•●●•انطباعك ورأيك بعد تجربةpes2011•●●•

[dely10]

السلام عليكم ورحمة الله وبركاته

http://s1.directupload.net/images/100914/ksyt4vmx.jpg

مبروووك عليكم نزول الديمو
وعقبال النسخة النهائيه
يالله >خذلك تصبيرة ...وجرب الديمو<:biggthump
مابقى شي على اللعبه:)
^^^^
يالله
كل واحد يقول لنا رايه بعد تجربه الديمو
من سلبيات+
وايجابيات -

******

[Qassom]

ديمو ال PS3 الحين على اي سيرفر ؟

عالامريكي او الاوروبي ؟؟

[joker_zambrotta]

اللعبه حلوة والحين تحس انك تلعب الدوريالياباني :)

[devante]

شى يفشل ولو تسكر الأستوديو احسن ل konami لان اللعبه هذي كانت اسطوره والثلاث سنوات الاخيره من سيء الي الاسوء

[رون9لدو]

صبحكم الله بالخير يالربع :)

توني لعبت اول مباراة لي بديمو ( WE 2011 ) .

اللعبة حلوة والله و تحرك اللاعبين فيها عجيييب ، انا سرعت اللعب و خليته على الـ 1+ بوجهة نظري احسن من الـ 2+ :)

اتوقع الشي الخايس و السلبية الوحيدة اللي شفتها الشوتات !!

جنك قاعد تشوت تفاخية :\

يريت يعدلون الشوتات

[رون9لدو]

اجواء اللعبة بعد مو شي ، الجمهور ما يحمسك :@
تلعب و تشوت و تركض و الجمهور نايم :\

السلبيات اللي اشوفها :
1 - الجمهور
2 - الكرة
3 - الشوت او التسديد

[dely10]

رونالدو الديمو مركزين على الغيم بلي و من جذي الأجواء ناقصه



شى يفشل ولو تسكر الأستوديو احسن ل konami لان اللعبه هذي كانت اسطوره والثلاث سنوات الاخيره من سيء الي الاسوء



بالعكس الكل اعجبه التغير اللي حدث ووايد قالو انه افضل وليس اسوء ...

[رون9لدو]

^ ^ ^

اللعبة من ناحية افضل اي نعم افضل من الجزء السابق ، بس هم فيها عيوب و ماكو شي كامل :)

بالطريج بعد نزلت ديمو فيفا 2011 اللعبة افضل من جزء 2010 و اللعب فيها حلو الصراحة ، لكن ماكو شي يقنعني غير الدوري الياباني

[SoZu]

لما نزلت 2010 ولعبتها قلت ان اللعبة ماعجبتني و مع مرور الايام تعودنا عليها و صارت حالها حال الاجزاء اللي قبلها .. بس لمن جربت 2011 امس عجبتني واللعب كان روعه .. ولاتنسون يا شباب ترى هذا ديمو يعني مافيه كل شي كامل .. اللي يقولي الكرة و صوت الجمهور والحماس .. انتظرو النسخة الكاملة وانشالله بتلقون اللي يعجبكم .. و على الانتقالات والامور الطفيفة فا الابديت راح يحل هالشي .. :)

[dely10]

حدي متحمس ابي اللعبه النهائيه ابي اسوي فرق بالماستر ليغ

[Qassom]

اللعبة رائعة وقريبة للواقع

بس عندي سؤال هل بالنسخة النهائية ممكن يكون فيها تعديل اكثر من ناحية تسديد الكرة مثلا ؟؟

لان صراحة التسديد ضعيف وحتى الكاميرا يبيلنا وقت حتى نتعود عليها

بس لحد الان انطباع جيد جدا وشكلها بتكون اسطورة بس طبعا لازمها وقت حتى الشباب يتعودوا على التغييرات الجديدة

[dely10]

ايي في مجال يقدرون
وعن الكامرة تقدر تغيرها وتخليها العادية

[Qassom]

شلون اخلي الكاميرا عادية ؟؟؟

[dely10]

^^^
سهله مايبيلها شي
وانت تلعب اضغط ستارت وبالسنغ راح تلقاها

[shark002]

