هل تنصحوني في نادي فيتنس تايم (وقت اللياقه في جدة

[لالولا]

انا بفكر اخش نادي في بداية هادي السنه مع العلم انا عمري 17

وابغا العب تقسيم عضلات يعني زي الجسم الفرنسي

بس انا اول مره اخش نادي كيف اعرف الجدول و الأوزان وكده ارجو المساعده

[الامبـــراطور]

والله اخوي النادي مو مهم زي اهمية الانضباط والمواضبة
يعني فيتنس تايم او غيرة اهم شي احرص على المواضبة والتمارين والتغذية

[لالولا]

طيب كيف اعرف ايش هيا التمرينات

هل المدربين يقدرو يسولي جدول ولا لا

[غريسي جوجيتسو]

راح تاخذ فكرة كافية عن الجدول من المدرب..


واللي يقول الصالة مو مهمة تعال عندي في الصالة الي انا فيها ١٠ متر في ٢٠ متر، جالس العب رفرفة كتف جانبي وبغيت اكسر وجه واحد من المفهين ماسك بلاكبيري ويتمشى في الصالة هو و وجهه.

[THE CAST]

فتنس تايم ممتاز جدا
لكن الاهم انضباطك اليومي والتزامك..

تحياتي

[themaddemon]

النادي ممتاز بس نصيحة أخوية بعد عن فرع الصفا بجده المدربين من الكييييس ومو فاهمين شيء ...... ومستعد اقول ليش بس التشهير حرام ،،، المشكلة اني اعرف ان صاحب النادي شديد جداً وعلطول يفصل المدربين ويقطع ارزاقهم وزي منت عارف قطع الاعناق ولا قطع الارزاق......لدرجة حتى في التقييم الدوري الي يسووه عليهم اقيمهم ممتاز وماقدر اقودل شيء ولا اقدر اقول للمدرب ايش الغلط لأنهم مايتقبلوا نهائياً بس والله كثير شفتهم بيجيبوا العيد في الناس الله يهديهم........

[عبدالاله محمد1]

بالفعل فرع الصفا سيئ جدااااا ..

لكن كـ نادي واجهزه ممتاز جدا ..!

والله يوفقك ..!

[لالولا]

طيب كيف فرع المحمدية

[لالولا]

ها كيف شباب

[themaddemon]

والله ياخي الكريم انا ماحتاج المدربين نهائياً لاكن سمعت انه اسماعيل في المحمدية تمام وفاهم (والله اعلم)،، بس ابغا اشارككم بقصة حصلت لزميل لي في نادي وقت اللياقة بالصفا:

كان الاخ يبغا يتمرن صدر مستوي بالدنابل وكان يبغا احد يوقف يساعده عشان يرفع الوزن شويا لو ثقيل ،، وطبعاً نادى المدرب الي في حي الصفا وقاله "بس شوي معايا ياكابتن في الاخير".
الكابتن "الوحش" وقف قال ابشر وقام يطالع في الولد مو عارف كيف يساعده !! في البداية وقف باليمين و وقف باليسار ووقف قدام وحس انه في شيء غلط!!! عارف فين قعد في الاخير عشان يساعده؟؟!!! فين تتوقع؟!!! صح!! وقف فوقه!! والله فوقه يعني فشخ فوقه عشان يساعده!! ههههههههههههههههههه والله ربك ستر واحد من زملاءه المدربين ناداه وقاله مو كذا واتريق عليه شويتين وساعد الرجال من الخلف طبعا بإصباعين بس .......

والله قصص اكثر بكثيييييييييييييييييييير وغلاط مازالوا يسوها مايسويها مبتديء ،، بس ماقول الا الله يخلي الستيرويدات ،، صارت الايام هذي اي واحد ضرب ابرتين وشرب بروتين ورفع خشبتين صار وحش ومدرب كمان!!

