تسجيل الدخول

مشاهدة النسخة كاملة : التخسيس واللياقة لايبو 6 .. سبب مشكلة في المتجر بسبب ضرره


ماجد666
09-10-2010, 10:56 PM
سلام عليكم شباب

الواحد منجد محتار وكلام الناس صار مايخلص كل واحد يقولنا كلمه وكل موقع له راي .. فا مالقيت غير حل ينصفني ويفيد الأخوان غير الموقع دا لأني متأكد انو راح يدنيا الخلاصه بسبب خبرة الأعضاء .

لايبو 6 X .. طبعا انا بتكلم على لايبو 6 اكس الي هوا اخف من البلاك فا رجاء نخلي ردنا على لايبو6 اكس.

جيت ابغا اشتريه جا واحد ورايا يقولي لا اوعك .. سألتو ليه قالي بالحرف الواحد والله العظيم :
- يسبب ارق مره كتير ويخليك تكره نفسك من العصبيه
- لا تاخدو لأنو يتعب الجسم على قله فايدة
- يسدد الشيه بشكل كبير جدا
بالعربي يا ابو الشباب بطال ونتا حر

جا صاحب المحل يقولو انتا ماتفهم وجلسو يشدو في الكلام حتى في ناس بطلت تشتريه ... يعني الى متى كل واحد يقولنا شي من الفضا ؟

شباب رجاء خاص افيدونا في الموضوع واهم شي لو طلع المنتج كويس اذكرو لنا كيفيه اخدو الصحيحة لأنو المكتوب على العلبه شي ومقوله المدربين شي تاني .

على فكره انا وزني 100 وطولي 184 .

شكرا جزيلا لكم


ماجد - جدة
ابو مهاا
09-10-2010, 11:36 PM
انا اذكر اول مابلشت بالبلاك كان المدرب يقولي حبتين قبل التمرين وحبتين بعد التمرين
وهذا اول فات برنر دخل جسمي ماكنت انام نهائيا وخربط اموري كلها عموما المنتج ممتاز لكن انصحك اللعب رياضه شهر على الاقل او شهرين بدون شي
عشان تفهم جسمك وتعرف معدل الحرق وكيف تتعامل معاه بعدين بلش باليبو 6 اكس بس تبي نصيحه خله يولي وحول على منتج ثاني اسمه الاوكسي اليت
ممتاز وراح يفرق معاك ان شاء الله وحاصل على جائزه افضل منتج وانا استخدمه حاليا ونتائجه مرضيه والحمد لله
انصحك فيه دام توك ماشريت وشنو نوع رياضتك وكم عمرك ؟
ماجد666
09-10-2010, 11:43 PM
ابو مها

اشكرك جزيل الشكر على تجاوبك السريع ...

عمري 24 سنه - طولي 184 - وزني 100

كنت استخدم انمل كنت فادني بشكل حلو لمده شهرين بعدين خلاص قالو لي لازم اغيرو لأنو جسمي محا يستفيد شي منو بعده كده ... اليوم اشتريت لايبو 6 اكس وطرحت الموضوع ومستني الردود .

فا ماني عارف اخدو او لا ؟

اووف مشكله في النوم ؟؟ ليه انا ناقص انا ابدا ماينفع الخبط نومي فا لو تقدر تفيديني اكتر اكون لك شاكر جدا .
مبادئ حديد
10-10-2010, 12:15 AM
حبيبي

انا زيك استخدمت الانيمال واشتغل معايا بفضل الله تمام التمام

ودحين ناوي اخش على ليبو 6 x بعون الله

اولاً في تجارب كتير في المنتدى تقول انو ممتاز

وبالنسبه للنوم خدو قبل النوم بفتره كويسه وا اظن حيكون اقوى من الانيمال بكتير

طبعاً كان وزني 115 تقريباً ويمكن اكتر بشويه وبفضل الله ثم التمارين والنظام الغذائي و الانيمال كتس نزلت الى 97 طبعاً دا الكلام قبل الصيف

استمريت على دا الوزن الى الان وبعون الله دحين ابى ابدء الفتره التانيه الى ان اوصل 80

فا اتوقع انو الليبو 6 x انسب شي

ولوكان عمري 21 كان دخلت على البلاك
...

بس سؤال بما انك في جده ,فين المحل اللي يبيع الليبو ؟؟
اللي حصلت في المشكله :)
ابو مهاا
10-10-2010, 12:30 AM
حياك الله ومانكر انه منتج جيد وممتاز وانا ذكرت سبب الارق زياده حبتين اولا لانه بلاك اقوى ثانيا والاهم لانه طريقه الكابتن كانت خطأ قالي قبل التمرين حبتين وبعده حبتين
عموما طريقته اول ثلاث ايام حبه على الريق وحبه قبل التمرين بنص ساعه ومن رابع يوم وانت رايح حبتين الصبح وحبتين قبل التمرين واستمر عليه شهرين يعني علبتين
Leaner
10-10-2010, 12:47 AM
انا استخدمت ليبو6x علبتين، صراحة نتائجه ممتازة وماسببلي أرق وولا شي

طريقتي كانت،

حبتين الصبح ع الريق + حبتين في الظهر أو قبل التمرين

هذا المنتج نفع معاي أكثر من الليبو بلاك الي استخدمت منه علبتين أيضا

أهم شي لا تنسى تشرب كميات عالية من الماء ( 4-6 لتر يوميا ) ولا تنسى فترة التوقف للمنتج ( تستخدمه شهر وتوقفه شهر ) لتحنب الأعراض وعشان مايتعود جسمك عليه

موفق
Aqili
10-10-2010, 01:06 AM
انا لي الان استخدمه شهر و بكمل بعد شهر لان في العلبه مكتوب السيكل 8 اسابيع و بعدها بوقف شهر و بعد كذا باخد انمل كت لمده شهرين او 3 و بعدها بوقف شهر و ممكن اجرب اوكسي اليت . و عام لو ما احتجتهم و نشفت يكون كويس

اهم شي لا تشرب اي مصدر كافين لانك لو زدت كافين بتسير عصبي و ما تنام بس اذا مشيت على تعليمات العلبه بيكون وضعك اوكي .

في ناس تقول كلام كثير و مهي داريه ايش السالفه.

اهم شي انت امشي على السايكل و ردلنا و علمنا بنتايجك
toto jeddah
10-10-2010, 06:48 AM
رح ينفعك باذن الله ,,
المهم زبط جدولك والدايت ,,,

والكافيين فيه اقل من الليبو 6 بلاك
وبعدين انتا ادرى بالمثل اللي يقول " من يبغا الدح ما يقول أح " لازم يكون فيه ضريبه ,,
والارق بسيط حله كم يوم ويتعود جسمك ع نسبة الكافيين وتنام بعمق

انا استخدم حاليا اوكسي اولييت ,, في البداية كان ما اقدر انام , ولو نومت انا بس ثلاثة ساعات , وتعال قولي نام , ع الاقل انام بعد محاولة ومضاربة 5 ساعات وفعلا لخبطة عشان الدوام وعشان الجيم
لكن ,, حاول قدر المستطاع اخر حبتين تاخدها قبل نوم ع الاقل بـ 6 ساعات

بالتوفيق ,,
ان شاء الله ما فقعتو وجه صاحب المتجر خخخخخ
faisal11iraq
10-10-2010, 12:51 PM
يا شباب انا اخذ الليبو 6 بلاك صارلي اسبوعين (اليوم انتبهت:silly:)... وممتاز وياي بس لازم يستعمل بطريقة صحيحه:)

اول يومين حبه الصبح قبل الفطور بنص ساعه وحبه العصر
من اليوم الثالث لحد اليوم الخامس حبتين قبل الفطور بنص ساعه وحبتين العصر
من اليوم الخامس لحد ما تخلص العلبه ثلاث حبات قبل الفطور بنص ساعه وثلاث حبات العصر

ممنوع اكل الخبز والصمون والرز والاكل المقلي والفاست فود..

باسبوعين نزلت كيلوين تقريبا ونسبة الفات نزلت من 21% الى 16% :cool:

اول ثلاث ايام حسيت بمغص بعد الاكل بس بعدين يروح..
طبعا يزيد نسبة التعرق بشكل رهيب ودائما احس محتر..

معلومه مهمه مفعول الجرعه يستمر الى 6-7 ساعات فلازم تترك مجال بين الجرعات وما يصير ينأخذ بالليل متأخر لان يسبب ارق بسبب نسبة الكافيين.

من اخلصه اقولكم النتيجه ان شالله :)*
ana84
10-10-2010, 02:02 PM
اخوي انا بنت واستخدمت الليبو6 x وهو مش مخصص للنساء والله لاضرني ولا شي عادي جاني ارق اول يومين فقط وباقي الشهر انام مثل البيبيى جدا مرتاحة مايقومني شي لكن نزل وزني معاه شوي مو كثير وهذا اتوقعه لانو استخدمت معاه بروتين فيه فات بس هذا اللي اقدر افيدك فيه (:
ماجد666
11-10-2010, 10:33 AM
اشــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــكر تجاوبكم الرائع يا شباب ... عنجد الله يعطيكم العافيه واحد واحد

وبالتوفيق للجميع
ماجد666
11-10-2010, 04:08 PM
شباب في نقطه اخيرة ماحد اتنقاش فيها وهي طريقه الأكل :

اغلب الأراء تقول انو لما اخد لا يبو لا اتبع دايت شديد اوك كلام سليم .. لكن الي لاحظتو انو كتر منكم يقول ( لا اقرب من النشويات او المشروبات الي فيها كافين او السكريات )

طيب اش بقي ؟ قصدكم انو خضار وفواكه وبروتين ( بيض - تونا ) بس ؟؟؟؟ يعني مثلا خبز اسمر او مشوربات عاديه طبعا غير الببسي والأشياء دا ممنوع ؟؟؟

توضيح بس فقط لطريقه الطعام واش نوعه فقط لاغير ... مره تانيه لكم خالص الشكر
ماجد666
12-10-2010, 02:52 PM
جوابكم يا شباب :)
THE CAST
12-10-2010, 04:42 PM
شباب في نقطه اخيرة ماحد اتنقاش فيها وهي طريقه الأكل :

اغلب الأراء تقول انو لما اخد لا يبو لا اتبع دايت شديد اوك كلام سليم .. لكن الي لاحظتو انو كتر منكم يقول ( لا اقرب من النشويات او المشروبات الي فيها كافين او السكريات )

طيب اش بقي ؟ قصدكم انو خضار وفواكه وبروتين ( بيض - تونا ) بس ؟؟؟؟ يعني مثلا خبز اسمر او مشوربات عاديه طبعا غير الببسي والأشياء دا ممنوع ؟؟؟

توضيح بس فقط لطريقه الطعام واش نوعه فقط لاغير ... مره تانيه لكم خالص الشكر

المقصد تتبع دايت
بكمية بروتين حسب احتياجك والقليل من الكارب والدهون تكون شبه معدومه
اما بخصوص النشويات ( الكارب) فتاكلها ولكن بكمية قليله وفي وجبات قبل التمرين فقط
ماجد666
13-10-2010, 12:02 AM
اشكرك جدا جدا
ماجد666
13-10-2010, 10:49 PM
شباب انا اليوم كده موضوعي اكتمل من جميع النواحي .. ماقصرتو جميعا وشكر خاص لـ

toto jeddah

the cast


الي دايما موجودين في كل مفيد وجديد

الله يوفق الجميع انشالله
toto jeddah
14-10-2010, 07:12 AM
شد حيلك ياماجد ولاحظت عليك ماشاء الله تمريناتك 100%
المهم استمر وانا قبل سنة جسمي كان مثلك بالزبط واسأل عني هيرلي الفلبيني ,,
خلي عندك عزيمة وامسك دايت وتمرن كارديو وحديد ورح تنزل للوزن اللي يناسبك وخصوصا طولك ممتاز
وزي ما قلتلك لو احتجت اي حاجة انا هنا او في الفتنس ومح اقصر معاك وسامحني لو كلامي معاك كان قليل في النادي لاني مرررررة مركز خخخخخخ
ماجد666
14-10-2010, 03:05 PM
مشكووووووووور جدا يا toto على كلامك الرائع وما اقدر اقولك غير الله يديك الف عافيه يارب . وانشالله بفضل الله ثم نصائحك حقدر اكمل بالشكل السليم .

بالعكس انا الي ماحبيت اشغلك لأنو مشاءالله تبارك الله واضح جدا اهتمامك في تمريناتك في النادي وادائك الرائع في كل تمرين بتسويه .

مره تانيه اشـــكرك على اهتمامك .... والله يوفقك يارب




تحياتي