الموضوع الرسمي | Lara Croft and The Guardian of Light ( باتش كووب الاونلاين متوفر )

[KasiH]

http://image.gamespotcdn.net/gamespot/images/2010/166/991046_20100616_790screen001.jpg
السلام عليكم ..

موقع جيم سبوت يوزع اكواد ديمو للعبة Lara Croft and The Guardian of Light
اللي راح تنزل الاسبوع الجاي في الستور . كل اللي عليك تسويه تدخل الصفحة هذه (http://www.gamespot.com/event/codes/lara-croft-pc/?om_act=convert&om_clk=picks&tag=picks%3Btitle%3B2)وتتستخدم عضويتك
في الموقع او انك تسجل عضوية جديدة ومجرد ماتسجل حطي بياناتك في الصفحة وراح يظهرلك الكود مباشرة .

انطباعاتكم :)

[Tockuchi]

شكرا كاسح ^^
خذيت الكود , بس ما أقدر أدخل على الAccount Management يقولي إيرور , أعتقد من الصيانة لأن ما أعتقد خلصت بشكل كلي لأن حتى الستور ما يصير ندخله الحين -__-"

[Falling Angel]

مشكور كاسح..
اخخخ غلطت واخترت PC
من يبغى الكود؟!

المهم هذه هو

AME2E-GK7YF-E5RA5-6R5VP-83GEP

[Falling Angel]

جار التحميل 25%
حجم الديمو 2350 MB
أكبر من حجم ديمو GOW

[Al-RaQmi]

هات انطابعك بعد التجربة .. حجم الديمو 2 جيجا .. كم حجم اللعبة اجل !!

[UAExHEALER]

2 جيجا كثيير
انا الصراحه احب هذي السلسله
لكن في عمري ما ختمت اي جزء الي جزء واحد على ps2
اللعبه فيها صعووبه بالنسبه لي

[alazmi11]

نزلت اللعبه ونزلت UNLOCK CODE ووصلت المرحله الثالثه وماسحبوا مني فلوسي ماني فاهم ليش مع ان اللعبه كامله

[devil cober]

هات انطابعك بعد التجربة .. حجم الديمو 2 جيجا .. كم حجم اللعبة اجل !!
ألعاب الأونلاين الي تحملها من الستور حجم الديمو نفس اللعبة الكاملة !!
بدليل انك لما تحمل الديمو وتلعبه يجبلك اختيار شراء اللعبة الكاملة لو اشتريتها على طول تطلعلك اللعبة الكاملة
وهذه حركة روعة عشان ماتضيع وقتك في التحميل مرتين :biggthump

[KasiH]

نزلت اللعبه ونزلت UNLOCK CODE ووصلت المرحله الثالثه وماسحبوا مني فلوسي ماني فاهم ليش مع ان اللعبه كامله



من وين نزلت unlock code ?

[KasiH]

دوبي حطيت الكود وطلعلي الديمو وملف فتح اللعبة @_@ ايش الموضوع يوزعوا مجانا ولا كيف ؟؟

[SALM0RE]

تحمست لسالفة بس شفت حجم الملف و نصدمت -____-

[Falling Angel]

انتهى التحميل الساعة 12
4 ساعات متواصلة..
قبل شوي جربت الديمو.. وختمته

المميزات:
- اللعبة فيها 14 مرحلة .. وكل مرحلة فيها ألغازها
- ألغاز ممتعة
- لعبة ممتعة جدا
- توفر تحدي لكل مرحلة يعني مثلا أختم المرحلة في 6 دقائق أو أقل
أجمع جميع الجماجم .. يعني تعرفوا سلسلة لارا..
- الجرافكيس والرسوم مرضية جدا..
- التصوير مناسب جدا لنوع كذا من الألعاب
- تنوع الأسلحة وتنوع المهارات
- القصة شكلها ممتعة.. حسيت بالفضول