فرع الصفا كمان اجهزته وباراته منتهية:

1- البارات الثابته مصدية وعشان الصدا صاروا يحطوا زيت على البارات!!! تخير تشيل وزن ثقيل ويطيح البار!!!!
2- جهاز المنشار واحد فيه مسكه لليد والثاني مافيه.
3-جهاز الظهر الي زي التجديف مافيه جلده يعني البار يتزحلق علطوووول لو الوزن ثقيل.
4- البنش المايل عند الدنابل مخلخل ويحز ومش متوازن وعشان تتكرن فيه صار فلم.
5- وبنش متحرك كمان مضروب.
6- الظهر حق جهاز الرفرفة مخلخل ومعدون عالاخر.
7- الجهازالظهر الي جنب العقلة كرسيه مخلخل وشوي وينكسر.
8- الدراجات شالو منها الاحزمة وسمعت واحد من الشباب بسببها اخد غرزة في رجله.
9- الكور الي في صالة اللياقة من النوع الرخير وضاربتها الشمس وممكن تنفقع عليك وانتفوقها ومعاك وزن في اي وقت وتسببلك اصابه.
10- طبعاً والمشتركين الله لايوريك!! اعطيك خمس عينات منهم مثلاً واحد يحب يرفع المكيف على اعلى شيء ويقولك مابغا اعرق لما اتمرن!! والثاني يقعد يطالع فيك ويحسب كم تشيل بدون حتى ابتسامه ولا معاها ماشاء الله والثالث يقعد على البنش ولا الطاولة يريح ويتكلم ومايقوم الا اذا كلحت ودقيته بالكلام والعينة الرابعة الي اسمها العينة ابو نفخه كذابه هذولي يجوك ضاربين كورسات القضى كلها ويقعد يزعق وينكت كأنه في بيته وتعال شوف الازعاااااااااااااااج حتى اعلى من صوت التلفيزيون. والعينه الخامسة الي يجيك يتمرن ويرفع صوت التلفيزيون كأنه في بيته ويتفرج على مسلسل كويتي درامي واممممممم النكد والازعاااااااج.

والمصيبة اني مشنكي اكثر من مرة (على الاجهزة مش المشتركين طبعاً) واولها قبل سنة والاخيره قبل كم اسبوع ومافي أي فائدة........

وبالنسبة لافضل فرع من ناحية النظافة وسمعت كمان المدربين فرع النهضة.

على العموم انت اشترك ولاتشيل هم لانه فيه فروع كثيييييييييير حتفتح قريب جداً منها الرحاب و العزيزية وخلف ليكزيس في طريق المدينة ...الخ

[لالولا]

شكرا اخويا والله ما قصرت

[nk655]

والله ياخي الكريم انا ماحتاج المدربين نهائياً لاكن سمعت انه اسماعيل في المحمدية تمام وفاهم (والله اعلم)،، بس ابغا اشارككم بقصة حصلت لزميل لي في نادي وقت اللياقة بالصفا:

كان الاخ يبغا يتمرن صدر مستوي بالدنابل وكان يبغا احد يوقف يساعده عشان يرفع الوزن شويا لو ثقيل ،، وطبعاً نادى المدرب الي في حي الصفا وقاله "بس شوي معايا ياكابتن في الاخير".
الكابتن "الوحش" وقف قال ابشر وقام يطالع في الولد مو عارف كيف يساعده !! في البداية وقف باليمين و وقف باليسار ووقف قدام وحس انه في شيء غلط!!! عارف فين قعد في الاخير عشان يساعده؟؟!!! فين تتوقع؟!!! صح!! وقف فوقه!! والله فوقه يعني فشخ فوقه عشان يساعده!! ههههههههههههههههههه والله ربك ستر واحد من زملاءه المدربين ناداه وقاله مو كذا واتريق عليه شويتين وساعد الرجال من الخلف طبعا بإصباعين بس .......

والله قصص اكثر بكثيييييييييييييييييييير وغلاط مازالوا يسوها مايسويها مبتديء ،، بس ماقول الا الله يخلي الستيرويدات ،، صارت الايام هذي اي واحد ضرب ابرتين وشرب بروتين ورفع خشبتين صار وحش ومدرب كمان!!