السلام عليكم جميعا

بعد التجربة على جهاز xbox360
اصبحت مذهول بلعبة جميله جدا
صحيح ان اللعبة تحتاج الى تأقلم خصوصا طريقة التمرير الجديده
ولكنها روعة

وفكرة المهارات ممتازه وسلة جدا
الجرافيكس ممتاز جدا

ربما هناك اشخاص لاتعجبهم اللعبة لكن بنسبة لي اللعبة متقدمة جدا
واقدر اقول ان ملكة كرة القدم بيس
لقد عادت من جديد
فورزا pes :)

[MK23]

بعض النقاط بعد تجربة الديمو الي استغرق تنزيله حوالي 11 ساعه :
1- اللعبه تغيرت كبيير تحس انك اول مره تلعب PES
..
2- الرميات : افضل من الجزء الماضي بكثير عجبتني صراحه
3- الركنيات : ما تغيرت وايد لكن اصبحت اسهل
4- الفاولات : احسها اسهل سجل هدف وكرتين خطيرات
5- البلنتيات : ما تغيرت وايد
..
6- التمريرات رووعه بس تحتاج تدريب بسيط عليها
7- التسديدات اي شي غير واقعيه ابدا اتمنى ان تكون في التحديث افضل
8- الحكم على اي لمسه فاول
9- التصوير جميل ويحمسك للعب
10 - الجماهير محبطه نسبيا وتحتاج لتطوير
.....
الجماهير + الحكم + التسديدات اهم شي يحتاج لتعديل
..
سؤال ميسي من متى شويت فاولات هو 83 و تشافي 81 مو معقول
....
بختصار افضل من الجزء السابق وتستحق الشراء

[elsabie]

يا جماعه فى مشكله فى التسديد مش ممكن كل حاجه كويسه الا الشوط ولعيب زى ابراهيموفيش ومعروف شوطه 98 ازاى تطلع كده

[تشلساوي للابد]

ياجماعه اشلون طريقة حركات اللاعبين التعدية انا اللي عرفته انك اتضيف الحركه اللي تبيها بس اشلون اسويها

[LGS1]

السلام عليكم

اكثر شيئ ماعجبني في الديمو ان اي احتكاك بسيط فاول على طول

[dely10]

ياجماعه اشلون طريقة حركات اللاعبين التعدية انا اللي عرفته انك اتضيف الحركه اللي تبيها بس اشلون اسويها

طريقة المراوغات مثل الفيفا تضغط R2+ عصى الأونلوج اللي عاليمين

[dely10]

يا جماعه فى مشكله فى التسديد مش ممكن كل حاجه كويسه الا الشوط ولعيب زى ابراهيموفيش ومعروف شوطه 98 ازاى تطلع كده

اخوي الواقعيه زادت باللعبه يعني مو من اي زاويه تسدد عالمرمى اذا كان لاعب بوضعيه تسمحله يشووت قوي يشوت ويفجر الحارس بعد
العب أكثر علشان تعرف شقصد

[تشلساوي للابد]

مشكور اخوي
بصراحة اللعبة روعه بس اكيد مافي لعبة كامله انا اول شي ماعجبني بالشوتات بس بعدين صارت الشوتات احلى شي بالشريط
عندي سؤال لاهل الخبره هل اطقم الاندية الانكليزي متوفره بهذا الجزء ولا لأ

[HaLa MaDrId]

اهلين اخوي ديلي
ممكن تعطينا انطباعك الكامل عن اللعبة, لاني سمعت ان اللعبة سيئة جدا ومن اسوء الاجزاء مع بطئ شديد وتعقيد في اللعب وحتى الرسوم هناك من يقول عن الفيفا انها افضل منها

[kaka 777]

يعطيك العافيه اخوي ديلي على فتح الموضوع الجميل

لي رجعه لما العب الديمو لاني للحين ماجربته

[pheno9]

والله شكل اللعبه توووب ..
انا الى الحين ما جربت الديمو توه 34%
الليله ان شاء الله بآجربه ..
بس اشوف اكثر الانطباعات يقولون سيئه وهذا الي يخليني اتفآئل ان اللعبه رائعه
مثل ما قال الاخ ديلي
التسديد مو من اي مكان ! ههههه