العيوب:
- كثرة التكرار والإعتمادية على نمط واحد في الألغاز
يعني اقفز تمسك بالحيل ,, استخدم القنابل فجر القنبلة "حسيت حالي 12 مثل التقييم"..
- التحكم .. وراح أركز عليه .. التحكم مو كارثة لكن نص مصيبة XD
يلزمك تتعود عليه
راح أقول لكم يد التحكم ..
مثلث : استخدام القنابل وتفجيرها
مربع: مراوغة
دائرة: زر التفاعل مع الأشياء
أكس : القفز..
الأسهم "يمين, يسار, فوق, تحت" : استخدام الأسلحة
R1: استخدام الحبل ..
L1: ماله وظيفة لـ لارا لكن فقط للشخصية الثانية في الكواب
R2: إطلاق نار
L2: اختيار السلاح !!!!!!!!
R: تصويب

يعني ليش التصويب R "قلة ذكاء وإلا ايش"
L2 اختيار سلاح طيب كذلك في الأسهم "تكرار على الفاضي"
وبمكان L2 يكون زر التصويب
يعني تقدروا تتصورا وتتخيلوا قرب زر الـ R2 من R
كل دقيقة وأنا مخطئ وضاغطه ..
عدت الديمو 3 مرات حتى بس ما أخطي لكن أخطيت XD
وحتى لو تبغى تعدل التحكم .. الخيار مو متوفر
- عدم توفر التصويب العشوائي
- أثناء التصويب الشخصية ماتركض نهائيا
تتذكروا لارا.. اللي تركض وتطلق
هنا انسوها..
يعني أفرض انك تلعب على الهارد مود..
كل دقيقة تبغى توقف تصويب حتى بس تبعد عن الوحوش
وتبدء تطلق..

- أخر شيء ممكن مو شيء مهم لكن أذكره
وهو انقطاع الشقلبات المتتالية في هذا الجزء

بشكل عام : حبيت اللعبة
7/10

[jinabil]

انا سجلت فى جيم سبوت وعطانى كود بس طويل مرة
ما يسد اكتبة فى الفرغات حاطلى فى السونى 3 فرغات وفى جيم سبوت 4
هل فى شى خطا انا عملتة

[الصهيبي]

سجلت بس ما طلعلي كود ممكن حد يتبرع لي (:

[Falling Angel]

انا سجلت فى جيم سبوت وعطانى كود بس طويل مرة
ما يسد اكتبة فى الفرغات حاطلى فى السونى 3 فرغات وفى جيم سبوت 4
هل فى شى خطا انا عملتة

هذه نسخة البي سي.. تقدر ترجع وتختار PS3

[jinabil]

اها انا عرفت ليش ما يبى يجينى الديمو انا تاخرت وااااااااااااع
مبروك لكل من اخذ النسخة الكاملة

Thanks for your interest in the Lara Croft and the Guardian of Light Demo. You've now reserved your spot for a demo code, and on 9/21 at at 10am PT we will email you with your unique code, as well as display it right here.


هذى الرسالة كتبوها لى كانهم ايقولولى روح بعيد ههههههه انت متاخر

اى احد يبى الكود تبع النسخة الحاسوب يقولى وراح اعطية اياه

[Falling Angel]

^^
انا نزلت الديمو والرسالة موجودة مثل ما ذكرت


اسف شكلك فهمت رسالتي غلط
أقصد مثل ماذكرت في النص
لكن ماوصل لي شيء
أنا فكرته كود لتفعيل اللعبة أو شيء ^^

Jinabil
vv

[jinabil]

^
هل فعلا يدزوها لى على الاميل يعنى استنى ولا ايش T_T

[Falling Angel]

^^
أقرى ردي اللي فوق ^___^

مشكلة ثانية تتعلق في الأوفلاين كواب
-_-
اللاعب الأول والثاني يشتركوا في كاميرا واحدة
يعني إذا اللاعب الأول يمشي إلى الأمام
لازم الثاني يكون معه..
ما يصير كل واحدة يمشي باتجاه مختلف

[jinabil]

^
شكراا ^_^
يالله ما فى نصيب راح اشتريها باقرب فرصة انشاءالله
الشىء الوحيد الجيد يلى عملتة انى سجلت فى جيم سبوت
بيوزرين قلت يمكن فى غلط بس ما حصل شى
راح اكمل لعب انشارتيد اليوم مانى نايم لين اخذ البلاتنى فى انشارتيد الاولة للمرة الثانية لول

[KasiH]

جيم سبوت الظاهر غلطوا لما وزعوها مجانا كاملة وصاروا مايوزعوا اكواد الحين تقريبا وقفوا .. اللي نزل اللعبة هل هي كاملة . وبالتروفيز ؟
انا لسة ماكتمل التحميل 40 % ..

