الموضوع الرسمي | The Sly Collection

[I C E]

السلام عليكم

http://wirelessmedia.ign.com/wireless/image/object/142/14208510/Sly-Collection_PS3_BOX-tempboxart_160w.jpg

الاسم : The Sly Collection
المطور : sucker Panch \ sanzaru Games
الناشر : Sony Computer Entertainment
النوع : بلاتفورم
اللعبة حصرية لجهاز PS3
تاريخ الصدور : 9\11\2010

أخر أصدارات الشركة العريقة Sucker Panch وللذين لم يجربوا هذه الأسطورة على جهاز PS2 اليكم القصة باختصار

قصة الأجزاء الثلاثة تحكي عن راكون يدعى سلاي كوبر ينتمي الى سلالة عريقة من الراكون محترفي السرقة ولكن أفراد سلالة قتلوا من قبل عصابة تكره سلالتهم وقاموا بسرقة كتاب يحتوي على إنجازات سلالة سلاي وبعد ذلك يقوم سلاي بتكوين عصابة مؤلفة من سلحفاة و فرس النهر ليقوموا بالانتقام من العصابة

http://image.gamespotcdn.net/gamespot/images/2010/258/997773_20100916_640screen002.jpg

أكثر ما سيعجبكم في اللعبة هو أسلوب التسلل والتخفي فهناك الكثير من المهمات التي تعتمد على هذا الطابع

وقتال الزعماء ممتع جدا ومبتكر فكل زعيم له طريقة خاصة للقضاء عليه

تنواب الأدوار في المهمة الواحدة من أكثر الأمور التي أعجبتني يحسسونك بالعمل الجماعي

كل شخصية لديها ضربات و مهارات خاصة تستطيع شرائها بالنقود التي تجمعها عند أدائك للمهمات

تنوع كبير في العوالم من مدن وطبيعة وجبال وغابات

الميني جيمز ممتعة جدا خاصة بعد إضافة دعم الموف للعبة


المزيد من الصور

http://ps3.ign.com/dor/objects/14208510/the-sly-collection/images/the-sly-collection-20100615044441044.html?page=mediaFullhttp://ps3.ign.com/dor/objects/14208510/the-sly-collection/images/the-sly-collection-20100615044441044.html?page=mediaFullhttp://ps3.ign.com/dor/objects/14208510/the-sly-collection/images/the-sly-collection-20100615044441044.html?page=mediaFullhttp://ps3media.ign.com/ps3/image/article/109/1098381/the-sly-collection-20100615044441044_640w.jpg


http://ps3media.ign.com/ps3/image/article/109/1098381/the-sly-collection-20100615044501684_640w.jpg


http://ps3media.ign.com/ps3/image/article/109/1098381/the-sly-collection-20100615044436326_640w.jpg


هنا صورة واحد تبين الفرق بين نسخة PS2 و PS3

http://ps3media.ign.com/ps3/image/article/109/1098381/the-sly-collection-20100615044431841_640w.jpg


الفيديو

هنا (http://www.ign.com/videos/2010/09/17/the-sly-collection-sneaking?objectid=14208510) و هنا (http://www.gamespot.com/ps3/action/theslycollection/video/6265685/the-sly-collection-e3-trailer)


الكلمة النهائية


مع عودة ثلاثية اللعبة بشريط واحد ودعمها للوضوح العالي والموف والتروفيز :)

فلا يوجد سبب لعدم اقتنائك هذه الأسطورة

وإن لم يسبق لك لعبها فالفرصة سانحة الآن


ودمتم في ألف خير


مع تحياتي sadnees121 :biggthump

[SALM0RE]

نزلت العبة و لا للحين ؟ على فكرة في توضيح التروفي البلاتنوم الأخير للجزء الثالث , في تلميح للجزء الرابع
او الجزء القادم يعني ^ ^

[I C E]

^^^^^

كلمت المحل الي اتعامل وياه قالي بتكون موجودة عنده بعد يومين

تاريخ صدورها يوافق call of duty : black ops يعني على الأسبوع القادم بتكون موجودة رسمي

