استفسار (إتخاد قرار)

[A.ibrahim]

السلام عليكم يا شباب

قبل يومين جهزت طلبيه من بودي بلدنج وصارة جاهزه وكل شي تمام المشكلة باقي التحويل نجي عاد قلت ماني محول إلين ما اتأكد انو الشحنه راح تخش وكيف اتأكد قلت اشوف احد الشباب هنا يمكن يقدر يشفلي موضوع الجمارك

منتضر يد العون

[veto100]

انا امس وصلت طلبيه من امريكا عن طريق body building

طبعاً السعودية مو موجوده في القائمة

انا اختار سويسرا واول ما ادفع اخذ رقم الطلب وارسل لهم ايميل عشان يغيرون الدولة الى السعودية ، هالحركة سويتها ثلاث مرات وضبطت

طبعاً هم قالوا اختار سويسرا لنها نفس سعر الشحن

بالتوفيق ، لكن لا تطلب كمية طبيرة عشان ما يوقفونها لانه مره طلبت وكانت عبارة عن ثلاث كراتين وقفوها واتصلوا فيني بس مشوها يوم قلت لهم استخدام شخصي

[يوسف404]

حاب اني ارد على veto100 (http://www.montada.com/member.php?u=748011)

البدي بلدنق مايقبل الدفع الالكتروني اذا كانت الشحنه تروح السعوديه حتى لوغيرت الدوله بمجرد تغيرك وجهة الشحنه الى السعوديه راح يوقف العمليه ويعيد المبلغ لك واذا تكررت العمليه اكثر من مره راح تحول الى مركز الامن وسبب انهم مايقبلو بطايق الفيزا السعوديه حسب كلامهم انهم تعرضو للقرصنه من السعوديه!

لكن هذه ماهي مشكله يوجد التحويل البنكي بالاضافه الى رسوم البنك........

المشكله انها راح تتوقف في جمارك الرياض وجده ويطلبو فسح من هئية الدواء والغذاء وهذه عن تجربه اما مثلا لو طلبت علبه علبتين!!! بصراحه ماادري لان طلباتي حجمها كبير في الغالب.....

تحياتي للجميع

[veto100]

حاب اني ارد على veto100 (http://www.montada.com/member.php?u=748011)

البدي بلدنق مايقبل الدفع الالكتروني اذا كانت الشحنه تروح السعوديه حتى لوغيرت الدوله بمجرد تغيرك وجهة الشحنه الى السعوديه راح يوقف العمليه ويعيد المبلغ لك واذا تكررت العمليه اكثر من مره راح تحول الى مركز الامن وسبب انهم مايقبلو بطايق الفيزا السعوديه حسب كلامهم انهم تعرضو للقرصنه من السعوديه!

لكن هذه ماهي مشكله يوجد التحويل البنكي بالاضافه الى رسوم البنك........

المشكله انها راح تتوقف في جمارك الرياض وجده ويطلبو فسح من هئية الدواء والغذاء وهذه عن تجربه اما مثلا لو طلبت علبه علبتين!!! بصراحه ماادري لان طلباتي حجمها كبير في الغالب.....

تحياتي للجميع


هلا ولله اخوي ابو مجدع :)

حاب اقولك اني طلبت فقط في عام 2010 اربع مرات
1- في شهر يناير وكانت السعودية موجوده في اللسته وباستخدام سامبا ماستر كارد
2- في شهر ابريل وكانت السعودية موجوده في اللسته وباستخدام سامبا ماستر كارد
3 - في شهر يوليو وكانت السعودية مش موجوده ، سالتهم قالوا اختار سويسرا واتمم عملية الشراء واذا جاك ال order number كلمنا ونغيره لك للسعودية وايضاً باستخدام سامبا مساتر كارد43- شهر اكتوبر واستلمتها يوم السبت " قبل امس" ونفس الطريقة اللي فوق ، عاااد المشكلة اني رميت الكوتون ولا كان صورته لك :) لكن هذي صورة الطلب من الموقع :)

عموماً قد يرجع السبب انه ملفي في تاريخ قديم للمشتريات من عندهم من عام 2008 كل شهرين او ثلاثة بالكثير :)

http://www.m5zn.com/uploads/2010/10/31/photo/103110221028wxj0wcz.bmp (http://games.m5zn.com/cooking_games.html)

[يوسف404]

بس راح تكلف عليك علبه ولا علبتين يعني النترو تك اشتريته من البدي بلدنق بسعر 318 ريال يعني gnc ارخص!!

