مشاهدة النسخة كاملة : @@ تجربتي مع محفز قروث و ifg خرافي نوع جديد ,, طااازج ..مع كورس مكملات @@
ابو مهاا
27-09-2010, 03:41 PM
السلام عليكم ورحمه الله وبركاته ,,
استخدم بالكورس حاليا اوكسي اليت فات برنر cla 1250 ال كرنتين و واتر فاكتتر يعادل الماء بالجسم ويطرد الزائد
+ محفز القروث الي قلت لكم عنه
HEXAGHEN
331010
طريقه عمله وفكره عنه
331011
طريقه استخدامه حبتين تحت اللسان قبل النوم مباشره تحطها لين تذوب وتشرب مايها
استخدامه اسبوعين متواصلين واسبوع راحه وراها اسبوعين متواصلين وبجذي تنتهي العلبه كامله تقدر تستمر عليه لمده 6 اسابيع اعتقد
المكملات الثانيه امينو 2222 نوع دي ان ايه + برو كومبلكس العادي + iso 100 بروتين زيرو فات
سكوبين الصبح برو كومبلكس مع حليب 350 مل خالي الدسم وقبل النوم بساعه سكوبين مع حليب
امينو 18 حبه موزعه على اليوم كله وبروتين ايزو 100 سكوبين بعد التمرين مباشره مع ماء
نسبه الدهون حاليا 14-15% الوزن 91 الطول 188 والعمر 24 اي استفسارات وشي خطأ بالمكملات او الطريقه نتقبل ارائكم :) ومن باب الحرص خذيت ليقانول اكل حبه مع وجبه الغدى بالتوفيق للجميع ان شاء الله
استخدامي للمحفز تقريبا من 10 ايام واحس بتغير بالاوزان يمكن عامل نفسي
وبالنسبه لي اشوف مكوناته اقوى من جي اج ماكس لانه هذاك يعتمد على احماض اميينيه وقابا وبعض الفيتامينات هذا احس طريقته اعمق من جذي بالتوفيق حبيت انقل تجربتي لكم
وهذا الموقع الرئيسي له للأستزاده وله كورس كامل طبعا بس انا اكتفيت بمحفز قروث للتنشيف وللتقسيم
http://www.musclemedsrx.com/hexaghenscience.html
تقبلوا تحياتي بالتوفيق للجميع ان شاء الله
Leaner
27-09-2010, 04:19 PM
تجربة رائعة منك وماشاءالله تقدم ممتاز
لكن بصراحة أول مرة أسمع عن هالمنتج...
بالنسبة لمكملاتك حلوة وانا مجرب الأمينو 2222 من DNI وفادني بمرحلة التنشيف والبرو ماعليه كلام وال iso هم ممتاز بعد
هالله هالله بالنتايج يابومها
موفق ان شاءالله
.hamad.
27-09-2010, 04:23 PM
بومها ماينخاف عليك ماشاء الله ...
موفق يابطل وبالنسبة للمحفز والزيادة فالاوزان ... اتوقع الزيادة بالاوزان من المحفز ..
واصل يابطل .. والله يوفقك
الامبـــراطور
27-09-2010, 04:24 PM
اناسمعت عنة بس يقولون انه خطير ولازم واحد خبير ومعاه دكتور
http://www.peptidelabs.com/media/catalog/product/cache/1/image/9df78eab33525d08d6e5fb8d27136e95/i/g/igf-1-lr3.jpg
ابو مهاا
27-09-2010, 04:59 PM
الي حاطه غير عن الي كاتبه انت
اخوي الامبراطور ومشكورين على المرور اخوي لينر وحمد منورين صفحتي بتواجدكم ان شاء الله بنستمر لين نشوف اخرتها مع الحديد :$
ميعرو
27-09-2010, 06:14 PM
تسلم على الموضوع اخوي ابومهااااااااا
الى الامااااااااام يابطل.