بالنسبة لبلانتنيوم الجزء الثالث شفت التلميح متكوب أخر شيء ?the last

مشكور سلمور على الرد

[SALM0RE]

اها زين يعني مابتتأخر وايد ^ ^ . . . هاذي أغلفة العبة الرسمية :


http://i.imgur.com/9F8v6.jpg

http://i.imgur.com/FQ06b.jpg

[KasiH]

مالعبت ولا جزء من هذه السلسلة .. وفي شيء انتبهت له غريبة تدعم الموف شمعنى ؟؟؟ هل اسلوبها يخلي الموف مهم لها ؟
ويعطيك العافية سادنيس ^^

[SALM0RE]

^^^^

هم صمموا العاب فرعية حصرية للكوليكشن تستخدم الـ move و لها تروفياتها الخاصة

[dely10]

حدي متحمس ودي اجرب هاللعبه :)

يعطيك العافيه على الموضوع

[Sparta Ghost]

مالعبت ولا جزء من هذه السلسلة .. وفي شيء انتبهت له غريبة تدعم الموف شمعنى ؟؟؟ هل اسلوبها يخلي الموف مهم لها ؟
ويعطيك العافية سادنيس ^^

same thing
ما لعبت ولا جزء بس اكيد باخذ الكولكشن ان شاء الله . عندنا نقص في العاب البلاتفورمز هذا الجيل .

[american.u.s.a]

مااعتقد اني بشتري اللعبة من صدورها مباشرة يكمن بعد فترة وتقييم المواقع
مشكور على الطرح

[Lonely Hunter]

يعطيك العافيه سادنيس على الموضوع الرسمي

سلاي و راتشيت و جاك كانوا يعتبرون الثلاثي البلاتفورمي لسوني و افضلها على البلي2

انا لاعب الثلاثيه و مخلصها ماعدى الاول و متحمس جدا اني اعيد العبها مره ثانيه بالHD

american.u.s.a
تقاييم اللعبه نازله من سنين P:

[The Last Lombax]

الكولكشن واجب الشراء لكن متى راح ألعبه :(
سلاي 2 كانت من الألعاب المفضلة عندي على الـPS2 , الثالث ما كملته لأسباب أهمها الجهاز خرب , الأول ما لحقت عليه للأسف , من الآخر الكوليكشن لازم منه

[UAExHEALER]

انا ان شاء الله باخذ الكولكشن شهر 12

لعبت الجزء الثاني والثالث

من افضل العابي على ال ps2

[I C E]

مشكورين شباب على ردودكم

قبل شوي كان عندي كويز في الجامعة خلصته بعدين قلت في نفسي أمر على محلات الألعاب أشوف شو الجديد

لقيت كول أوف ديوتي بـــ290 درهم اليوم العصر يمكن تكون أرخص

قالي راعي المحل سلاي كولكشن بتنزل اليوم العصر ويا باقي نسخ كول أوف ديوتي

متحمس جدا للعبة بأخذ الموف معاها

[I C E]

تقاييم الأجزاء الثلاثة أيام البلايستيشن 2

الأول

http://img41.imageshack.us/img41/4880/op1n.jpg

الثاني

http://img541.imageshack.us/img541/6641/op2u.jpg


الثالث

http://img602.imageshack.us/img602/9258/op3.jpg


بالنسبة لي أفضل جزء بين الثلاثة هو الثاني :)

[General BiG Boss]

بالنسبه لي ماذكر إني لعبتها ..

الاجزاء الثلاث كلهم نفس القصه ؟
"عن السرقه"

[I C E]

بالنسبه لي ماذكر إني لعبتها ..