فرع الصفا كمان اجهزته وباراته منتهية:

1- البارات الثابته مصدية وعشان الصدا صاروا يحطوا زيت على البارات!!! تخير تشيل وزن ثقيل ويطيح البار!!!!
2- جهاز المنشار واحد فيه مسكه لليد والثاني مافيه.
3-جهاز الظهر الي زي التجديف مافيه جلده يعني البار يتزحلق علطوووول لو الوزن ثقيل.
4- البنش المايل عند الدنابل مخلخل ويحز ومش متوازن وعشان تتكرن فيه صار فلم.
5- وبنش متحرك كمان مضروب.
6- الظهر حق جهاز الرفرفة مخلخل ومعدون عالاخر.
7- الجهازالظهر الي جنب العقلة كرسيه مخلخل وشوي وينكسر.
8- الدراجات شالو منها الاحزمة وسمعت واحد من الشباب بسببها اخد غرزة في رجله.
9- الكور الي في صالة اللياقة من النوع الرخير وضاربتها الشمس وممكن تنفقع عليك وانتفوقها ومعاك وزن في اي وقت وتسببلك اصابه.
10- طبعاً والمشتركين الله لايوريك!! اعطيك خمس عينات منهم مثلاً واحد يحب يرفع المكيف على اعلى شيء ويقولك مابغا اعرق لما اتمرن!! والثاني يقعد يطالع فيك ويحسب كم تشيل بدون حتى ابتسامه ولا معاها ماشاء الله والثالث يقعد على البنش ولا الطاولة يريح ويتكلم ومايقوم الا اذا كلحت ودقيته بالكلام والعينة الرابعة الي اسمها العينة ابو نفخه كذابه هذولي يجوك ضاربين كورسات القضى كلها ويقعد يزعق وينكت كأنه في بيته وتعال شوف الازعاااااااااااااااج حتى اعلى من صوت التلفيزيون. والعينه الخامسة الي يجيك يتمرن ويرفع صوت التلفيزيون كأنه في بيته ويتفرج على مسلسل كويتي درامي واممممممم النكد والازعاااااااج.

والمصيبة اني مشنكي اكثر من مرة (على الاجهزة مش المشتركين طبعاً) واولها قبل سنة والاخيره قبل كم اسبوع ومافي أي فائدة........

وبالنسبة لافضل فرع من ناحية النظافة وسمعت كمان المدربين فرع النهضة.

على العموم انت اشترك ولاتشيل هم لانه فيه فروع كثيييييييييير حتفتح قريب جداً منها الرحاب و العزيزية وخلف ليكزيس في طريق المدينة ...الخ
نفس الرد كنت برد

اكيد انتا من الناس اللي يعانو زيي في الاجهزه .. لكن مع التعود ماسار فيه احساس بس اخس شي ينرفزني المكيف لما يكون باااارد لدرجه اني صرت ادخل الصاله اتثاوب من البرد فكرت مره اجيب بطانيه ومخده وانام من قوة البرد ويا مكثر الشكاوي اللي اقولها بخصوص الميكف الله يعيننا والله

[toto jeddah]

فعلا التكييف مررررة بارد ,,,

انا قيدهم عارفيني ,, اول ما اجي افتح كل الشبابيك عشان يخف التكييف
وفرع النهضة جدا ممتاز ومناسب

[toto jeddah]

والله ياخي الكريم انا ماحتاج المدربين نهائياً لاكن سمعت انه اسماعيل في المحمدية تمام وفاهم (والله اعلم)،،


اسماعيل مشي من الفتنس تايم من زمان وصار يدرب كيك بوكسينغ

[themaddemon]

اسماعيل مشي من الفتنس تايم من زمان وصار يدرب كيك بوكسينغ

والله ماعرف بس في اي نادي كيك بوكسنج وهل عندك فكره كم دان معاه؟