[MK23]

طريقة المراوغات مثل الفيفا تضغط R2+ عصى الأونلوج اللي عاليمين

؟؟؟
متاكد
انا عندي L1
عموما تقدر تغير الحركات هذه من التشكيله وتسوي الي يعجبك
صراحه هذي من اهم المميزات

[MK23]

طريقة المراوغات مثل الفيفا تضغط R2+ عصى الأونلوج اللي عاليمين

؟؟؟
متاكد
انا عندي L1
عموما تقدر تغير الحركات هذه من التشكيله وتسوي الي يعجبك
صراحه هذي من اهم المميزات
في حركه اسمها Rainbow Flick
رووووعه

[MK23]

شباب اكتشفت شي بس مو متاكد
الشوته القوية L2+مربع
جربوا عندكم

[dely10]

؟؟؟
متاكد
انا عندي L1
عموما تقدر تغير الحركات هذه من التشكيله وتسوي الي يعجبك
صراحه هذي من اهم المميزات
في حركه اسمها Rainbow Flick
رووووعه

عفواً صح كلامك ^___^"

[dely10]

اهلين اخوي ديلي
ممكن تعطينا انطباعك الكامل عن اللعبة, لاني سمعت ان اللعبة سيئة جدا ومن اسوء الاجزاء مع بطئ شديد وتعقيد في اللعب وحتى الرسوم هناك من يقول عن الفيفا انها افضل منها

بالعكس هذا أحس جزء بالجيل هذا طريقة اللعب أصبحت أكثر واقعيه واللعب يعتمد على اللعب الجماعي لا على لاعب سوبر واحد
وعن الرسوم كونامي معروفه لاغبار عليها أفضل لعبه رياضيه تضبط وجوه الاعبين وهل الكلام من عشاق الفيفا ايضا(وحاليا الفيفا قاعد تنافس pes بهالشي)
أنا جربت pes و وننغ الفن وجربت كل الافرقه ولاحظت التطور اللي اعتبره جذري باللعبه التحكم صار أحلى وممتع و360 حيل واضحه تتيح لك الحريه بالتحكم والباصات والشوت
طبعا مافي شي كامل >>> اللي ماعجبني بالديمو الجماهير حيل جامدين بس ما اعتقد هذا حال الجماهير بالنسخة النهائيه كما علمنا ان كونامي اضافت 1000حركه جديده
واللي ما عجبني الجرافكس في نظري أصبح اقل من جزء 2010 >>> يمكن أكون غلطان!!!
بس اللعبه ككل حلو وفيهل تغيير ولا ننسي الاون لاين شكله بيعطي اللعبه اضافه قويه وبطيل عمر اللعبه..

[dely10]

يعطيك العافيه اخوي ديلي على فتح الموضوع الجميل

لي رجعه لما العب الديمو لاني للحين ماجربته

جرب الديمو وعطنا رايك


والله شكل اللعبه توووب ..
انا الى الحين ما جربت الديمو توه 34%
الليله ان شاء الله بآجربه ..
بس اشوف اكثر الانطباعات يقولون سيئه وهذا الي يخليني اتفآئل ان اللعبه رائعه
مثل ما قال الاخ ديلي
التسديد مو من اي مكان ! ههههه

التسديد صعب ساعات اسدد كرات قويه وخاصته اذا ركزت بالمكان
وساعات اشوت شوتات عشوائيه ومن اماكن كنا نشوت فيها بالاجزاء السابقه وتيي غووول بس بهالجزء صعبه

جرب الديمو وعطنا انطباعه



في ناس وايد باليوتيوب يايبين اهداف من شوتات قويه ومن بعيد

[Tockuchi]