الاجزاء الثلاث كلهم نفس القصه ؟
"عن السرقه"


لا مو كلها نفس القصة

الأول والثاني القصة متشابهة نوعا ما

الثالث قصة مختلفة

[THE ROCK IS THE BEST EVER]

ناوي على اللعبة ان شاء الله

بس مو الحين

انا بس لعبت الجزء الثالث

ما ادري عن الاجزاء الاخرى بس عيب هذا الجزء انه كان قصير

ياليت يسون كولكيشين جاك عشان تكمل فرحتي

[american.u.s.a]

لول لونلي لاكن انا ظنيت ان الكلوكشن راح يقيم كالمجموعة اجزاء ومع والاضافات هذا اذا كان في اضافات

[Lonely Hunter]

^
على شان جذي قتلك شوف تقاييم النسخ الاصليه لاتنتظر تقييم الكولكشن لان بيقيمونه كا كولكشن مو كل لعبه بروحها

لول اصلا سلاي ممتازه جدا بشهادة كل من لعبها ماتحتاج تقييم احد عشان تقنعك

[SALM0RE]

انه مالعبت الا الجزء الثالث , الأول و الثاتي ماشفتهم خير شر , بس مرة لما كنت في مكة بس ماخذتهم :ponder:
الثالث ماحبيته لانه صاير Sandbox و الأعداء لما تتخلص منهم مع كل Loading يطلعون مرة ثانية :umm2:

[zack77]

يعطيك العافيه اخوي على الموضوع الرسمي

بلنسبه للعبه انا لعبتها على ايام ps2 ابصراحه كانت من افضل الألعاب الي لعبتها على الجهاز

انا اول ما شفت خبر ان بينزلون لها كوكشن لل ps3 ابصراحه جتني حاله جنون ^^

يعني استانست وقلت اول ما تنزل شاريها شاريها ^^

المقاطع الي شفتها مرره روعه حتى الجرافكس مرره روعه

لو تقارنه بي الجرافكس حق ps2 تلاحظ تحسن كبير في الجرافكس حق ps3

اتمنى ان اللعبه يكون سعرها مناسب

بلنسبه للعبه راح تدعم الموف وايضا راح تدعم الكنترول العادي

يعني الي ما عجبه التحكم في الموف يحول للعادي

[Falling Angel]

همممم
لعبت قبل فترة .. وأظن ديمو كان.. ما أتذكر بالضبط
وبحثت عنها ولا لقيتها..
فرصة أني ألعب الأجزاء كلها
وخصوصا أنها تدعم الموف
في أحد جربها مع الموف؟

[SALM0RE]

شباب العبة ماتدعم الموف , فقط الألعاب الفرعية الى فيها

[jinabil]

ان شاءالله اخذها فى شهر 1 او 2 من ايام السونى 2 ونفسى العبها
اخيراا راح العبها
شكراا على الموضوع

[american.u.s.a]

تروفيز اللعبة :
طبعا كل جزء له تروفيز خاص
The Sly Collection: Sly Cooper and the Thievius Racoonus (http://www.ps3trophies.org/game/sly-cooper-collection-sly-1/trophies/)
==========
The Sly Collection: Sly 2: Band of Thieves (http://www.ps3trophies.org/game/the-sly-collection-sly-2/trophies/)
==========
The Sly Collection: Sly 3: Honor Among Thieves (http://www.ps3trophies.org/game/the-sly-collection-sly-3/trophies/)
==========
The Sly Collection: Sly Mini Games (http://www.ps3trophies.org/game/the-sly-collection-sly-mini-games/trophies/)

[Tockuchi]

^^^^
عبالي جزء المينيجيمز له بلاتينيوم xD , كانت عيوني جذي @_@ قبل ما أفتح الرابط

[Lonely Hunter]

المفروض اللعبه اليوم نازله

في احد شراها ؟

[Tockuchi]

^^^
قصدك بالكويت؟
ما أتوقع نازله , بس بالإمارات المفروض اليوم نازله

[I C E]

^^^^

النسخة الأمريكية المفروض تكون نازلة اليوم رسمي

دورت عليها بكل المحلات بس للأسف ما حصلتها

[SALM0RE]

حتى في أمريكا مانزلت للحين , يقولون تأجلت يومين , الحين موعدها هو 11 نوفمبر

[Sparta Ghost]

قاعد العب الجزء الاول و للمرة الاول .. شئ عجيب ساعات احس اني العب ميتل جير بس بشكل كرتوني :p
اللعبة حدها بلاتفورمية و تروفيات سهلة لمحبين التورفيز . الزعماء شوي صعبين .

[SALM0RE]

^^^^^

يعني نزلت ؟ بس يعل باخذها يوم العيد

[Sparta Ghost]

^^^^^

يعني نزلت ؟ بس يعل باخذها يوم العيد

yup امس رحت اخذتها .

ما دري وين كنت عن هالسلسلة على ايام بلاي ٢ ، ابدا ما سمعت عنها .

[devil cober]

^^^^^^^^^^^
فعلا اللعبة ماكان لها شهرة كبيرة
والظاهر ان Jak -Ratchet غطوا عليها وبالقوة !!

[SALM0RE]

^^^^

أنه اصلا و لامرة شفتها تنباع في محل على ايام الكوبي من جذي انه اكتشفتها مؤخرا

Sparta بكم أخذتها ؟

[Sparta Ghost]

فعلا اللعبة ماكان لها شهرة كبيرة
والظاهر ان Jak -Ratchet غطوا عليها وبالقوة !!

صحيح كلامك .. حاليا ترتيبي جاك اول شئ و بعده سلاي و تحته بشوي راتشيت.



Sparta بكم أخذتها ؟

38.99$

[rare games]

اللعبة ما نزلت بالكويت ؟

[I C E]

مب لاقي اللعبة في أي مكان معقولة للحين ما وصلت :12:

شباب في أحد أشترى اللعبة غير Sparta Ghost

[Sora Rx]

أهـلآ .. ^^

أولآ كــل عآم وأنتم بخيــر .. ^^

اللعبة لم تصدر في أوروبآ والشرق الأوسط حتى الآن..

رآح تصدر .. في 4 ديسمبر .. للاسف.. كنت أتمنى ألعبهآ في الأجآزة ..:28:

[I C E]

^^^^

مراحب فيك أخوي وحياك معانا في المنتدى نتمنى أنك تفيد وتستفيد

بالنسبة للعبة أنا كنت أتكلم عن الاصدار الأمريكي الي نزل في تاريخ 12 من هذا الشهر

[Tockuchi]

^^^^
ليش أخونا سبارت جوست من المريخ فحصلها قبلنا!؟ xD

[I C E]

^^

أهلين توكوشي :)

لا ما كان هذا قصدي

سبارتا جوست يدرس في أمريكا فطبيعي بيحصل اللعبة قبل ما توصل عدنا

لو حسبت مدة الشحن + قلة اهتمام المحلات فاللعبة بتوصل متأخرة على عكس باقي الألعاب الي توصل حتى قبل الاصدار بأسبوع

[Lonely Hunter]

^
انت فاهم المريّخ غلط

و سبارتا جوست بمريكا

[Tockuchi]

^^^^
كنت أقصد العضو إلي قبلك xD
لو تلاحظ ردي كان بعدك اب دقيقة لول

[I C E]

^^^

:) ... No Problem Brother

[SALM0RE]

طالعع -____ انه عبالي هو أماراتي او كويتي علشان جذي ستانس يام قال انه شراها / حصلها
بل شكلها خلاص مثل 3D Dot Heroes و katamary Forever مابتنزل كلش عندنا :blackeye:

[Tockuchi]

^^^
سافر بالعيد إذا نزلت و فك عمرك xD

[Sparta Ghost]

لو حسبت مدة الشحن + قلة اهتمام المحلات فاللعبة بتوصل متأخرة على عكس باقي الألعاب الي توصل حتى قبل الاصدار بأسبوع


هذا بس في الالعاب اللي مهي مشهورة العبها قبلكم ... اما بقية الالعاب مثل جود اوف ورر ، كول اوف دوتي شفت ناس في دول الخليج تلعبها قبل ما تنزل اللعبة عندنا باسبوع .


