المساعد الشخصي الرقمي

مشاهدة النسخة كاملة : كمال الاجسام صيدلية الدواء تبيع مكملات غذائية ؟؟!!!


omarzizo
25-10-2010, 05:44 PM
السلام عليكم ورحمة الله وبركاته.

المهم يا شباب الموضوع باين من عنوانه.

اتجهت اليوم الى فرع من فروع صيدلية الدواء لإستخدام جهاز قياس نسبة الدهون لأن صارلي فترة ما قست. وانا أكلم الصيدلي التفت وحصلت علبة هذا المنتج

http://www.bodybuilding.com/store/tl/images/100__whey_protein_fuel_130_black.jpeg (http://www.bodybuilding.com/store/tl/images/100__whey_protein_fuel_450_white.jpeg)
وهذا أيضا

http://www.bodybuilding.com/store/tl/images/amino_fuel_tablets_130_black.jpeg (http://www.bodybuilding.com/store/tl/images/amino_fuel_tablets_450_white.jpeg)


أنا قلت شكلي صرت أحلم بالمكملات ههههههههه :31:

المهم سئلت الصيدلي كان مصري قلتله انت تبيعو مكملات غذائية

قالي أيوة حضرتك عندنا أماينو و بروتين :bigeyes:

المهم سألته منتجات أوبتيمم تجيبوها قالي لأ ... الظاهر لأن وكيلها GNC

بس أسعارهم أحسها غالية شوي لأن البروتين ال 1 كيلو ب 230 ريال

بس تمشي الحال تفك أزمات يعني :)
omarzizo
25-10-2010, 05:45 PM
أحب أضيف شي ثاني : أني شيكت فرعين و الفرعين متوفر عندهم . علشان أخلي الشك يروح لأني قلت يمكن الصيدلي هو الي يبيع >>>> لمحقق كونان مع وجهك ههههههههههههه :)
طموح رياضي
25-10-2010, 05:48 PM
ههههههههههههههههههههههههههههههههههههههههه

كونن

.. الله يجزاك خير ..
فعلآ تفك ازمه

وياكثر الازمات من ناحيت المكملات
scaryface
25-10-2010, 05:53 PM
الصراحة اسعار المكملات عندكم نار

الله يعينكم
scaryface
25-10-2010, 05:55 PM
عندنا بالامارات الابتيموم وي بروتين اسعاره (5 باوند) تتاروح بين 180 الى 210 درهم حسب المحل

كرياتين موهيدريت 1 كيلو ب 90 درهم

حبوب امينو من اوبتيموم 325 حبة سوفت جيل ب 100 درهم
RS4EVER
25-10-2010, 06:05 PM
تفك ازمه والله
ممكن تعطينا عنوان الصيدلية
يعطيك العافية
Orochi202
25-10-2010, 10:53 PM
فعلا انا شفته في صيدلية الدواء وكم صيدلية ثانية ونفس الشركة اللي انت حاطها
samblose
26-10-2010, 12:07 AM
وعليكم السلام ,,,,

ياصاحبي الصيدليه اللي تتكلم عنها قبل فتره بالصدفه كنت في سوق الشعله عند محل غصن الطبيعه او حيث الطبيعه ماني فاكر لان في
واحد في الجمجوم .
عموما الشركه المنتجه هذه وكيلها صاحب المحل هذا والعامل اسمه جمال مصري سوى اتفاقيه قدامي مع واحد اتوقع انه صاحب الصيدليه او مسؤول فيها وبيمولهم بالمكملات وهم بيبيعوها وترى اسعاره عنده ارخص بكثير من اللي في الصيدليه . اكيد صاحب الصيدليه يبغى فايده .

هذا كله كان قدام عيني . وسلامتكم ....
ابو ذراع
26-10-2010, 12:24 AM
اقول ليكون من المكملاااااااااااااات المضروبه وانتم فرحانين
w4hm
26-10-2010, 01:04 AM
ياخوان التوينلاب لها وكيل معروف هنا في السعودية...بس الي صار انه وزارة الصحة منعتهم من عرض منتجاتهم في الصديليات بحكم انه البروتينات والمكملات ليس لها فسح من الوزارة ...الغريب انها مازالت تنباع على كلامك...

انا قبل فترة جلست معى مندوب الشركة واخذت كمية كبيرة من الاحماض والبروتينات ...حتى بعض الاحماض كان عليها استكرات صيديليات وسعرها ب 210 ريال !!!

تحياتي للجميع
omarzizo
26-10-2010, 11:30 AM
والله انا الصيدليات الي رحتها كانت في الخبر , و أبو ذراع هاي صيدلية معرفوة مستحيل تشوه سمعتها بمكملات مضروبة
omarzizo
26-10-2010, 11:31 AM
تفك ازمه والله
ممكن تعطينا عنوان الصيدلية
يعطيك العافية


أخوي روح أي فرع حق صيدلية الدواء