مشاهدة النسخة كاملة : تجـربتي خـلآل شهـرين من آلضخـآمة [ أغلآطي - مكملآتـي - جدولـي ] + نصآئح من أجنبـي
Al3aZeF
08-11-2010, 04:40 PM
آلسـلآم عـليكم ..
بعـد مآ تعـرفت عـلى بطل أجنبـي صرآحة !
فهمـني كل شي ع آلمسنجـر .. صرآحة هآلأجنبـي مآ قصـر ،
وأشكـره من أعمـآق قلبـي ، لأنه لو مآ هو كآن أنآ بعدني على جسمـي [ جسم آلعصآفـير ]
أنآ كنت أتمـرن 5 أيآم في آلآسبـوع وكنت أتمرن من 10 - 12 تمـرين في آليـوم !!
وكنت أقعـد بآلسآعتين أو سآعة ونص في آلصآلة !!
قآلـي أن هذآ غـلط وقآل أجرب أتمـرن 5 تمـآرين في يوم آلتمـرين .. وآلتسخين مآ أطول فيه ..
وقآلي بتحـس بآلفـرق
مآدري بـس مآ دخـلت مخـي آلفكـرة في آلبدآية ، بس هو أقنعـني
وسوه لي آلجـدول
هذآ كآن آلجدول إلي فآدني كثيييييير :
- 5 تمآرين صدر : بآر مستوى [ وزن عآلي 5 تكرآرآت ] ، دمبلز تجميع عآلي ، دمبلـز دفع سفلي ، آوفـر دمبلز ، كروس آوفر كيآبل
- 5 تمآرين ظهـر : عقـلة [ وزن عآلي 5 تكرآرآت ] ، سحـب وآسع ، سحـب جآلـس ضيق ، سحـب بآر ، سحـب دمبلز
- تمرينين بآي و3 تمآرين ترآي : بآر وآسـع بآي ، آرتكآز دمبلـز بآي ، كيبـل سحب للأسفل ترآي ، دمبلـز فردي فرنسآوي ترآي ، بآر متعرج نآئم ترآي
- 4 تمآرين أكتآف وتمريـنين ترآبز : رفـع بآر [ وزن عآلي 5 تكرآرآت ] ، رفرفة دمبلـز للأمـآم ، رفرفـة دمبلـز للجوآنـب ، رفرفـة بآلكيبـل خفيف ، ترآبز بآر أمآمـي ، ترآبز بآر خلفـي
- 3 تمآرين رجـل ، تمريـنين بطآت : قرفضآء [ وزن عآلي 5 تكرآرآت ] ، رفرفـة أمآمـي ، رفرفـة خلفـي فردي ، بطآت جآلـس ، بطآت وآقف فردي 5 تمآرين صـدر : بآر مستـوى [ وزن عآلي 5 تكرآرآت ] ، تجميـع عـلوي ، دمبلـز سفلـي ، آوفـر ، كروس آوفر
وكل آسبـوع أغيـر في نمـط آلتمآرين ، مآ عـدآ آلتمآرين آلي تكرآرآتهم عآليـة ،
يعني مثـلاً بآر وآسع بآي ، خله آرتكآز بآر متعرج ، أو آرتكآز جهآز
تجمـيع علـوي ودمبلز سفـلي ، خليه تجميع سفـلي ، ودمبلز عـلوي
وكل شهر أغيـر في نمـط توزيـع آلأيآم للجدول ..
هذآ آلي كنـت أنآ أسـويه ، وحسيـت بفرق في شهـرين زدت 10 كيلـو ،
حتى آلكـل قآل أنآ مستخـدم كورس هرمونـآت هههههههه !
وكنت مآ أطـول في آلنـآدي ، سآعـة تقـريباً أو أكثـر بشـوي ..
