المساعد الشخصي الرقمي

مشاهدة النسخة كاملة : كمال الاجسام هل استطيع استخدام كرياتين فترة التحميل بدون لعب حديد ؟


back2glory
22-11-2010, 07:44 PM
سلام عليكم ..

زى ماهو موضح بالعنوان .. والمقصد انى استغل وقت راحتى هذا الاسبوع باستخدام فترة التحميل خلال هالمده
حتى يبتدأ الاسبوع الجاى وقت اللعب والتمارين ..

ونفسي اعرف الهدف من فترة التحميل يعنى احس انى راح اضغط على جسمى من ناحية كمية كرياتين بالجسم
وراح اتعبه .. يعنى هل استطيع الاستغناء عن هذه الفتره ؟

وكم عدد علبة المياة العادية ام ريال واحد راح اشربها باليوم خلال استخدامى للكرياتين تفادى الاضرار ...
:confused:
وجزاكم لله الف خير
ابو مهاا
22-11-2010, 08:01 PM
وعليكم السلام ياهلا ومرحبا
شنو سبب الراحه اسبوع راحه من بعد 3 4 اشهر لعب او سبب ثاني
لانه فتره الراحه هذي مفروض من اسمها راحه للجسم عموما
مانصحك تستخدمه بدون تمرين انا عارف ماده طبيعيه وعادي بس الافضل تتمرن عشان تستفيد منها ويتغذى جسمك عليها
وبالنسبه لفتره التحميل تقدر تستخدم بدونه بس الافضل انك تسويها طبعا بالحديد تقريبا كل شي تقدر تسويه لكن السؤال شنو الافضل
بالعكس ماراح تتعب جسمك هل طريقه اهي الافضل لتحميل الكرياتين بالجسم ولا تخاف
بالنسبه للماء ابو ريال او ريالين الي اعرفه العلبه لتر ونص الكبيره حاول تستخدم ثلاث ووزعها على اليوم كله
بالنسبه لي من الصبح كاسين ماي دافي ومع وقبل الغدى كاسين هذي تقريبا لتر وقبل التمرين اشرب ثلاث اكواب لانه الجسم يحتاج ماي قبله
وبالتمرين اشرب البطل الكبير لتر ونص
وبعد التمرين لي قبل النوم احاول قد ماقدر اشرب لتر ماء وصدقني بوقت التمرين مافيه احلى من الماي جوده وقوه وشغلك بالسليم
موفق ياوحش وان شاء مافيه ضرر وماتاخذ منه الى العافيه والصحه
back2glory
22-11-2010, 08:24 PM
جزاك لله خير .. بس احس يومى كله وانا اشرب مووية يعنى اخاف يردنى على الاكل لان بطنى من النوع اللى يتشبع على طول حتى لو اكلت لقمة وحده
ويعطيك عافيه ع كل حال
themaddemon
22-11-2010, 09:53 PM
خده وقت ماتلعب حديد ،، ومو شرط مدة تحميل ممكن بس تكتفي ب5جرام قبل التمرين و 5 جرام بعد التمرين فقط لمدة 30يوم وبعدين تريح 30يوم وفي النهاية المفعول واحد....بالعكس الطريقة الي قلتلك عليها اوفر لوقتك وماتقلب بطنك زي مرحلة التحميل
back2glory
22-11-2010, 10:37 PM
يعنى اكفتى فقط قبل التمرين وبعده 5جرام ملعقة شاهي مع الماء ..

وبخصوص بعد التمرين مباشرة هل استطيع خلطة مع بروتين واى وشربه مرة واحده .. ؟
themaddemon
22-11-2010, 11:18 PM
انا افضل انك تشربه مع عصير قلوي وليس حمضي مثل عصير العنب الطبيعي المعصور بالبيت ،، لأن تقريباً كل العصائر المعلبة مضاف لها حمض الستريك ،، والاحماض تحول الكرياتين الى مادة مالها نفع اسمها الكريتينين ،، وعادي ممكن تاخده مع البروتين ...
back2glory
23-11-2010, 02:41 PM
انا افضل انك تشربه مع عصير قلوي وليس حمضي مثل عصير العنب الطبيعي المعصور بالبيت ،، لأن تقريباً كل العصائر المعلبة مضاف لها حمض الستريك ،، والاحماض تحول الكرياتين الى مادة مالها نفع اسمها الكريتينين ،، وعادي ممكن تاخده مع البروتين ...
جزاك لله خيراً .. بس اخر استفسار ...

ووهو فترة ماقبل التمرين . . هل لها مدة معينه مثلا قبل التمرين بنص ساعه ؟ او المده مفتوحه لى ساعه او ساعتين ..ألخ ماقبل التمرين مع البروتين ؟
themaddemon
24-11-2010, 05:46 AM
اهم شيء الفتره الي قبل التمرين ماتقل عن 15دقيقة اذا كانت المعده فاضية عشان تضمن انه امتص ،،،