[veto100]

انا اخر مره شريت اربع علب نيترو تك صغيرة ب 516 ريال فقط :)

لو شريت علبه او ثنيتن ممكن ، لكن انا ماشريت من Body Building الا وانا عارف وحاسبها ومقارنها بعد ، وايضاً الميزة اللي اراها ان موظف الفيدكس يجيبها لي الين المكتب

اربع علب نيترو تك صغيرة من جي ان سي كم سعرها؟

وقبل 2 انيمال كت + 4 علب امينو سوفت جل = 580 ريال فقط من بودي بلندق

الانيمال كت موجود هنا ب 200 العلبة ، والامينو في جي ان سي ب 170 وعليك الحساب :) اكثر من 1000 ريال ،

عاد انت لا تحاول انك توفر مررررره وتطلب كمية كبيرة ، اطلب حق شهرين يعني يجيك كرتون واحد او اثنين بالكثير :) وبالتوفيق

[يوسف404]

اها! بس شوف الي متاكد منه اذا كانت اكثر من علبتين او ثلاثه راح تتوقف في جمارك الرياض وجده. وخاصه لوكانت من الحجم الكبير مثل الواي بروتين 5 باوند وغيره.

تحياتي لك واعتقد اننا افدنا صاحب الموضوع بهذا النقاش

[A.ibrahim]

والله اني طالب الواي الكيس وعلبة ليبو وعلبة انيمال كت وهيموراج وامينو 2222 سوفت وجاك3 اش تقولو يا شباب نحول الفلوس ونخليها علي الله ولا نصرف نضر ولا احد شبابنا الطيبين يفزعلنا بالجمارك

[veto100]

توكل على الله واطلبها ، لانك اذا ما استلمتها لك ق استرجاع فلوسك ، حتى الجمارك اذا منعت دخلوها ما ياخذونها ، ترجع للمصدر :) الدعوة ماهي لعبه

[A.ibrahim]

خير انشاء الله و مشكورين ياشباب

[RS4EVER]

جربت اطلب من بودي بلدنق كمية مكملات بحدود 200$ وكان الدفع عن طريق فيزا بنك الرياض والشحن على واصل الامريكي
تم قبول العملية في البداية ووصلتني رسالة من البنك بالقبول والمبلغ بعدها ارسل الموقع رسالة تعليق للعملية وقالوا حولها عن طريق وسترن يونين ماقدرنا نوثق العملية ومن هالكلام قلت لهم كنسلوا الطلبية كلها ما عندي استعداد حوالات وخرابيط
اشوف عندهم paypal و google checkout اللي جربهم يفيدنا

[يوسف404]

نصيحه ابعد عن واصل شحنتك يا تضيع ياتتاخر شهر وهذه من تجارب الكثير مع واصل حتى انهم سموه فاصل

والبدي بلدنق الدفع عن طريق التحويل البنكي او وسترن يونين اذا كنت في KSA بس ايش الفايده اذا كانت راح تتوقف عن طريق الجمارك

[يوسف404]

والله اني طالب الواي الكيس وعلبة ليبو وعلبة انيمال كت وهيموراج وامينو 2222 سوفت وجاك3 اش تقولو يا شباب نحول الفلوس ونخليها علي الله ولا نصرف نضر ولا احد شبابنا الطيبين يفزعلنا بالجمارك

شوف انت طالب الواي الكيس الكبير بالاضافه الى البقيه يعني 6 مكملات واتوقع يكون الكرتون كبير اذا تقدر تجيب فسح راح تمشي امورك واذا عندك ملتي فيتامين ايضا ممكن تمشي هذه نصيحتي واطلب وجرب