عفواً صح كلامك ^___^"
اثنينكم صح , بس في فرق , الL1 هي للحركات إلي انت تحطها , أما الR2 للحركات إلي ما تقدر تغيرها و يتكون موجودة و ما تنشال مثل الحركات الموجودة في الجزء القديم
بالنسبة لي أشوف انهم بالغوا في سالفة انك ما تعدي إلا بصعوبة لأن مش معقولة أبيدال و بويول يجارون سرعة روبين و ريبيري و ساعات يكونون أسرع من روبين و ريبيري! , شكلها معتمدة على الحركات بشكل قوي عشان تقدر تطوف اللاعبين , أنصح بوضع حركة الRoulette و بعدها Front Flick , مفيدة جدا ^^ , اللعبة أحسن من قبل في كثير من الأشياء , حدي ناطر الBecome a Legend و الMaster League ^,^ , أشوفها أحسن جزء بالسلسلة على أجهزة الجيل الجديد

[pheno9]

والله من كلامكم !
ان التمرير توووب
التمرير اهم شئ عندي باللعبه ..
استمتع بالتمريرات ..
وكلامكم ان الدفاع قوي ولا فيه مهاجم يقدر يمر !
هذا راح تتعودووون عليه
مثل الجزء السابق قلنا الدفاع قوي وبعد ما تعودنا صار سهل
وبالنسبه للجرافيكس اشوف انه ما تطور كثير عن الجزء السابق .. !

انا الحين 66% تــوه
الليل الساعه 11 ان شاء الله بيكون جاهز

وبآقـول لكم رآيي بعد سـآعه من تجربتي للعبه ..

[HABSI STYLE]

بصراحه PES2011 جباره
ابدعت كونامي بهذا الاصدار
من اول امس وانا العب كله انهزم قبل شوي
بس فزت ع برشلونه 2-1
العب ببايرن
اناطباعتي
الايجيابيات
متعه بالتمريرات تحتاج تعود اكثر
الاحتكاك بين اللعبين اعتقد ممتاز جداً جداً
ذكاء الكمبيوتر مميز جداً لانه صعب كثير
الخطط اعتقد انه ينقصه بعض الاشياء كانت موجوده بالسابق لانها تخدم التحركات
لكن مميزه لانى اول كنت العب بدون خطه وكنت انهزم بالاربعه وبعدها صرت اعطي اوامر وصرت اتعادل
والحين فزت لانى اعتقد انى ضبط الخطه بشكل جيد واوامر التحراكات . بس بعهدنتى اقول ينقصه بعض الاشياء الصغيره.
الجرافكس يحتاج تعديل بسيط اللي اقصد في الجرافكس هو صورة اللعبين فيها شواب من الاطراف في الاعادة تظهر
واتوقع النسخه النهائيه راح يتم تعديل. بشكل عام الجرافكس ممتاز

التسديد جيد بس يحتاج تعديل شوي
الحارس لاباس فيه .

السلبيات
الحارس يحتاج تعديل
التسديد يحتاج تعديل
الخطط تحتاج اضافه بسيطه
وهي اوامر لكل لعب منفرد مو كمجموعه يعنى لعب واحد تعطيه اوامر بالتقدم او التاخر.

بصراحه ابدعة كونامي وكلمة حق تقال انه لعبة مميزه جداً جداً
وان شاءالله مع النسخه النهائيه راح نستمتع.
تقيمي : 9.0 من 10

Engineered For Freedom

[elsabie]

يا شباب جربوا الضغط على L2 ثم الضغط على R3 فى نفس الوقت اقصد الزارع الايمن للداخل يسوى حركه RAINBOW
التشميسه وفى حركات كتير لو فضلت ثابت على L2 مع تحريك الازارع الايمن R3 جربوا وقولولى

[sergio ramos23]

انا عجبتني بس الي يفرق معاي هو الأون لاين الأن فيه ميزة حلوه والي هي ماستر ليغ اون لاين يعني خذ تنافس كبير
بس في مشكلتين الأولى اون لاين يعني مو مثل 2010 سئ بصورة خيالية يعني لاق وهالسوالف
الشي الثاني نصيحه اخذو ريجن اوروبي يعني كونامي توهق ترى مثل ماحصل مع ميتل غير فا الأنتباه واجب

[Tockuchi]

