المساعد الشخصي الرقمي

مشاهدة النسخة كاملة : اذا ممكن اهل الخبرات يساعدوني .. اتمنى


HOSAINOVIC
06-11-2010, 12:45 PM
السلام عليكم ورحمة الله وبركاته

اخواني انا طولي \ 168 او 169

ووزني \ 54.4

ويبين انه عندي نقص كبير بالوزن

وانا ابي ازيد وزني

وبالنسبه للعمر بعد شهرين اكمل الـ 17 سنه انشالله

والعب حديد وقالولي اخذ بروتين ( real mass ) اخذته
اهوه نوع يديد واشربه مع حلب كامل الدسم قبل وبعد التمرين

و نصحوني اخذ الامينو 2222
حبتين قبل التمرين وحبتين بعدها وحبتين ورا كل وجبه

ولحد الان لم اخذ الامينو 2222 فقط نصحوني به



وانا وجباتي باليوم 4 وجبات تقريبا

بس اذا ممكن تعلموني من خبرتكم لاني ضايع بصراحه وااذا في جدول غذائي امشي عليه
انا حاضر

بس ياريت تعلموني بخصوص البروتينات الي ذكرتهم بالموضوع و الجدول الغذائي نظام غذائي يومي لزيادة الوزن

والله يعطيكم العافيه وما قصرتوا
back2glory
06-11-2010, 01:08 PM
اخوى الله يعافيك ابعد عن امينو 2222 مايصلحك هذا ينفع حق التنشيف لانه يحرق دهون انا طحت بهالمشكلة وتبين لى انها مايصلح تضخيم وغيرته الى سوبر امينو4800 ..

خذلك امينوتك اوسوبر امينو4800 او انابوليك10000

والبروتين خذلك سرياس ماس او بروكمليكس جينر او سوبر برو غينر فيول

واذا حاب منتج يعطيك طاقة وقوة تحمل ورفع اوزان خذلك جاك3دي او سوبرتشارج

وبخصوص جدول تغذيك انصحك انك تاكل اي شى بطريقك عب بطنك ونوع في الاكل رز ومعكرونه وفواكه وتونه واجبان وحليب وشوكلاته اي شى

لين يزوود وزنك ان شاء لله وبخصوص بروتينك ماعندى خلفيه عنه ..

لله يوفقك ان شاءلله
HOSAINOVIC
06-11-2010, 02:05 PM
الله يعطيك الف عافيه اخوي

ناطر تعليق باقي الاعضاء وانشالله نستفيد منهم اكثر
Heartbeat
06-11-2010, 03:55 PM
أخوي انا ما انصحك بالمكملات حاليا خل اكلك طبيعي
خل وجباتك 6 باليوم

ثلاث وجبات رئيسية

الافطار:
6 بياض البيض واحده فقط كامله + شوفان بالحليب كامل الدسم

بعد 3 ساعات
فواكه او خضار + كوب حليب

الغداء:
مشاوي او مسلوق دجاج لحم سمك احد هذه الاختيارات او علبة تونه كبيره بزيت الزيتون + رز ابيض + خضار طازجه

بعد التمرين:
صدرين دجاج مشويه او مسلوقه + خضار + كوب حليب كامل الدسم

العشاء:
5 بياض البيض + فاكهه

قبل النوم:
كوب حليب كامل الدسم

استبدل المشروبات البارده بالحليب والعصائر الطازجه ولاتنسى الماء لاتنتظر العطش لكي تشرب
اول ماتصحى من النوم 2 كوب ماء وسط لابارد ولا ساخن وقبل كل وجبه بنصف ساعه كوب ماء وبعد الاكل بساعه كوب ماء

وبالنسبه للتمارين لاتلعب كارديو الا قبل التمرين فقط 5 دقائق
ابو مهاا
06-11-2010, 06:34 PM
لاتاخذ بور وهل سوالف جدول سبورت مان 100% وتذكر انها مكملات من اسمها
ان حبيت استخدم بروتين فقط وخذ البرو كومبلكس قينر ( بدون كرياتين) افضل من الانواع الثانيه واخف عليك ونصيحه بعد هم لاتاخذ بس ان قفلت معاك اخذه هل نوع فقط
وتذكر انه بدون اكل ماراح يفيدك ولا بروتين ولا اي مكمل
HOSAINOVIC
07-11-2010, 06:07 PM
الله يعطيكم الف عافيه
scaryface
07-11-2010, 07:38 PM
حاليا عمرك اقل من 18 فابتعد عن المكملات ورتب جدولك الغذائي


بالتوفيق
لؤي طارق
07-11-2010, 09:29 PM
حاول تركز ع الغذاء الطبيعي افضل لك ,,

منت في حاجة للامينو في الوقت الحالي ..


امش ع الجدول الغذائي اللي وضعه احد الاخوان ..

توصى في الموز - التمر - العسل - شرب الحلبة - العدس - بياض البيض - الحليب ومشتقاته ..

كثر من شرب الماء ايضاً .


دمت بود