عام استفسار عن تصرفات الجيمرز اثناء اللعب والاندماج !!!! حياكم [الأرشيف]

zack77

27-09-2010, 03:36 PM

كلنا ندري ان الجيمر المتحمس والمدمن يوم يلعب مايدري شقاعد ياكل او يشرب او يدخن

فسؤالي هو هل تدري بعمرك يوم تشرب وتاكل وتدخن وانت تلعب ؟؟

انا الحمد لله حتى الأن ما لمست شي اسمه دخاان صارلي 23 سنه ما ادخن ^^

انا لو ادخن في البيت ودرى ابوي يتبرى مني لوولز (جني كافر عرفت^^)ما يبي دخان في البيت

وكم جيمر هنا يدخن وهو يلعب ؟؟

والله اكيد في ناس واجد بس ما رح اقول اسامي علشان ما يزعلون:silly:

وماهو نوع دخانك ؟؟

البيبسي لووولز ما ادخن

Silver Falcon

27-09-2010, 03:47 PM

لووول انا مرة بغيت اكل ايد اخوي بالغلط XD

zack77

27-09-2010, 04:15 PM

انا قبل اذا بغيت العب لعبه زي res4 لازم ااكلي شغله مستحيل ادخل الغرفه وايدي فاظيه لوووولز ^^

بس الحين خلاص قمت اخفف من الأكل بعد ما شفت وزني وانصدمت قمت اسوي رجيم قاسي لين ما وصلت للوزن الي ابيه ( لا احد يسألني عن الوزن)

Tockuchi

27-09-2010, 06:09 PM

^^^^
كم وزنك؟ <<< أمزح xD

Lonely Hunter

27-09-2010, 06:27 PM

ماحب اكل لمّ العب بس دايما يكون معاي شي اشربه مثل النسكافيه (دايما) او فريز و احيانا مشروبات روحّيه......بدون كحول P:

UAExHEALER

27-09-2010, 06:33 PM

انا الصراحه ما اندمج كثيير
العب ساعتين وارييح 5 او 10 دقايق
ودوم اخذ معي مشرووب غازي والعب
شي متعود عليه من على اياام ps1

jinabil

27-09-2010, 06:42 PM

انا لما العب دايما يكون جنبى مشروب غازى ونسكافية وعلى كرسى
ولو العب اونلاين لعبة طويلة مثل ريستنس وباد كامبنى احط الهيدست والموسيقى تكون عالية
جداا على اذنى عشان ادخل جو واطلع الاول على المجموعتين واجلس ساعات طويلة فى العب
لدرجة ما ادرى مين يلى دخل على فى الغرفة او طلع
انا وعندى صديقى لما نفتح موسيقى ونحن نلعب اونلاين نكون فى قمة تركيزنا لا اعرف ليش

kingx11

27-09-2010, 06:49 PM

ماحب اكل لمّ العب بس دايما يكون معاي شي اشربه مثل النسكافيه (دايما) او فريز و احيانا مشروبات روحّيه......بدون كحول P:

قريت مشروبات روحيه لوول بعدين قريت بدون كحول

كنت بعلن الجهاد عليك لوول

Al-RaQmi

27-09-2010, 06:51 PM

قلاسة شاهي دبل لبتون بدون سكر ^_^

I C E

27-09-2010, 06:56 PM

في العادة أشرب عصير تفاح بارد أو بيبسي مع ثلج هذا يوم تكون لعبة طويلة أربيجي مثلا

نادرا أكل شي إذا كنت ألعب بس مشروبات

في عادة غريبة عندي

يوم ألعب لازم أكون جالس على الأرض ما أرتاح على الكرسي

UAExHEALER

27-09-2010, 06:59 PM

^^^^

انا اكوون حاااط الكرسي واحط ريلي على طاولة التلفزيووون

بس قبل على الارض ههه

kingx11

27-09-2010, 07:10 PM

jinabil

27-09-2010, 07:17 PM

^
تكنوا ودانس وروك وراب وهافى متيل واحيانا اغانى حزينة وسلو
اوبرا احب اسماعها فى حالات معينة لما اكون مظغوط واحب الاوبرا الفرنسية والبرازيلية

dely10

27-09-2010, 09:00 PM

أنا احب اشرب(ريد بول - دايت بيبسي - فريز)
واخذ بريك مع سنيكرز واذا طلبت مطعم اوقف اللعب واكل لان مستحيل اكل والعب
علشان لا يصير بيدة التحكم دهم وتزلق XD

زما اعرف العب الا بكرسيي المريح اسند ظهري وامدد رجلي
ولازم اصكر الليت -النور علشان اندمج واسمتع بقوة الألوان

THE ROCK IS THE BEST EVER

27-09-2010, 09:57 PM

ما احب الاكل ولا اشرب اذا جيت العب

بس اذا لعبت اندمج لدرجة ان احد كلمني ما ارد عليه واذا رديت ارد وانا مو حاس اني رديت ولا اعرف ايش قلت له

mjk.94

27-09-2010, 10:21 PM

انا لازم اخلي رجلي جنب التلفزيون و اذا جوعان باكل عادي عطشان اشرب مو شي محدد اي شي قدامي , اذا ارفع رجلي اليمين ماعرف العب بينما اذا ارفع اليسار العب احسن لول , و احيانا اذاكر و انا العب (في امتحانات نهاية العام) .