يا شباب جربوا الضغط على L2 ثم الضغط على R3 فى نفس الوقت اقصد الزارع الايمن للداخل يسوى حركه RAINBOW
التشميسه وفى حركات كتير لو فضلت ثابت على L2 مع تحريك الازارع الايمن R3 جربوا وقولولى
يوتيوب يقدر يفيدك و يفيد الأعضاء لأن في ناس تشرحلك كيف تسوي الحركات ^^

انا عجبتني بس الي يفرق معاي هو الأون لاين الأن فيه ميزة حلوه والي هي ماستر ليغ اون لاين يعني خذ تنافس كبير
بس في مشكلتين الأولى اون لاين يعني مو مثل 2010 سئ بصورة خيالية يعني لاق وهالسوالف
الشي الثاني نصيحه اخذو ريجن اوروبي يعني كونامي توهق ترى مثل ماحصل مع ميتل غير فا الأنتباه واجب
ما يحتاج أكيد الكل بيشتري النسخة الآوروبية كونها أول نسخة تنزل و شكرا على النصيحة ^^

[Tockuchi]

هدف متواضع مني سجلته اليوم ^^

T0NxQ_0l10g

[kaka 777]

اليوم جربت الديمو ولعبت فيه حوالي خمس مباريات

اذكر الايجابيات

1-طريقة العب تغيرت 180 درجه
2- التمريرات صارت افضل واصعب يعني تقدر تحط التمريره بي مكان تبيه
3 -الجرافكس كنت قبل اعتقد انه نزل مستواه عن الجزء السابق بس الي شفته ان الجرافيكس صاير قوي حيل
4- الخطط صارت اسهل جدا
5-الحارس جيد
6- الدفاع ممتاز
7- كامرة التصوير صارت افضل وواقعيه افضل

السلبيات

1- الاعب يتنح مرات يعني تعطيه الكوره وتضغط r1 مايركض على طول
2- لما تجيه كوره ويسكن مرات تروح بعيده عنه
3-اصوات الجماهير مو واقعيه
4- لما تلعب كوره عاليه ويكون الاعب منفرد معا الحارس وانت تكون ضاغط على المربع مايشوت الكوره بسرعه وهذا الخطأ بالعب ذبحني


تقييمي للعبه اعطيها 9 \10

بصراحه اشوف ان كونامي فعلتها العبه ممتعه حيل معا انها مو الاصدار الكامل كل شي تحسن وتطور وتحس بواقعيه لما تلعب اشوف ان كونامي سوتها ها السنه وراح تكون منافسه لفيفا بقوه

اعتقد ان بيس عادت

[pheno9]

شبـآب !
حملت الديمو PES2011
يوم جيت اسويله آنتسل ..
وصل الى 14% ويقولي غلط . . !

[dely10]

^^^^
في خلل وأنت تحمل الديمو
والظاهر سرعتك حيل بطيئه أدت الى قطع البيانات اثناء التحميل
نصيحة اذا تبي تمل ديمو حمله الفجر أو الصبح

[Gol234]

يعطيك العافية.


المميزات:
1- التمرير، رائع جــــــــــــدًا، بل احترافي.
2- نسبيًا.. غيم بلي رائع، وبالطبع هو مختلف جدًا عن أي جزء سابق، أو أي لعبة أخرى.
3- وقت اللعب في الديمو، ممتاز ويتيح لك فرص التجريب، عكس الفيفا.
4- الغرافيكس.

السلبيات:
1- الكاميرا.
2- الجماهير.
3- ما لاحظت وجود معلق.
4- نمط اللعب غير إيجابي أبدًا، يعني كالإعادات وكثرتها، وأشعر أن الجو بارد وغير حماسي.
5- لا يوجد سوى فريقين! عكس الفيفا.


التقييم النهائي:
5.5\10

أخيرًا:
أعتقد، لو لعبت مباريات أكثر بطلع إيجابية وحدة، وعدة سلبيات.
اللعبة في وجهة نظري، ومع أنها جاءت لنا بأسلوب مغاير، ولكن لا تستحق الشراء.
وشخصيًا، وكعاشق للعبة منذ الأجزاء الأولى على جهاز سيجا، أعطيت اللعبة أكثر من فرصة،
إلا أن مطوريها فشلوا في مجاراة منافستهم، وبالتالي سأقول.. وداعًا PES.