THE CAST
27-09-2010, 06:26 PM
وعليكم السلام ورحمة الله وبركاته
اختيار موفق مااشالله , خاصة الigf1 شكلي بحطه فالقائمه للكورسات القادمه ان شالله
بالتوفيق ياوحش
attract
27-09-2010, 07:43 PM
ياوحش يابوو مها
بدرس الهاكسجين عدل لاني احتمال ادخله بكورس مع الانيمال تست
اشكرك على الافاده حبيب قلبي
موفق ابوي
dhoom550
27-09-2010, 08:05 PM
مشكوووور على طرحك لتجربتك وبالتوفيق
بس يليت تحط الكورس حقه كامل لاني خشيت على الموقع وما اعرف انجليزي للأسف
وما عرفت وين احصل الكورس حقه يليت تحطه هنا او رابط مباشر للكورس
تحيااااتي
france for ever
27-09-2010, 08:16 PM
اشكر الاخ ابو مها لطرح تجربته لاستفادة الاعضاء و ان شاء الله تستفيد من الكورس و موفق باذن الله
ابو مهاا
27-09-2010, 08:22 PM
اهلين اخوي ميعرو منور بمرورك العطر تسلم اجمعين
وحياك الله استاذنا الغالي ابو منصور منور ايه هذا الي حمسني بالنسبه للتجربه ماحبيت اقول نشفني لانه بصراحه مادري
لاني استخدم فات برنر بس صراحه في فرق خرافي بالاوزان لاحظته تحسن قوي بالنسبه لي وصلت اوزان ماوصلتها قبل
عن نفسي مادري ليه اكره منتجات البور ,, هههه ثقيله على معدتي بستخدم بعدين يمكن انيمال بمب لانه حبوب افضل
هلا اخوي اتراكتف حيااك ياوحش
انيمال تيست اختيار ممتاز بس ترى في منافس له لاتنسى وجود الوحش تيستو فريك ارخص وقوي جدا وتقيمه عالي جدا 9.4 انصحك فيه تلقاه بريزولت 14 دينار مع الخصم لول 12 وشي
ضيفه مع هذا اتوقع نتيجه تفجير بتكون انا مابدخل محفز تيست حاليا لانه بمرحله تنشيف ان شاء الله بالكورسات القادمه
اخوي دحوم انا حاط الرابط المباشر للموقع وفيه يتكلم عن هل منتج بعدين مو مجبور تستخدم الاستاك الكامل خذ وخل انا عن نفسي اكتفيت فيه لانه بس قروث وجي اف تي على حسب هدفك وميزانيتك
بس هل شركه قويه وهي الراعي الرسمي للبطل كي قرين اعتقد اسمه جذي الاشقر :)
مبتددي
27-09-2010, 09:25 PM
مــووفـق يااوحــش ومن اافـضل الـى اافـضل ان شــاء الله
وززي مــاقـالوا الااخــووان مايــنخاف عــليـك ماشاء الله
وشــي حلو انــك تطــرح تجــربتـك يمـكن الااخــووان يســتفـيـدووون
ابو مهاا
27-09-2010, 09:40 PM
الله يحفظك مبتددي وتسلم على مشاركتك
اي نعم حبيت انقل التجربه يمكن احد يستفيد لانه المنتج باين عليه قوي وانا متأمل خير فيه
ميعرو
27-09-2010, 10:15 PM
والله مواضيعك واسلوبك هو اللي منورنا.
THE CAST
27-09-2010, 10:24 PM
ينقل للمواضيع المميزه
متمرس حديد
28-09-2010, 12:36 AM
والله يبو مهاا كان ناقصنا صوره يارجال
لكن ادري إنك خايف من العين ...او بتقول لي إذا تبي تشوفني حط صورة روني قدامك وتخيل ابو مهاا
ادري ادري مايحتاج تقول لي :)
ماشاء الله تبارك اللـه
لكن وش نوعه محفز القروث إلي خذيتـه ؟
toto jeddah
28-09-2010, 12:59 AM
ماشاء الله عليك ,,, وحش الوحوش
اصرار وعزيمة وشخص فاهم صح
اكيد رح تحقق مناك باذن الله
ممنون لطرح تجربتك وافادتنا بالمنتج الجديد
attract
28-09-2010, 06:13 AM
حبيبي بو مها التست فريك جربته وقوي
لكن نتيجته بطيئه المشكله
وودي اكتسح شركه يونفيرسال لانها شركه اجراميه
وبيني وبينك نادر ما اكرر منتج هههه
بسرعه أزهق
وتسلم حبيبي على الافاده وموفق يالوحش
آبو رآشـد
28-09-2010, 08:50 AM
مشاء الله عليك تجربة ممتازة صراحة
تجربة مميزة تشكر عليها...