[jinabil]

^
على حسب الردود يلى قريتها اى كاملة وكان غلط من جيم سبوت
مبروك عليك

[Falling Angel]

نو .. مرحلة وحدة فقط..
لكن في خيار لشراء اللعبة.. ولما اضغط عليه يطلع خطأ... إلخ
لكن اتوقع 99.99% انه تشتري كود التفعيل مثل الألعاب النتوورك الباقية
التروفيز .. مو موجودة في قائمة الألعاب عندي مثل لعبة ماشروم وار
لكن بعد ما خلصت المرحلة
لاحظت في تروفيز لكن مخفية.. "في قائمة نتائج المرحلة مو قائمة التروفيز"

ايش خسران الكود عندك حملها وجربها

وعلى فكرة موعد صدورها 28/9

[alazmi11]

من وين نزلت unlock code ?
حطيت الكود وطلعلي الديمو وملف ثاني unlock code ونزلتهم ولما طلعت شيكت على الاستور ما انسحب مني شي شسالفه غلط ولا ايش لان ولد عمي يبي ينزله من حسابي يصير ولا لأ

[ذا كيد]

الحين هي كامله او شو ؟؟؟

[NsaN]

اوكي...ما لحقت عالبلاش...

بس بصراحة..The game is FUN..

جداً استمتعت بها..
كنت حاط ببالي العب خمس دقايق بس عسب اجربها..لاني كنت قاعد اشتغل على شي..
ما هديتها الين ما خلص الديمو..

عيبتني وايد..و خذتها على طول..

[dely10]

اللعبه عجيبه ..أفضل لعبه لعبتها من العاب psn
لا تطفوكم

[KasiH]

بالفعل اللعبة رااااااائعة خلصت مرحلتين بنسبة 100 % من روعة اللعبة ماخذ وقتي في المراحل يمكن اخذ في المرحلة 50 دقيقة
وتقدر تخلصها في 5 دقايق ، مراحل اللعبة ونظام اللعب والقتال والالغاز ممتاز اكثر شيء عجبني التشلينجات الخاصة بالالغاز اللي تكون زي المغارة وفيها رؤوس اسد حمراء .

نظام القتال ممتاز جدا ماتوقعته كذه طريقة القفز السريعة ووضع القنابل واستخدام سلاح الرمح رهيب . نظام تطوير شخصية لارا وتركيب الاثار السرية يعطي طابع ثاني للعبة .
اتمنى اصدار اجزاء جديدة خاصة بالبلوراي بهذه الطريقة لانها فعلا ممتازة واعطت جو ثاني للعبة .

[Falling Angel]

^^

تدعم التروفيز؟
+
مراحل اللعبة مفتوحة كلها وإلا فقط المرحلة الأولى.؟

[NsaN]

- نعم اللعبة فيها Trophies
- الديمو مرحلة وحدة..تبي الباقي؟ نق!

[Falling Angel]

^^
-_-
اكيد بنق.. لكن
كنت اسأله لأني العازمي حمل ملف الأنلوك كود
فقلت ممكن كاسح حاله من حال العازمي
that's all

[NsaN]

^^
-_-
اكيد بنق.. لكن
كنت اسأله لأني العازمي حمل ملف الأنلوك كود
فقلت ممكن كاسح حاله من حال العازمي
that's all


شكلك خذت السالفة جد..
عالعموم كنت امزح بسالفة "النق"..

بخصوص الانلوك..اتوقع مثل ما ذكروا الاخوان..السالفة كانت غلطة من GS..
انا نزلت اللعبة عن طريق الكود..بس اضطريت اشتريها من عقب المرحلة الاولى..