EL Madridsta

28-09-2010, 12:57 AM

انا اذا العب كوره لازم اشرب سترس ( حمضيآآت )
اما باقي الالعاب ماعرف اركز فيهم وانا آكل اصلا :P
ودائما انسدح او اقعد على الارض << عداوه ويا الكرسي ^_~

kingx11

28-09-2010, 08:53 AM

اهم شي محد يدخن وهو يلعب لانه مب زين وخطرر :(

yami vergil

28-09-2010, 09:15 AM

انا بكتب طبايعي وانا العب مع الاكل الي ابلعه ^^

اولا الاكل الي ابلعه : مادخن الحمدلله بس احيانا اكل جبس دوريتوس مع صلصه واشرب حليب مراعي بالجوكليت

او اذا مسوين كيكات اكلها وانا العب ^^ لكن بالغالب اشرب حليب جوكليت

ثانيا الطبع الوحش : طوول ما انا االعب اتحلطم واعصب.. واحتج على كاميرة كل لعبه لااااااااااازم

لين ابط راس اختي Arashi من الحنه

موضوع رائع بصراحه ^^

Zatar

28-09-2010, 10:52 AM

مو زين تشوفني وانا العب فيفا ومبارات حماس وطبعا الكلام على الاون لاين بس
اذا الاكل وصل اصير اخطبوط وكوون مندمج درجه عجيبه
خاصه اذا احد كلمني اقوله مو فاضيلك هجمه
بس الالعاب الثانيه عاادي مااتوقع اندمج فيهااااا

NiN RevO

28-09-2010, 11:27 AM

شاي او قهوه امريكيه بالحليب .. يم يم شهيتني ^^

Fluta

28-09-2010, 11:32 AM

السـلام عليـكم ..

الموضوع حلـو حده ..

أمم أكـل أصـلاً مـا آكـل خلقه ألا إذا غصبوني أهلي ع الغداء <~ بس سلطه ويسحب ع الباقي ..

جلكسـي فلوتات مـع عصير برتقال ..

عنـدي مـركه شـاهي نعناع ..

إذا كنـت ألعب لعب ومتحمس عليه أغـاني ..

وطبعــاً لا يحلو اليوم مـن دون أفلام في الليل ..

Lezard Valeth

28-09-2010, 12:11 PM

همم.. حركات وقت الأندماج ما اتوقع عندي شي ولا أحد قالي أن عندي حركة معينة

والسناكس اوه عاد وقت اللعب الطويل شي لا بد منه

بالنسبة لي اذا مشروبات يا عصير أو بير أو قهوه اذا اكل يا تشيبس أو تشوكلت تشيب كوكيز

KasiH

28-09-2010, 12:31 PM

itachi lover

28-09-2010, 12:41 PM

نسكاااافيه + أحد يقرقر على راسي ....xp
ما ادخل جو إلا بالكذا ... خاصه بالرعب ... طقووووووووس

Falling Angel

28-09-2010, 01:17 PM

همم ..
أنا لما العب أشبك السماعات " الهيد سيت"في التلفزيون
وارفع الصوت للنصف.. والعب واستمتع
حتى ما أزعج أحد ولا أحد يزعجني ^_^
وخصوصا الألعاب اللي فيها موسيقى دائما مثل FF

أكل ما أكل لما ألعب... إذا حسيت نفسي جوعان
اوقف اللعبة واروح أكل..
لأن شهيتي للأكل كبيرة .. وعارف أني راح أطول وأنا أكل..
فـ ما أقدر كل دقيقة لقمة والعب :/
بس لاتخافوا الوزن دائما ثابت.. yay

بالنسبة للمشروبات دائما متواجدة عندي
وخصوصا القهوة .. و الشاي..
أما عصيرات و مشروبات غازية ما أشربها نهائيا .. إن طالت عصير طبيعي..
هذا إذا أحد جبرني...

أخر شيء
ادري عن عمري وأنا العب.. فـ الإجابة نعم
احس بالمحيط اللي حولي لما العب

kingx11

28-09-2010, 01:18 PM

لووووول على سؤال اي نوع تدخن xD شكلك تدخن ياكينغ P:

بالنسبة للعب احب اكل بس تكون وجبات سريعة مثلا سندوتش او هبرجر P: ( حاس في احد بيخش ويعلق على الهمبرجر )
بالنسبة للمشروبات بيبسي او موسي واذا كان صباح شاي بالحليب .

همبرجر وانت تاكل ؟؟ وين راحت متعة الاكل عندك ؟؟

انا كنت ادخن بس عبط مب بشكل منتظم او بأدمان

بس غيري فالمنتدى مدمنين دخان وهيد شوتز لولز

Mr.Tommy

28-09-2010, 02:07 PM

لما العب احط جدامي نوت واكتب ملاحظاتي باللعبة اللي العبها وعادة ما اشرب او اكل شي بس اذا فيها سايلنت هيل وبختمها بقعدة وحدة احطي نيسكافيه يمي
الجو طبعا مظلم بس اباجورة واضاءة خفيفة ورا التلفزيون واضاءة اخف بعد عند النوت اللي جدامي
واذا بتعشى والا اتغدى احول الشاشة عالكمبيوتر واطالع مالكوم ان ذا ميدل او اي شي كوميدي خفيف لتغيير الجو
وبس

KasiH

28-09-2010, 02:20 PM

همبرجر وانت تاكل ؟؟ وين راحت متعة الاكل عندك ؟؟

انا كنت ادخن بس عبط مب بشكل منتظم او بأدمان

بس غيري فالمنتدى مدمنين دخان وهيد شوتز لولز

مو دايما وجبات سريعة قلت ممكن عشاء يوم خميس او اربعاء وكمان ان تواجد
اما متعة الاكل في المطاعم ^^"

من ناحية الدخان اكيد وبعضهم مايمخمخ في اللعب الا وهو يدخن خصوصا لما يبغى يحل لغز
او يلعب ار بي جي استراتيجية .

jinabil

28-09-2010, 02:41 PM

^
انت كاتب فى تعليقك على ps3 امس احتاج همبرجر لول

http://img170.imageshack.us/img170/160/1101900451463wj5vv9.jpg

Al-RaQmi

28-09-2010, 02:48 PM

بالنسبة للعب احب اكل بس تكون وجبات سريعة مثلا سندوتش او هبرجر P:
وليش ماتكون كبسة ؟! تلعب بيد وتاكل بيد P:

Lonely Hunter

28-09-2010, 03:04 PM

اشتهيت تشيز برجر من مكدونالدز :eating:

NiN RevO

28-09-2010, 04:06 PM

لووووول طاحو على مخك يا كاسح xD

أما عصيرات و مشروبات غازية ما أشربها نهائيا .. إن طالت عصير طبيعي..
هذا إذا أحد جبرني...
حتى انا ما احب المشروبات الغازيه نهائيا ً
اما العصيرات الطبيعيه اعشقتها ..

g4mer

28-09-2010, 04:44 PM

كوب من الخمر الفاخر ...