وآلبروتينآت نصحني إني أضآعف آلكميـة ،
وقآلي شهـر آستخـدم علبتين سيريوس مآس وعلبتين أمينو 10000 وكيريآتين مونو
وشهـر آلي بعده آستخـدم علبتين برو كومبلكس جينـر وعلبتين أمينو تك وكيريآتين مونو
وسويت إلي قآله وزودت آستخـدآمي للبروتين وآلأمينو ، كنت آخذ سكوبين على 3 فتـرآت و 6 حبـآت على 3 فترآت ، وآلكيريآتين قبل وبعـد آلتمـرين ملعقة شآي
وقآلي آخذ علبة تونـة مع مكرونة 100 جرآم ، و4 كآسآت حليب ، وكورن فليكس ، و 6 بيضآت عن نظآمي آلقديم آلعآدي ، وصحن سلطـة يومياً
وسويت آلي قآله بآلضـبط ،
بس كنت تقـريباً يومين في آلآسبوع آكل فآست فود وزيـوت
أعـترف إني زدت دهـون ، ولكن مو ديك آلدهون آلزآيدة ،
بس لو آلبس بدلة ضآغـطة يبين إني فييييش !
حتى آلي في آلصآلة يسألونـي وش آلكورس آلي آخذته ههههههههه
قبل شهـرين :
طولي : 184
وزنـي : 80
حآلياً :
طولي 184
وزنـي 90
فـ أتمنـى من إلي زيي صعـب يزيد وزنهـم !
يجـربوآ يسووآ زيي ، وأنآ أضمـن لكم آلنتآئـج آلمبهـرة ..
تحيآتـي ~
أبو شـلش
08-11-2010, 04:48 PM
.......يشرفني أكون أول من رد عليك
مشاء الله والله يزيدك وإلى الأمام
سؤال بسيط / أنا توني مبتدي وش تنصحني أخذ كورس وهل أخذ الكورس علطول أو أنتظر شهر بعدين أخذه وشكرا ......,:)
عشقي حديد
08-11-2010, 04:51 PM
ماشاءالله شد حيلك بعد الشتا بالتنشيف
ana84
08-11-2010, 05:09 PM
ماشاء الله الى الامام واستمر وان شاء الله الاخوان كلهم يستفيدو من تجربتك ومشكور على نقلها الله يعطيك العافية
رجل من عالم آخر
08-11-2010, 05:40 PM
صراحه اشكرك على معلوماتك , لاني مثل حالتك تقريبا من اربع شهور ووزني ثابت
واحاول اغير التكتيك
back2glory
08-11-2010, 05:43 PM
ماشاء لله اخووى ياليت تقولى كم سكوب تستعمل وكم عدد المرات بخصوص سرياس مااس ؟ وايضا الامينو ؟ وبخصوص الكرياتين اخاف يسبب لى احتباس موية باسفل البطن ؟ وش رايك
وجزاك لله خير
متمرس حديد
08-11-2010, 05:46 PM
^
العب بمهاجمين يبوو تكتيك انت
وماشاء الله عليك ياصاحب الموضوع
نفس مكملاتي :)
اطول 1
08-11-2010, 06:36 PM
هلا باخونا العازف الي من زمااااان قاطع بنا
اخ بس لو مكمل الموضوع بكم صوره لك الحين
لاني اذكر الموضوع الماضي حقك وكيف كنت تعاني من جسم العصافير <<<<<<خخخخخ
بس اهم شي تركت لعب كره السله (( لان هذي اكبر غلطه ))
والله يوفقك حبيبي لما يحبه ويرضاه
وبالتوفيق ولا توقف قبل ال 100
ابو مهاا
08-11-2010, 06:36 PM
العازف كالعاده بطل ولله انك وحش وينك من زماان فقدنا مواضيعك الرائعه بارك الله فيك وانا ملاحظ الاجانب مايعترفون الى بكرياتين موهوندرات فعلا لانه الاقوى
معاذ عمران
08-11-2010, 06:40 PM
مشكور على الموضوع اخي بس يا ريت لو تضع صور للتمارين بكون افضل ......... تقبل مروري
makkahboys
08-11-2010, 07:22 PM
أنآ كنت أتمـرن 5 أيآم في آلآسبـوع وكنت أتمرن من 10 - 12 تمـرين في آليـوم !!
هذا حرق اكثر من انه بناء وفيه اجهاد كثير يدمرالعضله
بالتوفيق....
Naser78
08-11-2010, 07:29 PM
ممتاز الله يوفقك ويعطيك العافيه على نقلها لنا
لؤي طارق
08-11-2010, 08:18 PM
ماشاء الله تبارك الرحمن ..
ياليت لو تدعم الموضوع بصور ,,
بس وينك غايب عن المنتدى ؟ عسا المانع خير ان شاء الله ..
اسئلة ع السريع
تاخذ 18 حبة امينو تيك في اليوم ؟
كيف عضلة الصدر معاك في الجدول اللي ماشي عليه ( مرتين في الاسبوع صح ) ؟
تمارين عضلة المعدة ماذكرتها في الموضوع .. ياليت تذكر جدولك معاها ..
استمر ياوحش ..
دمت بود
ANGEL11
08-11-2010, 08:20 PM
ماشاء الله استمر يابطل
شكرا علي موضوعك .... بس خربطتني يوم تقول خمس تكرارات قصدك 5 جلسات ولا كيف
اذا تقصد مثل ما انا فاهم ان التمرين نفسه تسويه 5 مرات علي وزن عالي... طيب كم جلسه تسويها؟؟
oussamadinho
08-11-2010, 10:52 PM
اذا اردت ان تفيدنا اكثر عطينا ايميل هاد الاجنبي
kd939
08-11-2010, 10:53 PM
الله يطيك العافيه يا كابتن على طرح تجربتك مشاء الله عليك نتائج ممتازه
منادة الليل
08-11-2010, 11:57 PM
ماشاءالله عليك وحش استمر عزيزي
ولكن وضح امر ... تكرارات 5 او جلسات؟
بالاضافة لما تلعب تكرار 5 كم لابد يعني الاوزان تكون عالية جداً
وواصل ياوحش نتائج قوية صراحه
منادة الليل
09-11-2010, 12:01 AM
عفواً بالاضافة عزيزي العازف
كمية البروتين المستخدم مثل ما وصفها لك ... وكلها جينر ... ويعني بالنسبة للجدول . تلاحظ ضخامة عضلية بشكل ملحوظ او انها ضخامة زائدة بالفات اكثر من العضل
ياريت يالغالي تخبرنا :)
الله يحفظك
الهاشمي2
09-11-2010, 12:45 AM
ماشالله تيارك الله
اتمنى باقي الاعضاء يستفيدو من تجربتك
تقبل مودتي
رادوي اليامي
09-11-2010, 01:02 AM
بالتوووفيق يااااوحش
Al3aZeF
09-11-2010, 11:31 AM
.......يشرفني أكون أول من رد عليك
مشاء الله والله يزيدك وإلى الأمام
سؤال بسيط / أنا توني مبتدي وش تنصحني أخذ كورس وهل أخذ الكورس علطول أو أنتظر شهر بعدين أخذه وشكرا ......,:)
إذآ مبتـدئ ، خذ لك فآتـح شهيـة في آلبـدآية ..
ودق دق في آلأكـل .. تـرى آلأكـل هو كـل شي !
قسـم وجبآتـك لـ 5 وجبـآت ، وحآول كل وجبـة فيهآ بروتيـن ~
يعني كل 3 سآعآت تقريباً غذي جسمك بآلبروتيـن ،
ولو تحـآول تقـطع آلكآرب قبـل آلنوم يكـون أفضـل لك ‘
Al3aZeF
09-11-2010, 11:33 AM
ماشاءالله شد حيلك بعد الشتا بالتنشيف
أنآ مخـطط أكـمل تضخـيم ليـن مآ أوصـل 100 كيـلو أو أكثـر !
وشكـراً عـلى مـرورك ..
Al3aZeF
09-11-2010, 11:34 AM
ماشاء الله الى الامام واستمر وان شاء الله الاخوان كلهم يستفيدو من تجربتك ومشكور على نقلها الله يعطيك العافية
إن شـآء آلله آلكـل يستفيـد ..
Al3aZeF
09-11-2010, 11:36 AM
صراحه اشكرك على معلوماتك , لاني مثل حالتك تقريبا من اربع شهور ووزني ثابت
واحاول اغير التكتيك
جـرب تزيـد كمـية آلسكوبآت وحبـوب آلأمـينو .. و5 تمآرين في آليـوم ولآ تـطول في آلصآلـة !
هذآ هو آختصـآر تجـربتي .. ســلآم !