[Mr.RaShEd Q8]

السلام عليكم ..

اليوم نتزل الديمو و لعبت تقريبآ 4 مباريات

الإيجابيات :

1- التمرير رآئع و يقدر ينقل الفكرة الي براسك للملعب ( بس يحتاج وقت تتعود عليه )
2- الفاول صار واقعي و حلو .
3- المهارات .
4- التماس .
5- الملعب و الجمهور ممتاز .
6- تطور الحارس .

السلبيات :

1- التسديد من بعد سيء .
2- الخطة مغيرينها 180 درجة و صايره معقده ( أن شاء الله نشوف موضوع يشرح قوائم الخطة )
و في بعد أشياء بسيط أن شاء الله تتعدل في النسخة النهائية .

____________


تقييمي 8/10 و اللعبة في الطريقة الصحيح .

[dely10]

التقييم النهائي:
5.5\10
لووووووول ماتنفع تقيم
حدك ظلمتها؟!!!
اللعبه بأجزائها السيئه ماوصلت 5 @_@


5- لا يوجد سوى فريقين! عكس الفيفا. لا تقارن ديمو pes بفيفا هذا الموضوع عن رأيك بالديموpes فقط
لوبتصير مقارنه بالديمو اقدر اقولك ديمو 10pes دقايق واكثر من الفيفا !!!! بس هذا لايعقل ومو مقارنه
يا شباب الحكم على اللعبه من الديمو غلط
شلون تحكم مافي معلق واللعبه النهائيه فيها !!
شلون تحكم بعدد الافرقه واللعبه النهائيه فيها العديد من الافرقه ومنتخبات!!!
الكامره >>>>قلنا تقدر تغيرها


بالاخير هذا رايك ونحترمه بس سلبياتك وانتقاداتك مردود عليها

[Gol234]

أوكي، السموحة وبحذف مشاركتي بعد،
للعلم أنا والله من عشاق PES لكن هذا رأيي المجرد،
ثم أنا انتقادي على الديمو اللي قدام عيني فقط،
ولو تلاحظ إني صحيح انتقدت مسألة الفريقين، لكن مدحت مسألة وقت اللعب الطويل،
وفي النهاية لو دخلت قلبي بتعرف أنا قلبي أساسا مع من، هذه PES هي الأساس والله، لكن للأسف مستواها،
وتقييمي النهائي 5.5 فيا أخي هذا رأيي، والمفروض لكل واحد رأيه، خصوصًا إني وضعت أسبابي،


بالاخير هذا رايك ونحترمه بس سلبياتك وانتقاداتك مردود عليها
يا أخي كيف يعني مردود عليها؟ إذا كان مبدأ الرأي والرأي الآخر يعتمد على أن لكل طرف رأيه،
يعني مو من حق أحد يصادر رأي شخص ثاني أبدًا، وإلا ضع ملاحظة: اللي ما يعجبني رده مردود عليه وبينحذف.

سلام والسموحة.

(ملاحظة: ما قدرت أحذف الرد، لذا أطالب المشرفين بحذفه).

[MrSony]

أنا لعبت الديمو والمستوى TOP PLAYER يعني اصعب شي
وسجلت هدف جان زين ما سجلته

والله ابتلشنا
http://www.m5zn.com/ddl.php?download_code=091710040909ybwwl0kes (http://www.m5zn.com/ddl.php?download_code=091710040909ybwwl0kes)

[elsabie]

يا شباب بصراحه اللعبه هايله جدا واحلى جزء شوفته بس انا اكتر حاجه مضايقنى موضوع الشوت ده وان شاء الله يتحل بس فيه مشكله تانيه body balance المفروض واحد زى ابراهيموفيتش ازاى اى حد لما يلتحم معه يوقعه عادى وياخد الكوره بعكس الاجزاء السابقه
كان فى حساب للbody balance لكل للاعب لكن فى هذا الجزء ما يفرض الbody balance لاى لاعب على الاخر بعد التجربه اكتر من مره بس برده اديها 9.5 وده تقييم بس لو اتحلت المشكلتلين دول تبقى 100 100 وكمان حته كل لمسه فاول رخمه اوى بتعطل اللعب اظن البرو خدتها من الفيفا وياريتها ما خدتها

[dely10]

اخوي الغالي Gol234 (http://www.montada.com/member.php?u=523073) ترى ماحصل الا الخير عادي افا عليك ماله داعي تمسح ردك
هاذي وجهت نظرك واحترمها :)
لا تفهمني غلط يالحبيب >>>> ترى ساعات الكلام الكتابي ينفهم غلط
والنعم فيك ياخوي ومن حق تعبرعن رأيك

والله كنت قاعد اناقشك بس والله بالعكس اقصاها لعبه يمكن تعجبني وما تعجيك!!

وما حصل الا الخير يالغالي ^____^

[pheno9]

بعد تجربتي للديمو .. PES2011
لعبت حوالي 5 مباريات ..
فزت في مباريتين ووحده منهم فزت 5-1 فيا سجل هاتريك ..
بس اللعبه تغيرت حييييييييييييل ..
والله هذا اللعبه الي ابغاها ..
الحريه في التمرير والمراوغه وكل شئ ..
افضل لاعب والي بالنسبه لي سوبر والله
آنيستا
ماحد يقدر يقطعها منه
لما يقرب منك المدافع اظغط R2 ويغير الجهه على طول راح تاخذا فاول .. او راح تمر منه
بصراحه الشئ الوحيد الي ما عجبني التسديد
مع اني اتوقع ان لو اتعود عليه راح اعرف اسدد بقوه
لان مستحيل تصير اللعبه كذآ تسديد ضعيف ؟!
بالنسبه للصعوبه والله صارت عندي سهله كل مباراه 2 -0 او 3-1
لـ هذا السبب راح انطر WE وصعوبه الـ Super Star
وبالنسبه لـ التحكيم والله يقهر
اي لمسه فاول
؟!
تقيمي لـ اللعبه 9.0
لانها سهله جدا .. واذا راح نلعب اللعبه كامله بـ هالصعوبه والله ما فيه متعه !

[mansooooor]

^

ياطويل العمر تفوز على الكمبيوتر اوكي ..

بس لو تلعب معي صدقني تطلع مهزوم اقل شي 4

[pheno9]

انا اتكلم عن الكمبيوتر ..
لاني بآلعب مـآستر ليج وبالعب بيكوم اليجند وبآلعب دوري الابطال
راح ازهق لانه سهل يعني 3 سنوات في الماستر ليج وتزهق
اما اذا كان الكمبيوتر اصعب
فيه حماس شوي
فهمتني

[RONALDO9999999]

السلام عليكم

اخواني عندي مشكلة كبيرة .. انا ما حصلت الديمو في الستور وو تعبت وو انا ادور وو جهازي امريكي .. ارجو منكم المساعدة نبغى نفرح زيكم ..
AZIZ

[dely10]

^^^
بأي ستور قاعد تبحث؟


حط اب search >>>> حثس 2011 وراح يطلعلك

[Madridi 10]

السلام عليكم

شباب حبيت ابدي رايي بخصوص الديمو 2011

بصراحة وانا اقولها ( كعاشق سابق للسلسلة ) اخيراً بترد كونامي لمركزها الاصلي وهو الصدارة في العاب كرة القدم

وانا اقول هالكلام بحكم تجربتي لكل اشرطة كرة القدم واشهرهم فيفا والبرو وصراحة من خذيت البلاي ستيشن 3 لعبت برو 2008

شهر وكرهته عقبها حولت على الفيفا ( اللي تعتبر منافسه لها ) ومن يومها مالعبت غير الفيفا وكل مادخل على هالمنتدى اشوف انبطاعتكم

عن 2009 و 2010 يصيبني احباط وارد اكمل على الفيفا ( لاتغركم مشاراكاتي تراني متابعكم من 2003 :) ) وانا صراحة مايضرني العب اي شريط

ومو متعصب مثل بعض الناس بالعكس المنافسه بين EA و Konami تصب في مصلحتنا بس للاسف بعض الناس التعصب اعماهم عن روعة فيفا

بس انا مابي اتعمق بهالموضوع ( عقب شنو :) ) انا اللي حاب اقوله اني قبل شوي انتهيت من تحميل الديمو <<<< تو الناس

و والله لو تشوفوني وانا العب تقولون مجنون لأني من زمان مالعبت البرو وانا مبتسم تخيلوا ياشباب بروحي والله وقاعد العبها وانا اضحك

يعني اللعبة بصراحة تطورة بشكل كبييييييير وصارت سلسة و واقعية وخصوصا التمريرات روووووووعه

وعلى الرغم مافي الا ( اكره فريقين عندي ) :( برشلون والبايرن بس والله استمعت وماصدقت العب مباراة وحدة وعلى طول دخلت المنتدى

علشان ابشر الاعضاء اللي ماجربها واقولهم ان Pro evolution soccer راح تعود للقمة

وناطرين النسخة الكاملة على نااااااااار .

و بس :)

[MK23]

^^^
بأي ستور قاعد تبحث؟


حط اب search >>>> حثس 2011 وراح يطلعلك
قصدك PES 2011 :silly:
خخ(&)(&)

[dely10]

^^
اي نعم كنت مستعجل

[sergio ramos23]

يا شباب محد عند خير أن اونلاين تعدل عن 2010 ولالا ..؟؟

[dely10]

اي عدلوه اللي جربو البيتا عطو انطباع حلو عن الاونلاين

[sergio ramos23]

الله يسمع منك وانا شخص بلاي ستيشن من غير اون لاين ولا شي عندي :)
خصوصا كورة يعني تمام
تسلم ديلي على الرد :)

[Q8BoY]

لعبه روعه بصراحه وجديده بالكامل
طريقة اللعب والمينيو
والحركات الجديده والتصوير

وربما العيوب اللي اذكروها الشباب راح تختفي بالنسخه الكامله

بس ودي اعرف موعد نزولها متى

[dely10]

^^^^
آخر الشهر النسخة ان شاء الله

[1NTER]

متى تنزل في الكويت؟

[dely10]

^^^^
تاريخ 30-9>>>>> اعتقد بتكون الاوربيه اللي فيها لغة(اسبانيه-فرنسيه-ايطاليه-برتفاليه-المانيه)
اما النسخة اللي فيها انجليزي را تنزل اوائل شهر 10

[mo akthr]

يا اخواني تراني تعبت :)

امس اشتركت بـ PLUS

علشان انزل الديمو .. قطيت 55 دولار اشتراك PLUS سنه كامله
ومالقيتها

شباب انا ستوري أمريكي :)

[mo akthr]

كتبت PES 2011

ولا طلع شي طبعا سويت سيرج عن طريق الـبلس ..!

وين اسوي يا شباب :)

[footballbrazil]

الديمو الان free اكتب في ( PES 2011 ( search انشالله بتلقاه :biggthump

تأكد ان اكاونتك UK او اوروبي

[mo akthr]

اخوي اقولك أمريكي ..!

us

[رون9لدو]

اخوي اقولك أمريكي ..!

us


اللعبة نازلة على الستور الياباني و الاوربي فقط

[kaka 777]

اخوي سو عضويه عاديه بريطانيه او اوربيه ترا ابلاش وطريقتها سهله اذا ماتعرف شلون اتسوي اكاونت دش يوتوب وشوف الطريقه

[footballbrazil]

اللعبه موجوده في الاستور الاوربي والبريطاني فقط

winning eleven في الاستور اليابني

وكلهم free

[Tockuchi]

^^^^
تاريخ 30-9>>>>> اعتقد بتكون الاوربيه اللي فيها لغة(اسبانيه-فرنسيه-ايطاليه-برتفاليه-المانيه)
اما النسخة اللي فيها انجليزي را تنزل اوائل شهر 10
أول مره أسمع عن هالنسخة , و النسخة موجودة للي مهكرين جهازهم
ناطر اللعبة على أحر من الجمر