لووووول أمزح XD
أنصدم هههههه

أنا لا زم بيبسي وشي أكله خفيف مثل المكسرات أو شيتوس الفلفل
عاد اذا كنت العب أر بي جي ...يلسه مريحه مع بيبسي حجم عائلي تدرون المعارك تاخذ وقت

Akihiko

28-09-2010, 05:44 PM

لما العب احط جدامي نوت واكتب ملاحظاتي باللعبة اللي العبها وعادة ما اشرب او اكل شي بس اذا فيها سايلنت هيل وبختمها بقعدة وحدة احطي نيسكافيه يمي
نوت !! وااو XD
مفيدة في تحليل الألعاب :09:

انا عن نفسي اغلب الأوقات ولا شي افضل العب وبس واذا باكل او بشرب شي اضغط ستارت :09:

Mr.Tommy

28-09-2010, 08:37 PM

نوت !! وااو XD
مفيدة في تحليل الألعاب :09:

انا عن نفسي اغلب الأوقات ولا شي افضل العب وبس واذا باكل او بشرب شي اضغط ستارت :09:

ايه اغلب الاحيان اسويها عشان اركب المعلومات مع بعضها واطلع باستنتاجاتي الخاصة, خصوصا بالالعاب اللي تكون القصة فيها مفتوحة وتقدر تطلع باكثر من نظرية فيها, او الالعاب اللي تكون قصتها مركبة مو بسيطة عشان تنفهم من ول مرة, او حتى في بعض الالعب اللي يحطون تلميحات لكن ما تفهمها الا لما تنهي اللعبة وتكتشف ان في اشياء كثيرة مريت عليها مرور الكرام لكن بعد ما شفت النهاية عرفت ان في اشياء ما لها مقصد مع ان بالبداية كان شكلها محطوط بشكل اعتباطي

ان متعود يكون عندي كل كورس نوت واحد اكتب فيه ملاحظاتي بالجامعة وحتى بالجيمز فمرات لما فتح النوت عشان ادرس مادة معينة الاحظ الكوكتيل اللي مسويه بالنوت واقعد اقسم اعلّم عالصفحات الخاصة بالدراسة عشان لا ادخل الامتحان متكلم عن سايلنت هيل والا ألن ويك بالغلط P:

Tockuchi

28-09-2010, 09:15 PM

أفضل شيء بالنسبة لي هو نسكافيه بالحليب ^^

NsaN

28-09-2010, 09:57 PM

اللعب يكون و انا عالسرير..بس اذا تحمست..اقوم و اقعد عالكرسي..
و مو شرط آكل..بس اذا اكلت..عادة سناكس:

جالكسي بالبندق مع كندا-دراي اسود..
او
سنكرس، تولا، او كت كات مع شاني او فانتا برتقال..
و ممكن احياناً اضيف برنجلز مع الكولكشن..

طبعاً هو جوكلت واحد مع مشروب واحد..مو كلهم مع بعض..
بعدين ما اسويها بعد الساعة 8..و لا بيخترب عشاي..
و طبعاً ما اسويها اكثر من مرة باليوم..

yami vergil

29-09-2010, 06:21 AM

لووووول على سؤال اي نوع تدخن xD شكلك تدخن ياكينغ P:

بالنسبة للعب احب اكل بس تكون وجبات سريعة مثلا سندوتش او هبرجر P: ( حاس في احد بيخش ويعلق على الهمبرجر )
بالنسبة للمشروبات بيبسي او موسي واذا كان صباح شاي بالحليب .

http://www.cute-factor.com/images/smilies/missbone/pig-maniac-10.gif كااااااااااااااسح احس الجهاز كله مايونيز وكتشب شلووووووووووون ما شاء الله
تلعب وتمسك بورجر؟؟ اقول .. <<< اي نوع تطلب http://www.cute-factor.com/images/smilies/missbone/miss-bone-5.gif

MR. TOMMY

لما العب احط جدامي نوت واكتب ملاحظاتي باللعبة اللي العبها وعادة ما اشرب او اكل شي بس اذا فيها سايلنت هيل وبختمها بقعدة وحدة احطي نيسكافيه يمي
الجو طبعا مظلم بس اباجورة واضاءة خفيفة ورا التلفزيون واضاءة اخف بعد عند النوت اللي جدامي
واذا بتعشى والا اتغدى احول الشاشة عالكمبيوتر واطالع مالكوم ان ذا ميدل او اي شي كوميدي خفيف لتغيير الجو
وبس

OH !! your still a live http://www.cute-factor.com/images/smilies/missbone/miss-bone-22.gif

dely10

29-09-2010, 07:12 AM

لوووووووول كل واحد عنده طقوس

زين محد يقول عندي لبس معين حق اللعب XD

............

كله أكل خنتكلم عن آشياء ثانية :)

أنا أحب العب بليل بعد ما الأهل ينامون علشان لحد يزعجني ويخرب علي اندماجي
وخاصةً اذا كانت اللعبه قصه والغاز وتوصيل ويبيلها فهم

أما العاب الفيرست بيرسن والشوت(mw2) والألعاب الرياضيه (fifa-pes) العبها بأي وقت الظهر العصر

وعندي طبع ما أحب العب العاب رعب الا مع أحد ^____^ "
وما أحب أحد يلعب جدامي لعبه أنا قاعد العبها علشان لا يحرق علي

itachi lover

29-09-2010, 10:10 AM

^^^^

في الرعب انا مثلك ... ما استمتع إلا و أحد معاي ... و خاصه لا جاء شيء مرعب و شفت ردات الفعل ... انواع الضحك ...