سؤال للي جربوها co-op..كيف المستوى؟ بجودة السنقل؟

[KasiH]

تدعم التروفيز؟
+
مراحل اللعبة مفتوحة كلها وإلا فقط المرحلة الأولى.؟

ايوة تدعم التروفيز اي لعبة الحين تنزل تدعم التروفيز حتى لو كانت لعبة اتاري .

بالنسبة للمراحل ايوة مفتوحة انا لعبت مرحلتين بس لكن نظام اللعبة يتطلب تكون مفتوحة وهذه حلاوتها .

[Falling Angel]

شكلك خذت السالفة جد..
عالعموم كنت امزح بسالفة "النق"..

بخصوص الانلوك..اتوقع مثل ما ذكروا الاخوان..السالفة كانت غلطة من GS..
انا نزلت اللعبة عن طريق الكود..بس اضطريت اشتريها من عقب المرحلة الاولى..

سؤال للي جربوها co-op..كيف المستوى؟ بجودة السنقل؟
:O لا وش دعوه ..
ما أخذت السالفة بجديه.. ولو أحنا أصحاب واحباب .. إلخ (:
كنت أقصد أنه أكيد بنق لأنه ما في شيء ببلاش..
والغريب أنه حملت الديمو و ادخلت الكود..
وانهيت الديمو .. ولما ابغى اشتريها يطلع لي error
ممكن لأن موعدها 28 واحنا 24 !!

[dely10]

سؤال للي جربوها co-op..كيف المستوى؟ بجودة السنقل؟ أنا جربها مع ولد عمي waaaw رهيبه وتسهل لك حل بعض الألغازوالتشلينجات
::::::::::::
سمعت خبر ماني متأكد منه ان اللعبه عمرها 7 ساعات ؟!!!

[NsaN]

Fallen Angel

زين عيل..
بخصوص موضوعك..غريبة!!
انا اشتريتها على طول بدون مشاكل..

Dely

اتوقع منطقي الوقت هذا..
يعني المناطق عندك تخلصها بـ5 دقايق تقريباً..بلس، ماينس..
الي مطول اللعبة هو التشالنجات..و يمكن بعض التروفيز (فظيع مال الـSpike Field)..

اصلاً بشكل عام..الـReplayability Value للعبة كبير..

[ToUaReG]

شريت اللعبه وجربتها ..
واللعبه جدا ممتعه .. ماتوقعت انه طريقة اللعبه راح تعجبني ..
وخاصه اني لاعب تقريبا كل الأجزاء وهالجزء يختلف عنهم ..
و كل شي عجبني باللعبه ماعدا اداء التمثيل الصوتي .. حسيته بارد ..

و ياليت لو ينزلون جزء ثاني للعبه وتكون اطول ..

[Falling Angel]

اليوم اشتريت اللعبة..
جربت أول مرحلتين.. و وقفت
لأن اللعبة من دون COOP ما تحلى

[NsaN]

توني خلصتها في 5 ساعات و نص تقريباً..
للحين طبعاً باقيلي وايد اشياء لازم احصلها عشان احصل اخر تروفي..

بشكل عام اللعبة جداً ممتعة..بسيطة..بس تصعب شوي عالنهاية..

[Tockuchi]

أنا ما طلعتلي لستة التروفيات لها! , هل لأن اللعبة إلي عندي من الكود؟

[Falling Angel]

^^^
أنا صديقي .. حمل اللعبة من حسابي وحمل الكود كمان
لكن لما لعبها ماطلعت له التروفيز..
اقفل الـ PS3 و رجع شغلها..
ولعب اللعبة وظهرت له التروفيز ليست..
ممكن مثل المشكلة..