تحياتي لك
ابو مهاا
28-09-2010, 10:51 AM
والله يبو مهاا كان ناقصنا صوره يارجال
لكن ادري إنك خايف من العين ...او بتقول لي إذا تبي تشوفني حط صورة روني قدامك وتخيل ابو مهاا
ادري ادري مايحتاج تقول لي :)
ماشاء الله تبارك اللـه
لكن وش نوعه محفز القروث إلي خذيتـه ؟
تسلم شدعوه روني الله من بؤك للسما على قوله حبايبنا المصرين ونوع المحفز كاتب اسمع وحطيت صوره له وفكره عنه وحطيت الرابط الرئيسي تقدر ترجع له ببدايه الصفحه
حياك الله متمرس ها بشر شلون الضخامه وياك ان شاء الله فتحت بالاكل ,,
ينقل للمواضيع المميزه
تسلم يابو منصور احرجتنا وان شاء الله يستفيد منها الاخوان
ماشاء الله عليك ,,, وحش الوحوش
اصرار وعزيمة وشخص فاهم صح
اكيد رح تحقق مناك باذن الله
ممنون لطرح تجربتك وافادتنا بالمنتج الجديد
اهلين كابتن تركي حياك الله يالغالي احنا تلاميذك ومانستغني عن نصائحك الغاليه والثمينه
ماقصرت معاي ومع كثير من الاخوان ببدايه المشوار تسلم شرفت صفحتي بمرورك
حبيبي بو مها التست فريك جربته وقوي
لكن نتيجته بطيئه المشكله
وودي اكتسح شركه يونفيرسال لانها شركه اجراميه
وبيني وبينك نادر ما اكرر منتج هههه
بسرعه أزهق
وتسلم حبيبي على الافاده وموفق يالوحش
اها عيل معذور يالله شد حيلك والله الله بالتغذيه والراحه وفجر تفجير بالاوزان وشوف الضخامه :)
مشاء الله عليك تجربة ممتازة صراحة
هلا بالمعلم الكبير صاحب القلب الكبير بو راشد ياهلا وغلا تشرفت بمرورك الكريم
مشكوور واحنا عسانا ماننحرم من شوفتك ولله يحفظك ويوفقك يالامير
والله مواضيعك واسلوبك هو اللي منورنا.
حبيب ميعرو انت الغالي ومنورنا وتسلم على كلامك الحلو
attract
28-09-2010, 07:19 PM
بومها بغيت اسئلك يالغالي
الاغراض اللى تاخذهم من وين تحصلهم
لان فى بعضهم مو موجودين بالكويت
وانا اقدر اطلب من النت عندى صندوق بس مو مجرب ولا مره
فـ اذا عندك فكره .. راح يسوولى مشاكل اذا طلبتهم وجذى ولا عادى ؟
لان فى ناس يقولون مايدخلونهم
والسموحه حبيبى
ابو مهاا
28-09-2010, 11:14 PM
هلا بالحبيب تقدر تطلبه روح لشركه ارامكس الي بالعارضيه الصناعيه وافتح لك بريد بأمريكا وبعشره جنه واطلب مكملات من موقع امازون الامريكي ارخص من بدي بيلدينق
بس انصحك تطلب شغلات خفيفه مثلا حبوب ليبو محفزات امينو هل سوالف بتطلع عليك ارخص اما البروتين بيكون اغلى ليش لانه الوزن عالي بيكون كل كيلو 5 دنانير ونص كيلو3
بالنسبه وين تحصله هني انا اتعامل مع شخص محترم وشغله نظيف واكثر من شخص بهل منتدى يعرفه اسمه بو صالح بسلوى وهذا رقمه 99998986
وحصلت عنده هل محفز ماخذه منه بالتوفيق يابطل
attract
29-09-2010, 04:17 AM
بعد راسى والله يابو مها عساك سالم
THh Rock
29-09-2010, 07:09 AM
^^^^^^^^^^^^^
العضو الي فوق شكله فاصل الطبلون..........!!
THE CAST
29-09-2010, 10:15 AM
^^^^^^^^^^^^^
العضو الي فوق شكله فاصل الطبلون..........!!