إلا fatal fream احب العبها لحالي ... و مطفيه الأنوار و المكييف على اعلى شيء ...<< لا أحد يسأل عن المكيف @@

NiN RevO

29-09-2010, 11:15 AM

في الرعب انا مثلك ... ما استمتع إلا و أحد معاي ...

ما شاء الله شجاعه :09:

mjk.94

29-09-2010, 12:01 PM

^^^^^^^
شو دخل المكيف لول , لو فاتحته بتخافين اكثر ؟ XD

Falling Angel

29-09-2010, 12:55 PM

العاب الرعب تعودت ألعبها لحالي<< أحلى شجاع ^^
أول كان أخوي يجلس عندي ويتابع معي لكن حاليا مسافر..
إلى الأن ماشفت لعبة رعب على الجيل الحالي مثل Fatal fream

dely10

29-09-2010, 02:29 PM

^^^^
اي والله صدقت :biggthump
ياريت تنزل نسخه عالps3 >>> حلم:boggled:

NiN RevO

29-09-2010, 03:02 PM

العاب الرعب تعودت ألعبها لحالي<< أحلى شجاع ^^

انا وا عليا دائما ً العب لحالي .. الا اذا السالفه فيها ماريو 2D احصل اختي في غرفتي على طول xD

itachi lover

29-09-2010, 04:04 PM

ما شاء الله شجاعه :09:

.. أدري ...XD
بس ترا العاب fatal لحالي و الله << تبي تنقذ سمعتها :silly:

^^^^^^^
شو دخل المكيف لول , لو فاتحته بتخافين اكثر ؟ XD

اييييييييه تصييييييييير الغرفه صقييييييييع و بدون الجو مرعب و مظلم بfatal ... قمة الرعب تتجمد اطرافك من الرعب + البرد << وش تحس فيه:bigeyes:

العاب الرعب تعودت ألعبها لحالي<< أحلى شجاع ^^
أول كان أخوي يجلس عندي ويتابع معي لكن حاليا مسافر..
إلى الأن ماشفت لعبة رعب على الجيل الحالي مثل Fatal fream

الله يرجعه لكم بالسلامه ..

العابها على الwii جزء الwii يساوي اجزاء السلسله على بعضها بالرعب ..@_@ تموت بمكانك اسأل مجرب

^^^^
اي والله صدقت :biggthump
ياريت تنزل نسخه عالps3 >>> حلم:boggled:

:أفكر: hope so ~

انا وا عليا دائما ً العب لحالي .. الا اذا السالفه فيها ماريو 2D احصل اختي في غرفتي على طول xD

ههههه حلو على الأقل معاك احد ... أنا الrpg ما احد معاي إلا بالعروض يقولون ملل نادينا اذا جاء عرض .. بس الرعب اللي معاي أما المغامرات كل واحد بمستخدمه ..:silly:

Tockuchi

29-09-2010, 04:40 PM

اييييييييه تصييييييييير الغرفه صقييييييييع و بدون الجو مرعب و مظلم بfatal ... قمة الرعب تتجمد اطرافك من الرعب + البرد << وش تحس فيه:bigeyes:

المفروض يتصكر عشان يصير هدوء تام في الدار xD

Resistance of J

29-09-2010, 05:17 PM

ما أدخن أطلاقاَ...
ما أشرب أو أكل شي أثناء اللعب, لانه بالنسبة لي يفقد لي تركيزي... يمكن أشرب ماء من حين لأخر...

Mr.Tommy

29-09-2010, 07:09 PM

OH !! your still a live

I just came from the valley of death
get ready for some hard work
and tell Arashi to visit the SH group along with you

شبااااااب همبورغر وقت اللعب شلون تندمجون؟؟
ههههه لو لعبة اوفلاين انقول ما يقدر يوقف ومايبي الاكل يصير بارد بس لو اوفلاين اهني مشكلة كبيرة هههه

EL Madridsta

29-09-2010, 08:45 PM

لو لعبة اوفلاين انقول ما يقدر يوقف ومايبي الاكل يصير بارد بس لو اوفلاين اهني مشكلة كبيرة هههه
لو اوفلاين مشكله ولو اوفلاين مشكله اكبر O_o
صدق مضيع تومي :P

KasiH

29-09-2010, 09:07 PM

في العاب حلاوتها لما تتلعب مع شخص ثاني متابع مثل لعبة هيفي راين لو لعبتها الحالي ماكنت راح استمتع
لكني لعبتها ومعاي خويي وكنا نناقش الاحداث واحنا نلعب ، حتى في العاب الرعب كمان ممكن تخلي واحد جنبك عشان يشيل شوية من التوتر
بس الاحلى لما يكون واحد مهتم ومتحمس يعطيك جو .

Pika-Chu

29-09-2010, 09:47 PM

لول على طاري فاتل فريم ، اذكر يوم لعبت آخر جزء ، نقلت الوي من غرفتي للصاله xD

إيتاشي لوفر

العابها على الwii جزء الwii يساوي اجزاء السلسله على بعضها بالرعب ..@_@ تموت بمكانك اسأل مجربهيه صدق و الله ، للحين ما انسى الحرمه اللي ترقص ولابسه كيمونو T_T

Arashi

29-09-2010, 11:12 PM

خوش موضوع http://www.cute-factor.com/images/smilies/onion/d5f02ecd.gif

Let's see http://www.cute-factor.com/images/smilies/onion/014.gif

عادة طبايعي تعتمد على نوع اللعبه: http://www.cute-factor.com/images/smilies/onion/th_057_.gif

اذا العب سايلينت هيل لازم ورقه وقلم واكتب ملاحظات (تعلمتها من Mr.Tommyhttp://www.cute-factor.com/images/smilies/onion/70bff581.gif) ولازم جنبي ناتشوز+صلصلة طماطم+ حليب شوكولات المراعي (غير المراعي ما يمشي معايhttp://www.cute-factor.com/images/smilies/onion_custom/th_0pride.gif) والمكان ظلااااااام بس اضاءه خفيفه ويستحب لو شوية برق ورعد (ترى جربتها.. وناسه http://www.cute-factor.com/images/smilies/onion/07baa27a.gif)