[RS4EVER]

أبومجدع
سبق لي طلب مكملات وشحنتها عن طريق واصل والحمدلله وصلت بدون اي مشاكل وحالياً عندي طلبية في الطريق
واصل ارخص وباذن الله اضمن من ناحية دخول الشحنة وكل ما نطلب نقول الله يعديها على خير

[Aqili]

يا شباب انا شاري من الهاشمي و اسعاره قريبه من اسعار bodybuilding بصراحه . مثلا سعر الوي بروتين قولدن استاندر سعره في الموقع 43.99 دولار بالاضافه للشحن الي هي تقريبا 35 دولار . لكن الاخ الهاشمي يبيعه يبيعه ب 200 ريال فبصراحه ارخص . والله شكله بعد فتره بيسير يبيع لامريكا ههههههههههه.

و بيني و بينك مع موضوع الجمارك و الناس الي بتكلمهم بيطع سعر الطلبيه مثل بعض . فمثل ما قالو ذل قرشك و لا تذل نفسك

و بالتوفيق

[يوسف404]

أبومجدع
سبق لي طلب مكملات وشحنتها....



اخي العزيز انا نقلت لك تجربة الكثير من الناس الي جربو البريد السعودي من سرقة وضياع الى تاخير ولنفرض انها وصلت طلبيتك كم يوم جلست في مخزن الرياض 10 ايام تتوقع انهم مشغلين المكيفات عليها :silly: انت وصلت شحنتك لان والديك رضين عليك.... والايام تثبت لك كلامي وبالنسبه لاسعار صحيح اسعارهم ممتازه لكن مع المخاطر التي ذكرتها لا يستحق الامر العناء..... والحمد لله وفقني الله لشركه في امريكا تعاقدت معها واسعارهم رخيصه وباذن الله سوف تكون اسعاري القادمه مناسبه للجميع ومضمونه انتظرونا ;) دعواتكم


يا شباب والله شكله بعد فتره بيسير يبيع لامريكا ههههههههههه.


من جد ضحكتني معاك :silly: تفضل هذا الموضوع هنــــــا (http://www.montada.com/showthread.php?t=685374) بس لاترفعه ;)

[اطول 1]

^^^^^^^^^^^^^^^^^^^^^^^^^^^^^^^^^
هههههههههههههههههههههههه والله منتدى فللله وين راح رد الاخ Aqili الي ابو مجدع مقتبس منه فوق ؟؟؟؟؟؟؟؟؟؟؟؟؟؟؟؟؟؟؟؟؟؟؟
ولا تتعبون انفسكم وتدورون بالصفحه الاولى لان الرد محذوف ؟؟؟؟؟؟؟؟؟؟؟؟؟؟؟؟؟؟؟
وبعدين يا ابومجدع انت على اي اساس قاعد تربط بين اغراضوبروتينات الهاشمي واغراض الزلمات الي بموضوعك
هل انت جربت بورتينات الاخ الهاشمي وطلع لك مضروب مثلا ؟؟

اتمنى نلقا رد من الاخ الي حذف الرد
والاخ ابو مجدع

[OBLIVION MAN]

هممممممم توهتوني يعني في السعودية لازم تحويل بنكي طب بقية دول الخليج كيف امورها تمشي الفيزا

[الهاشمي2]

اولا تم حذف رد اخونا عقيلي,بسبب انه مدح منتجاتي والضاهر مدح العضو سبب قلق وتوتر لباقي الاعضاء

ثانيا.ع اي اساس تم حذف رد عقيلي

ثالثا ابو مجدح ع اي اساس معلق ع موضوع عقيلي وقاعد تضحك وش تقصد يعني منتجاتي مضروبه مثلا ع شان الاسعار جمله,والله ثم والله ثم والله لو لا احترامي للمنتدى والقائمين عليه كنت

عرفت وشلون اتصرف معك,

وغير كذ حرام اضيع وقتي معك, ياخي تبي تبيع الله يرزقك بس لاتبخس بضاعت غيرك والارزاق ع الله مو ع اسلوبك؟؟؟؟؟؟


ابو مجدع لا اشوفك تجيب طاري اسمي ع اي موضوع يخصني

ابو مجدح تراك تشتري بالحبه للعضو,فرق بينك ياحليلك وبين شخص ياخذ بالكميات,اذ انك ماتفهم بأسلوب التجاره خلك في بيتكم احسلك

[Aqili]

افا والله و الله ما هقيتها يا الربع ردي ينحذف و الله كبيره .

ليش انا الي دايم ردودي تنحذف و هذي ثاني مره ( تشفير مثلا ههههههههه)

والله زعلت منكم .

ما علينا بس بصراحه انا طلبت من بدي بلدنق بحدود 3000 ريال و ما خلوني الجمارك اخذها و هيئه الدواء و الغداء رفضت تعطيني فسح( بفتح محل مثلا من جد يستهبلون ) و من يومها و انا اشتري من هنا ( السعوديه ) . 50 ريال زياده مو مشكله اهم شي يكون المنتج جيد و مو مضروب . و مثل ما قلت في الرد المحذوف الاخوان مثل الهاشمي اسعاره حلوه و مافيها فرق كبير و برضو يوفروا حتى المكملات الي صعب تحصل عليها .

[يوسف404]

المشكله اني ماذكرت اسماء "اشخاص" بس في مثل اتذكره يقول: كاد المريب ان يقول خذوني هههههه ككككككك

[اطول 1]

ورجع الرد فجاه
ههههههههههههه

يعلم الله يا شباب ان الاخ ايمن ما اعرفه الا عن طريق المنتدى ( يعني عشان ما يقولون اصحاب )
والي خلاني اتفاعل معاه لان اشتريت من عنده واغراضه 100%100 ومايرضيني الظلم
والساكت عن الحق شيطان اخرس

ويا شباب الي يكتب شي بالمنتدى يرجع يشيك عليه هو انحذف ولا لا ؟؟؟؟؟؟؟؟؟؟؟؟؟؟
والله يخلي لنا المشرفين

[اطول 1]

المشكله اني ماذكرت اسماء "اشخاص" بس في مثل اتذكره يقول: كاد المريب ان يقول خذوني هههههه ككككككك
ابو مجدع الشي الواضح وااااااضح ما يبيلها كلام والاخAqili يوم رد كان يتكلم عن الاخ الهاشمي ويقول ان اغراضه اسعارها حلوه ومضمونه وانت اقتبست رده يعني معقوله ما تقصده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[اطول 1]

على العموم صاحب الحق موجود ويقدر يدافع عن نفسه واستئذنكم brb
اوووه احتمال ينحذف ردي
خخخخخخخخخخخخخ

[Aqili]

على العموم صاحب الحق موجود ويقدر يدافع عن نفسه واستئذنكم brb
اوووه احتمال ينحذف ردي
خخخخخخخخخخخخخ


هههههههههههههه تبي بروكسي عشان ما يتشفر ردك ولا تعرف احد في مركز الملك عبدالعزيز للعلوم و التكنلوجيا و مزبط وضعك هههههههه

ما علينا اهم شي روقو و خلينا نروح نتمرن ( متاسفين يا راعي الموضوع و الله اسف احس اننا خربنا موضوعك و قلبناه زحمه ............ و خلاص يا شباب صفو النفوس و كلنا اخوان )

[الهاشمي2]

المشكله اني ماذكرت اسماء "اشخاص" بس في مثل اتذكره يقول: كاد المريب ان يقول خذوني هههههه ككككككك

الحمدالله والشكر

اسلوبك يوم تتكلم مع الرجال بضحك وسخريه,هذا اذ دل يدل على حسن تعاملك مع الرجال وعلى حسن تربيتك,اعيد واكرر ماعندي وقت اضيعه مع مبزره في المنتدى ولو كنت بالرياض عرفت وشلون اتعامل معك

اذ خاطبك السفيه فلا تجيبه