المساعد الشخصي الرقمي

مشاهدة النسخة كاملة : التغذية سؤال عن المكملات الغذائية


المعمري911
06-12-2010, 12:00 AM
أخواني أنا عمري 16 سنة وزني 75 وطولي مناسب لجسمي وأنا ألعب حديد من شهرين تقريبا بس أنا عندي مشاكل في التغذية بسبب ضروف الدوام أنا أصحى من النوم الساعة 5 الصبح وأفطر، وأروح الدوام ما آكل غير وجبة واحد الساعة 9 الصبح (2 كروسون وعصير (كل يوم نفس الوجبة) ).
ووقت الغداء إلي هو الساعة 1 الظهر ما آكل شيء لانه ما في شيء مفيد يبيعونه (كله وجبات سريعة)، يعني من الساعة 9 لين الساعة 5 ما آكل شيء.
وأرجع البيت الساعة 5 العصر وأتغدى وبعد ساعتين أروح الصالة بس أنا لما أتدرب أحس ب تعب و أرهاق شديد بسبب قلت التغذية فأريد أستخدم المكمل الغذائي (واي بوتين ) هل أستطيع أستخدامه هل فيه أضرار على ألي تحت 18 أرجوكم أفيدوني
أعذب كلام
06-12-2010, 12:30 AM
الواي يعطي بروتين وسبب التعب هو نقص الكارب فانت قبل لاتروح النادي اكل كارنوفلكس او شوفان وتمر وموز ولوز والسبب الثاني هو الارهاق وقلت النوم انت تصحى س 5 الفجر و5 العصر تروح النادي يعني 12 ساعه انت صاحي ولابد تكون تعبان ومرهق
والله يوفقك
sami1989
06-12-2010, 12:44 AM
بدون تغذيه سليمه ماينغع معاك االبروتين ولا اي شي !
واذا تاخذه ولا راح تفرق معك !
الافضل انو تنضم وجباتك حتى لو تاخذ معك اكل للدوام موعيب هل شغله تره !
انت عمرك صغير ولازم تشد حيلك بلتغذيه
والتعب والارهاق انت قلته نتيجة التغذيه السئيه !
TheDarkKnight
06-12-2010, 08:46 AM
بعض المكملات الغذائية ماينصحون فيها للي تحت ال 18
و مثل ماقالو لك الاخوان تغذيتك ماتوفر احتياجات جسمك بعدين على حسب شغلك اذا كنت تتحرك وايد في الدوام ف انت تحرق سعرات حرارية كثيرة و لازم اتعوضها و ممكن تستعين بأي منتج طاقة قبل التمرين
أبو فارع
06-12-2010, 11:37 AM
أنا تقريبا مثلك دوامي طويل وبعد انتهاء الداوم بعشر ساعات تقريبا اروح اتمرن
لكن دوامي مافيه جهد جسماني وحركي ( يعني كله جلسه على مكتب )
وتغذيتي نفس تغذيتك تقريبا
لكن اذا بتستمر تتمرن حديد وعلى نفس نظام التغذيه الي تسويه ضروري تاخذ بروتينات ومساعدات
ولا اكتفي بالمشي والهروله وبعض التمرينات السويديه >>>>> هذا اذا جسمك عاجبك طبعا وما تبي تاخذ بروتينات
هذا من وجهة نظري
ولا يهونون الأخوان
المعمري911
06-12-2010, 03:08 PM
مشكوورين على الردود الحلوة بس (أنا وجدت فكرة وبنظم غدائي من اليوم ورايح) بس سؤالي الحين هل أقدر أستخدم الواي بروتين وهل أذا أستخدمته بيأثر على هرمون النمو أو هل له سلبيات
france for ever
06-12-2010, 08:06 PM
مشكوورين على الردود الحلوة بس (أنا وجدت فكرة وبنظم غدائي من اليوم ورايح) بس سؤالي الحين هل أقدر أستخدم الواي بروتين وهل أذا أستخدمته بيأثر على هرمون النمو أو هل له سلبيات


اخي السائل المكملات البروتينينة هو عبارة عن بروتين مستخلص طبيعيا من الحليب او الجبن او البيض و لا دخل لها بالهرمونات و ليس له اي اضرار جانبية بل هو مجرد مكمل غذائي اي مكمل يضاف لتغذيتك و لو تضبف اليه فيتامينات افضل
المعمري911
06-12-2010, 08:53 PM
اخي السائل المكملات البروتينينة هو عبارة عن بروتين مستخلص طبيعيا من الحليب او الجبن او البيض و لا دخل لها بالهرمونات و ليس له اي اضرار جانبية بل هو مجرد مكمل غذائي اي مكمل يضاف لتغذيتك و لو تضبف اليه فيتامينات افضل

مشكوور أخوي بس ليش يمنعوه حق تحت 18 أكيد في سبب (أذا ما أله أضرار هل أتوكل على الله وأستعمله)
THE CAST
06-12-2010, 10:47 PM
مشكوور أخوي بس ليش يمنعوه حق تحت 18 أكيد في سبب (أذا ما أله أضرار هل أتوكل على الله وأستعمله)


البروتين لامانع من استخدامه من الان ولكن في عمرك انت احوج ماتكون للتغذيه فقط
لتدرب نفسك على التكيف مع الانظمه الغذائيه موتدش على طول بالمكملات
وسواءا اخذت الواي مثلا من الان او مستقبلا الامر سيان
لكن انا افضل انك ماتاخذ شي
المعمري911
07-12-2010, 12:38 AM
مشكوور أخوي ما قصرت
.hamad.
07-12-2010, 12:47 AM
السلام عليكم ...

والله يابطل لو تجيب وجباتك من البيت جاهزة وتحطها بعلبة بلاستيكية وتاخذها الدوام معاك افضل بكثير من البروتين وافضل من اي شيء آخر ..

تقدر تاخذ توست مع جبن قليل الدسم ولتر حليب قليل الدسم وفواكة (( شغلات مفيدة وسهلة النقل ))