المساعد الشخصي الرقمي

مشاهدة النسخة كاملة : الطريقـة الصحيحه لإستخدام للمكملات التاليـه وبرنامج غذائي ؟ إستفسـار من الوحـوش


طلال السبيعي
28-09-2010, 01:51 AM
بسم الله الرحمن الرحيم ..
والصلاة والسلام على أشرف خلق الله محمد ابن عبدالله الأمين صلى الله عليه وسلم ..


كيف حالكم ياوحوووش ..
عندي مجموعة مكملات , بعرض لكم طريقة الإستخدام اللي أنا أستخدمها ..
وممكن تقولون لي هل طريقتي صح وإذا في طريقة أفضل مافي مانع تطرحونها !


المكملات:
1) بروتين سوبر جنر فيول
2) انيمال باك
3) سوبر امينو 10000
4) انابوليك امينوو 10000 [ نايت تايم ]
5) جاك 3 دي
6) جولاتمين


*البروتيـن:
سكوبيـن بعد التمرين , وسكـوب قبل النوم .. وأحيانـاً إسكوب بين وجبة الريوق والغدا

*الانيمـال بـاك:
كيس بعد الوجبه اللي بعد التمرين

*السوبر امينوو
3 حبـات الصبح - 3 حبـات قبل التمرين - 3 حبـات بعد التمرين

*الانابوليك امينو [ نايت تايم ]
3 حبات قبل النوم

*جاك 3 دي
قبل التمرين بـ30-45 دقيقه

الجولاتمين:
بعد التمرين 5 - 7 جرام - قبل النوم 5 - 7 جرام


--------


البرنامج الغذائي متعبني لأني مو قادر ألتزم فيه لأسباب عديده , ياليت لو تساعدوني بأشياء سهله وفائدتها كبيره

برنامجي

*الريوق
3 إلى 4 بيضات
لبنة تركيه مع زعتر وزيت زيتون
زيتون اسود
فول
عسل
3 رغيف خبز


* الغدا:

كبسة دجاج او لحم مع السلطه ولبن كامل الدسم ..


* العشـاء <-- اهني البلشه خصوصاً انه البيت عندنا مايعترفون بالعشا

مرات دجاجه مشويه مع عيش
مرات معكرونيه


الوجبات اللي بين الوجبات الثلاث أغلب الأوقات تكون موز وعنب وكاكو سنيكرز مع حليب كامل الدسم


ملاحظه: أنا محتاج زيادة وزن من 7 إلى 10 كيلو
طلال السبيعي
28-09-2010, 04:39 PM
^
^^
^^^
^^^^

رفع
themaddemon
28-09-2010, 07:48 PM
ماشاء الله عليك فاهم :) ومو شايف اي شيء غلط ،، بس بالنسبة للبروتين قبل النوم ضيفه مع كاسة حليب (او اكثر) ومعاه قرفة وشوي زيت كتان..

وجرب هذي الخلطة في الصباح او قبل التمرين بساعة للتغيير: بروتين شوكولاته وبروتين فانيليا (اذا ماعندك فبروتين شوكولاته تقدر تضيف نيسكويك او اي منتج شوكولاته من السوبرماركت اواذا ماعندك برويتن فانيليا حط نكه الفانيليا ) وحليب بارد وملعقة كبيره فول سوداني وشوي قرفة للنكهه وفوائد استقرار الانسولين وفي الخلاط يامعلم الين يوصل الكثافة المطلوبه وصب في كاسه كبيره وكسر عليه بسكوت ماري او حق الحلى وشوي عسل ومكسرات من اختيارك واشرب واستمتع بما انك داخل ضخامه مو تنشيف...
themaddemon
28-09-2010, 08:44 PM
ومعلومة اضافية اذا انت امن النوع الي مايكبر بسرعة انصحك تضيف على اكلك العادي 1جالون حليب كامل الدسم تخلصة على بقية اليوم.....
scaryface
28-09-2010, 10:12 PM
انا ما اتفق معا الاخ ماد ديمون بالنسبة للحليب ... لانه كثرة الحليب تسبب الغازات وعسر هضم وخاصتا لو الواحد ياكل 5000 او 4000 سعرة اكل نظيف

فكوبين من الحليب باليوم كافي

واستبدل اللبنة بجبنة القرشي الخالية من الدسم افضل منها

وانا في التضخيم دايما الوجبات الرئيسية تكون عبارة عن 300 جرام ارز او حبوب القمح معا 300 جرام صدر دجاج مشوي او تونا او لحم

بالتوفيق
طلال السبيعي
29-09-2010, 12:02 AM
ماشاء الله عليك فاهم :) ومو شايف اي شيء غلط ،، بس بالنسبة للبروتين قبل النوم ضيفه مع كاسة حليب (او اكثر) ومعاه قرفة وشوي زيت كتان..

وجرب هذي الخلطة في الصباح او قبل التمرين بساعة للتغيير: بروتين شوكولاته وبروتين فانيليا (اذا ماعندك فبروتين شوكولاته تقدر تضيف نيسكويك او اي منتج شوكولاته من السوبرماركت اواذا ماعندك برويتن فانيليا حط نكه الفانيليا ) وحليب بارد وملعقة كبيره فول سوداني وشوي قرفة للنكهه وفوائد استقرار الانسولين وفي الخلاط يامعلم الين يوصل الكثافة المطلوبه وصب في كاسه كبيره وكسر عليه بسكوت ماري او حق الحلى وشوي عسل ومكسرات من اختيارك واشرب واستمتع بما انك داخل ضخامه مو تنشيف...

إذا كنا فاهمين , فـ تأكد إنه تعلمنا على يد هذا المنتدى وتعلمنا واستفدنا من خبراتكم أنتم أعضاء هذا المنتدى .. <--- ولو إني أشوف إني مو فاهم مرات :\

بالنسبه حق البروتين مع الحليب أنا جربت أخلطهم مره وكان ثقيل حيل علي ورجعته , من بعدها صرت أستخدم دايم الماي .. ممكن مع الأيام أحاول أتعود على الحليب ..

,

بخصوص الخلطه:
أنا بروتيني نكهة الفانيلا , وممكن أوفر المطلوب وأخذها قبل التمرين بس فوائد إستقرار الانسولين شنو هذا ؟
طلال السبيعي
29-09-2010, 12:05 AM
ومعلومة اضافية اذا انت امن النوع الي مايكبر بسرعة انصحك تضيف على اكلك العادي 1جالون حليب كامل الدسم تخلصة على بقية اليوم.....

عدل أنا من النوع اللي مايكبر بسرعه , يعني الشهر الأول نقزت 6 كيلـو وبعدها وقف الوزن , مادري هل تغذيتي قلت ما ادري بالظبط وين المشكله , بخلص المكملات اللي عندي ان ماجابت النتايج المطلوبه سيتم تغيرها

وبخصوص اللبن او الحليب ..
أنا مكتفي بثلاث كاسات لبن يومياً مقسمها على اليوم , الكأسه متكونه من لبن كامل الدسم [ مراعي ] + حليب كامل الدسم
طلال السبيعي
29-09-2010, 12:07 AM
انا ما اتفق معا الاخ ماد ديمون بالنسبة للحليب ... لانه كثرة الحليب تسبب الغازات وعسر هضم وخاصتا لو الواحد ياكل 5000 او 4000 سعرة اكل نظيف

فكوبين من الحليب باليوم كافي

واستبدل اللبنة بجبنة القرشي الخالية من الدسم افضل منها

وانا في التضخيم دايما الوجبات الرئيسية تكون عبارة عن 300 جرام ارز او حبوب القمح معا 300 جرام صدر دجاج مشوي او تونا او لحم

بالتوفيق

عدل كلامك كثرة اللبن او الحليت تسبب انتفاخ في البطن , عشان هيك انا مكتفي بثلاثه ..
بخصوص التونا ياناس مو قادر أتحملها ولا أقدر عليها , لاطعم ولا رائحه فـ مستحيل أكلها حاولت لكن جميع محاولاتي بائت بالفشل
بجرب طعم فليه السمك يمكن يكون افضل !


اللبنه:
هذي اللي ما اقدر استغني عنها قولي اخفف منها لكن استبدلها لايمكن :p
themaddemon
29-09-2010, 02:56 AM
اخي الفاضل للاسف الناس الايام هذي تعتمد على الادوية والمكملات يعني لوتعبان يللا كافين ولو نحبف اشرب مكمل غذائي :) غير صحيح! انا انصحك تراجع اكلك ودايماً خلي المعادلة في راسك انه اذا سعراتك الحرارية الداخلة < السعرات المحترقه راح تنحف واذا العكس راح تكبر واذا اتساوت راح تصير مثل مانت عليه الان.....

بالنسبة للغازات في الحليب مو كل الناس عندهم هذي المشكلة ياخ سكيري فيس و اخ طلال السبيعي ،، على العموم سبب الغازات في الحليب هو اللاكتوز عشان كذا خذ حليب مراعي اسمه لاكتو-فري.

بالنسبة للانسولين لو ضرب راح بختصار يرفع السكر من الدم الى الخلايا الدهنية (يعني تمتن مو تعضل)...

الحليب لو ترجع لرافعين الاثقال و بطولات اقوى رجال بالعالم و البورليفتنغ دايماً الحليب و اللحم هم الاساس ،، جرب اشرب حليب لاكتو-فري باليوم جالون يمكن يناسبك لأنه اسرع طريقة لزيادة الوزن وافضل وارخص من انك تشتري مكملات وذاذ انت من النوع الي الاكتوز يسببلك غازات فالغالب البروتين كمان راح يسويلك نفس الشيء (بس نوع الConcentrate عشان فيه بقايا اللاكتوز).

على العموم الجالون فيه حوالي 4لتر حليب يعني 2400كالوري زيادة باليوم ولو تلاحظ انا قلت خذه بالاضافة لأكلك العادي وأكلك العادي يعتبر محافظه على الوزن لأنه مو راضي يزيد وبالتالي مع الحليب راح تكسب زيادة سعرات حرارية وبالتالي تكبر ولاتنسى انه هذا لحاله راح يغطيلك 129جرام بروتين غير اكلك يعني فوق هذا كله راح تكون ماكل كمية كبيره من البروتينات وماتحتاج اي مكمل معاه في بروتين وبعدين هذي الوصفة اسهل من جدول غذائي تاني يمكن حتى ماتلاقي وقت او حتى بطنك ماتشيل الكمية المهولة في وجبة وحده عشان كذا الحليب افضل واسرع وسيله ،، في النهاية هي مو الطريقة الوحيدة ولاكن الامثل من وجه نظري اقتصاديا وتوفير للوقت...

الاختيار راجعلك وبالتوفيق..........
absolutely
29-09-2010, 05:18 AM
غير نظام أكلك كاملاً أخوي طلال
ولا لبن ولازعتر ولافول ولاغيره .. هذا ليس نظام لاعب كمال اجسام يطمح للوصول الى فورمه معينه او قويه
WA7SH JEDDAH
01-10-2010, 05:14 AM
بالنسبة للبروتين اسكوب الصباح قبل الفطور بساعة مع 4 حبات امينو واسكوب بعد التمرين مع 4 امينو مع 5 جرام جلوتامين واسكوب قبل النوم مع 5 جرام جلوتامين


الامنيو 4 الصباح مع البروتين و4 بعد الفطور بساعتين مع حليب قليل الدسم او كامل مع علبة تونة (ماء وملح) وبعدها ممكن وجبة الغدا ما ادري ايش برنامجك اليومي ووقت اكلك


بالنسبة للنظامك الغذئي ممتاز بس حاول تزيد نسبة الكاربوهيدرات ( الرز والخبز والمكرونة والبطاط وغيرها) ولا تنسى المواد الغذائية المليئة بالألياف مثل الكورنفلكس زالشابورة والشوفان مهم جدا جدا خاصة لليبي يضخم خلي الشوفان دائما على الغدا والعشاء لان امتصاصها بطيء جدا ومليان نسب بروتين والكاربوهيدرات والالياف والفيتامينات


بالتوفيق