المساعد الشخصي الرقمي

مشاهدة النسخة كاملة : كمال الاجسام إستفسارات بخصوص مشروع تنشيف



asoomy
15-09-2010, 07:17 PM
السلام عليكم ورحمة الله وبركاته


كل عام وإنتم بخير ومن العايدين قبل الزحمه <<< سلامات


أخواني الصراحه أشكركم على كل مجهوداتكم في هذا المنتدى أستفد الكثير الكثير الكثير وكل يوم أستفيد أكثر وأكثر وماشاء الله أبدا ما تقصروا معايه




أنا حاليا كملت سنه كامله في الحديد


بديت في الرياضه وكان وزني 85 ونزل ليين 75 وبديت بعدها تضخيم ووصل إلى الأن 83.5 لكن للأسف ماني عارف كم نسبة الدهون في جسمي


مع إنو يبان على جسمي إنه مقسم بس على خفيييييييييف جدا يعني لمن أشد العضلات


وأبغا أدخل في مرحلة التنشيف


إستفساري يا أخواني


لمن أنشف هل راح أخسر كثير ,, بمعنى أخر هل راح أنحف لدرجة إنو يسير جسمي ما يبان عليه إني كنت ألعب حديد



أنا أبغى جسمي يكون زي جسم هذا الطيب 330678



هل راح أوصل لهذا الجسم ولا راح أخسر كثير لدرجة إنوو تكون عضلاتي أصغر من كذا بكثيرر .


وللمعلوميه أنا أطمح بجسم ضخامه يعني نفسي في عضلات أكبر من كذا . لكن أنا عادة أسافر في عيد الأضحى يعني بعد شهرين , وحبيت أسافر ويكون جسمي حلو ومرتب . وإنشاء الله أول ما أرجع أكمل في الضخامه


هل هاذي المده( شهرين ) تكفي إني أوصل لهذا الجسم إلي فوق .. أو أحتاج أكثر



التنشيف تجربة جديده بالنسبه لي ,, ومن يوم ما دخلت النادي وأنا أضخم , هاذي أول مره أبدأ فيها بالتنشيف أتمنى المساعده من الأعضاء


أولا أبغا جدول غذائي ممتاز للتنشيف .. أعرف إن العضو (ذا كاست) ما راح يقصر راح يحطلي جدول متكامل لكن أحس الجدول مكلف نوعا ما ... بعدين في شي ماني عارفو في أغلب الجداول إلي تنحط , إيش هوا الشوفان ؟؟؟ وفين يبيعوا؟؟



ثانيا . ما أبغا أستخدم حوارق الدهون لأنها أغلبها حبوب والصراحه ما أرتاح للحبوب أبدا .. لو في حوارق زي البروتينات بودره وتنحط مع الحليب يكون أفضل ,,



ثالثا أبغا أعرف التمارين كيف تكون يعني عدد التكرارات إلي أسويها في التمرين كم والأوزان إلي أرفعها كم



أعرف إني طولت عليكم مررره ما ,, لكن والله إني متحمس إني أوصل لهدفي في هذه الفتره



أنتظر ردودكم أخواني وإنشاء الله الخبراء ما حيقصروا معايه

THE CAST
15-09-2010, 07:47 PM
السلام عليكم ورحمة الله وبركاته

وعليكم السلام ورحمة الله وبركاته

كل عام وإنتم بخير ومن العايدين قبل الزحمه <<< سلامات

أخواني الصراحه أشكركم على كل مجهوداتكم في هذا المنتدى أستفد الكثير الكثير الكثير وكل يوم أستفيد أكثر وأكثر وماشاء الله أبدا ما تقصروا معايه

أنا حاليا كملت سنه كامله في الحديد

بديت في الرياضه وكان وزني 85 ونزل ليين 75 وبديت بعدها تضخيم ووصل إلى الأن 83.5 لكن للأسف ماني عارف كم نسبة الدهون في جسمي

مع إنو يبان على جسمي إنه مقسم بس على خفيييييييييف جدا يعني لمن أشد العضلات

وأبغا أدخل في مرحلة التنشيف

إستفساري يا أخواني

لمن أنشف هل راح أخسر كثير ,, بمعنى أخر هل راح أنحف لدرجة إنو يسير جسمي ما يبان عليه إني كنت ألعب حديد

الهدف من التنشيف خسارة الدهون وليس العظل
البعض تلقا نظامه غلط فالبتالي وزنه ينزل عظل مع دهون


أنا أبغى جسمي يكون زي جسم هذا الطيب 330678

هل راح أوصل لهذا الجسم ولا راح أخسر كثير لدرجة إنوو تكون عضلاتي أصغر من كذا بكثيرر .

حسب تدريبك وغذائك

وللمعلوميه أنا أطمح بجسم ضخامه يعني نفسي في عضلات أكبر من كذا . لكن أنا عادة أسافر في عيد الأضحى يعني بعد شهرين , وحبيت أسافر ويكون جسمي حلو ومرتب . وإنشاء الله أول ما أرجع أكمل في الضخامه

هل هاذي المده( شهرين ) تكفي إني أوصل لهذا الجسم إلي فوق .. أو أحتاج أكثر

لا
وصعب احددلك فترة زمنيه فالمده تحكمها الجينات والغذاء ونمط التمرين..
لكن انا اتوقع سنتين تقريبا شرط تكون جاد جدا


التنشيف تجربة جديده بالنسبه لي ,, ومن يوم ما دخلت النادي وأنا أضخم , هاذي أول مره أبدأ فيها بالتنشيف أتمنى المساعده من الأعضاء

أولا أبغا جدول غذائي ممتاز للتنشيف .. أعرف إن العضو (ذا كاست) ما راح يقصر راح يحطلي جدول متكامل لكن أحس الجدول مكلف نوعا ما ...
مكلف! انت تبغا جدول غذائي متكامل بحيث تنزل نسبة الدهون وتحافظ عالعظل ولا جدول لنزول الوزن فقط
بعدين في شي ماني عارفو في أغلب الجداول إلي تنحط , إيش هوا الشوفان ؟؟؟ وفين يبيعوا؟؟

شوفان كويكر وتلقاه فاي سوبرماكت اوبقاله


ثانيا . ما أبغا أستخدم حوارق الدهون لأنها أغلبها حبوب والصراحه ما أرتاح للحبوب أبدا .. لو في حوارق زي البروتينات بودره وتنحط مع الحليب يكون أفضل ,,

لا..ومااشوف مشكلة فالحبوب عندك اوكسي اليت اوانيمال كت ممتازين


ثالثا أبغا أعرف التمارين كيف تكون يعني عدد التكرارات إلي أسويها في التمرين كم والأوزان إلي أرفعها كم

التكرارات تكون غالبا 15-15-15
الاوزان متوسطه الى خفيفه نوعاما وبعد التمرين كارديو لمدة 45 دقيقه وتقدر تمارسه قبل التمارين.



أعرف إني طولت عليكم مررره ما ,, لكن والله إني متحمس إني أوصل لهدفي في هذه الفتره



أنتظر ردودكم أخواني وإنشاء الله الخبراء ما حيقصروا معايه
..................

بالتوفيق

asoomy
16-09-2010, 04:26 AM
يعطيك العافيه يا وحش بس الشوفان دا قصدك حق الشربه نفسوو ؟؟؟؟؟؟؟ ولا في شي تاني برضوو من كويكر وكيف طريقة إستخدام الشوفان يعني أسوي مثلا شربه ؟؟


بعدين ما أعطيتني جدول للتنشيف لسه إذا ممكن تعطيني جدول للتنشيف

بعدين بخصوص الفتره سنتين حق إيش بالزبط ؟؟؟؟ سنتين كامله بس تنشيف !!!!

شكرا أخي ذا كاست على الرد وأتمنى الرد على إسفساراتي

THh Rock
16-09-2010, 06:45 AM
بعد اذنك أخوي ذا كوست

أي نعم ممكن شوربه الشوفان او حلا الشوفان اي شي يحتوي على الشوفان
وجدول التنشيف وش تقصد تبي تغذيه ولا تمارين‏!‏‏!‏
والحديد يبيله تتمرنه من قلب يعني مو شهر ولا شهرين لازم تواصل لنتائج أفضل

asoomy
16-09-2010, 07:30 AM
أشكرك ذا روك على الرد

أبغا جدول تغذيه حبيبي تمارين ما عليك إنشاء الله تمام بس أبغا تغذيه

ومعليش إيش هوا حلا الشوفان هذا ما عندي أي فكره عنه

وبخصوص إني أتدرب من قلب يا راجل أنا قلبي أنفجر وانا أتدرب ما توصي من هاذي الناحيه وأنا مو قصدي شهرين وأوقف لا .. أنا قصدي شهرين تنشيف بس وبعدها راح أرجع وبقوه للضخامه

بس أبغا في الشهرين هاذي أقسم جسمي شويه وبعدها نرجع تاني للتضخيم


أشكرك أخي ذا روك على ردك

THh Rock
16-09-2010, 07:44 AM
سلامت قلبك عصام هههه
اوك يا وحش انت كذا تعجبني
طيب التغذيه شوف بصوره عامه خلي أكلك صحي خالي من الفات وقليل الكارب للطاقه وابعد عن الزيوت والخبز الابيض والملح و المكرونه والغازيات
ابعد عن هذي الأشياء وصدقني بتوصل لهدفك
والجدول الغذائي ما عطيتك جدول معين لانك بتطشف اذا التزمت عليه بشكل مستمر
واي شي نسيته تكى ذكرني
بالتوفيق

THE CAST
16-09-2010, 09:52 AM
يعطيك العافيه يا وحش بس الشوفان دا قصدك حق الشربه نفسوو ؟؟؟؟؟؟؟ ولا في شي تاني برضوو من كويكر وكيف طريقة إستخدام الشوفان يعني أسوي مثلا شربه ؟؟
نفسه..
4 ملاعق شوفان مع كوب حليب واضف سكر الحميه وضعهم في قدر وعلى النار الى نضوجه
بعدين ما أعطيتني جدول للتنشيف لسه إذا ممكن تعطيني جدول للتنشيف
اليوم الاول/ صدر+ بطن
الثاني/ ظهر و قطنية + سواعد
الثالث/ اكتاف وترابيس + بطن
الرابع / راحه
الخامس/ باي وتراي لكل عضلة ثلاث تمارين فقط + بطن
السادس/ ارجل كاملة
السابع / راحه
بعدين بخصوص الفتره سنتين حق إيش بالزبط ؟؟؟؟ سنتين كامله بس تنشيف !!!!
اقصد
9 شهور تضخيم بجديه...يتبعه باقي الاشهر تنشيف وتقسيم الى الوصول للنسبة المناسبه من الدهون...وانت حاليا بتنشف لكن ماادري هل اساسك العظلي جيد وضخم ان كان جوابك نعم
حافظ عليه بالتغذيه المناسبه وانزل بنسبة الدهون بذي الطريقه ان اشالله توصل لهدفك
شكرا أخي ذا كاست على الرد وأتمنى الرد على إسفساراتي.................

بالتوفيق