فاينل فانتسي نفس الاكل ولازم أحد جنبي أسالف معاه http://www.cute-factor.com/images/smilies/onion/th_101_.gif

اما ألعاب الاكشن مثل ديفل ماي كراي وغيرها فلازم التركيز كله عاللعب لا اكل ولا شرب واكثر شي أصرخ "غششششششش غشششششششش"http://www.cute-factor.com/images/smilies/onion/punchp1.gif اذا تكررت خسارتي

وما بال الهمبرجر يا كاسح؟ http://www.cute-factor.com/images/smilies/onion/070.gif

شلون تمسك السندويتش وتلعب في نفس الوقت؟
لا يكون تلعب بأصابع ريولك؟ http://www.cute-factor.com/images/smilies/onion/th_001_-v2.gif

kingx11

29-09-2010, 11:21 PM

شوفو هذا شلون يلعب

http://www.youtube.com/watch?v=F4m9xsP1KZM

Falling Angel

29-09-2010, 11:36 PM

^^
لول داخل جو بقوة..

اما ألعاب الاكشن مثل ديفل ماي كراي وغيرها فلازم التركيز كله عاللعب لا اكل ولا شرب واكثر شي أصرخ "غششششششش غشششششششش"http://www.cute-factor.com/images/smilies/onion/punchp1.gif اذا تكررت خسارتي

هههههههههههههه
مثل أخوي.. دائما إذا لعب GOw أو DMC
نسمع صوته في البيت كله
+
لما أناديه بس اسمه أو أقوله اي شيء
يعطيني نظرة عيون حادة..
واللي أترجمها أنا " إذا ما سكتت أو طلعت برا.. راح أطبق عليك كل أنواع الكومبوهات"
فـ كان أنا امشي وأروح على طول

Fluta

30-09-2010, 01:36 AM

حــظكم تقــدرون تـصارخون ..

أنـا بـس لو أقول قـهر بصوت عــالي شوي مـا أسمع ألا صوت الخيزرانه أو الملعقه بالهواء .. :hitwithrock:

ههههههههههههههههه .. :biggrin:

dely10

30-09-2010, 01:54 AM

أبو الاندمااااج
XD
ySidirREn10

KasiH

30-09-2010, 02:00 AM

^
ماشاءالله عصام الشوالي الصغير ^^

ToUaReG

30-09-2010, 04:13 AM

حــظكم تقــدرون تـصارخون ..

أنـا بـس لو أقول قـهر بصوت عــالي شوي مـا أسمع ألا صوت الخيزرانه أو الملعقه بالهواء ..:hitwithrock:

ههههههههههههههههه ..:biggrin:

خخخخخخخخخخخ ..
مافي احلى من هالاكشن http://www.montada.com/montada/icons/icon6.gif ..

بس مو حلو الصراخ ..
بعض الناس احس بحوشها تشنج و جلطه من كثر الصراخ ..
شدعوه كلها لعبه :31: ..

itachi lover

30-09-2010, 12:05 PM

المفروض يتصكر عشان يصير هدوء تام في الدار xD

لا بالعكس ... تحتر و كل شوي قايم تشرب مووويه .. بس مع البرد غصب عنك ماتقدر تتحرك ... يعني قاعد قاعد ههههه XD

لول على طاري فاتل فريم ، اذكر يوم لعبت آخر جزء ، نقلت الوي من غرفتي للصاله xD

إيتاشي لوفر
هيه صدق و الله ، للحين ما انسى الحرمه اللي ترقص ولابسه كيمونو T_T

ههههههه لا يمكن .... صح رعب رعب و قمه بس تخسر الجو ..<< الجزء الوحيد من السلسله اللي تخلي الباب مفتوح ...- بغيت اسبب لأمي جلطه مرتين

تذكر طريقة إلتقاط الإدوات في هالجزء ... مره جيت بإخذ اداة و طلع شبح ... أنا لا شعورياً صرخت ... لا و من المؤثرات سماعة ريموت الwii تطلع لك أصوااااااات
و الله أمي تهاااوش ... حلفت أن سمعت صوتي تكسره ... بس جد و الله ما تنلام مسيكينه ....هههههههههه

الكيمونو تهوووووووووووون عند الأجنبيه اللي دايماً دافه وحده بكرسي أعاقه ... هاذي سببت لي جلطه محترمه
كل ما تطلع لازم أتكهرب ... ~_~
ختمت اللعبه ؟؟!!

Fantasy Legend

30-09-2010, 01:57 PM

امممم
انا لازم شاي حليب او شاي بالهيل او شاي نعناع او شاي بالحبك او شاي سادى << مجنون شاهي XD
مستحيل اكل وانا العب لازم اوقف
ما اشرب غازيات بالمره بس برتقال طبيعي
العب وانا جالس اكره الكرسي
لما العب ار بي جي لازم اختي تكون جنبي وتسألني هذا كيف وهذا كيف....
ولما العب عادي اسمع كل النقاشات والكلام اصلن لو ركزت شويه احصلي فلاش على كيف كيفك من امي طبعا ,,
ومشكورر على الفكره الحلوه كينق,,

J-C

30-09-2010, 02:39 PM

انا دائما اخذ معاي رد بول بس اذا كنت العب تنس اون لاين وحسيت روحي مهزوم اسمع اغاني على طول علشان اهدي اعصابي وارجع حق التركيز ^^

Pika-Chu

30-09-2010, 05:33 PM

تذكر طريقة إلتقاط الإدوات في هالجزء ... مره جيت بإخذ اداة و طلع شبح ... أنا لا شعورياً صرخت ... لا و من المؤثرات سماعة ريموت الwii تطلع لك أصوااااااات
و الله أمي تهاااوش ... حلفت أن سمعت صوتي تكسره ... بس جد و الله ما تنلام مسيكينه ....هههههههههه لوول ، وحليلها الوالده xD
انا عاد من بدت اللعبه كنت حاس ان طريقه التقاط الايتمات مسوينها عشان يطلع لي شبح فكنت مستعد له
بس مع هذا كم مره قفزت xD

