا عزيزي عاينت حالات كتيرة جدا لمتدربين عندي في النادي و لا عمري نصحت بالعملية
ما عليك الا المتابرة في التمرين + ضبط جدول غدائي ممتاز + تمرن حديد كانك تريد دخول مسابقة بعد 6 اشهر
في نضري المتولضع ما يضر تستعمل بعض مكملات التنشيف + الاخد ببعض نصايح الاخوة
بالتوفيق يا بطل

[MR.key]

نتمنى من اللي الأشخاص اللي عانوا من الترهلات وراحت يقصون لنا تجاربهم ويا حبذا تكون مدعمة بالصور ..

يبقى السؤال: كيف تعرف تميز بين الترهل اللي يروح مع الرياضة واللي ما يروح؟

[مجرد شاطف]

الترهل بقايا جلد ، السويدي يخفف لك الترهل لكن تبقى قطعة جلد اخيرة ماتزول الا بعملية وهو جلد اسفل البطن .. اعرف واحد نشف وطلع له فور باق وعروقه برزت بس اسفل البطن ماراح مع العلم انه يهرول 7 كيلو يومياً وعلى العموم هي على وزنك اذا نازل كثير والترهل كبير ماتروح الا بعملية واذا خفيف شد حيلك وان شاء الله تختفي اثاره

[AZEEEZ69]

الترهل الي فيك مايروح بالحديد صدقني
كمية الوزن الي نزلتها حول ال 60 كيلو وين بتعوض مكانهم عضل ؟؟؟
مابقعد اتفلسف واعطيك نصايح وكلام معسول علشان ماتتعب سنة كامله وبالاخير ماتحصل نتيجة

سو العملية بعدين ابداء حديد