كيف تختم المرحلة الأولى بـ 6 دقائق
مستحيل التشالنج.. أعلى سكور سجلته كان 9 دقائق

[NsaN]

[COLOR=royalblue
كيف تختم المرحلة الأولى بـ 6 دقائق
مستحيل التشالنج.. أعلى سكور سجلته كان 9 دقائق
[/COLOR]

انا انهيتها بـ5:42..
لا تقتل حد نهائياً..و لا تجمع شي..
خل تركيزك كله على انك توصل لنهاية المرحلة و بس..
هي سهلة عالسنقل..بس عالملتي احسها بتكون صعبة *يطالع ولد اخوه الصغير..شريكه باللعبة*

[dely10]

يسسس شريت اللعبه وقاعد اتمتع ايد بيدة التحكم و ايد بالمنتدى ^_^

شباب متى يبطلون الاونلاين؟

[Tockuchi]

^^^
أنا صديقي .. حمل اللعبة من حسابي وحمل الكود كمان
لكن لما لعبها ماطلعت له التروفيز..
اقفل الـ PS3 و رجع شغلها..
ولعب اللعبة وظهرت له التروفيز ليست..
ممكن مثل المشكلة..

كيف تختم المرحلة الأولى بـ 6 دقائق
مستحيل التشالنج.. أعلى سكور سجلته كان 9 دقائق

سويتها وما نفعت :(

[Falling Angel]

^^
همممم
ما عندي اي فكرة... حتى الخميس اللي مضى
اجتمعت مع الشلة .. و لعبنا الكواب
و ساعدته ببعض التروفيز..

اخيــرا كملتها 100%

لكن التروفيز فيها مشكلة..
قبل 3 أيام جمعت كل الأرتيفاكتس والريلكس والأسلحة
وما طلع لي التروفي الذهبي
.. فـ قلت ممكن لازم كل التشالنجز تكون كاملة..
وكملت كل التشالينجز.. ولا صار شيء
قلت ممكن غير أجمع كل الباور اب .. وجمعتهم
وكمان ما صار شيء ^^..
فـ توقعت أنه لازم ألعب الكواب وأجمعها بالشخصية الثانية
...
ولعبتها وفقط كملت تحدي واحد في المرحلة الأولى وظهر التروفي!!!!

[Tockuchi]

^^^^
أخوي شراها قبل كم يوم , بجرب أمسح إلي عندي و أنزل إلي عنده و أشوف , وإن شاء الله يشتغل /:

[Falling Angel]

YAY إضافة مجانية قادمة للعبة (http://www.vg247.com/2010/10/26/free-lara-croft-guardian-of-light-dlc-detailed/)

الخبر يقول أن سكوير إينكس أعلنت عن قدوم إضافة مجانية
لفترة محدودة من الوقت
الإضافة التي بعنوان All the Trappings
ستشمل منطقة جديدة تحمل ألغاز جديدة
تتضمن تجربة قتال واستكشاف ممتعة
الإضافة ستصدر مجانية غدا وحتى الشهر القادم
"ما بقى شيء عن شهر نوفمبر"
مع باتش الـ CO-OP

We’re delighted the Online Co-op is ready and going live
as a thank you to the patient Xbox gamers,
and for a limited time only we will be giving away our first DLC pack for free

طبعا هذا لـ Xbox
تفاصيل الـ PC و الـ PS3 ستكون لاحقه فيما بعد..

[Tockuchi]

^^^^
الجميل في الموضوع إن تحسهم استمعوا للجماهير و مطالبهم و نفذوها مثل الكوأوب أونلاين و تدعيم اللعبة بالإضافات ^^

[الصهيبي]

^^ اللعبة كانت معلن من السابق عن توفرها مع الاونلاين ولكن لمشاكل تقنية تأجل هذا الموضوع لذا تم التعويض باضافة مجانية يعني ما اضافو شي هم رجعو خدمة من المفترض ان تكون اساسا في اللعبة

[KasiH]

YAY إضافة مجانية قادمة للعبة (http://www.vg247.com/2010/10/26/free-lara-croft-guardian-of-light-dlc-detailed/)

الخبر يقول أن سكوير إينكس أعلنت عن قدوم إضافة مجانية
لفترة محدودة من الوقت
الإضافة التي بعنوان All the Trappings
ستشمل منطقة جديدة تحمل ألغاز جديدة
تتضمن تجربة قتال واستكشاف ممتعة
الإضافة ستصدر مجانية غدا وحتى الشهر القادم
"ما بقى شيء عن شهر نوفمبر"
مع باتش الـ CO-OP

We’re delighted the Online Co-op is ready and going live
as a thank you to the patient Xbox gamers,
and for a limited time only we will be giving away our first DLC pack for free

طبعا هذا لـ Xbox
تفاصيل الـ PC و الـ PS3 ستكون لاحقه فيما بعد..