Al3aZeF
09-11-2010, 11:39 AM
ماشاء لله اخووى ياليت تقولى كم سكوب تستعمل وكم عدد المرات بخصوص سرياس مااس ؟ وايضا الامينو ؟ وبخصوص الكرياتين اخاف يسبب لى احتباس موية باسفل البطن ؟ وش رايك
وجزاك لله خير
بآلنسبـة للسكـوبآت ، كنت أستخـدم 6 سكوبآت .. آلصـبح - بعـد آلتمـرين - قبـل آلنـوم
في كل مـرة سكوبيـن أحـطهم في كأسين كبـآر ، وأشـربهم عـلى روآقـة !
يعـني مو آلكـأس أشربـه في نص دقيقـة ، يمكن آخذ لي 5 - 8 دقآئق أمزمز فيـه ،
بس وآلله يجـيب آلغثـة ويثقـل بطنـك .. بس كل شي لأجـل آلضخآمـة يهـون ..
Al3aZeF
09-11-2010, 11:41 AM
^
العب بمهاجمين يبوو تكتيك انت
وماشاء الله عليك ياصاحب الموضوع
نفس مكملاتي :)
مـدآم نفس آلمكـملآت ، أجـل بتشـوف نتآئـج ..
حآول تزيـد عدد آلسكـوبآت تدريجـياً إذآ نآوي ضخآمة صح !
Al3aZeF
09-11-2010, 11:42 AM
أنآ كنت أتمـرن 5 أيآم في آلآسبـوع وكنت أتمرن من 10 - 12 تمـرين في آليـوم !!
هذا حرق اكثر من انه بناء وفيه اجهاد كثير يدمرالعضله
بالتوفيق....
كـلآم سـليم 100% .. هذآ حـرق وهدم للعضـل !
Al3aZeF
09-11-2010, 11:43 AM
ممتاز الله يوفقك ويعطيك العافيه على نقلها لنا
شدعـوة ، مآ سوينـآ شي لمنتـدآنآ آلغـآلي ..
Al3aZeF
09-11-2010, 11:47 AM
ماشاء الله تبارك الرحمن ..
ياليت لو تدعم الموضوع بصور ,,
بس وينك غايب عن المنتدى ؟ عسا المانع خير ان شاء الله ..
اسئلة ع السريع
تاخذ 18 حبة امينو تيك في اليوم ؟
كيف عضلة الصدر معاك في الجدول اللي ماشي عليه ( مرتين في الاسبوع صح ) ؟
تمارين عضلة المعدة ماذكرتها في الموضوع .. ياليت تذكر جدولك معاها ..
استمر ياوحش ..
دمت بود
وآلله صآرت عنـدي أشغـآل وآلتزآمـآت خآرجـة عن إرآدتـي ..
ونعـم ، آخذ 18 حبـة ، كل مـرة 6 حبـآت ، بس طبعـاً بديت بآلتدرج 12 بعد آسبوع 15 بعد آسبـوع 18 ,
آلصـدر وآلله من أكثـر آلعضلآت آلي برزت عنـدي ..
أتمـرن مـرة وحـدة فقـط .. وآلمعـدة أتمـرنهآ مرتـين وتمـرينين فقـط عـلوة وسفـلي ..
مع آلصـدر ومع آلرجـل ! أو مع آلظهـر ومع آلرجـل .. متـى مآ أشـوف فيه بآور أسـويهم آخر شي ~
Al3aZeF
09-11-2010, 11:49 AM
ماشاء الله استمر يابطل
إن شـآء آلله .. وموفـق أخـوي آنجـل =)
Al3aZeF
09-11-2010, 11:52 AM
شكرا علي موضوعك .... بس خربطتني يوم تقول خمس تكرارات قصدك 5 جلسات ولا كيف
اذا تقصد مثل ما انا فاهم ان التمرين نفسه تسويه 5 مرات علي وزن عالي... طيب كم جلسه تسويها؟؟
نسيـت مآ أوضـح هآلتمـرين ، في آلتمآرين آلي كآتب عـليهآ [ 5 تكرآرآت ، بوزن عآلـي ] آلعـب 5 جلسـآت بـ 5 تكرآرآت ..
أول جلسـة تسخين بوزن خفـيف مثلاً 10 كيلو من كل جهـة ، وبعـدين أحـطه 15 كيلـو من كل جهـة وأثبت على هآلوزن !
