مشترك جديد وابغا رايكم في برنامجي الغذائي

[ابوحمد السبيعي]

السلام عليكم ورحمة الله وبركاته

اخواني عضاء المنتدي كيف حالكم ان شاء الله بخير حبيت اخذ رايكم في بعض الامور وان شاء الله تفيدوني فيها واكون شاكر لكم

انا مشترك في صاله كمال اجسام توني مبتدا واحاب اعرف رايكم في برنامج الغذاء الي واصفه لنا المدرب وهل هو صحيح ومفيد ولالا ياليت تجاوبوني

المدرب وصف لي الفطور كورن فليكس مع خمس بيضات مسلوقه بدون الصفار وبعد ثلاث ساعات علبتين زبادي قليل الدسم مع تفاحه وبعد التمرين مباشره تونه مع سلطه وخبز برا والعشاء مشويات وابي اريكم فيه النظام الغذائي هل هو مفيد
وهل تنصوحوني في المكملات الغذائيه وايش الي تناسبني كامبتداء وايش المكملات الي مالها اثار جانبيه ولامخاطر على الصحه لانه حسب ماسمعت المكملات لها مخاطر جسيمه وابي اتاكد الله يجزاكم عني كل خير

[Aqili]

السلام عليكم اول شي مكان موضوعك غلط ( راجع قوانين المنتدي )

النظام الغذائي هذا ما عليه دام انك توك بادي و استمر لمده شهرين او ثلاثه في التمرين بدون مكملات او اي حوارق دهون و خلي جسمك يتعود علي الحركه

لكن : وزنك وطولك و عمرك ؟
المكملات مثل البروتين و الامينو مالها اي اضرار جانبيه اصلا لكن في بعض المنتجات الاخري ينصح باستخدامها لمده 3 اسابيع و توقف اسبوع من باب الوقايه لان الجسم يتخلص من المواد الضاره .
تعال هنا للمنتدى بعد فتره و ممكن تاخذ النصح في موضوع المكملات.

[THh Rock]

ما قصر الاخ عقيلي
لكن الافضل تقولنا وزنك وطولك علشان اقدر افيدك بالمكملات الي تحتاجها ....... وان شاء الله كلها متوفره

[ابوحمد السبيعي]

المعذره ياشباب جبت الموضوع في غير مكانه هاذ لعدم خبرتي في المنتدي وان شاء الله تعذروني عليها

ثاني شي مشكورين على الردود وبالنسبه لعمري 27 وزني80 كيلو وطولي 178 اتمناء تفيدوني الله يجزاكم خير

[Aqili]

مثل ما قلتلك تمرن مع مدربك و امشي مع نظامه الغذائي لمده شهرين او ثلاثه و بعدها تعال هنا و ما بنقصر معاك من ناحيه اي شي .

شوف هذي اللعبه تعتمد علي التجربه والتغير . مثلا انا اغير جدول تدريبي كل اسبوعين عشان ما اتعود عليه و اغير في الدايت عشان ما اطفش .

جرب اشياء و تعلم .

بس الي اهم من كذا يكون عندك هدف .
مثلا تكون نبي تظخم و لا تقسم و تنشف يعني في اشيا كثير و كل شي له اسلوبه او علي الاقل جيبلك صوره تبي تكون مثلها و عليك بالعزيمه و الاصرار و بتوصل لهدفك انشاء الله..

[THh Rock]

لا عادي حياك

اوك الافضل لك الواي بروتين والامينو 22 تابلت طبعا مع نظام غذائي وتركيز في التمرين وامورك في الممتاز

[ابوحمد السبيعي]

يعيطكم الف عافيه بصراحه ماقصرتو معي وشاكر لك ارشادتكم وان شاء الله بعد ثلاث شهور ارجع لكم واتسفيد من خبرتكم ان شاءالله