حظا اوفر لـ SALM0RE ، sadnees121 و اللي ما قدر يحصلوا النسخة .. عاد تعال شرفونا في المريخ .. اخذكم سوق من اسواقنا ممكن تحصلوا كل الالعاب اللي ما حصلتوها على كوكبكم

[Tockuchi]

^^^^
عسى بس زعلت؟ >.<

[Sparta Ghost]

^^^^
عسى بس زعلت؟ >.<

لا شدعوه .. هههههههههههههههه

[Tockuchi]

أنا عبالي انت بالزهرة ( اليابان ) عشان جذي تلخبطت xD

[Sora Rx]

آآخ بـس !

متى تنزل اللعبة في السعودية .. رحت كل المحلآت مآ يعرفوهآ أصلآ .. والنسخة الأوروبية بتتأخر ..

شكلي بآخذ Ac:Bh عبآل مآ تنزل ..

أوووه صح نسيت :D

كــل عآآم وإنتم بألف خيــر ^^

[I C E]

حظا اوفر لـ SALM0RE ، sadnees121 و اللي ما قدر يحصلوا النسخة .. عاد تعال شرفونا في المريخ .. اخذكم سوق من اسواقنا ممكن تحصلوا كل الالعاب اللي ما حصلتوها على كوكبكم


لووول أكيد يبغيلنا زيارة للمريخ

أنا إن شاء الله ناوي أكمل دراسات عليا ( ماجستير ) في أمريكا

إذا ما جابوها أو تأخرت كثير حبيب الكل أمازون ما بيقصر :biggthump

[ahmadkb]

طالعع -____ انه عبالي هو أماراتي او كويتي علشان جذي ستانس يام قال انه شراها / حصلها
بل شكلها خلاص مثل 3D Dot Heroes و katamary Forever مابتنزل كلش عندنا :blackeye:

لا تفقد الأمل الإصدار الأوروبي في 2-12-2010.

في دبي ما حصلتها فقلت أنتظر الأصدار الأوروبي أحسن

[Lonely Hunter]

احنا المفروض تنزل عندنا هالاسبوع بس لان عيد فبتقعد عند الجمارك -_-

[The Last Lombax]

فيه ناس من جدة من منتدى ثاني أشتروها من بيت الكمبيوتر ( نسخة أمريكية ) فرع التحلية بجدة

[SALM0RE]

لازال البحث مستمراً :blackeye: الحين مالي الا انتظر النسخة الأوروبية

توكي انت اخذتها من محل عندكم او من بره الخليج ؟

وعلى فكرة شباب ترى النسخة الأوروبية عنوانها مختلف فيجوز تكون لها قائمة تروفي
ثانية , يعني 6 بلاتنومز ^ ^ الـ Trophies Hunters بيغمى عليهم لول

[I C E]

^^^^

طلعت روحي وانا أدور اللعبة حرام عليهم ما تهننينا في إجازة العيد :12:

زين ما كفخت كم هندي في المحلات الي دخلتها يقول اللعبة مب موجودة بس عندهم COD:BO :12:

بالنسبة للنسخة الأوروبية أظن ما فيها فرق

collection أو trilogy لها نفس المعنى تقريبا تقدر تقول الأولى لفظ أمريكي والثانية أوروبي

التروفيز بتكون نفس الشيء إلا إذا كانت من الألعاب القليلة الي تكون كل ريجن له قائمة تروفيز خاصة

على العموم في انتظار اللعبة سمعت أنه النسخة الأمريكية بتنزل عدنا الأسبوع الياي مع GT5

[Tockuchi]

سالمور
شريتها من عندنا ( الكويت ) , لوول انتوا مساكين xD , في نسخ كثيرة للعبة بمجمع الرحاب >.< , شكلك بتسافر تاخذها و ترد صح؟ xD

---------------------------------
انطباعي بعد تجربة اللعبة ( الجزء الأول ) :-
وااااااااااااااااااااااااااااااااااااااااااااااااااااااااااااااااااو
فقط!
فعلا كنت أحتاج هالنوع من الألعاب لأنها تعطيك المتعة و الإبتسامة ^^

[SALM0RE]

^^^^

لول . . . انه الحين بانتظر مثل ماقال Sadness يمكنك ايبونها مع GT5 و اذا ما نزلت
شكلي باخلي احد من الربع يوديني الكويت , عاد خسارة الأهل توهم رايحين يتشرون حق العيد
و نسيت اقولهم -____-

[Tockuchi]

^^^^
لوول بالتوفيق في البحث عنها ^^

[biohazard x]

لازال البحث مستمراً :blackeye: الحين مالي الا انتظر النسخة الأوروبية

توكي انت اخذتها من محل عندكم او من بره الخليج ؟

وعلى فكرة شباب ترى النسخة الأوروبية عنوانها مختلف فيجوز تكون لها قائمة تروفي
ثانية , يعني 6 بلاتنومز ^ ^ الـ Trophies Hunters بيغمى عليهم لول

صيد سهل نتمنى يكون كلامك صح سالمور

[THE ROCK IS THE BEST EVER]

فيه ناس من جدة من منتدى ثاني أشتروها من بيت الكمبيوتر ( نسخة أمريكية ) فرع التحلية بجدة


انا في بيت الكمبيوتر فرع الخبر يقول يمكن ما نجيب اللعبة

لان على قولته الالعاب الي زي كيذا ما تبيع عندنا

يمكن قالي كيذا بصراحة انقهرت

[Lonely Hunter]

توكوتشي شلون مظهر اللعبه على تلفزيون hd ؟

[Sparta Ghost]

قريب انهي الجزء الاول و اخذ الايزي بلاتنيوم ;p

بس لاحظت انه حركة شخصية كول ( انفاموس) فيها شبه كبير جدا جدا من شخصية سلاي ..

[Abdul-Rahman]

شباب هل ممكن احصل اللعبهـ في جدهـ؟؟

[The Last Lombax]

بس لاحظت انه حركة شخصية كول ( انفاموس) فيها شبه كبير جدا جدا من شخصية سلاي ..

من شغلت أنفاموس وأنا أقول أن حركاته نفسها , ياراجل الوقفة نفسها فما بالك بالحركة ؟!

[Tockuchi]

توكوتشي شلون مظهر اللعبه على تلفزيون hd ؟
جميل جدا ^^
أتمنى يكثرون سوني من الكوليكتشنات لألعاب الps2 بالhd لأن فعلا يطلعون رهيبين ^^

[I C E]

مبرووك اليوم أشتريت اللعبة

بديت ألعب الجزء الأول اليوم و سكرت البلايستيشن قبل شوي

لاحظت تطور كبير في الجرافكس أفضل من كولكشن برنس أوف بريشيا و God Of War

التروفيز سهل جدا لعبة ساعة وحدة وجبت 20% :)

في أحد غيري أنا و توكوتشي أشترى اللعبة ؟؟

[SALM0RE]

انه اتصلت حق أغلى محل في البحرين و قالي انه العبة خلصت و الدفعة الثانية
راح توصل باجر او يوم الأثنين , سألته عن السعر قال : I Don't Know i'll ask my Boss ( بصوت فليبيني )
لله يستر بس من السعر :boggled:

[Tockuchi]

^^^^
أخاف دقيت على F.B.I وأنا ما أدري xD

----------------------------------
أنا يوم الخميس خلصت الجزء الأول ^^ , وطبعا مع البلاتينيوم ^_^
الجزء الثاني ماراح ألعبه هالفترة , عندي زحمة ألعاب /:

[Sora Rx]

أبغــى اللعبة ... اليــوووم بشوف المحلآآت .. يـآ رب ألقآهآ .. + مبرووك سآدنيس .. ^^ .. مبروك توكوتشي<< أتمنى يكون صح البلآتنيوم ..

همسة :توكوشي أنآ رودي في الps3 ^^

[Sora Rx]

للآآن مآآنزل !!!

يآآللقههههر !