Al3aZeF
09-11-2010, 11:53 AM
اذا اردت ان تفيدنا اكثر عطينا ايميل هاد الاجنبي
معـليش بس أنآ أحتـرم خصوصيـآت هآلأجنـبي ..
ومآ أعـتقد رآح يقبـل إنـي أنشـر آيميلـه =)
Al3aZeF
09-11-2010, 11:55 AM
الله يطيك العافيه يا كابتن على طرح تجربتك مشاء الله عليك نتائج ممتازه
وآلله تستآهـلوآ أكثـر .. مآ سـوينآ شـي !
Al3aZeF
09-11-2010, 11:57 AM
ماشاءالله عليك وحش استمر عزيزي
ولكن وضح امر ... تكرارات 5 او جلسات؟
بالاضافة لما تلعب تكرار 5 كم لابد يعني الاوزان تكون عالية جداً
وواصل ياوحش نتائج قوية صراحه
هـآلتمريـن [ 5 جلسآت في 5 تكرآرآت ] وآلوزن عـآلي نعـم !
بس مو تهـلك نفسك من أول مجموعـة ..
يعني حط وزن تقـدر تكمـل به آلـ 5 جلسآت بـ 5 تكرآرآت فقـط لآ أقـل ولآ أكثـر ،
Al3aZeF
09-11-2010, 12:01 PM
عفواً بالاضافة عزيزي العازف
كمية البروتين المستخدم مثل ما وصفها لك ... وكلها جينر ... ويعني بالنسبة للجدول . تلاحظ ضخامة عضلية بشكل ملحوظ او انها ضخامة زائدة بالفات اكثر من العضل
ياريت يالغالي تخبرنا :)
الله يحفظك
صرآحـة زدت فآت .. بس زدت عضـل كثـير !
يعنـي لمآ أشـد آلبآي مثـلاً ، مآ يبيـن أن فيهآ فآت ..
وآختفـت تفآصـيل آلسكس بآك آبز وآلجوآنـب زآدوآ فآت ..
بس مو آلفـآت آلي كرشـة عـلى قـدآم ومآفيه تفآصـيل أبـداً =)
Al3aZeF
09-11-2010, 12:06 PM
ماشالله تيارك الله
اتمنى باقي الاعضاء يستفيدو من تجربتك
تقبل مودتي
إن شـآء آلله .. وأنآ أنصـح آلجميـع بتجـربة تجـربتي ..
وفي نقـطة مآ ذكرتهـآ .. آلمـآء خذ لك جآلـون وآشرب ثنـين - ثلآثـة جآلونآت ..
Al3aZeF
09-11-2010, 12:07 PM
بالتوووفيق يااااوحش
للجميـع يآلغـلآ ..
Al3aZeF
09-11-2010, 12:11 PM
هلا باخونا العازف الي من زمااااان قاطع بنا
اخ بس لو مكمل الموضوع بكم صوره لك الحين
لاني اذكر الموضوع الماضي حقك وكيف كنت تعاني من جسم العصافير <<<<<<خخخخخ
بس اهم شي تركت لعب كره السله (( لان هذي اكبر غلطه ))
والله يوفقك حبيبي لما يحبه ويرضاه
وبالتوفيق ولا توقف قبل ال 100
بآحـآول آصور إن شـآء آلله ..
وآلسـلة تركتهـآ وآلحمـدلله ،
كنـت أحـرق حرق فيهـآ ومآ أستفيـد شي من آلحـديد !
أمآ آلحين فـ أتمرن سآعة بآلكثـير في آلصآلة ،
مآ أبغـى أحـرق إلي أكلتـه !
Al3aZeF
09-11-2010, 12:13 PM
العازف كالعاده بطل ولله انك وحش وينك من زماان فقدنا مواضيعك الرائعه بارك الله فيك وانا ملاحظ الاجانب مايعترفون الى بكرياتين موهوندرات فعلا لانه الاقوى
كيريآتيـن آلمونوهيدرآت يسآعـد في بنـآء آلعضـل ويخـزن مآء ..
يعنـي رآح يزيـد وزنـك .. وهذآ آلمـطلوب خخخخخ =)
Al3aZeF
09-11-2010, 12:15 PM
مشكور على الموضوع اخي بس يا ريت لو تضع صور للتمارين بكون افضل ......... تقبل مروري
آلعفـو ، وصـور آلتمـآرين / أعتقـد آلتمآريـن وآضحـة من آسمهآ ،
وأي تمـرين مو فآهمـة رآسلنـي ع آلخآص !
حميد الشيبه
09-11-2010, 12:59 PM
مشكووور ما تقصر
وجزاك الله الف خير
تقبل مروري
Al3aZeF
09-11-2010, 01:27 PM
مشكووور ما تقصر
وجزاك الله الف خير
تقبل مروري
حيـآك آلله أخـوي حميـد ..
MAAXI
09-11-2010, 05:22 PM
شكرا على طرح تجربتك
جزاك الله خير ماقصرت
Al3aZeF
09-11-2010, 07:23 PM
شكرا على طرح تجربتك
جزاك الله خير ماقصرت
عفـواً أخـوي مآكـسي .. ولو هذآ وآجـبنآ =)
رابح ماجر
09-11-2010, 09:18 PM
بارك الله فيك
ممكن اخي تذكر عدد الأيام التي تتمرن فيها في الاسبوع الان + كم من وجبة في اليوم وماهي وجباتك
تحياتي
odi man
09-11-2010, 11:20 PM
الله يعطيك العافيه بصراحه أنا نشبت مع مدرب يعطي التمارين خطأ #_# وجسمه دهون لاحول ولا قوة إلا بالله وما سكتني إلا بالأجهزه اللي في النادي صراحه درجة اولى
سؤال بالنسبة للمكملات كم كلفك يالغالي ؟؟ وهل كنت تاخذ واي بروتين جولد إستاندر؟؟
Al3aZeF
10-11-2010, 12:48 AM
بارك الله فيك
ممكن اخي تذكر عدد الأيام التي تتمرن فيها في الاسبوع الان + كم من وجبة في اليوم وماهي وجباتك
تحياتي
كنت أتمـرن 5 أيآم ، صدر ، ظهر ، رآحة ، بآي ترآي ، أكتآف
آلوجبآت كآنوآ 4 - 5 وجبآت بدون آلمكمـلآت ، ووضعت بعض آلوجبآت آلي كنت آخذهآ في آلموضـوع !
Al3aZeF
10-11-2010, 12:49 AM
الله يعطيك العافيه بصراحه أنا نشبت مع مدرب يعطي التمارين خطأ #_# وجسمه دهون لاحول ولا قوة إلا بالله وما سكتني إلا بالأجهزه اللي في النادي صراحه درجة اولى
سؤال بالنسبة للمكملات كم كلفك يالغالي ؟؟ وهل كنت تاخذ واي بروتين جولد إستاندر؟؟
أنآ أخـذت آلمكمـلآت من نسيبـي آلله يجـزآه خيـر ، كلفتني 1200 آلمجموع كآمـل بعـد آلتخفيض !!
Ahmed559
10-11-2010, 03:01 AM
لو قلت 4 جلسات وخمس تكرار ماكانت خشت في مخي بس 5 جلسات غير!
وخمس عدات بتسمح لنا نزيد الوزن وان شاءالله بجربها بعد أسبوع
مشكور يالغلا على مشاركة تجربتك =)
toto jeddah
10-11-2010, 04:40 AM
ماشاء الله ابدااع استمر ياوحش
TheDarkKnight
10-11-2010, 05:53 AM
جدول حلو و مكملات احلى
بالتوفيق اخوي
طموح رياضي
10-11-2010, 08:48 AM
يعطيك الصصحه والعافيه ..
صراحه موضوع يحمس واسلوب يحفز ويقنع ..
اهنيك صراحه على موضوعك وحبك للخير للاعضاء بالمنتدى ..
والله يزيدك اكثر واكثر انششاء الله ..
سؤآل # تمارين 5 جلسات 5 .. !!
هل اطبقها بالعضلات الكبيره والصغيره ؟
وتحياتي ياوحشش
Leaner
10-11-2010, 08:56 AM
ماشالله تقدم حلو وممتاز يالقاطع :)
مواضيعك دايما تحمسنا
استمر وواصل تقدمك
مؤيدالتميمي
10-11-2010, 10:33 AM
كلامك هذا سبحان الله .......كان يقوله لي مدرب أحدى النوادي في بريدة..وكنت استغرب من كلامه......فكان يقول لي أنا أخذ التدريب دراسة معي ماجستير في الحديد مو ممارسة فقط مثل بعض المدربين...أخوي ملاحظة فقط في بدايت موضوعك قلت لو ما هو كان...لو قلت لولا الله ثم هو كان افضل أخوي...وتقبل تحياتي
تمرينين بآي و3 تمآرين ترآي
كل تمرينة كام مجموعة
مؤيدالتميمي
10-11-2010, 12:25 PM
كلامك هذا سبحان الله .......كان يقوله لي مدرب أحدى النوادي في بريدة..وكنت استغرب من كلامه......فكان يقول لي أنا أخذ التدريب دراسة معي ماجستير في الحديد مو ممارسة فقط مثل بعض المدربين...أخوي ملاحظة فقط في بدايت موضوعك قلت لو ما هو كان...لو قلت لولا الله ثم هو كان افضل أخوي...وتقبل تحياتي
ونسيت ؟أقولكم كان يقول لي .......تبي تضخم ألعب ..أوزان ثقيلة عدد مرات قليلة...اربع تمرينات فقط لكل عضلة......باليوم تمرين عضلتين
بلبل حزين
10-11-2010, 12:59 PM
ماشاء الله تبارك الله ..الله يزيدك صحه وعافيه
اخوي انت تقول انك تتدرب في الاسبوع 5 أيام هل ايام التدريب ورا بعض ولا يتقطعهم ايام راحه ولا تلعب متواصل وترتاح اليومين الباقين من الاسبوع
وشيء ثاني اتمني انك توضح برنامجك مثلا السبت صدر وباي ... الاحد كذا وكذا واكون شاكراً لك
aboloai
10-11-2010, 03:20 PM
وااااااااو رائعة النتائج
أحبك ياتونس
11-11-2010, 01:12 AM
مــاشاء الله تبارك الله
اخونا العازف الله يحفظك ويحرسك يارب
وحلوه طريقة تفكيرك واقتناعك بغيرك ومن جد احيانا تستفيد من الاجنبي اكثر من الثانيين الاقرب لك سواء سعودي او خليجي او عربي
ودي اسألك كم سؤال
&لو نزلت صوره لك عرفنا ثمرة تمرينك هذا علشان نتحمس اكثر (حاول تنزل صوره لك ) معليش راح نحرجك شوي
بس انت مانزلت الموضوع الا تبي الفايده للجميع الله يعطيك العافيه
& الكرياتين (ملعة شاي قبل التمرين وملعقه ثانيه بعد التمرين ) والا ملعقة وحده نصها قبل التمرين ونصها بعد التمرين
&ما ادري كيف تمرين البطن وياك هل نتايجه كويسه والا لا..
وياليت(تحاول تاخذ من صديقك هذا جدول ونظام الاكل والبروتيات حق التنشيف ) بليز طلب..لو تقدر يعني
&السؤال الاخير وش جنسية الاجنبي <<<<<سؤال ملقوف بقوه بس انا سألت لان فيه دول معروفه باحترافهم في لعبة الحديد ودول لا
وشكرا لك على تجاوبك مقدما الله يرعاك
red GT
14-11-2010, 10:38 PM
ماشاء الله عليكك يالوحشش
ربي يعطيك الصحه والعافيه
بس بسالك انت قلت اسكوبين على 3 فترات شلون
وحجم السكوب فالسيريس ماس كبيييير
الله ليهينك وضحلي هالنقطه
تحياتي :)
Azo0oz88
15-11-2010, 12:48 AM
بصراحة كلش تمام وماشاء الله تبارك الله كسبت وزن كبير في وقت قصير لكن انا مؤمن بالقاعدة اللي تقول (( اللي يجي بسهولة يروح بسهولة)) والله يوفقنا وياك انا اكتسبت نفس وزنك خلال 6 اشهر لكن عدد تمريناتي كثير مثلا الصدر والظهر 7 تمارين الباي تراي 5 تمارين ..... بالتوفيق ياوحش
the big guy
16-11-2010, 04:21 PM
نفس أستفسار الأخ red
وتسلم على الموضوع
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .