نقاش........شاركوني في أرائكم المتميزة...هم كمال الاجسام

[مؤيدالتميمي]

موضوع النقاش هو >..هم كمال الا جسام والنادي........قبل تقريبا 6 شهور اشتركت في أحدى النوادي وبدأت اللعبة بكل حماس ومع مرور الايام وأخذ المكملات الغذائيةتغير الجسم وأصبح التغير واضحا من خلال كلام المقربين وأستمتع عندما أشاهد جسمي في المرأة..لكن بعد3 شهور لاحظت على نفسي ان اللعبة أصبحت هما علي..فعندما لا أذهب إلى النادي يضيق صدري وأحس أن خطاءاوقع في هذا اليوم..الشي الثاني بدأت اضرب الف حساب للوقت متى انام ومتى اكل ومتى اذهب للنادي وتأجيل كثير من الاشغال..الشي الثالث تعبت من الاكل واذا لم اكل احس انني لم استفد من التمارين.الشي الثالث دائما أقول لنفسي وبعدين ظهرت العضلات والجسم الرياضي لكن الناس عندما ينظرون الي يبدأون بالاستهتار فمنهم من يقول أنت تحسن جسمك علشان البنات ينظرونك مع اني متزوج ولدي اولاد.ومنهم من يقول علشان تصير قوي وبعدين يجي احد وبماصورة يضربك ضربة تروح انت وعضلاتك.مع اني ويعلم الله اني أخذ اللعبةهواية واستفادة من الوقت الضائع في الاستراحة دخان وشيشةوتلفزيون روتين يومي.طولت عليكم مع انه فيه اشياء لم اذكرها من ضمنها تكاليف النادي والمكملات.على فكرة تركت النادي وعندي مكملات لم تستخدم.وسلامتكم

[Leaner]

موضوعك جميل

لعبة كمال أجسام تحتاج الى روتين منظم جدا

وانا فعلا عندي نفس احساسك لما ماروح النادي ولكن عادي هالشي وماعليك من كلام الناس، أهم شي النية ..

وبالنسبة تكاليف المكملات والاشتراكات، فعلا مكلف واتفق معك بهالشي لكن الي يشتغل مايهمه هالأمور، فقط الطلبة الي يعتبرون هالشي مشكلة حسب مالاحظت

وناوي ان شاءالله ترجع ولا خلاص ؟

[مؤيدالتميمي]

اهلا بك اخوي لينير...والله ما ادري الى الان اراوي انا ارجع ولا لا.....يا ليت احد منكم يغير اختصار الموضوع زيادةالوزن لاني ماعرفت اغيرها ويخليها كمال اجسام

[العاشق M]

يالغلا بقولك على شغله انت غافل عنها
الناس لمى تجي تتكلم تقول جسم فاشل او تسوي جسم للبنات او من هذآ الكلام
اعرف انهم يتمنون يكون جسمهم مثل جسمك يعني حسد فيهم
ونصيه اذا سمعت كلام من احد اعتبره مجنون ولاعليك منه

[THh Rock]

فعلا انا الي يعجبني بممارسة كمال الاجسام انها تنظم كل شي في حياتك اكل وقت نوم راحه كل شي ......
انت توكل عىلا لله وارجع للنادي ولا ...
انصحك يا مؤيد تستخير وتوكل على الله
وانا استغرب في ناس تقول ما في وقت ياشباب ساعه وحده تكفي وتزيد كمان ومو لازم الساعه تكون مثلا كل ظهر او عصر اي وقت اهم شي انك تمرنت!!

[اطول 1]

شف اخوي انا الصراحه قريب مثل حالتك مره بس الفرق اني طالب ومنيب متزوج
وكلام الناس ......... اخ بس خلها على ربك لان الاغلب يربط هالرياضه الجميله بالهواش والمشاكل والمضارب والبنات والكلام الفاضي هذا وبعدين اصلن انت قاعد تسمع من مين يعني دكتور ولا اشخاص اصحاب نظره واسعه لا طبعا من اشخاص مايعرفو عن رياضتنا ادنا فكره

ونصيحه ياخوي عط نفسك مده راحه وبعدين خش مره ثانيه بقوووووووووه

[زاحف مزحف]

شف ياخوك زي ماتفضلو الشباب هذولي الناس موب امك ولا ابوك عشان تهتم لكلا مهم ولو كان احد قريب منك صدق كان شجعك ولو كان بعضهم يشتغل الحسد بدون مايقصد ويتكلم بذا الخرابيط بس اهم شي لا تزعل من كلامهم وسايسهم وضحك وقل ايه ايه وتذذكر لين قامت قوايمها ماينفع لها الا انت (يعني زي عنترة)

[Aqili]

يا صاحبي شوف هذي حياتك و انت حر فيها و محد له دخل فيها دامه مايصرف عليك و لا انت متزوج بنته و لا امه و اخته هذا اولا .
غير كذا مو مهم رأي الناس في حياتك اهم شي انت ايش رايك ؟
شوف انا قريت كتاب لارنولد و قال جملة بصراحة غيرت حياتي و الي هي " اذا تقدر تتحكم في جسمك فانت تقدر تتحكم في اي شي في حياتك "
بعني كمال الاجسام مو بس رياضه لكنه اسلوب حياه و البعض مرتاح معاها و البعض لا .
اهم شي تستمتع بها مو تتمرن بس عشان تضيع وقت شوفلك سبب مقنع .
انا اتمرن عشان عدة اسباب
1- اطلع الضغوط النفسيه و ضغوط العمل
2- اصفي ذهني بعد التمرين
3- اخذ وقت لحالي عشان ارجع افكر في حياتي
4- احب اطور شركتي مثل ما اطور جسمي يعني اتعامل مع جسمي كأنه مع شركة امتلكها ,,,,,,,,,,,, طريقة حلوة عشان أحمس نفسي

فانا اعامل زيادة العضلات مثل قسم المبيعات
اعامل المكملات وكأنها قسم المشتريات ( اكيد لكل شي تشتريه له هدف )
برنامج التمرين اعامله كأنه خطة تطويريه للمشاريع
و اعامل كل عضله على انها مشروع او جزء من مشروع
و النتايج اعاملها مثل الارباح
و اراء الناس اعملها كأنها و جهات نظر لا تظرني لكن ممكن تساعدني اذا شفتها مفيده
ايام الراحة كأنها مكافئات
يعني يبقى السؤال الاخير هنا .......... هل تبغا تسير مثل المحترفين و تسير شركة مساهمة او تبي تكون جسم كويس و تكون شركة محليه ؟ ( محد يعرف الجواب الا انت )

و اختم مشاركتي بطلب .... لو سمحت ارجع تمرن و لا تضيع ال 6 شهور من التمرين عشان اراء لا تقدم و لا تأخر لان الانسان ما يعرف قيمة الشيء الا اذا راح منه و مالها داعي تزعل اذا فلست شركتك و و انت السبب و الي اهملتها

[OBLIVION MAN]

كلام الاعظاء يريح النفس يعني ماخلولي شيئ تاني ارجع اتمرن وتوكل علي الله

[متمرس حديد]

تكفى ارجع للتمرين يا ارنولد
هههههههههه

امزح معك خيووو

وشوف والله العظيم والله وماحلفتنـي كل من يقول لك او ينتقدك بلعبة كمال الأجسام صدقني مقهوووووووووووووورررر

انت استمر باللعبه ولاعليك في احد واهم شي تخلي اللعبه كسر روتين

ولا تقول هم إن شاء الله وقتك يكفـي وتراهي ساعه إلي ساعه بالنادي وخلاص

اهم شي لاتسولف بالنادي وتضيع وقتك تمرن واطلع وخذ بروتينك والأمينو ياسنايدي
وتعش ياطويل العمر وسولف مع المدام شوي وحط وراسك وناااام

صدقنـي لو قالوا لي مثلا نعطيك نرقيـك بالعمل بس ماتلعب حديد وإلا نخليك على نفس راتبـك وتلعب حديد

اقول لهم ما ابي اترقـى لأن نعمة الجسم والقوة في البدن

هذي نعمـة عضيمـه واهم شي تحصن نفسك لأن العين تدخل بكل شي والناس مايرحمون

ومووووفـق يابطل وموضوووع جاااء على الجرح

[أحبك ياتونس]

انا بعد تحيتي لك ولطرحك لمثل هذا الموضوع .. راح اكتب لك كلامي في نقاط... يمكن تكون اسهل للالتقاط....:wink2:


اولا/ابيـــــــك تتخيــل معي هالأشيـــاء..::33:



1_بطنك وكرشتك صايره مثل الكور السويسريه وتلبس ثوب لانو مالك وجه تلبس تي شيرت وجينز ياجميييييييييييييييييييل:blackeye:



2_اذا صرت تلعــب مع اطفالك الله يخليهم..لك.. 3دقايق ونفسك طاير وريقك ناشف لانه لا لياقه معاك ولاقوة تحمل معاك.. (الله يالدنيا):32:


3_عمرك وصل الـ 38 او نقول 41 افتراضيا وصرت مو قادر تشيل شي ثقيل لانو ظهرك رايح في رجل امها او.. موقادر تعيش وقت بفراش الزوجيه..(لاتقول فياجرا):bigeyes:

4بعد وصولك لسن الـ 40 صار عندك وقت فراغ كبير ومو عارف وين تروح ولاتقدر تلعب كوره لانك سمين وكرشتك طولها مترين وثلاثة ارباع ولاانت قاعد ترجع للحديد لانه ثقيل عليك وانت مالك خلق شي ثقيل والسباحه كم يوم ويمكن تمل منها.. وطائره مافيه وش راح تسوي (ماا اتوقع تلعب مصارعة الثيران):cray::cray::cray:


:blackeye:///////////////// وصلنا لمرحلة مابعد التخيل/////////////////:blackeye:


الحــين ابيك.. تختار..اما تكمــل اللعبه اللي اشتغلت فيها 6 شهور ولقيت نتايج اكثر من رائعه.. وفرق في القوه والصحه وتقدر تشيل 3 اطفال مره وحده ههههههههههههه
وتعيش جوك مع ام العيال الله يحرسكم جميعا من شر كل حاسد..
وتروح وتجي وتشيل اي شي في بالك.. ووقتك مرتب واكلك منظم..<<<<على فكره النظام الاوربي والياباني كذا ولو مايلعب حديد حياتهم واكلهم مرتب..



او تختار انو تترك كل هذا
تخرب شي كل الناس يتمنوووووونه...:12:




://///والحـــين..انتــظر..ردك .:o:o

.وقرارك..النهــائي..واكيد احتاج معه كم دعوه منك ان ربي يسهل اموري..اللي متعقده شوي في مشروع ..ما..:ee2:

[Ahmed559]

أحبك ياتونس, كلامك روعة كفيت ووفيت!
خاصة النقطة اللي تتعامل فيها مع أطفالك

[ميدو 200]

والله ان كل اللى قالوا لك اترك اللعبة حاسدين و حاقدين عليك لان ربنا اعطاك قوة وجسم جميل و هم كما قالوا الشباب انهم مقهورين منك والله هذا اللى يحصل معى فى المدرسة وكان هذا دافع لى لكى استمر واتطور اكثر فى اللعبة و ارجو من الله انك تستمر وتشغل نفسك بما يفيدك فى دينك ودنياك فى دينك انت تعلم ان الله هو الذى اعطاك القوة و الجسد وان لكل مجتهد نصيب فى دنياك تأخر عنك الشخوخة واشياء كثيرة ليس لها حصر
تحياتى اليك وارجو من الله ان يوفقك يا صاحبى

[Heartbeat]

أخوي الله يجزاك خير

انت عندما قررت ان تدخل هذه الرياضه من اجلك ام من اجل الغير
اذا كان من اجل الغير لن تصل الى هذا المراد ولو فعلت المستحيل
لأن الغير ليسوا على نفس الرأي

كل شخص يعطيك وجهت نظره باللي انت تسويه هوا طبعا يتكلم عن رأيه الشخصي وليس رأي علمي

مثلا شخص كسول لن يوافقك على ماتفعل
شخص حسود لأن يأيدك على ماتفعل
شخص غيور لن يشجعك على ماتفعل
شخص لايستطيع فعل ماتفعل لن يوافقك على ماتفعل
شخص يهمه أمرك مثل اخوك او والدك لن يوافقك طبيعي لأنه يريدك أن تهتم في امور اخرى أفضل بالنسبه لهم
مثل الدراسه واهتمامك بأهلك لأننا نعرف ان هذه الرياضه تاخذ من وقتك الكثير

لن يوافقك على ماتفعل الا شخص عقلاني ليس سطحي التفكير يقول رأيه بأمانه ليست له مصلحه شخصيه
في ابعادك عن ماتفعل سواءاً غرور حسد حقد إلخ ....

ولن تجد شخص متخصص او دكتور لا يأيدك على ماتفعل ربما يقول لك هناك إختيارات أفضل نعم
الرياضات كثيره وهناك من هيه افضل من بعضها الاختيار لك طبعا في ان تتبع ماتحب منها
مستحيل اقول لك العب كرة وانت لاتحب الكرة
او سباحه وانت تخشى الماء ههه
بالنهاية العب ماتحب بشرط ان تبتعد عن اي منشط تختص بها هذه الرياضه

تحياتي لك

[انس الميمان]

أحبك يا تونس
كلامك رائع
ودايم اقول للشباب
هل تريد جسم مكرش ولا تقدر تتحرك وضعيف سكر وضغط ورمواتيزم نتيجه من السكنه والاكل الغير طيب
ام تريد جسم صحي جميل رياضي وقوي طيلة حياتك
مشكورين

[nassernasser123]

صح كلامك اهيا مكلفه جدا لكن كل شي على حساب شي انت ضحيت بالراحه وبالوقت وبالمال لكن مو ببلاش بالمقابل جسم رياضي وصحي ومتناسق وهذا معناته انك ناجح في حياتك لأنك قدرت توصل لهدفك والنفسيه ترا ماكو احد فينا ما تجيه حالات نفسيته تتعب الله يعلم انه انا طالب و 80% من مصروفي على النادي والمكملات والاكل حتى مو موظف لكن الحمد الله مرتاح وانت لا تاخذها على انك لازم تنام بهالوقت ولازم تاكل بهالوقت احنا مو محترفين ولا داخلين بطولة مو معناته كلامي انك ما تاكل عدل ولا تنام عدل لا يعني على اللي تقدر عليه اخذ الموضوع تسليه تدري انا شنو تسليتي ؟؟؟ لما اروح النادي واتمرن اهني احس بالوناسه وتعرف على ناس او روح مع ربع يشجعونك واي احد كلامه يحبطك لا تسمعه وياخي بدال لا تصرف فلوسك على مطاعم وتلفونات وقهاوي ووو .. شغلات ما منها فايده قطها على جسمك ترا اللعبه هذي وايد حلوه ولو تشوف ابطال العالم يلعبونها 15 - 20 سنه وما يملون حاول تغير بتمرينك وحاول تلعب كل شي ما تهد ولا عضله .. جرب تمارين جديده نوع بالتمرين واخذها وناسه واهم شي قلتلك تعرف على احد او خل احد من ربعك يشترك بالنادي اما بتروح بروحك بتحس بعض الاحيان بملل ...
موفق

[روحي لله]

شف ترى كلام الناس كثير مو بس على هذي الرياضه ولو تبي ترد عليهم وتعطيهم اهتمام اكبر من حجمهم ترى بتعب نفسيتك و عمرك على شي تافه مالو لازمه
توكل على الله خلك على اصرارك وعزيمتك و شوف قدامك و مايهمك كلام السفيه .قال الله تعالى( وَإِذَا خَاطَبَهُمُ الْجَاهِلُونَ قَالُوا سَلاماً ) .

[veto100]

هاللعبة بالذات اللي يحبها يتنظم يومه ،

مثلاً قبل ما ابدا اتمرن كان اليوم يمر بدون ما استفيد ولا شي ، يروح اليوم بعد اليوم وانا ماسويت شي ، مع اني كنت طالب ولاعندي مهام ولا بيت اقوم فيه ولا احد يعتمد علي في شي ، بعد الوظيفة الزواج صارت عندي اشغال كثيرة والتزامات وبيت وزوجة وعندك بيت اهلي لازم اروح ازورهم بين كل وقت ووقت ، يوم فكرت ارجع للحديد قلت في نفسي مستحيل لانه دوام من 8 صباحاً الى 5 العصر وبعدها لازم ارجع اليت و و و و الخ ، لكن اصريت وضغطت على نفسي والحمد لله لس تقريباً سنتين منتظم في التمرين 5 ايام في الاسبوع واللي ساعدني ان النادي خلف منزلي :) وبصراحة النادي وخاصة كمال الاجسام فرصة لاخراج الطاقة والشحن الموجود في الجسم المتولد من ضغوط الحياة والعمل ، اطلع دائما من النادي رايق وممبسوط وفريش بعكس الايام اللي ماكنت اروح فيها للنادي كانت ايام الله يعلم بها ، طبعاً نظمت نومي ماعاد فيه نوم من بعد الدوام الين الساعة 10 بالليل اصحى ونفسي راس خشمي خخخخخخخخخخخخخ ماعاد في وقت فراغ ، النادي وبعدها اشوف البيت وش يبي نروح وين نزور مين وبعدها ننام بدري يعني قبل 12 ،

نصيحة اخوي احرص ع النادي لو يوم بعد يوم ع الاقل ازين من انك توقف