أدمان WoW + انتقادات من حولك (( موضوع للمناقشه)) !!

[preist4ever]

السلام عليكم جميعا


طبعا بهالفتره اللي الكل ناطر Cata .. ومافيه اي مواضيع جديده بخصوص WoTLK


حبيت اطرح عليكم هالموضوع ونشوف وجهات نظر " غير الاعبين "


للعبتنا بشكل عام وللوقت اللي نضيعه فيها بشكل "خاص"


---


بالنسبه لي انا اسمع انتقادات متكرره علي بخصوص اللعبه ,, وغالبا تكون من ربعي "غير الاعبين"


مع العلم ان اغلب وقتي بالدواوين ولا بالدوام !


يعني على سبيل المثال :-


-"ياخي والله من صجك مضيع وقتك على لعبه روح اطلع شوف الناس سو لك شي يفيدك"


اتوقع الكل سمع هذي الجمله من احد زملائك او ربعك بالمحليه :silly:


لكن للأسف لما يجي " فلان " ينتقد ومسوي نفسه " أرسطو " :-


1- تلقى يومه كله قاعد مايتحرك الا عزكم الله حق الحمام ولا حق سيارته
2 - اذا حس بملل دش جات يدور بنات او تلقاه داش يوتيوب يدور رقص ... الخ !
3- تلقاه يفتر بالشوارع بسيارته مايدري وين يروح واذا قفلت معاه تلقاه بقهوه قاعد يشيش


طبعا ما اعمم على الكل لاكن اغلب الشباب العربي هذا وضعهم وللأسف .. لاكن في منهم ونعم :)


وبنفس الوقت ما اقول ان لعيبة واو احسن ناس بالدنيا ..


في منهم اللي مايطوف صلاة المسجد وفي منهم من شلة اليوتيوب والجات


لاكن اللي حبيت اوضحه من هالموضوع والمقارنات


ان اغلب المنتقدين للعبه يكونون من الفئه اللي ذكرتها !!


ونادر مايجي واحد عاقل ينتقد لانه فاهم ان لكل شخص مزاج وتفكير


--


وهني بعض الاسئله اتمنى تجاوبوني عليها مع التعليق على الموضوع بشكل عام :)


1 - كم مره قطعت اللعبه وكنت مقتنع بتركها وبعدين رجعت تلعب ؟


2- انتقادات الناس تأثر فيك لدرجه انك تترك اللعبه ؟


3- متى ناوي تعطيها quit نهائي من اللعبه ؟


4- لو رجع فيك الوقت عند المحل اللي شريت منه واو اول مره .. ترد تشتريها مره ثانيه ولا ترجع بيتكم ومع السلامه ؟


---


اخيرا اتمنى الموضوع يكون خفيف عليكم ويكون مستوى الحوار والنقاش فيه حلو :)


واسف على الاطاله


وتحياتي للجميع

[mage4ever]

1 - كم مره قطعت اللعبه وكنت مقتنع بتركها وبعدين رجعت تلعب ؟
ولا مره ..
2- انتقادات الناس تأثر فيك لدرجه انك تترك اللعبه ؟
who care rofl ..
3- متى ناوي تعطيها quit نهائي من اللعبه ؟
انا اصلا ما العب كثير من بعد من انتهى season 8 اتوقع بيكون اخر season لي ..

[Cr7OZIL]

اولا اهنيك على الموضوع الي يحمس هههه :silly:

ثانيا انا يعني الا الحين صارلي الشهر الـ 3 ما وصلت لحالت الادمان الحمدلله :biggthump:silly:

وهاذي اجابتي على الاسىله


وهني بعض الاسئله اتمنى تجاوبوني عليها مع التعليق على الموضوع بشكل عام :)

1 - كم مره قطعت اللعبه وكنت مقتنع بتركها وبعدين رجعت تلعب ؟

والله ما قطعت و ما اعتقد اقطع الا بعد ما وصل على الاقل 3 لاعبين لفل 80 :silly:

واحتمال ما اقطع بعد ههه


2- انتقادات الناس تأثر فيك لدرجه انك تترك اللعبه ؟

لانه الي ينتقد ما راح يحس الا اذا حاول يلعب او جرب اللعبه وفهم القصه
وفي ناس تكلم وهي ما تعرف اللعبه وتقعد تقول الجمله الي انت ذكرتها فوق مع اني ما العب اكثر من 3 ساعات :32:

3- متى ناوي تعطيها quit نهائي من اللعبه ؟

ما اعتقد بسوي quit :silly: واذا سويت يمكن بعد ما اوصل 3 لاعبين لفل 80 او 85

4- لو رجع فيك الوقت عند المحل اللي شريت منه واو اول مره .. ترد تشتريها مره ثانيه ولا ترجع بيتكم ومع السلامه ؟

اذا وصلت لحالت الادمان لا سمح الله :silly: اقدر اجاوب بعدين


وبالاخير يعطيك العافيه على الموضوع وياريت نشوف اجابتك :09:

[aoohmed]

أولا أحييك و أحي أهل المنتدى منذ فترة و أنا منقطع عن التردد على المنتديات لكن هذا المنتدى لا أستطيع الإنقطاع عنه لما فيه من جديد و جديد

سؤال هل جربت أن تهتم بشيء آخر مثلا كالقراءة و تمضي وقتك كله في القراءه طوال أيام الإسبوع ؟
لو جربت لتعرضت لنفس الإنتقاضات و لكن بإسلوب مختلف
فستجد من يقول لك إقرأ ولكن إعطي لنفسك بعض الحق أخرج عامل الناس تنفس الهواء
ولو جربت أن تكون كثير الخروج من المنزل و زيارة الكثير من الأماكن و الجلوس على المقاهي كما قلت ستجد أن هناك من ينتقضك لما تنفقه على تلك الخروجات و المقاهي و مضيعة الوقت ...

أعتقد أن المشكلة هيا كيف أن تكون معتدلا في حياتك
واو ليست مشكلة فهي ككثير من الألعاب الجذابه لكن المشكلة فينا نحن حياتنا بلا هدف فعندما نجد شيء يلهينا نلتصق به حتى نصبح مدمنين

نظم وقتك و رتب أولوياتك إسعى نحو أهداف الحياه بإعتدال و عيش كإنسان في كل وقتك
ولو فعلت ذلك لاستمتعت بكل شيء في حياتك حتى لو كان العمل
لإنك تعلم أن هناك وقت آخر لمقابلة الأصدقاء و وقت للقراءه ووقت للعبادات و وقت للأسرة
و هكذا
لا تسرف في إستخدام أي شيء حتى لو كان مفيدا
إقتصد
تكن لك الحياه
:wink2:

[preist4ever]

مشكورين على الردود شباب :)

وبالنسبه للأجوبتي

1 - كم مره قطعت اللعبه وكنت مقتنع بتركها وبعدين رجعت تلعب ؟
اول مره لما وصلت لفل 55 قطعت تقريبا 8 شهور مادريت عن الجيم

وثاني مره على اخر ايام ulduar قطعت تقريبا شهرين ماسويت login بالماين

2- انتقادات الناس تأثر فيك لدرجه انك تترك اللعبه ؟
لا بالعكس ما اتأثر .. لاني عارف بالنهايه انها مجرد تضيع وقت لا اكثر ولا اقل

3- متى ناوي تعطيها quit نهائي من اللعبه ؟
يمكن بعد ماينتهى cata بيكون اخر اكسبانشن لي في الجيم

4- لو رجع فيك الوقت عند المحل اللي شريت منه واو اول مره .. ترد تشتريها مره ثانيه ولا ترجع بيتكم ومع السلامه ؟

مممم يمكن ارجع بيتنا لول

وبخصوص الاخ حمد مشكور على الرد واسلوبك يدل على ثقافتك :)

وصحيح كلامك بالاول والاخير مجرد لعبه تقضي فيها وقت فراغك لا اكثر ولا اقل

[موت عالمي]

1 - كم مره قطعت اللعبه وكنت مقتنع بتركها وبعدين رجعت تلعب ؟
فكرة اتركها مره /بس اني سحبت عليها لان مافيها شي جديد كثير وخاصه في الـwotlk الممل>>>يعني اقطع شهرين و 4 شهور العب و شهر اقطع وكذا
2- انتقادات الناس تأثر فيك لدرجه انك تترك اللعبه ؟
هممممم صراحه لا
3- متى ناوي تعطيها quit نهائي من اللعبه ؟
اذا حسيت اني مليت منها /او ان فيه شي احسن من WoW
4- لو رجع فيك الوقت عند المحل اللي شريت منه واو اول مره .. ترد تشتريها مره ثانيه ولا ترجع بيتكم ومع السلامه ؟
هممممممممممم والله اصعب سؤال
اتوقع لا صحيح راح احس بالطفش
بس انها بتريحني كثييييييييير

[SR388]

بالنسبة لي المشكلة مهي هنا، المشكلة أنك تقضي وقت كبير في لعبة وحده، يعني لو ما كنت أعلب واو (أو ما كنت أعرف واو من الاساس) كان يمكن لعبت عشرات الألعاب بدالها والي أحسن منها.