يس اخيرا ، استمتعت في اللعبة كثير ختمتها على الهارد ومنتظر كووب الاونلاين عشان اختمها بيه
ان شاءالله مايتوقف الDLC ونبغى مراحل جديدة والغاز اكثر لان اللعبة احسها قصيرة مقارنة بروعتها . .

[Tockuchi]

^^ اللعبة كانت معلن من السابق عن توفرها مع الاونلاين ولكن لمشاكل تقنية تأجل هذا الموضوع لذا تم التعويض باضافة مجانية يعني ما اضافو شي هم رجعو خدمة من المفترض ان تكون اساسا في اللعبة
آها
توقعت سكوير قامت تتحسن بأفكارها -_-"

[KasiH]

على فكرة شباب ترى الابديت حق الاونلاين نزل امس ..
http://www.vg247.com/2010/11/24/lara-croft-and-the-guardian-of-light-gets-pc-online-co-op-patch/

راح احمله اليوم ان شاءالله وارجع العبها كووب اونلاين .

[NsaN]

كاسح

وين نزل بالضبط؟ دخلت الستور و ما حصلت شي..
اللهم ابديت الظاهر فيه challenge يديد..توني اشوفه..نزلته و الحين بجربه..

تحرير:

اوكيه..يوم شغلت اللعبة طلعلي الابديت..:)

[Tockuchi]

كم حجمه؟
يمكن أرد أكملها بالكو-أوب ^^

[KasiH]

انسان جربت تلعب كووب ؟ كيف اللاق ؟

[NsaN]

توكي

حجمه شي و 30..هب عود..

كاسح

حاولت..بس محد موجود..اتوقع الناس كلها ودرت اللعبة..
اشوف الافضل انك تلعب مع حد تعرفه..

نقطة ثانية..جربوا تلعبون التحديات اليديدة..
لعبت مرحلة وحدة بس..
ما فيها الغاز..و لا وقت و لا ايتمات..مجرد سكور..انا ما قدرت بصراحة اييب حتى اول سكور..
بس مع ذلك..بصراحة حسيته ممتع..
باجر بقعد عليه عدل..

[Al-RaQmi]

حملت الابديت امس .. والحمد لله صادف قبل ما اقفل اللعبة
+ تروفيات اللعبة 8 برونزي -2 فضي - واحد ذهبي

الكوو-اب ماحصلت احد يلعب بالامس .. فشبكت اليد الثانيه واخذت تروفي الكوو-اب .. التوصيل باللاعبين بتكون ممتعه ماتعمقت فيها كثير

[dely10]

موجنة طول الابديت؟؟؟

بحمل الابديت وان شاء الله ماكو لاق

[Falling Angel]

لعبتها أمس..
لاق على خفيف يعني مو ذاك الزود اللي يخليني أحرم ألعبها مره ثانية
P:
لكن أستمتعت فيها.. لعبت 5 مراحل مع واحد
وساعدت كم واحد وطلعت
لعبت الإضافة اللي موجوده.. حسيت أنها Survival

وبعدين طالبين سكور معين .. ولا في شيء يحمس أنك تلعب
يعني ما في جائزة مثل سلاح .. أو شيء معين
بعدها حذفتها.. الهارد حده مليان

[ab..d]

بما أن الموضوع انرفع
جربت الديمو امس واستمتعت بيه جدا جدا كنت محتاج مثل هالنوع من الالعاب ناوي عليها قريب
حتى ولد اختي الصغير بالرغم من عصبيتيه ضد البطوله النسائيه الا انه وقع في حب لارا :silly:

[Tockuchi]

^^^^
شكله ما لعب kof أو ngs عشان يتعرف على mai و rachel <<< مجرم xD

[Al-RaQmi]

اكثر من 8 ساعات لعب وماقفلت اللعبة .. المناطق الاخيره فيها نوع من التحدي
تستاهل الشراء وسعرها مناااسب جدا