ومره اذكر كنت اضارب شبح واحرك الوي ريموت بشكل سريع عشان اتفادى الشبح وكنت مندمج اخر اندماج
لدرجه ان ابوي كان يكلمني وانا ما اسمعه ، بعد ما خلصت من الشبح شفت ابوي يطالعني بنظرات غريبه خخخ

الكيمونو تهوووووووووووون عند الأجنبيه اللي دايماً دافه وحده بكرسي أعاقه ... هاذي سببت لي جلطه محترمه
كل ما تطلع لازم أتكهرب ... ~_~

صاحبه الكرسي روحها ازمه نفسيه من ازمان اللعبه >.>

ختمت اللعبه ؟؟!!ختمت اللعبه بس عاد خذت 10 ايام تقريباً
بالعاده اللعبه اللي احبها ما اكمل يومين ولا ثلاث والا خلصتها ، بس هذي تلعب ساعه وتحس انك لعبت يومين متواصلين من الرعب اللي تسببه لك xD

احس كينج بيعصب ، قلبنا الموضوع سوالف عن فاتل فريم :09:

Mr.Tommy

30-09-2010, 06:49 PM

^
^
^
>>>>>>> راح يتأكد ان فاتل فريم موجودة بالرف عشان يلعبها قريبا

itachi lover

01-10-2010, 12:54 AM

لوول ، وحليلها الوالده xD
انا عاد من بدت اللعبه كنت حاس ان طريقه التقاط الايتمات مسوينها عشان يطلع لي شبح فكنت مستعد له
بس مع هذا كم مره قفزت xD

ومره اذكر كنت اضارب شبح واحرك الوي ريموت بشكل سريع عشان اتفادى الشبح وكنت مندمج اخر اندماج
لدرجه ان ابوي كان يكلمني وانا ما اسمعه ، بعد ما خلصت من الشبح شفت ابوي يطالعني بنظرات غريبه خخخ

صاحبه الكرسي روحها ازمه نفسيه من ازمان اللعبه >.>

ختمت اللعبه بس عاد خذت 10 ايام تقريباً
بالعاده اللعبه اللي احبها ما اكمل يومين ولا ثلاث والا خلصتها ، بس هذي تلعب ساعه وتحس انك لعبت يومين متواصلين من الرعب اللي تسببه لك xD

احس كينج بيعصب ، قلبنا الموضوع سوالف عن فاتل فريم :09:

ايييييه أمي هههه بالتدخل من باب الصابرين أن شاء الله و السبب أنا xp

من ناحية النظرات أنا تعودت .. و اهلي تعودوا xD

ازمه نفسيه و بس ....
تذكر الغرفه تبعها اللي فيها توابيت ... و المنيكان اللي جنب التابوت لما الغرفه تقفلت ... كنت مصوبه الكاميرا و احوس بالغرفه ما قدرت اطلع منها لما التفت المنكان علييييك و التابوت انفتح ... بغيت أسلم أمااانتي فعلاً ... مافي موسيقى و لا شيء على طول اللقطه بثلاث ثواني بس ارعبتني ثلاث ايام O.0

ماشاء الله عليك انا لسى ليلي طويل ... صح بديت اكشف اشياء من غموض القصه بس توني بداية المشوار ...^_^

^
^
^
>>>>>>> راح يتأكد ان فاتل فريم موجودة بالرف عشان يلعبها قريبا

حتى لو مو موجوده MUST اللعبه مايختلف عليهااثنين ... اروع لعبة رعب شفتها ... هاذي الإلعاب اللي تعلمك وشو الرعب ... مو تهريج هاليومين ~_~...<< حاقده على RE5

kingx11

01-10-2010, 04:53 AM

http://www.xgn.nl/images/boxarts/360/big/condemned-criminal-origins.jpg

اللي فيه خير يلعبها وهو مطفي الليت

FatmanAB

02-10-2010, 05:14 PM

انا اشرب حشيش لما العب اونلاين وخد حبوب اذا لعبت رزدنت خخخخخخخخخخ <<<< لحد يصدق XD

FatmanAB

02-10-2010, 05:15 PM

http://www.xgn.nl/images/boxarts/360/big/condemned-criminal-origins.jpg

اللي فيه خير يلعبها وهو مطفي الليت

انا لعبتها هي والجزء الثاني اللعبة ماتخوف ابدااااااااااااااااااااااااااااااااااااااااااااااااا

الصوت 80 والشاشة HD وظلاف اللعبة ماتخوف بذيك المستوى

بعكس Silent Hill 3 او 1

Arashi

02-10-2010, 06:31 PM

misty hestory

02-10-2010, 06:59 PM

السلام عليكم

يالله موضوع انتظره من زمان ^__^
عاد انا علي طقوس !!!
اطفي النور والمكيف اعلى شي واتلحف ببطانية << وش حادك على البرد :09:
العب بالليل عشان ما يكون عندي احد لكن عندي مشكلة وحده ما اقدر ارفع عالصوت عشان ما يصير ازعاج بالبيت فاحط حرتي بالهيدفون وارفع الاغاني للأخر :jap028:

و لما اجي العب لعبة زي ريزدنت ايفل وسايلنت هيل لازم اجيب صحن كبير واحوس فيه ابو انواع الشيبسات مع اي صوص القاه قدامي وحبذا لو يكون فيه بيتزا :jap049:
مع بيره بيدوايزر او هولستن وما فيه مشكله لو اي نوع ثاني مع بيبس بااااارد ومعاه قطع الثلج :32:
واذا ناويتها سهره اشرب قبلها نيسكافيه مع شي حالي :p
ويصير انواع الحوسه بالبطن وبعدها اكلها مغص يومين :boggled:

لكن هذي الحاله ما تجيني الا اذا كان علي ضغط بالدراسة او في ايام المراجعة وحسيت ان لي فتره ما لعبت <<<يعني انتقام ولا ايش !!!
لكن بالايام العاديه اقضيها علك ومويه ^_^

واذا على الجلسه أجلس على الكرسي لكن متربعه اغلب الوقت واذا تحمست العن واسب بس بمحيط الغرفه يعني اهم شي ""الصوت مايطلع برا ""

ومع ذلك أبوي غسل يده مني لما شافني العب re عالووي
وبعده العايله كلها لما لعبت سايلنت هيل شيترد ميموريز :embarassed:

kingx11

02-10-2010, 09:13 PM

^^^^
صج احلى جزء هو سايلينت هيل 1 وبعده 5 @@

و3 اكثر الاجواء تخويفا حسيتها مليانه دماء بالمقارنه مع باقي الاجزاء

عاد لما ألعب الجزء الخامس اعصب وايد واصرخ واسب(سب عفيف خخخ) لأن الوحوش قويه XP

شكلج مالعبتي الثاني

سايلنت هيل2 من ناحية سرد القصه والاحداث الافضل بلا منازع فالسلسله

KasiH

02-10-2010, 11:38 PM

سايلنت هيل2 من ناحية سرد القصه والاحداث الافضل بلا منازع فالسلسله

i SECOND THAT

Arashi

03-10-2010, 12:09 AM

لعبت كل اجزاء سايلينت هيل XD

بس كرهت الثاني بسبب جيمس <_<

يالله موضوع انتظره من زمان ^__^
عاد انا علي طقوس !!!

اهم شي الطقوس XD

عاد سب كلنا نسب (سب خفيف XP)

اكثر شي سبيت لما لعبت FF Dissidia <_<

dely10

03-10-2010, 01:09 AM

Silver Falcon

03-10-2010, 02:06 AM

واذكر مره سويت روحي مريض علشان العب داينو كروسز عالسوني 2
والحمد لله مشت على أهلي ههههه

^
^
لووول ذكرتني بايامي الحلوة بالمدرسة ههههههه
انا عن نفسي اول ما نزل ميتال قير رحت طاير للرحاب ومريت ولد عمي (عاشق كبير لmgs :32:)
ولقيناه عندهم باعداد كبييرة (إغراء:biggthump) وشريتها والباقي معرووف:silly:

Fantasy Legend

03-10-2010, 02:33 AM

انزين خنغير المووود

أبي كل واحد يوصفلي شعوره
لما ياله خبر أنه لعبته المفضلة نزل بالسوق

مره ياني خبر ان pes2008 نزل كنت بالمحاضره
ياني مسج من المحل اللي اتعامل معاه
قاعد بالمحاضرة كأني محصوور >>> لووول
أول ماخلصت المحاضره
على طول ركض واتذكر واحد من ربعي كان قاعد يكلمني
سحبت عليه وركض رحت السيارة وتبتون
لما وصلت المحل

::::::::

واذكر مره سويت روحي مريض علشان العب داينو كروسز عالسوني 2
والحمد لله مشت على أهلي ههههه

::::::

والا مره رحت الرحاب باخذ لعبه ناطرها
والا ناسي بوكي وفلوسي بالبيت لوووووووووووول
بس الله يعافي ولد عمي دفعلي
الله يعطيه العافيه

امممممممم لما نزل فاينل 13 من الحمااااااااااااس قلت لصاحبي وربي تشتريها على حسك قلتلو انا والله حاليا
فقراااان الشي مو راضي قلتله والله تشتريها غصبن عنك فاهم <<< اكلح مني مافي XD
وبعدين راح اشتراها وهوا قهراااااااان على طول اخت الشريط منو مع انو يكره شي اسمو فاينل
بس هذي طبعا النسخه اليابانيه اما الانجليزيه بفلوسي اخدتها ,,,

اما اني امثل على اهلي والله عد واغلط كل اسبوع لازم مره
يوم اقلهم مريض ويوم انا اتأخرت لو رحت راح يخصمو مني درجاات
و يوم اقلهم عندي اختبار وما ذاكرت و يوم اقلهم في واحد في المدرسه
لو رحت راح اضارب معاه ويمكن اقتله << كذااااااااب
طبعا هم عارفين اني اكبر كذاب لاكن اش يسوو خلاص يمشوها ليا
المشكله اني لما كنت اقلهم مريض واغيب على طول اروح اشغل السوني وتفجير لين الساعه 12 الليل,,

MaMba1234

03-10-2010, 01:27 PM

itachi lover

03-10-2010, 02:22 PM

اممممم فاينل 13 ....

اذكر ان المحلات اكرهوني من كثر ما اتصل .... جننتهم ...
و اول مانزلت طيييييييييييران جابها السواق ...
اذكر كان عندنا ضيوف و يوم جامعه .... و فيني حره العبها نمت بدري و قمت الساعه 4.30 عشان العبها
بس فعلاً و ناااسه و اخذت معاي دليل اللعبه للجامعه من الحماااااااااس XD

------------------------------------------

DMC3

ماكنت ادري عنها
بس اتصل علي اخوووي قال : ألحقي جزء جديد من ديفل
كان شعوور جمييييل ... حلوه المفاجأه ^_^

ميتل قير 1 .. ذكرتوني بالوالد .. كان يقولي اذا جبت امتياز بالأملاء اجيبه لك ...

شديت حيلي وجبت امتياز 10 من 10 .. وجاب لي 2 يدري اني بخرب

عسى الله يسكنه فسيح جناته ويسكن الوالده واخواتي بجناته

اللهم صبرك ياروح

اللهم آمييين يارب ... و يفرحه بالآخره زي مافرحك بالدنيا

الله يرحمهم يارب ..

THE ROCK IS THE BEST EVER

03-10-2010, 03:09 PM

انزين خنغير المووود
أبي كل واحد يوصفلي شعوره
لما ياله خبر أنه لعبته المفضلة نزل بالسوق

لعبة KH2

حتى اني اتذكر اليوم و التاريخ الي شريت فيها اللعبة

يوم الخميس 11 ابريل

دقيت على المحل وسائلت عن اللعية

وقال موجودة وسائلت مره ثانية

وقالي موجودة

في مره اوله يوم قال انها نزلت عقلي ما استوعب من اول مره

رحت شريت اللعبة ولعبت فيها خمس ساعات متواصلة

اخ ذكريات حلوه

Mr.Tommy

03-10-2010, 03:47 PM

misty hestory

عاد انا علي طقوس !!!
اطفي النور والمكيف اعلى شي واتلحف ببطانية << وش حادك على البرد
العب بالليل عشان ما يكون عندي احد لكن عندي مشكلة وحده ما اقدر ارفع عالصوت عشان ما يصير ازعاج بالبيت فاحط حرتي بالهيدفون وارفع الاغاني للأخر

تصير فيني لما ولد خالتي ينام عندي, ما احب اسي ازعاج فاحط الهيدفون, مع اني ودي اعلي عالصوت حده اخليه ما ينام بحياته بعد

ومع ذلك أبوي غسل يده مني لما شافني العب re عالووي
وبعده العايله كلها لما لعبت سايلنت هيل شيترد ميموريز

ههههه عاد صج الوي مشكلة ن هالناحية
وشاترد ميموريز لما تنحاشين من الوحوش بيصير شكلج فلم وانتي تلعبين ههههه
بس حسافة اللعبة قصيرة خلصتها اكثر من مرة ما تاخذ اكثر من 5 ساعات, بس اول مرة 7 ساعات والحين صارو بس 3

arashi

لعبت كل اجزاء سايلينت هيل XD

بس كرهت الثاني بسبب جيمس <_<

Just kill me already :blackeye:
هيين يا اروووش بتييلج زفة بقروب السيرفايفل هورور لا تنخشين ورا يامي ماراح تحميج:28:

_-_-_-_-_-_-_-_-_-_-_-

مافي لعبة اول ما انزلت تحمستلها بجنون حتى لو احبها مادري ليش بارد من هالناحية
حتى لو اتحمس حق لعبة اول ما تنزل القى اهتمامي قليل
بس سايلنت هيل8 اتوقع بنام بسليب باغ بالرحاب قبل لا تنزل بيوم :)

UAExHEALER

03-10-2010, 04:02 PM

ميتل قير 1 .. ذكرتوني بالوالد .. كان يقولي اذا جبت امتياز بالأملاء اجيبه لك ...

شديت حيلي وجبت امتياز 10 من 10 .. وجاب لي 2 يدري اني بخرب

عسى الله يسكنه فسيح جناته ويسكن الوالده واخواتي بجناته

اللهم صبرك ياروح

أميين ياارب العاالمين

.
.
انا الصراحه العااب كثيره تحمست عليها
مثل mgs 4 نزلت وشفت تقييم اللعبه 10 ما كنت متوقع
وكاانت فترة اختبارات اذكر انتظرت لين الخميس واخذتها
وكملت حوالي 3 ايام انتظر ما العب عشان الاختبارات

Tockuchi

03-10-2010, 06:26 PM

آخر لعبة كانت Rogue Warrior = الشيء الوحيد إلي عجبني فيها هو الأونلاين ومافي ناس بالأونلاين كثير -_-" , تذكرني اب تكرمون زبالة الصالة xD

Arashi

03-10-2010, 11:23 PM

انزين خنغير المووود

أبي كل واحد يوصفلي شعوره
لما ياله خبر أنه لعبته المفضلة نزل بالسوق
مره اتصلت في محل للفيديو جيمز وسألته عن لعبه معينه والا يقول لي: ايه هاللعبه نزلت وعندنا لعبه زينه اسمها داينو كرايسيس 2 تبينها؟" :33:
انا لا شعوريا صرخت في التليفون:"صج والله؟ الحيييييييين باخذها احجز لي نسخه" :bigeyes:

حسيت الريال تخرع من صراخي :silly:

اخوي الصغير كان راجع من رحلة مدرسية من دبي ويقول لي: "أروش جفت لعبه اسمها ديفل ماي كراي 3" :bigeyes:
قلت: "لااااااااااا صج ولا تتغشمر؟" :boggled:
يقول:"والله مب بطلها اسمه دانتي لابس احمر وشعره أبيض؟ بس شكله صغير وكأن اخوه موجود" :ponder:

انا هني متتتتتتتتتتتت من الحماس وركضت انادي يامي:" يامييييييييييييييييييييي الحقي نزلوا جزء ثالث لديفل ماي كرااااااااااااااااااااااي" :32:

طبعا كنا فاقدين الامل قبلها بسبب ديفل2 :31:

وعلى طول فتحت النت وطلبتها وكل يوم اسأل ابوي عن البريد لين وصلت اللعبه :09:

Just kill me already :blackeye:
هيين يا اروووش بتييلج زفة بقروب السيرفايفل هورور لا تنخشين ورا يامي ماراح تحميج:28:

شاسوي؟
انت خليتني اعرف حقيقة هالمجرم @@

tekken1663

07-10-2010, 01:58 AM

مابيحلى الجو إلا مع بيبسي + كوكاكولا
وأكون مستمتع اكثر لوحدي

انزين خنغير المووود

أبي كل واحد يوصفلي شعوره
لما ياله خبر أنه لعبته المفضلة نزل بالسوق

قبل أسبوعين كنت حاجز لعبة halo reach فاتصل صاحب المحل
وقال هالو وصلت وماصدقت فرحت أدور في البيت اقول بأعلى صوتي هالووووووو ريييييتتششش وصلت
واتصلت الصديقي قلت هالو وصلت نتقابل اليوم
أخوي الكبير قاعد مندهش وقال اي حصل ؟
وأنا مو عارف ارد صراحه موقف محرج قلت حصل خير
أنا كنت حاسس بطاقة وبنشاط وقتها خخ