لكن واو أدمان ما تقدر تتركها :)

[love2002]

والله انت يا اخوي تقلب المواجع الصراحة اما ما اقول مدمن ولكن تجيني فترات اقطع اللعبة وما ادخلها بالم
وتجيني اوقات ادمن عليها وتستمر تقريبا اسبوع او اسبوعين ..
الصراحة دايما اسمع تعليقات ولكن ردي بانها مضيعة للوقت طبعا انا عارف هذا الشيء ولكن ارد عليهم بانك انت يا فلان ليش تسوي الشغلة الفلانية او العلانية تراها نفس الشيء يتلعثم وما يجاوب

صحيح اوقات العب وادمن بس لما تكون عندي شغلة مهمة لزوجتي او امي ع طول اترك اللعبة وابوها واسوي الشغلة

[ab20005]

انا استفدت من واو شغلة وحدة واهي اني قطعت الشيشة من بديت العبها ... لاني ادمنت عليها فنسيت الشيشة
اما الحين صار عادي عندي اقطع وارجع لها فترات متقطعة بس موطويلة
بالنسبة للانتقادات .. عادي ماتاثر فيني الا الوالدة لما تشخط فيني لما تبيني اقوم على العشا وانا اكون بريد

[الســـعودي 2007]

انا استفدت من واو شغلة وحدة واهي اني قطعت الشيشة من بديت العبها ... لاني ادمنت عليها فنسيت الشيشة
اما الحين صار عادي عندي اقطع وارجع لها فترات متقطعة بس موطويلة
بالنسبة للانتقادات .. عادي ماتاثر فيني الا الوالدة لما تشخط فيني لما تبيني اقوم على العشا وانا اكون بريد

^^ عجبتني مداخلتك وخاصة تشخيط والدتك فيك الله يحفظها لك ^_^

[jedawi]

والله يا طويل العمر

اولا انا قطعت اللعبة لمدة 6 شهور بسبب مللي للباتش WOLTK ورجعت بعد ما نزل ICC بشهر والحمدلله رجعت بقوة شخصيتين 6K GS KS

الانتقادات حدث ولا حرج من اربع سنين والكلام نفسه ما تغيير تصدق انه 4 شهور وانا ما اخرج من غرفتي وقدام البي سي جالس ويوميا العب تقريبا 8 ساعات وفي الاجازات ممكن 14 ساعة متواصلة

افكر اترك اللعبة والله العطيم حاولت اكثر من مرة واني استبدلها أي لعبة واشتريت PS3 وبرضه ما جاب نتيجة وشوفه مرمي لكن ما اعتقد راح اتركها

لو رجع فيا الوقت كان اشتريت اكاونتين واحد اخليه كلاسيك LVL 60 والثاني حق 80 خخخخخخ

[mr naser]

صراحة انا قبل ماالعب واو كنت اقضي اغلب وقتي عى الاكس بوكس العب كود4 ولا هيلو 3
يعني مافرقت اتركها ولا مااتركها راح اروح العب شي ثاني , لاننا صراحة ملينا من الشواطئ والاسواق والفلة اللي في الرياض :)

[Jeremie]

1 - كم مره قطعت اللعبه وكنت مقتنع بتركها وبعدين رجعت تلعب ؟
ولا مره....


2- انتقادات الناس تأثر فيك لدرجه انك تترك اللعبه ؟

ينتقدون أنا مالي خلق على الدجه وكل واحد وراحته........ ربعي مو عاجبهم الوضع ولا الأهل.... لما أصير ألعب أكس بوكس ولا بلاي ستيشن بيعجبهم...أهم الشي فيها وناسه وعندي الشباب مايقصرون. وإلي مو عاجبه أسوي له Ignore مأحب أحد يتدخل في حياتي وش أسوي وش ألعبز


3- متى ناوي تعطيها quit نهائي من اللعبه ؟

مخطط أضيف الاكاونت في الورث


4- لو رجع فيك الوقت عند المحل اللي شريت منه واو اول مره .. ترد تشتريها مره ثانيه ولا ترجع بيتكم ومع السلامه ؟

أفضل صديق لي تعرفت عليه في واو أتمنى قبل الوقت أكون مشتريها.

[joker506]

4- لو رجع فيك الوقت عند المحل اللي شريت منه واو اول مره .. ترد تشتريها مره ثانيه ولا ترجع بيتكم ومع السلامه ؟

أفضل صديق لي تعرفت عليه في واو أتمنى قبل الوقت أكون مشتريها.[/CENTER][/QUOTE]

!!!!!!!!! افضل صديق تعرفت عليه في واو !!!!!!!!!! تراه اللي تكلمه انسان وهمي و ما ادري وشلون صاار خويك يعني مهب فايدك في الحياة ولا هو بيساعدك ولا بيونسك حتى {{have a life}}

1 - كم مره قطعت اللعبه وكنت مقتنع بتركها وبعدين رجعت تلعب ؟
مره و ناوي اتركها مره ثانيه بس اني العبها تضييع وقت في ايم الدراسه ولا الاجازه لا اعرفها ولا تعرفني

2- انتقادات الناس تأثر فيك لدرجه انك تترك اللعبه ؟
الحمدالله ما احد انتقدني لأني مو ذااك الادماااان

3- متى ناوي تعطيها quit نهائي من اللعبه ؟
يمكن في cata
4- لو رجع فيك الوقت عند المحل اللي شريت منه واو اول مره .. ترد تشتريها مره ثانيه ولا ترجع بيتكم ومع السلامه ؟
انا ما ادري وشلون لعبتها كنت اسب فيها سب مب صااحي {لعبه نايمه..وشلون تستحمولن ذا اللعبه ما غير ينقز ...و اكثــ،،ر من تسذا..} لعبتها واعجتني بس لين الحين مقتنع انها ساامجه هههههههههه

[Jeremie]

4- لو رجع فيك الوقت عند المحل اللي شريت منه واو اول مره .. ترد تشتريها مره ثانيه ولا ترجع بيتكم ومع السلامه ؟

أفضل صديق لي تعرفت عليه في واو أتمنى قبل الوقت أكون مشتريها.[/CENTER]

!!!!!!!!! افضل صديق تعرفت عليه في واو !!!!!!!!!! تراه اللي تكلمه انسان وهمي و ما ادري وشلون صاار خويك يعني مهب فايدك في الحياة ولا هو بيساعدك ولا بيونسك حتى {{

[FONT=Comic Sans MS]have a life

أخ Jokar لا تعلم أحد ترني أتقابل معاه برى واو ومعانا بالسعودية.

[XFrozenX]

اول شي مشكور على الموضوع :)

1- كم مره قطعت اللعبه وكنت مقتنع بتركها وبعدين رجعت تلعب ؟

مرتين المره الاولى كنت ناوي اقطعها بس المره الثانيه وقفتها قريب خصب عني عشان ال game card خلص و ناوي ارجعلها ان شاء الله اول ماينزل Cataclysm


2- انتقادات الناس تأثر فيك لدرجه انك تترك اللعبه ؟

اهلي كل شويه احد يدخل و يقول ما تطفش ترا اللعبه بتجبلك المرض

3- متى ناوي تعطيها quit نهائي من اللعبه ؟

ماعندي نيه :)

4- لو رجع فيك الوقت عند المحل اللي شريت منه واو اول مره .. ترد تشتريها مره ثانيه ولا ترجع بيتكم ومع السلامه ؟

طبعاااااا بشتريها

[arlund]

السلام عليكم جميعا


1 - كم مره قطعت اللعبه وكنت مقتنع بتركها وبعدين رجعت تلعب ؟


2- انتقادات الناس تأثر فيك لدرجه انك تترك اللعبه ؟


3- متى ناوي تعطيها quit نهائي من اللعبه ؟


4- لو رجع فيك الوقت عند المحل اللي شريت منه واو اول مره .. ترد تشتريها مره ثانيه ولا ترجع بيتكم ومع السلامه ؟


وعليكم السلام ورحمة الله وبركاته
1- احاول اني اقطعها بس وقت الفراغ كبيييير و مافي شي يشغله
اجلس 4-3 ساعات على اللعبة في الايام العادية اما في ايام الاجازات (خليها مستورة)

2- ما تأثر فيني

3- بحاول انشاء الله قبل فترة الاختبارات الجاية ابي ارفع المعدل اللي كل شوي ينزل

4- ارجع بيتنا ومع السلامة

[thba7]

موضوع جميل واتمنا تثبــيت صراحه

نسيت الأسئله لوووول ماعليه اقولك قصت حياتي بواو !

والله اول شي بديت وحدااااني بسيرفر دااااااج جدا !! كان عندي صديق يلعبها وعنده لفل 15 كان وقالي عنها وشخصيات طبعا اول مادشيت مادري شطبخه

قالي اختار شخصيه قاعد اطالع مافهمت اله كلمت warrior قلت هذا شكله جااامد لوووووول وصلت لي 55 بعدين قطعت اللعبه اربع شهور يمكن

بعدين رجعت اللعب لكن بشخصيه جديده والحمدلله عندي روق 80 وديث نايت 80 وهنتر 80 ! طبعا ومع هذا مازلـت نــوب كبيـــر ! هههههههههههههههههه

صراحه انتقادات ماوجهت لانه اللعبها وقت الفراغ وكان اهتمامي pvp فقط مع شوية pve

ثلاث ساعات باليوم لكن مو متواصله يعني مرات اسهر عليها تسليه فقــــــــط !

اقطعها ماتوقع لانها بختصار نفس المسنجر او نفس الأنترنت شي جانبي وعمره مراح يكون شي اساسي

واسف على الأطاله

[love2002]

عاد تخيلو عندي اخوي الكبير والثاني اصغر عنه كلهم صاروا مدمنين واو بسببي:dontknow:
عرفتهم على اللعبة ومن ذاك الوقت وهم مدمنين واو

وتخيلو ثلاث غرف جنب بعض وكلنا نلعب واو من غرفنا وتدخل علينا الوالدة الله يحفظها . تزف واحد ورى الثاني :laugh2:

[microali]

1- كم مره قطعت اللعبه وكنت مقتنع بتركها وبعدين رجعت تلعب ؟

هههههههههههههههههه كثيييير على الاقل 3-4 مرات بالسنه على مدى 6 سنوات

2- انتقادات الناس تأثر فيك لدرجه انك تترك اللعبه ؟
ما احد يدري :blackeye: بيني و بين الأهل و الاصحاب 10000 ميل :cray:

3- متى ناوي تعطيها quit نهائي من اللعبه ؟
كل يوم اليوم!

4- لو رجع فيك الوقت عند المحل اللي شريت منه واو اول مره .. ترد تشتريها مره ثانيه ولا ترجع بيتكم ومع السلامه ؟البييييييييييييييييييييييييييييييت

[Quinlek]

بصراحة اللعبة سببت لي مشاكل كثيرة من أول يوم لعبتها
أنا انسان ذكي واجتماعي ناجح .. لكن بسبب الواو فقدت فرص كثيرة وللأسف مو ندمان على أي فرصة إلى الآن

ذهبت لدراسة الماجستير في الولايات المتحدة ودرست في ثاني أقوى جامعة في أمريكا في الهندسة الكهربائية
بعد الكورس الأول واللي انهيته ب 4 نقاط .. حصلت معي مشكلة صحية لمدة سنة وتم اعطائي اجازة مرضية لمدة سنة وعملت 3 عمليات لاصلاح مشاكل التنفس والاختناق في النوم
وأثناء اجازتي المرضية اشار أحد اصدقائي للعب الواو لقتل الفراغ .. ولعبتها بداية من سنة 2008 .. ولأني طالب ذكي عملت الأبحاث اللازمة لأصبح محترف في اللعبة .. وانتهت اجازتي المرضية وأنا في بداية الاستمتاع الحقيقي في اللعبة والريدات .. نهاية الأمر اني تخرجت والحمدلله ولكن بمعدل ضعيف 3.25 وفقدت الفرصة للحصول على بعثة الدكتوراه لأن شرط الحصول على الدكتوراه هو الحصول على معدل 3.3

الجامعة كانت صعبة جداً وساعتين دراسة أبداً ما كانت كافية بسبب الواو والتزاماتي بجدول القلد المزدحم ب 4 ليالي بالاسبوع .. وفي نهاية الاسبوع أطلع مع أصدقائي والدراسة باي باي ..

حالياً أنا أعمل ومنتظر الفرصة لتغيير عملي لعمل تتوفر فيه فرصة اكمالي لدرجة الدكتوراه لأني لا أستطيع الدراسة على حسابي الخاص ... لكن قبل الذهاب لدراسة الدكتوراه لازم أترك اللعبة لأني لا أريد تكرار الخطأ مرتين وخصوصاً إني راغب في الحصول على 4 نقاط كاملة في الدكتوراه ... وهذا يتطلب تركيز كامل على الدراسة بعيد عن جو الواو

ونصيحتي للأخوة الطلبة بالتركيز على الدراسة لأن المعدل هو كل شئ .. والمعدلات العالية تفتح لك فرص كبيرة في العمل واكمال الدراسة ..
الواو لعبة جميلة والادمان فيها شئ طبيعي وليس عليه خطر أبداً والسبب أن جميع الناس لديها حالات ادمان دون أن تشعر .. فالأشخاص الذين يتابعون الرسائل المتدفقة عبر الفيسبوك مدمنين ولا يشعرون لدرجة أنهم يرسلون رسائل أثناء المحاضرات .. وهناك المدمنين على الديوانيات أو المغازل في المجمعات التجارية والمطاعم ..

حالياً الحمدلله لدي كامل التحكم في وقتي .. أذهب للعمل كل صباح دون تأخير وبكل نشاط .. أعود للبيت وأقضي وقتي مع الأهل على الغداء .. والعصر أنام ساعتين .. وبعدها أخرج لزيارة صديق أو التحدث بالتلفون مع الأصدقاء .. وأخصص آخر 3 ساعات من الليل للعب الواو 3-4 أيام في الاسبوع .. والحمدلله لا أحس باني شخص مدمن لأني وقتي موزع على الحياة العملية - الحياة الاجتماعية - العبادات والواو تستحق 2-3 ساعات 3-4 أيام في الاسبوع للمتعة.

وحالياً أفكر في تمضية الأيام التي لا ألعب الواو فيها في نادي صحي لحياة صحية أفضل :)

[moonhamad]

موضوع جميل الله يعطيك العافيه عليه
كم مره قطعت اللعبه وكنت مقتنع بتركها وبعدين رجعت تلعب ؟
مرتين للراحه من واو
- انتقادات الناس تأثر فيك لدرجه انك تترك اللعبه
صارحه ياكثرهم وأولهم زوجتي وربعي بس مأثرت فيني لدرجت تركي للعبه لاني الصراحه مو مدمن عليها ساعتين إلا 3ساعات بالكثير و4 ايام بالاسبوع بس دايم الانسان عدو ما يجهل (لانهم ما يعرفون اللعبه) وأنا كنت أول واحد ينتقد للعبه والي يلعبها لين طحت فيها وتوهقت بس الصراحه الي يعتبرها في النهايه لعبه ولا يعطيها أكبر من حجمها بيتحكم فيها وبيستمتع بدون وجع راس
- متى ناوي تعطيها quit نهائي من اللعبه ؟
ما أعتقد انه بيحصل علي الاقل في المستقبل القريب
لو رجع فيك الوقت عند المحل اللي شريت منه واو اول مره .. ترد تشتريها مره ثانيه ولا ترجع بيتكم ومع السلامه
اشتريها ثانيه وثالثه ورابعه

[Deathcow]

موضوع رائع الصراحة



1 - كم مره قطعت اللعبه وكنت مقتنع بتركها وبعدين رجعت تلعب ؟

مرة وحده بعد 5 سنين لعب ورجعت بعد 5 شهور

2- انتقادات الناس تأثر فيك لدرجه انك تترك اللعبه ؟

لا,,,


3- متى ناوي تعطيها quit نهائي من اللعبه ؟


اذا تزوجت

4- لو رجع فيك الوقت عند المحل اللي شريت منه واو اول مره .. ترد تشتريها مره ثانيه ولا ترجع بيتكم ومع السلامه ؟

اكيد ماراح اشتريها ,,