بقوه فاصل
ملاحظه مانقصدك يا attract (http://www.montada.com/member.php?u=795739)
كان في رد بعدك حذفته
ابو مهاا
29-09-2010, 11:37 AM
الحمد لله كان النت فاصل عندي وماقدرت اشبك واشوف الرد الله يستر هههه مالنا خلق ضيقه خلق تسلم ياكاست وروك على المرور وحياك الله اخوي اتراكت
scaryface
29-09-2010, 12:31 PM
الحمد لله كان النت فاصل عندي وماقدرت اشبك واشوف الرد الله يستر هههه مالنا خلق ضيقه خلق تسلم ياكاست وروك على المرور وحياك الله اخوي اتراكت
انته محبوب في المنتدى يا بومها فوسع بالك عليهم ههههه
بس سؤال الله يطولي بعمرك
ما هي اسوا عضلة عندك (غير المعدة) ؟؟
وبالتوفيق يا وحش وان شاء الله توصل لهدفك
ابو مهاا
29-09-2010, 01:09 PM
المعده طبعا غثيثه هههههههههه جنك داري
بالنسبه لأسوء عضله بالنسبه لي الي تقدمها بطيئ بس الي يشوفها يقول عادي بس انا موعاجبني وضعها حتى الكباتن سألتهم قالوا بالنسبه لك ممتازه
الي اهي الباي .. مع انه والعضلات المميزه الحمد لله الاكتاف والترابس والبيطان كذلك التراي ضخم بس الي مدوخني الباي .. وكذلك الصدر مو مثل الي اطمح له حاليا اما الباقي الحمد لله
والارجل وضعها تمام ولله الحمد
ومشكور على مرورك العزيز اخوي سكار تسلم ماقصرت سابقا معاي بتوجيهاتك وكلامك مشكووووووووووووووووور من كل قلبي اقولها لك يالغالي
ولد ابوظبي
03-10-2010, 09:21 PM
تجربة جميلة .. وأشكرك على طرحك في المنتدى
ربي يحفظك .. :)
ابو مهاا
04-10-2010, 02:01 AM
حياك الله منورنا يالغالي ,,
صراحه انا مستغرب من شي ماشاء الله الوزن طمر الى 93 مع انه ماشي رجيم ونسبه الدهون ثابته وقلت شي بسيط
عضل ان شاء الله والمنتج الحمد لله تقبله الجسم وحش ولله ياشباب وانا بفتره راحه اسبوع ورد اكمل اسبوعين
فرحااااااااااان
23-10-2010, 12:17 AM
يا زعيييييييييييييييييييييم انته يا زعيم ما شاء الله عليك واطمح لك توصل للافضل
ومشكور على هذا الموضوع الي يستفيد منه الغير
والى الاماااااااااااااااااااااااام الى كل اعماق قلبي بس لو ابغي اطلب القروث من الشركه في الامارات كم بيطلع علي وكييييييييييف الطريقه
kd939
23-10-2010, 12:42 AM
ما شاء الله عليك ابومها تجربه رائعه ونتائج اروع
بالتوفيق يا بطل واعذرني ما انتبهت للموضوع
اللي مثلك يستحق نرد عليه من بدري
.ابوقحط.
23-10-2010, 05:41 AM
الاخ العزيز ثق بالله الفورمه الحلوه الى انت فيها من مجهودك الشخصى مو من مجهود
باختصار انت باذل مجهود حلو + تدخل بجسمك كميه بروتين عاليه =صلابه وزياده عضليه
بالنسبه لهذا المنتج موجود فى جى ان سى فرع الفحيحيل +بوصالح مزاد كويت
الاخ العزيز الناس تاخذ قروث حقيقى 4 يونتى 35 ابره مع تسترون +بربولان+ونسترول بالاضافه الكارنتين والذى منه من امينو وبروتين وجلاتامين وغيره
ويالله يضبط الكورس ويمكن لا
الاخ العزيز هذا المنتج قولون عنه بيق جوك ( يعنى مزحه كبيره)
هذا رابط شوفه http://www.supplementreviews.com/musclemeds/hexaghen
الاخ العزيز الشغل الحلو الى انت فيه
هذا من مجهودك انت مو من هذا المنتج
الله يوفقك ويسر امورك
THh Rock
23-10-2010, 05:59 AM
وعليكم السلام
صراحه ماشاء ا لله تقدم ملحوظ يا ابو مهاا بالتوفيق لك وشد حيلك
الرمـادي
23-10-2010, 04:35 PM
بو مهاا ما شاء الله عليك
سباق دائماً وتجاربك مشوقة
وإن شاء الله بعد فترة راح اعرض الكورس الي عندي بس للحين ما استخدته خبرك اصابة اليد والمفصل مشكلة كبيرة
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .