فان فيكشن ديفل مي كراي..(اضافة الفصل الرابع في الرد #21)

[Razielia]

السلام عليكم ورحمة الله وبركاته...

هاذي قصه جديدة عن ديفل مي كراي.. (كتبتها بمساعدة اخوي واختي^_^)
احداث القصه تدور في منزل سباردا..حيث يعيش سباردا مع عائلته (زوجته ايفا وابنيهما المراهقين فيرجل ودانتي) ..

كتبت فصل واحد بس..ان شاء الله بيكون في فصول جديدة ..


//بسم الله الرحمن الرحيم

// الفصل الاول...

سباردا يعود الى المنزل بعد يوم شاق من العمل ..ليجد دانتي وفيرجل يتشاجران..كالعادة..في الواقع سمع صراخهم على بعد عشرين كيلو من البيت..

سباردا:*يدخل المنزل *
دانتي: يبه !!شوف فيرجل!! طقني على راسي بقوة!!
فيرجل: انت اللي بديت!!
دانتي: كذاب!! انت اللي بديت!!
فيرجل:انت!!
دانتي: انت!!
سباردا:*ماله خلق* وين امكم؟ سوت غدا مثل الناس ولا كالعادة بالقاها حاطة لي صحن وشكبره ومافيه الا حبتين زيتون وشريحة طماط ونص خيارة ومرتبتهم فالصحن على شكل وجه..وتقول:*يقلدها*شفت شلون انا اهتم فيك واخاف على صحتك..
فيرجل: انا تغديت نودلز بنكهة الدجاج...
دانتي:*يضحك* قصدك بنكهة الحشرات..
فيرجل:*معصب حده* حاط حشرات في الاكل!!!
دانتي: ماحسيت ان النودلز طعمه متغير..هههه..*ينحاش وفيرجل وراه*
دانتي:* يركض بسرعه على باله فيرجل يبي يصيده*
فيرجل:*يركض بسرعه ورى دانتي بعدين يلف صوب الحمام*

سباردا:*يتنهد* متى بيعقلون*يذهب الى غرفته*

//في غرغة سباردا..
اول مادخل سباردا الغرفة وصلته رساله من ايفا..
سباردا: * يقرأ الرسالة* انا الحين في المطار قررت فجأة اسافر لإيطاليا مع صديقاتي ..
سباردا:لا والله!!*يكمل القراءة*يعني ..اغير جو شوي وارجع ..تعرف انا شكثر احب ايطاليا ..لدرجة اني مسمية عيالي اسماء ايطاليه(دانتي ..فيرجل)عموماَ ..ماراح اتأخر..اسبوع وارد للبيت..
سباردا:*معصب وعيونه حمر وعروقه بارزه * تغيرين جو!! هيين بس تردين انا اوريج...ان ماغيرت معالم ويهج ماكون انا سباردا...والعيال ان ماغيرت اساميهم وخليتهم (بهلول وزغلول)!!! *يكمل قراءة الرسالة بغضب* وعلى فكرة..ترى بعت سيارتك على شان اغطي تكاليف السفرة*يصرخ بغضب شديد*MY BABY!!!!
//يطل من الدريشة ويكتشف ان سيارته مفقوده..وينفجرمن الغضب..ويتحول الى الdevil form ويبدأ بتكسير كل ماحوله في الغرفة..ويمسك التلفزيون ويهم برميه على الارض ..
التلفزيون: لقد وردنا للتو خبر سقوط طائرة المتوجهه الى ايطاليا..
سباردا:YAAAY ^_^!!!* يبوس التلفزيون ويرده مكانه ويرقص من الفرحة*
التلفزيون*تطلع له يد ويمسح مكان البوسه بمنديل معقم* والخبر السار ان جميع الركاب نجوا باعجوبة ...
سباردا لم يسمع الخبر السار لانه كان already مسوي حفله ويغني ويرقص بحماس لامثيل له..ماصدق افتك من ايفا..


// في هذه الاثناء في غرفة الجلوس...دانتي و فيرجل..او بهلول وزغلول..قاعدين يطالعون التلفزيون بهدوء وبلا مشاكل..*القراء يطالعوني بنظرة شك* امم..OK كنت اكذب...كان في مشاكل..وماكان في هدوء ابداً..كانوا يتصارعون..لأ.. ماكانوا يتصارعون..
الكلمة الادق..كانوا يتذابحون على جهاز الريموت كنترول...
دانتي:*في الرمق الاخير * عطني الجهاز ..*يحاول ان ينتزع الجهاز* ابي اشوف سبونج بوب *يزنط فيرجل*
فيرجل:*وجهه على وشك التحول الى اللون الازرق* وخر عني!! بتفوتني نهاية الفلم!! *يمسك غرشة بيبسي ويكسرها فوق راس دانتي*
دانتي:*يرفس فيرجل* الحين*يرفس* بتكون *يرفس* نهايتك*يرفس*على*يدي..أقصد على رجلي!!*يرفس*
فيرجل:*يمسك راس دانتي ويضربه بالطاولة*للمرة*يضرب* الألف*يضرب* قلت لك*يضرب* شوف*يضرب* الاعادة*يضرب* بكره*يضرب*
//الحين كل واحد استل سيفه وبدأو يتبارزون..
دانتي:*يقفز ويمر سيف فيرجل تحته* للمرة الألف قلت لك وقت الاعادة باكون في المدرسة!! ولا تبيني اغيب عن المدرسة على شان اقعد اطالع التلفزيون؟؟!!
فيرجل:* يمر سيف دانتي وكاد ان يقتلع رأسه لكنه ينحني بمهاره * كلش الحين يا التلميذ النجيب.. اللي عمره ما غاب يوم واحد...نسينا منو اللي غاب على شان يشوف الحلقة الاخيرة من ابطال الديجتال!!! وفاته الاختبار!!
دانتي:*يشعر باهانه شديدة وعلى وشك ان يذرف الدموع*:كذاب!!! *يندفع نحو فيرجل ويسقط الاثنان من النافذة بالحركة البطيئة مثل افلام الاكشن*
صوت دانتي من خارج النافذة: انا ماغبت على شان اشوف الحلقة الاخيرة!! انا غبت على شان الحلقة اللي قبل الاخيرة!!!

//في الخارج...

// يتصارعون..اوبس..اقصد يتذابحون..
دانتي:*ملقى على الارض *
فيرجل:*مثبت دانتي بيد وماسك بالثانية مطرقة *
دانتي:*يرفع يده ويصرخ بأعلى صوته* Aries!! Destroy my enemy.. and my life is yours!!* ينظر الى الاعلى وينتظر ان تنشق السماء وينزل ايريس لينقذه*
//لم يحدث شيئ..
دانتي: ايريس الحقير!! بس يساعد كريتوس وانا لأ!!*ينظر الى السماء* شمعنى كريتوس بس!! ناس وناس يعني!!
// فجأة يشع ضوء ساطع يكاد ان يعميهم..
دانتي:*يضحك ضحكة المنتصر*هاذي نهايتك!! ايريس وصل!!!
فيرجل: يالثور.. الضوء جاي من غرفة ابوي..

//فعلاً الضوء كان صادراً من نافذة سباردا...دانتي&فيرجل ينطلقان الى غرفة ابيهم ليعرفوا سر هذا الضوء..وعندما دخلا الغرفه وجدوا اضاءات وموسيقى صاخبة ولمبة ديسكوعملاقه معلقه بالسقف..

سباردا:* على الارض يسوي بريك دانس..بعدين ينبطح على بطنه ويسوي حركة الدودة ..بعدين رقصة الروبوت.... هيب هوب....باليه....سامري..الخ ..وختم الحفلة بوصله كاملة من الرقص الشرقي*

دانتي:*يشوف ابوه يرقص رقص موب طبيعي* اومبيه!!!ابوي استنزل ..لازم انجيب مطوع يقرأ عليه!!
فيرجل:*ينظر الى دانتي من طرف عينه* اسكت بس*حق ابوه*يبه؟؟ممكن نعرف سبب الحفله؟؟
سبارد:امكم ماتت*لايزال يرقص*
دانتي&فيرجل:*يطالعون بعض* ماتت؟؟*يضمون بعض* لأ...سرنا ايتام..اهئ اهئ..
سباردا:*يتوقف عن الرقص*اففف ...مو ناقص الا موسيقى حزينه ويصير مسلسل خليجي..
//تطلع موسيقى حزينه..
سباردا: لااااااا...صار صج مسلسل خليجي!!
دانتي:*يبكي* يبه...ابي اقول لك شي..بما انه امي ماتت-
فيرجل:*يقاطعه *قول الله يرحمها!
دانتي: الله يرحمها..المهم..بما انها ماتت وصرنا ايتام ..اكيد ماتقدر ترفض لنا طلب...صح؟؟!!
سباردا:*تطلع له على راسه قطرة ماي مثل الانمي*
فيرجل: اكيد ماراح يرفض لنا طلب لانه..مابقى لنا حد غيره في هالدنيا..*ينظر الى سباردا*صح يبه؟!
سباردا:*متوتر..يخاف يكون طلب تعجيزي* وشنهو طلبكم ان شاء الله..
دانتي&وفيرجل:*بصوت واحد* مانبي نروح للمدرسة مرة ثانيه!!
سباردا: وبس!! ان شاء الله!! من عيني هاذي قبل هاذي...او.. هاذي قبل هاذي..او.. اثنينتهم مع بعض..بعد شتبون^_^
دانتي & فيرجل:*مو مصدقين انه وافق* يعني خلاص مافيه مدرسة!!!
سباردا:*يرفع اصبعه عاليا* من اليوم ورايح مافيه شي اسمه مدرسة..لأني انا سباردا*يأشر باصبعه على نفسه* امنحكم*يأشر باصبعه عليهم* اجازة للأبد!! اكرر للأبد!! الا اذا صارت معجزة ورن الجرس وطلعت امكم عند الباب..هاهاهاهاها!!!


//فعلا يرن الجرس..و يذهب سباردا يفتح الباب ليجد زوجته فعلا عند الباب...

ايفا: ساعة لين تبطل الباب؟!
سباردا: تأخرت لانا كنا نسوي قرعة من اللي بيفتح البا_*يستوعب الموقف ويشعر بالرعب* اااه!!!*يأشر عليها وهو يرتجف* ببببببس انتي ممممتي!! شششفت الللل..خ..خبر ففي التتتلفزيون!!
ايفا:*تبتسم* الطيارة صج طاحت ..بس الحمد لله محد مات ..
سباردا:*عيناه تدمع من القهر* مااصدق!!
ايفا:*على بالها بيبكي من الفرحه*ادري انك مومصدق حبيبي ..بس..شوي شوي هد اعصابك ..مابي احد يموت من الفرحه^_^
سباردا: مااقدر اسيطر على اعصابي..هذي مصيب-أأقصد مفاجأة ..مفاجأة العمر...
ايفا:ههه^_^ وعندي مفاجأة ثانيه..مستعد للمفاجأة؟!!
سباردا:*يغمى عليه من القهر*

// يتبع ان شاء الله..

شرايكم في القصة؟؟
تبون تعرفون شنهي المفاجأة ؟!
انتظروني في الفصل القادم *_^

[Arashi]

اوووووووووووووه زر زر؟ THEEEE RazRaz ؟ http://www.cute-factor.com/images/smilies/onion/baa60776.gif
صار لي قروووووون وانا انتظر هالقصه على احر من الجمر <<< لين تفحمّت من الانتظار :jap032:

ههههههههههههههههههههههه ذبحتوني ضحك انتي واخوج واختج http://www.cute-factor.com/images/smilies/onion/th_053_XD.gif

الحين بقتبس حبه حبه واخليكم تعرفون شعوري في كل مقطع ذبحني ضحك http://www.cute-factor.com/images/smilies/onion/70bff581.gif

في الواقع سمع صراخهم على بعد عشرين كيلو من البيت..

هههه كل شي متوقع من هالبيت http://www.cute-factor.com/images/smilies/onion/069.gif

ومرتبتهم فالصحن على شكل وجه..وتقول:*يقلدها*شفت شلون انا اهتم فيك واخاف على صحتك..

ايش هالمره؟ لو مرتي جذي اتزوج عليها ثاني يوم http://www.cute-factor.com/images/smilies/onion/cd08785a.gif

ماراح اتأخر..اسبوع وارد للبيت

وبس...على بالها اسبوع شوي http://www.cute-factor.com/images/smilies/onion/3eb4e7b3.gif

ان ماغيرت معالم ويهج ماكون انا سباردا

ايش تبين بعد يا ايفا! عملية تجميل ببلاش http://www.cute-factor.com/images/smilies/onion/th_114_.gif

ان ماغيرت اساميهم وخليتهم (بهلول وزغلول)

دانتي بهلول وفيرجل زغلول http://www.cute-factor.com/images/smilies/onion/sillyp1.gif

MY BABY!!!!

يحليلها.. أتخيلها بنفسجيه بلون الباذنجان http://www.cute-factor.com/images/smilies/onion/063.gif

التلفزيون*تطلع له يد ويمسح مكان البوسه بمنديل معقم*

هههه حتى التلفزيون ماحيب البوس...تذكرت بعض الناس (مواااااح http://www.cute-factor.com/images/smilies/onion/th_106_.gif) برررررررر لازم انسى انسى خلاص http://www.cute-factor.com/images/smilies/onion/afd371da.gif

*يندفع نحو فيرجل ويسقط الاثنان من النافذة بالحركة البطيئة مثل افلام الاكشن*

هالمقطع عجييييييييييييب http://www.cute-factor.com/images/smilies/onion/d5f02ecd.gif

Aries!! Destroy my enemy.. and my life is yours!!

يعني صدقني يا دانتي... my life is yours http://www.cute-factor.com/images/smilies/onion/th_057_.gif

شمعنى كريتوس بس!! ناس وناس يعني!!

يساعده لأنه ماتشو مثله http://www.cute-factor.com/images/smilies/onion/th_113_.gif

وختم الحفلة بوصله كاملة من الرقص الشرقي*

على وحده ونص هز يا وز http://www.cute-factor.com/images/smilies/onion/th_101_.gif

سباردا: لااااااا...صار صج مسلسل خليجي!!

أتخيل الموقف بس http://www.cute-factor.com/images/smilies/onion/015.gif

ايفا:ههه^_^ وعندي مفاجأة ثانيه..مستعد للمفاجأة؟!!
سباردا:*يغمى عليه من القهر*

احس اني عارفه شنو المفاجأه http://www.cute-factor.com/images/smilies/onion/th_102_.gif


وميرسي ميرسييييييييييييي عالقصه ويالله عاد نزلوا الجزء الثاني بسرعه http://www.cute-factor.com/images/smilies/onion/233cd70a.gif

[Razielia]

شكراً على الرد حبيبتي...<< افهم من الرد انج فعلاً قريتي القصة;)

وبعدين وش هالأوسمة كلها..حشى صايرة كنج جنرال:bigeyes: >> ما شاء الله <<

انا بديت في الفصل الثاني وان شاء الله اكمله قريب..

وبعدين من قالج ان سباردا مافكر يتزوج على ايفا >>يامى تحت السواهي دواهي..

لو تدري عنا ايفا بس.. بنروح انا وانتي في ستين داهيه :blackeye:
بس انا مالي شغل بأشر عليج واقول هذي اللي حطت الفكره براس ريلج :ponder:

وعلى طاري كي كي اقصد كريتوس وشرايج ادخله القصه..؟ لأنه يجنن :o

وما اعتقد انج عرفتي المفاجأه لأنها مــفـــاجــأه
((واذا عرفتي المفاجأه سوي روحج ما تدرين :ee2: ))

[Arashi]

شكراً على الرد حبيبتي...<< افهم من الرد انج فعلاً قريتي القصة;)

اكيييييد..تعرفين كم سنه أنتظر ديفل فان فيكشن؟ :cray:


وبعدين وش هالأوسمة كلها..حشى صايرة كنج جنرال:bigeyes: >> ما شاء الله <<

الجنرال أراشي <<< بعض الناس بيفضحونها :silly:


انا بديت في الفصل الثاني وان شاء الله اكمله قريب..

يالله ناطرينه لأني متوقعه شي :biggthump


وبعدين من قالج ان سباردا مافكر يتزوج على ايفا >>يامى تحت السواهي دواهي..

لو تدري عنا ايفا بس.. بنروح انا وانتي في ستين داهيه :blackeye:
بس انا مالي شغل بأشر عليج واقول هذي اللي حطت الفكره براس ريلج :ponder:

لاااااااااا كفايه علي سمعتي في المنتدى <<< سيدة الشر الاعظم :09:


وعلى طاري كي كي اقصد كريتوس وشرايج ادخله القصه..؟ لأنه يجنن :o

This macho dude? :boggled:
يا حبج لهالنفاخات :28:
دخليه أحس هالاشكال تضحك في القصص الكوميديه :biggthump


وما اعتقد انج عرفتي المفاجأه لأنها مــفـــاجــأه
((واذا عرفتي المفاجأه سوي روحج ما تدرين :ee2: ))

لالا مب كاتبه توقعاتي
خليها مفاجأه احسن :wink2:

[محمد 07]

السلام عليكم القصة روعة وضحك
لاكن ابغى اتخيل سباردا وهو يرقص كيف حيكون شكله هههههههه
غلط بسيط وهو كيف باعت ايفا السياره وهو توه راجع من العمل
لاكن القصة رائعة

[Arashi]

^^^^^^^^^^
أنا فكرت فيها واظن ان سباردا غني وعنده كذا سياره وايفا باعت سيارته المفضله XP

[Razielia]

بديهياً.. ايفا باعت سيارته المفضلة.... ((خلونا نقول لامبرجيني 2010))
وشكرراً على المروور ~_^

[رعبه]

لووووووووووووووووول
قصه فنانه ^^
استمتعت جدن بقرائتها بالذات لمين اقري وصف المعارك الاخويه
والمشهد البطيئ شييييييي
والزوجه الزاحفه خخخخخخخ
كيف تفكر! تبيع وتسافر والله عايشه جوهااا خخخخخخخخخخ

..*القراء يطالعوني بنظرة شك*
ههههههههه كانك حاسه :أفكر:

باهانه شديدة
انا ماغبت على شان اشوف الحلقة الاخيرة!! انا غبت على شان الحلقة اللي قبل الاخيرة!!!
لوووووووووووول اكثر مقطع عجبني المشهد التصوير..والسبب المقنع للشعور بالاهانه
يعني فيه فرق كبير بين الاخير وقبل الاخيره خخخخخخخخخخخخخخخ
اشكرك على هيك موضوع فنتكي
والله استمتعت
وعندي نقطه ودي اقولها اتمني انها ما تكون مزعجه لك ^^"
ليه ما نسقتي الموضوع مع شوي سمايلات ؟
هو حلو وبيطلع احلى بالتنسيق :biggthump
هذع ما لدي ^^

تشكرات وفي انتظار الجزء القادم بفااااارغ الصبر ^^
عاد لا تطولين علينا ~_^

[Razielia]

السلام عليكم..

اشكر كل اللي قرأو القصة^_^

هذا الفصل الثاني...كتبته عالسريييع...بس ان شاء الله يعجبكم ^_*



// الفصل الثاني...

// سباردا لايزال غائباً عن الوعي ..وزوجته ايفا بجانبه تحاول اعادته الى الوعي..

ايفا:*بعد ان جربت كل الطرق لايقاظه دون جدوى* ياربي...شسوي الحين؟!!
فيرجل:*بكل برودة* قلت لج من زمان...استعملي المطرقة....
ايفا:*تنظر الى المطرقة بتردد* بس...
دانتي:*ياكل بيتزا* لاتنسين...ضرب الحبيب مثل اكل الزبيب..
فيرجل: بالضبط...
ايفا:*تمسك المطرقه بتردد وقلق*
دانتي:تبيني اطقه لج؟
ايفا:*تنظر الى دانتي بحماس مفاجئ* وافوّت الوناسة؟!! مستحيل!!*تضرب سباردا المسكين على رأسه بقوة*
// يعود سباردا الى الوعي ويده على رأسه...
سباردا: اه..راسي...احس كن احد طقني بمطرقة على راسي..
ايفا:*تخش المطرقة ورى ظهرها وتضحك باضطراب* ههههه..أي مطرقه الله يهداك بس..*تغير الموضوع* المهم ...ماتبي تعرف شنهي المفاجأة ياحبيبي؟!!
سباردا: افضل اني ماعرف..
// ايفا تتجاهله وتذهب لاحضار (المفاجأة) وتعود ومعها ولد يبدو انه اصغر من دانتي وفيرجل ببضع سنوات..
ايفا: شرايكم بالمفاجأة!!*تأشر على الولد*
سباردا& فيرجل & دانتي:؟؟؟؟
ايفا: اعرفكم على نيرو...مسكين ..بعد ماتوفوا امه وابوه صار مشرد يعيش في المطار..وكسر خاطري ولذلك قررت اربيه مع عيالي..
نيرو:*يسوي نفسه يكسر الخاطر*
سباردا:ياسلام!!!كسر خاطرج بس وقررتي تجيبينه عندي في البيت؟!!
دانتي:حرام شكله يكسر الخاطر..ليش مانخليه يعيش معانا*يعرض عليه البيتزا* تبي؟!
فيرجل: ليكون بيتنا ملجأ واحنا ماندري...
سباردا: يكسر الخاطر ولا مايكسر الخاطر...انا موب ناقص وجع راس ..يكفي انه عندي علتين ..والحين تبينهم يصيرون ثلاث علل...اسف..مافيه مكان حق 3 اطفال في البيت..
ايفا:*بصوت واطي* قصدك 4 اطفال...
سباردا: اي 4 اطفال؟؟ عديهم عدل!!*يعدهم كنهم غنم* هذا راس..راسين..ثلاثه ..ثلاثة رؤوس!!
ايفا: نسيت واحد*تنظر اليه*
سباردا: من؟؟!! انا؟؟!!*انا موب ياهل!!
ايفا: صج والله؟!*رافعه حاجب*
سباردا: اي صج والله!! وبعدين تعالي..اليوم عيد ميلادي..انتي قلتي في عيد ميلادي بتجيبين ميكي ماوس!!*يأشر على نيرو*هذ موب ميكي ماوس!!!*يضم يديه على صدره ويمد بوزه شبرين كلأطفال*
ايفا:*تاخذه على قد عقله* باجيب ميكي ماوس ..بس بشرط..اتوافق نيرو يعيش معانا في البيت..
سباردا: انزين ..بس اذا مافيه ميكي ماوس!! بينطرد من البيت!!*يأشر عليها*وانتي معاه!!*يغادر المكان*
فيرجل:*حق امه* انا ماراح البس بدلة ميكي ماوس!!!
دانتي: ولا انا!!
ايفا:*معصبه* واحد منكم بيلبس بدلة ميكي!! والثاني يروح يشتري كيكة واغراض للحفله واهم شي ..اهم شي..اهمممم شي..يشتري لعبة القرد الي يطبل ..فاهمين ولا لأ!!
دانتي: القرد اللي يطبل؟!!
فيرجل: عطي دانتي طبل ويصير القرد اللي معاه طبل...
دانتي:*معصب* لا والله !! مابي طبل!! انا ابي غيتار!!
ايفا:ابوكم لمح لي انه يبي هاللعبه في عيد ميلاده*توريهم ورقه مكتوب عليها من الاعلى :الهديه التي اريدها في عيد ميلادي..ومرسوم عليها القرد ومعاه طبل وفي اسفل الورقه التوقيع: الاسطورة سباردا*
دانتي: لهالدرجة يبي اللعبة..
ايفا: هاذي مجرد نسخة وحده من بين الاف النسخ اللي موزعها في كل انحاء البيت..
فيرجل: احس في شي داخل جوتيي*يفصخ الجوتي ويطلع داخله نسخه *
دانتي:*ياكل * البيتزا فيها شي!!*طلع في نسخه داخل البيتزا*
ايفا: شفتوا شلون...المهم.. انا باروح الحين مع نيرو للسوق باشتري له ملابس جديدة وامر مطعم واخذ منه العشى..لاتنسون تجهزون كل شي. ..نيرو حبيبي يلا تعال* تذهب مع نيرو*
دانتي:*وهو ياكل بيتزا* نبي بيتزا على العشى!!!

\\\\\\\\///////////\\\\\\\\\\\\\\\///////////\\\\\\\\\\\\\\\

// بعد ساعة..اتفق دانتي وفيرجل بعد ان دارت بينهم حرب ضروس (كل واحد كان يقول ماراح يلبس بدلة ميكي) انتهت بانتصار فيرجل على ان دانتي سيتنكر على ميكي وفيرجل يجهز الحفلة..

//فيرجل احضر الكيكة واغراض الحفله ..وأهم شي ..لعبة القرد..وبدأ بتجهيز المكان للحفلة..

فيرجل:*ماسك شرائط الزينه * ..الحين وين اعلقها...اصلا شلون اعلقها*يفكر*همم..امسك هذا الطرف والفه..بعدين..لالالا...امسك هذا الطرف واجيبه هالصوب..امم..بعدين..اسوي هالشكل..
//بعد 10 دقائق..
//فيرجل معتفس وشرائط الزينه مربوطة حول جسمه ومايقدر يتحرك.. ثم يدخل دانتي وهو لابس ميكي..
دانتي:*يصدم كل شيء امامه*مااشوف شي!!
//يخلع وجه ميكي ويرى فيرجل على هذه الحاله..
دانتي:*يتشمت* شفت اشلون؟؟ لو لبست بدلة ميكي.. كان ماصار لك جذي..
فيرجل: اولا: البس القناع لايدخل ابوي الحين ويشوفك جذي ويدري ان ميكي ماله وجود وينصدم ثانيا:عن التشمت وتعال ساعدني وفك الشرايط بسرعه!!
دانتي:* يقلد كريتوس..مجددا* ?? help...YOU
فيرجل: دانتي...الله يخليك...ابوس ايدك..لاتقلد كريتوس مرة ثانية...ترى مايلوق..
دانتي:*يعاند* باقعد اقلده كللل شوي..واذا موب عاجبك بالطقاق..وبعدين تعال ..تبيني اساعدك..اول شي..اعتذر لي...
فيرجل: اعتذر لك عن شنو؟!!
دانتي: مادري...بس ودي اسمعك اتقول..وبكل تذلل :انا اسف!!
فيرجل: لو تاخذني وانا مربط جذي واتقطني على سكة حديد وفيه قطار بيدوسني..ماعتذرت لهالوجه..
دانتي: عيل خلك مربط لين بكره...
فيرجل:*يتوعد*ان مافكيت الشرايط الحين....
دانتي:*يضحك ملء فمه*هاهاها.. يعني شبتسوي...
فيرجل: باعلم ابوي انك انت اللي مسحت قناة ديزني...
دانتي:*يتملكه الرعب ويفك اسر فيرجل فورا*

//////\\\\\\\/////////\\\\\\\\

//بعد ساعتين...

// المشهد الان خارج منزل العائلة السعيدة..ونسمع اصوات افراد العائلة يحتفلون..
صوت ايفا&فيرجل&دانتي&نيرو:*يغنون*
Happy birthday to you!!
happy bithday dear sparda .!!
Happy birthday to you!!

//(تذكروا المشهد خارج البيت بس نسمع الصوت) العائله يصفقون بحرارة ..لدرجة ان بعض سكان المدينه ظنوا ان هناك تبادل طلقات نارية في الجوار بين بعض العصابات*
صوت ايفا:*يلا حبيبي طف الشموع...
//صوت اعصار داخل البيت(هذا معناته سباردا ينفخ على الشموع)
صوت دانتي: افتح الهديه!!!
// سباردا يفتح الهدية بحماس..ليجد كل مايتمناه..القرد اللي يطبل..
صوت سباردا: الله!!!!!!*يكاد يبكي من الفرحة* هذا اروع عيد ميلاد في حياتي كلها!!

//في نهاية الحفلة..

//المشهد لايزال خارج المنزل..نسمع ضحكات العائلة المتعالية ..والسماء مزينة بالنجوم..والقمر على شكل هلال مبتسم..وكادت القصه ان تنتهي بسعاده ....ولكن.....

صوت فيرجل:تصبحون على خير*يذهب الى غرفته*

//نسمع صوت شخص يصعد السلم....ثم نسمع صوت باب الغرفة يفتح.....ثم نسمع صوت المصباح يضاء*تك* ثم نسمع صرخة فيرجل...

// الدريشة كان لونها اسود بعدين لما فيرجل ولع الليت صار لون الدريشة اصفر وفيرجل صاير لونه اسود وملامحه ماتبين...مثل الرسومات المتحركة لما واحد شكله يبين من الدريشة..

فيرجل:لااااااا...غرفتي!!!

صوت ايفا: شلينا كل اغراضك وحطيناها في غرفة دانتي...هاذي صارت غرفة نيرو...من اليوم ورايح انت ودانتي في غرفه وحده..

//دانتي& فيرجل يصارخون مع بعض( اشكالهم تبين من الدريشه بس صاير لونهم اسود)
فيرجل:* من الدريشة اللي فوق* لاااااااااااااا!!!!
دانتي:* من الدريشة اللي تحت*لاااااااااااااا!!!!

// يتبع ان شاء الله...

[Razielia]

حبيبتي رعبه ..
ان شاء الله الفصل الجاي باحط سمايلات علشانج :biggthump

وشكراً على المرور :wink2:

[Razielia]

حبيبتي رعبه ..
ان شاء الله الفصل الجاي باحط سمايلات علشانج :biggthump

وشكراً على المرور :wink2:

[Arashi]

اااااااااخ مع الاسف جفت الموضوع وقت متأخر
raz raz بسوي لج تعديل على عنوان الموضوع يبين انج نزلتي الفصل الثاني اوكي؟ ^^

باجر بقراه مع اختي ان شاء الله -_^

[رعبه]

هاااا هااااااااااااااااااااااي << ضحكه وحده مروقه :09:
النهايه حلوه :biggthump
شخصيات دانتي& فيرجل عجيبه وويعيشون الواحد جو عبييط :32:خخخخخخخخ
والام هذع مهستره والله ما صار حال عايلتها كذا الا من وري عمايلها :blackeye: هع
وشكل نيرو هذع ياما تحت السواهي دواهي من قلتى :*يسوي نفسه يكسر الخاطر*
وانا عرفت ان النهايه السعيده مطوله لين تجي :bigeyes: خخخخخخخخخخ

تشكرات على هيك موضوع يوسع الصدر وصرقوعي ^^
انتظر الجزء القادم بكره :أفكر: << صدقت عمرها يوم ردت ولقت الجزء الثاني نازل :09: خخخخخخخ
تسلمات

[Razielia]

// الفصل الثالث...

// في نهاية الاسبوع ..

// الساعة الثامنه صباحا ..

ايفا *تشاهد التلفزيون*:bigeyes:
نيرو: :32: يمه..ابي ريوق..
ايفا:*بلامبالاه* روح للمطبخ ...
نيرو:* يذهب للمطبخ*
//بعد خمس دقائق نسمع صوت انفجار هائل في المطبخ..
// في المطبخ...
نيرو:*لونه اسود وعلى الطاوله امامه بقايا المحمصة المنفجرة*
دانتي:* يدخل المطبخ ويفتح الثلاجة ويقعد ساعة يفكر شيختار*:31:
سباردا:*يدخل المطبخ ويرى دانتي امام الثلاجة دون حراك* خذ اللي تبيه بسرعة وصك الثلاجة
//سباردا يقترب من الثلاجة ليعطي دانتي شرحا تطبيقيا..
سبارد:*يغلق الثلاجة* افتح الثلاجة بسرعه!*يفتح الثلاجة بقوة وكاد ان يخلع الباب* وبعدين خذ اللي تبيه بسرعه*ياخذ علبة الحليب ويغلق الثلاجة* شفت شلون؟؟..دانتي؟؟!
//يلتفت يميناً وشمالاً ولم يجد دانتي ..
سباردا:*يخرج من المطبخ وفي يده علبة الحليب وهويكلم نفسه و يتمتم بكلمات شبه مفهومه عن عيال اخر زمن و عن قلة التهذيب ولاحترام وانه يفكر يربي عياله من اول وجديد..
دانتي:*المسكين كان طول الوقت متلزق بالطوفة..لانه كان ورى باب الثلاجة لما سباردا فتحه بقوته الهائلة وطير دانتي من مكانه*

// بعد 10 دقائق..

// فيرجل ودانتي في غرفة الجلوس كل واحد ماسك جريدة ويقرأ...في الواقع كانت جريدة وحدة...بس تهاوشوا عليها..وانشقت نصين..وكل واحد اخذ نص...نيرو يلعب في الخارج.... ايفا تشاهد التلفزيون...سباردا ماسك شريط لاصق وينطر عياله يخلصون من الجريدة على شان يلصقها ويقراها..
سباردا: اقروا بسرعه وخلصوني!!
//بعد ساعة من الانتظار..
دانتي: خلصت :D!!
فيرجل: خلصت :D!!!
سباردا: واخيرا! عطوني اقرأ..
فيرجل: لحظه! الحين لازم انبدل مع بعض..*ياخذ النص اللي مع دانتي ويعطيه النص اللي معه*
سباردا: عطيتكم ويه اكثر من اللازم*يعطي كل واحد بوكس وياخذ الجريدة منهم غصب ويذهب ليقرأ في زاويه هادئه*

// اول ماطلع سباردا لم يلبثوا حتى ان نشبت هوشه اخرى بينهما....بس هالمرة لم تكن الهوشة جسدية...بل اخذت طابعا نفسيا..كان كل واحد يحاول يقهر الثاني..

فيرجل: تذكر يوم كنت منوم في المستشفى ..وقلت لي احسن شي ان مافيه دراسة..وبعدين ابوي جاب لك مدرس في المستشفى على شان لاتفوتك الدروس؟!
دانتي:إي..
فيرجل: انا اللي قلت له يجيب لك مدرس..
دانتي: تذكر عيد ميلادنا السنه اللي طافت؟؟ يوم انت اهديتني فرشاة اسنان كهربائية..وانا اهديتك دبدوب؟؟!
فيرجل: الدبدوب اللي كنه قطو ميت؟؟
دانتي:الصراحة انه كان صج قطو ميت...
فيرجل: والصراحة الفرشاة اللي عطيتك اياها لقيتها في الزبالة..
دانتي:*بينه وبين نفسه* وانا كنت اقووول ..اشفيه واقف عند الزباله ذاك اليوم.. لحسن الحظ اني ما افرش اسناني خير شر*بصوت عالي* تذكر يوم كنت مريض وقلتي اجيب لك قلاص ماي ..كنت عجزان اروح المطبخ ..جبت لك ماي من حوض الاسماك..

نيرو:*يدخل ويقطع الهوشة النفسية* تبوني اقول لكم سر خطير :wow: !!
سباردا(من الغرفه المجاورة):*نسمع صوته فقط وفيه نبرة غضب* اي سر :12:!!
نيرو: :ponder:اومبيه..ليش ماقلتوا لي انه قاط اذنه هني..
سباردا:*يدخل ويديه على خصره* ممكن اعرف السر الخطير..
نيرو: اممم..ماقدر اقول لك..:ee2:
سباردا:*يحاول ان يمثل دور الاب الحنون* نيدو...انا ابوك واحبك واخاف عليك..تقدر تقول لي اي شي ...
نيرو: اسمي نيرو!!!
سباردا: اوووه! نيرو ولا نيدو ..نفس الشي...خلصني وقول السر...
ايفا:*تدخل* شفيكم؟!
سباردا:*يأشر على نيرو*نيدو عنده سر خطييير ومايبي يقول حق احد!! اكيد مسوي شي غلط!!
ايفا: نيرو؟! شنهو السر اللي ماتبينا نعرفه!!
نيرو: لازم اقول؟
سباردا: اي لازم اتقول!!!
نيرو: ... انا ما ودي اقول...بس انت اللي اصريت...يمه..ابوي متزوج عليج...
ايفا:......
سباردا: كذاب!!!:02:
ايفا:......
سباردا: ايفا !! صدقيني!! انا ماتزوجت عليج!!
ايفا:......
سباردا:*خايف* ايفا؟؟ ليش ساكته؟
ايفا:*بهدوء مثير للريبه* اي واحد عمره تحت ال18 يغادر الغرفه الحين...فيه مشهد عنف على وشك الحدوث..
دانتي&فيرجل&نيرو:*يغادرون*
سباردا:*يلحقهم* :cray: هيي!! وين رايحين؟؟لاتخلوني وياها بروحي*يعض اصابعه*
فيرجل: يبه...لاتخاف...ماراح ننساك ابدا..
دانتي: بنتذكرك دايما ..على انك البطل ..اللي انقذ البشرية..وضحى بكل شي على شان ينقذ العالم..
نيرو: محد راح ينسى ..الاسطوره...سباردا...

// الابناء يخرجون الى حديقة المنزل ..ويسمعون الباب يغلق بقوة خلفهم...ثم يسمعون صراخ سباردا..واصوات تكسير وضرب...


فيرجل&دانتي&نيرو:*منسدحين عالارض وينظرون الى السماء الزرقاء ويسمعون صراخ سباردا*

نيرو: الله...ابوي صوته عذب!!
فيرجل: يمكن اتكون هاذي اخر مرة نسمع صوته...
دانتي: مسكين ابوي..*حق نيرو* الا انت اشلون دريت انه متزوج...
نيرو: امس لما امي كانت مو موجودة..سمعته يكلم وحدة بالتيلفون...
فيرجل: وحده؟؟ منهي؟!
نيرو: مادري بس اعتقد ان اسمها..ايفا..
دانتي:*كان منسدح والحين يقعد*هذا اسم امي..
فيرجل:*بعد يقعد* يالغبي !! اكيد كان يكلم امي!!
نيرو:*بكل برود* :o يمكن ...ليش لأ...
دانتي: :wow: لازم انقول حق امي ونبرئ ابوي من التهمة!!
فيرجل:*ينسدح ويشبك يديه خلف رأسه* :أفكر: ليش العيله ..لما يخلصون هوشتهم..بنقول لهم*يتأمل السماء*
دانتي: :) اي والله...*ينسدح*

// كلهم منسدحين يتاملون السماء..ثم تبتعد عنهم الشاشه وترتفع وتركز على السماء الزرقاء..وتتشكل الغيوم على كلمة:The end

// يتبع ان شاء الله..




// شرايكم؟;)

[Arashi]

اوووووووووه الجزء الثالث
ما شاء الله شغلكم حار بحار :09:

بقراه باجر مع اختي لأنها راحت تنام >_>

so

بكتب تعليقي عالجزء الثاني :biggthump


دانتي:*ياكل بيتزا* لاتنسين...ضرب الحبيب مثل اكل الزبيب..

ودانتي ايش عرفه في الامثال؟ :silly:

ايفا:*تنظر الى دانتي بحماس مفاجئ* وافوّت الوناسة؟!! مستحيل!!*تضرب سباردا المسكين على رأسه بقوة*

ايه صج وناسه..ودي أضرب احد بالمطرقه :cray:

سباردا: من؟؟!! انا؟؟!!*انا موب ياهل!!
ايفا: صج والله؟!*رافعه حاجب*

ايه والله
دايما يقول ان الزوج "العيّل الكبير" :silly:

سباردا: اي صج والله!! وبعدين تعالي..اليوم عيد ميلادي..انتي قلتي في عيد ميلادي بتجيبين ميكي ماوس!!*يأشر على نيرو*هذ موب ميكي ماوس!!!*يضم يديه على صدره ويمد بوزه شبرين كلأطفال*

مسكين سباردا
خرف بعد هال2000 سنه :09:
ويقول انه مب ياهل! :28:


دانتي: القرد اللي يطبل؟!!

اوووووووووه الله يرحم ايام هالقرد >_<

فيرجل: عطي دانتي طبل ويصير القرد اللي معاه طبل...

جبتها يا فرجل :biggthump


فيرجل:*ماسك شرائط الزينه * ..الحين وين اعلقها...اصلا شلون اعلقها*يفكر*همم..امسك هذا الطرف والفه..بعدين..لالالا...امسك هذا الطرف واجيبه هالصوب..امم..بعدين..اسوي هالشكل..

هني متنا من الضحط...اتخيل شكل فيرجلو بس وهو يقلب في الزينه :silly:
جربنا هالمعاناه :cray:


//(تذكروا المشهد خارج البيت بس نسمع الصوت) العائله يصفقون بحرارة ..لدرجة ان بعض سكان المدينه ظنوا ان هناك تبادل طلقات نارية في الجوار بين بعض العصابات*

ههههه عيلة غيلان هاذيله :09:

//صوت اعصار داخل البيت(هذا معناته سباردا ينفخ على الشموع)

اقول لكم عيلة غيلان XD


//دانتي& فيرجل يصارخون مع بعض( اشكالهم تبين من الدريشه بس صاير لونهم اسود)
فيرجل:* من الدريشة اللي فوق* لاااااااااااااا!!!!
دانتي:* من الدريشة اللي تحت*لاااااااااااااا!!!!

// يتبع ان شاء الله...


الله يستر شنو بصير دام هالدبب في غرفه وحده
احسن يستاهلون :silly:

يالله باجر اقرا الثالث ان شاء الله

يعطيكم العافيه انتي واختج واخوج :biggthump

جوفوا لكم اسم حق الteam :silly:

[Razielia]

ماتبون القصة..كيفكم...
بس جاوبوني..
انا ليش اتعب عمري واكتب اذا محد بيقرا..

[Arashi]

اليوم خلصنا قصتنا XD
واخيرا تحررنا ونقدر نقرا القصه

ولاتزعلين رز رز ^_^

انا واختي قريناها وضحكنا :biggthump

احم نبدأ التعليق :09:

مت مت ضحك لما دانتي وفيرجل كل واحد يقرا نص جريده وشكل سباردا ناطرهم وماسك اللزقه في يده :silly:
تدرين..نتخيل الوضع لما نقرا هههه وصفج دقيق :biggthump

وعاد لما يتهاوشون...صراع نفسي مثل ماسميتيه خخخخ...واااااع دانتي عمره ما فرش أسنانه :boggled:
كنت متأكده انه وصخ وفعععععلا طلع وصخ >_>

وصج تحمست لما قال نيرو ان سباردا متزوج على مرته..حسيته مسلسل خليجي <<< عقدتنا عاد :silly:
بس خساره..طلع يخمن مرته مع مرته كااااااااااااك XD

تصدقين...احس نظرتج لدانتي وفيرجل وسباردا وايفا ونيرو بالضبط نفس ما احنا متخيلينهم في قصصنا
خاصة ان ايفا متوحشه وسباردا شوي بارد وميوله عبيطه :09:
ودانتي الاهبل وفيرجل الجاد اللي يقرا كتب هههه
ونيرو النذل اللي يسوي عمره مسكين (بس احنا متخيلينه عصبي لأن توه صغير :02: )

بتجوفين أشياء مألوفه لو ركزنا عليهم في قصتنا :biggthump



يالله ننتظر الجزء الرابع :bigeyes:

[رعبه]

لاه لاه شو فيه يا رزنامه << اسم الدلع مين قدك :o
مين زعلك اراتشي :ponder: >> المتهمه الاولي :09:
خلي اراتشي على *وهي تغمز لاراتشي :09:*

لووول ما عليك رزنامه ساعات الاعضاء ينشغولن بوقت واحد
وانا قريت موضوع بس ما قدرت ارد الا احين :blackeye:
كملي فيه مين يتابع :)

مع الرد ع الموضوع ^^


سباردا ماسك شريط لاصق وينطر عياله يخلصون من الجريدة على شان يلصقها ويقراها
يا صبر ايووب
والله انه مستسلم للامر الواقع بكل رحابه صدر :09:

بل اخذت طابعا نفسيا
:bigeyes: لاع ذولي فن بالهوشات والعباطه
لكن لايزالون ذي بيست بنظري :biggthump

سباردا:*يأشر على نيرو*نيدو عنده سر خطييير ومايبي يقول حق احد!! اكيد مسوي شي غلط!!
وين الاب الحنون وين العقل :blackeye:

نيرو: مادري بس اعتقد ان اسمها..ايفا..
لااااااااااااااااااااااااااااااااااااااا :boggled:
صراحه صراحه توقعت انه بيكون ولد عاقل وذكي وبيحوس العيله حوس
طلع اهبل منهم وكمل على الثنائي وصارو المجانين الثلاثه <_<"
ما تعرف ايفا تختار افراد العايله صح -__-"
كان الله بعونهم http://director.montada.com/mon_post_icon/icon10.gif

رائي انه موضوع رهيب وننتظر التكمله :o
واستحملينا لو تاخرنا شويااا :أفكر:

[Dark Heather]

وسعوووووووووووا

جتكم خبيرة ديفل ماي كراي
عندي عاده اي موضوع يتعلق بديفل ماي كراي لازم ارد عليه

يلا نبدا الاقباسات من طقطق لسلام عليكم


سباردا يعود الى المنزل بعد يوم شاق من العمل ..ليجد دانتي وفيرجل يتشاجران..كالعادة..في الواقع سمع صراخهم على بعد عشرين كيلو من البيت..

سباردا:*يدخل المنزل *
دانتي: يبه !!شوف فيرجل!! طقني على راسي بقوة!!
فيرجل: انت اللي بديت!!
دانتي: كذاب!! انت اللي بديت!!
فيرجل:انت!!
دانتي: انت!!
سباردا:*ماله خلق* وين امكم؟ سوت غدا مثل الناس ولا كالعادة بالقاها حاطة لي صحن وشكبره ومافيه الا حبتين زيتون وشريحة طماط ونص خيارة ومرتبتهم فالصحن على شكل وجه..وتقول:*يقلدها*شفت شلون انا اهتم فيك واخاف على صحتك..

ويه هذا سباردا
وانا على بالي ان سباردا طيوب وحبوب ويحبه مرته


//في غرغة سباردا..
اول مادخل سباردا الغرفة وصلته رساله من ايفا..
سباردا: * يقرأ الرسالة* انا الحين في المطار قررت فجأة اسافر لإيطاليا مع صديقاتي ..
سباردا:لا والله!!*يكمل القراءة*يعني ..اغير جو شوي وارجع ..تعرف انا شكثر احب ايطاليا ..لدرجة اني مسمية عيالي اسماء ايطاليه(دانتي ..فيرجل)عموماَ ..ماراح اتأخر..اسبوع وارد للبيت..

اشك ان ايفا ايطاليه اصلا ههههه



سباردا:*معصب وعيونه حمر وعروقه بارزه * تغيرين جو!! هيين بس تردين انا اوريج...ان ماغيرت معالم ويهج ماكون انا سباردا...والعيال ان ماغيرت اساميهم وخليتهم (بهلول وزغلول)!!! *يكمل قراءة الرسالة بغضب* وعلى فكرة..ترى بعت سيارتك على شان اغطي تكاليف السفرة*يصرخ بغضب شديد*MY BABY!!!!


ههههههه حلوة زغلول وبهلول يمكن هذا بالجزء الجديد حق ديفل ماي كراي
تكون اسمائهم كذا هع هع



دانتي:*في الرمق الاخير * عطني الجهاز ..*يحاول ان ينتزع الجهاز* ابي اشوف سبونج بوب *يزنط فيرجل*
فيرجل:*وجهه على وشك التحول الى اللون الازرق* وخر عني!! بتفوتني نهاية الفلم!! *يمسك غرشة بيبسي ويكسرها فوق راس دانتي*


ههههههه وانا اقول دانتي على مين طالع هع
لا الحين بديت اشك ان دانتي بطفولته كان يتابع سبونج بوب خخخخخ
وفيرجل هاااا وش يتابع اي فيلم



دانتي:*يقفز ويمر سيف فيرجل تحته* للمرة الألف قلت لك وقت الاعادة باكون في المدرسة!! ولا تبيني اغيب عن المدرسة على شان اقعد اطالع التلفزيون؟؟!!
فيرجل:* يمر سيف دانتي وكاد ان يقتلع رأسه لكنه ينحني بمهاره * كلش الحين يا التلميذ النجيب.. اللي عمره ما غاب يوم واحد...نسينا منو اللي غاب على شان يشوف الحلقة الاخيرة من ابطال الديجتال!!! وفاته الاختبار!!
دانتي:*يشعر باهانه شديدة وعلى وشك ان يذرف الدموع*:كذاب!!! *يندفع نحو فيرجل ويسقط الاثنان من النافذة بالحركة البطيئة مثل افلام الاكشن*
صوت دانتي من خارج النافذة: انا ماغبت على شان اشوف الحلقة الاخيرة!! انا غبت على شان الحلقة اللي قبل الاخيرة!!!


وهذا دانتي للحين يتابع ابطال الديجتال هههههههه



دانتي:*يرفع يده ويصرخ بأعلى صوته* Aries!! Destroy my enemy.. and my life is yours!!* ينظر الى الاعلى وينتظر ان تنشق السماء وينزل ايريس لينقذه*
//لم يحدث شيئ..
دانتي: ايريس الحقير!! بس يساعد كريتوس وانا لأ!!*ينظر الى السماء* شمعنى كريتوس بس!! ناس وناس يعني!!
// فجأة يشع ضوء ساطع يكاد ان يعميهم..
دانتي:*يضحك ضحكة المنتصر*هاذي نهايتك!! ايريس وصل!!!
فيرجل: يالثور.. الضوء جاي من غرفة ابوي..



مرة وحدة ايريس ههههههه
- لا يكون بعدين بيدخل كريتوس بالقصة مرة وحدة خخخ


سباردا:* على الارض يسوي بريك دانس..بعدين ينبطح على بطنه ويسوي حركة الدودة ..بعدين رقصة الروبوت.... هيب هوب....باليه....سامري..الخ ..وختم الحفلة بوصله كاملة من الرقص الشرقي*

هالمقطع ضحكني موووووووت
شكل سباردا صدق يعرف يرقص خخخخ
اذكر زمان لما طلعت اشاعة وقاله بتطلع ديفل ماي كراي على البي اس بي
وكانه يقولون اسمها دانس سباردا - يعني رقصة سباردا



دانتي&وفيرجل:*بصوت واحد* مانبي نروح للمدرسة مرة ثانيه!!
سباردا: وبس!! ان شاء الله!! من عيني هاذي قبل هاذي...او.. هاذي قبل هاذي..او.. اثنينتهم مع بعض..بعد شتبون^_^
دانتي & فيرجل:*مو مصدقين انه وافق* يعني خلاص مافيه مدرسة!!!
سباردا:*يرفع اصبعه عاليا* من اليوم ورايح مافيه شي اسمه مدرسة..لأني انا سباردا*يأشر باصبعه على نفسه* امنحكم*يأشر باصبعه عليهم* اجازة للأبد!! اكرر للأبد!! الا اذا صارت معجزة ورن الجرس وطلعت امكم عند الباب..هاهاهاهاها!!!


ههههههه هذا ابوه ما يهتم بمستقبل عياله



ايفا:*بعد ان جربت كل الطرق لايقاظه دون جدوى* ياربي...شسوي الحين؟!!
فيرجل:*بكل برودة* قلت لج من زمان...استعملي المطرقة....
ايفا:*تنظر الى المطرقة بتردد* بس...
دانتي:*ياكل بيتزا* لاتنسين...ضرب الحبيب مثل اكل الزبيب..
فيرجل: بالضبط...
ايفا:*تمسك المطرقه بتردد وقلق*
دانتي:تبيني اطقه لج؟
ايفا:*تنظر الى دانتي بحماس مفاجئ* وافوّت الوناسة؟!! مستحيل!!*تضرب سباردا المسكين على رأسه بقوة*



انا اقول من زمان ايفا شريرة ههههههه


سباردا: اي صج والله!! وبعدين تعالي..اليوم عيد ميلادي..انتي قلتي في عيد ميلادي بتجيبين ميكي ماوس!!*يأشر على نيرو*هذ موب ميكي ماوس!!!*يضم يديه على صدره ويمد بوزه شبرين كلأطفال*

حلو هالمشهد اتخيل سباردا بهالوضع زي الاطفال - لازم ارسمه ههههههه


فيرجل: عطي دانتي طبل ويصير القرد اللي معاه طبل...

صح لسانك يا فيرجل - قلبناها شعر خخخخ


ايفا:ابوكم لمح لي انه يبي هاللعبه في عيد ميلاده*توريهم ورقه مكتوب عليها من الاعلى :الهديه التي اريدها في عيد ميلادي..ومرسوم عليها القرد ومعاه طبل وفي اسفل الورقه التوقيع: الاسطورة سباردا*

الاسطورة سباردا يبي اللعبة خخخخخ
لو قلنا سباردا بدون اسطورة كان قللنا الفشلة ههههههههههه


دانتي:* يقلد كريتوس..مجددا* ?? help...YOU
فيرجل: دانتي...الله يخليك...ابوس ايدك..لاتقلد كريتوس مرة ثانية...ترى مايلوق..

ههههههه لا يكون دانتي معجب بكريتوس خخخخ


//المشهد لايزال خارج المنزل..نسمع ضحكات العائلة المتعالية ..والسماء مزينة بالنجوم..والقمر على شكل هلال مبتسم..وكادت القصه ان تنتهي بسعاده ....ولكن.....

صوت فيرجل:تصبحون على خير*يذهب الى غرفته*

//نسمع صوت شخص يصعد السلم....ثم نسمع صوت باب الغرفة يفتح.....ثم نسمع صوت المصباح يضاء*تك* ثم نسمع صرخة فيرجل...

// الدريشة كان لونها اسود بعدين لما فيرجل ولع الليت صار لون الدريشة اصفر وفيرجل صاير لونه اسود وملامحه ماتبين...مثل الرسومات المتحركة لما واحد شكله يبين من الدريشة..

فيرجل:لااااااا...غرفتي!!!

صوت ايفا: شلينا كل اغراضك وحطيناها في غرفة دانتي...هاذي صارت غرفة نيرو...من اليوم ورايح انت ودانتي في غرفه وحده..

//دانتي& فيرجل يصارخون مع بعض( اشكالهم تبين من الدريشه بس صاير لونهم اسود)
فيرجل:* من الدريشة اللي فوق* لاااااااااااااا!!!!
دانتي:* من الدريشة اللي تحت*لاااااااااااااا!!!!

عشان ياخذون راحتم بالغرفة يتضاربون الا ما يقولو بس خخخخخخ
** خلك قريب كرهي يزيد **



فيرجل: تذكر يوم كنت منوم في المستشفى ..وقلت لي احسن شي ان مافيه دراسة..وبعدين ابوي جاب لك مدرس في المستشفى على شان لاتفوتك الدروس؟!
دانتي:إي..
فيرجل: انا اللي قلت له يجيب لك مدرس..
دانتي: تذكر عيد ميلادنا السنه اللي طافت؟؟ يوم انت اهديتني فرشاة اسنان كهربائية..وانا اهديتك دبدوب؟؟!
فيرجل: الدبدوب اللي كنه قطو ميت؟؟
دانتي:الصراحة انه كان صج قطو ميت...
فيرجل: والصراحة الفرشاة اللي عطيتك اياها لقيتها في الزبالة..
دانتي:*بينه وبين نفسه* وانا كنت اقووول ..اشفيه واقف عند الزباله ذاك اليوم.. لحسن الحظ اني ما افرش اسناني خير شر*بصوت عالي* تذكر يوم كنت مريض وقلتي اجيب لك قلاص ماي ..كنت عجزان اروح المطبخ ..جبت لك ماي من حوض الاسماك..


هههههههه احلى
شكلي بسويها مع صديقاتي بالمدرسة هع



سباردا:*يحاول ان يمثل دور الاب الحنون* نيدو...انا ابوك واحبك واخاف عليك..تقدر تقول لي اي شي ...
نيرو: اسمي نيرو!!!
سباردا: اوووه! نيرو ولا نيدو ..نفس الشي...خلصني وقول السر...


ههههههه اي نفس انا كنت اقول مع اخوي نيدو
واخوي يسمي ام منيرة - نيرو ههههه



سباردا:*خايف* ايفا؟؟ ليش ساكته؟
ايفا:*بهدوء مثير للريبه* اي واحد عمره تحت ال18 يغادر الغرفه الحين...فيه مشهد عنف على وشك الحدوث..
دانتي&فيرجل&نيرو:*يغادرون*
سباردا:*يلحقهم* :cray: هيي!! وين رايحين؟؟لاتخلوني وياها بروحي*يعض اصابعه*
فيرجل: يبه...لاتخاف...ماراح ننساك ابدا..
دانتي: بنتذكرك دايما ..على انك البطل ..اللي انقذ البشرية..وضحى بكل شي على شان ينقذ العالم..
نيرو: محد راح ينسى ..الاسطوره...سباردا...



اخسسسس كله قوة من ايفا
اشك انها اقوى من سباردا هههههه


نيرو: الله...ابوي صوته عذب!!

هههههه ليش ما يصير مغني هع

هع هههههه تعبت والله من الاقتباسات
وشكرا لي يامي لانها دلتني على الموضوع


ننتظر التكملة بفارغ الصبر

[.:Passion:.]

ههههههههههههههه الموضوع حلوه و ردود حلوه الله يعطيكم العافيه على مجهودكم و مشكوووورين
تقبلو تحياتي ومروري السريع ســـــــــــــــــــــلام للجميع

[Razielia]

السلام عليكم ورحمة الله وبركاته..

اولا اشكر كل اللي قروا القصة وردوا :

arashi
محمد 07
رعبه
dark heather
passion XD


thanks this means a lot to me *_^


هذا الفصل الرابع..ان شاء الله يعجبكم*_^


// تذكير باحداث الفصل السابق..
((بعد ان سمعت ايفا ان سباردا متزوج عليها..
ايفا:*بهدوء مثير للريبه* اي واحد عمره تحت ال18 يغادر الغرفه الحين...فيه مشهد عنف على وشك الحدوث..
دانتي&فيرجل&نيرو:*يغادرون*
سباردا:*يلحقهم* هيي!! وين رايحين؟؟لاتخلوني وياها بروحي*يعض اصابعه*
فيرجل: يبه...لاتخاف...ماراح ننساك ابدا..
دانتي: بنتذكرك دايما ..على انك البطل ..اللي انقذ البشرية..وضحى بكل شي على شان ينقذ العالم..
نيرو: محد راح ينسى ..الاسطوره...سباردا...

// الابناء يخرجون الى حديقة المنزل ..ويسمعون الباب يغلق بقوة خلفهم...ثم يسمعون صراخ سباردا..واصوات تكسير وضرب...))


//الفصل الرابع..

// فيرجل ودانتي ونيرو خارج المنزل لايزالون ينتظرون ان يهدأ الوضع في المنزل..
فيرجل:*يعطس* الحمد لله..
نيرو: يرحمكم الله..
فيرجل: يهدينا ويهديكم الله..
دانتي: درينا انكم مسلمين...
// فيرجل يلتفت الى دانتي وقبل ان يرد عليه تتوقف فجأة اصوات الضرب وينقطع صراخ سباردا..

نيرو: اومبيه ليكون مات!

الاولاد يدخلون ليروا شالسالفة...وعندما دخلوا وجدوا المنزل في حالة فوضى عارمة كان اعصار هائل ضرب المكان..وسباردا على الارض متلوي على نفسه في وضعية الجنين ويمص ابهامه..وايفا تستعد لتنفيذ ضربتها القاضيه واسمها total annihilation

ايفا:من سمحلكم تدخلون..انا قلت لكم دخلوا؟؟!!
دانتي: امم...يمه نيرو يبي يقول لج شي..
نيرو:*يفهمها ان سباردا بريء والمسألة كان فيها سوء تفاهم بسيط*
ايفا: صج ؟!!*تنظر الى سباردا*اوبس! اسفه حبيبي ..انا كنت ادري انك مستحيل اتسوي جذي..
سباردا:*لايزال في حالة صدمه*.....
ايفا: تدري شلون...اليوم بسوي العشى بنفسي على شان اعوضك...دانتي وفيرجل ..رتبوا العفسة اللي سويتها..نيرو!تعال معي المطبخ..
نيرو: بس انا ماعرف شي في المطبخ!!
ايفا: هههه..ولا انا!!*تمسك يد نيرو وتنطلق به الى المطبخ*

فيرجل: الله يعين ابوي..اول شي الضرب اللي جاه..والحين طبخ امي اللي يجيب المرض..
دانتي:*يمسك مكنسة عشان ينظف* اي والله.. مسكين ابوي...صج يكسر الخاطر..
فيرجل: قالتها اراشي: انا لو مكانه اتزوج عليها ثاني يوم!!
دانتي: إي..بس let's face it ..ابوي موب ريال..لو كريتوس ابوي بس!!!! *يمسك المكنسة ويلوح بها ويقلد حركات كريتوس*

// لما سمع سباردا عياله يرثون لحاله طقت فيه النخوة..

سباردا: انا ريال ونص!! اخخ!! بس لو قواي الخارقه ماانحبست في العالم السفلي!! كان وريتها نجوم الظهر!!!

فيرجل: اسمعوا العذر..
سباردا: قلت شي؟؟!!
فيرجل:هاه؟!..لالا ماقلت شي..سندريلا ..بسرعة خلينا انظف بسرعه قبل لاتجي امي ..

// دانتي& فيرجل يرتبون..
فيرجل:اففف ..ابي اعرف الشيزلونغ شلون طار اخر الدنيا..
// يذهب ليعيد الشيزلونغ الى مكانه..
فيرجل: ARGHH!!دانتي تعال ساعدني..
//دانتي يذهب ليساعد فيرجل في حمل الشيزلونغ..
فيرجل: انا باشيله مني وانت شيل من ذاك الصوب..
دانتي:لا والله!! ..انا ابي هالصوب..
فيرجل: كل تبن!! انا حجزته قبلك!!
دانتي: انا فكرت فيه قبلك!!
فيرجل: تدري شلون شيله بروحك*يجلس على الشيزلونغ ويحط رجل على رجل*
دانتي: ماراح اشيله* ايضاَ يجلس على الشيزلونغ ويحط رجل على رجل*
فيرجل: اذا امي سألت :ليش مارتبتوا؟ باقول دانتي مايبي يساعدني في الترتيب..وبيصير فيك اللي صار لابوي..
دانتي: !!father?! I have no father!!!
فيرجل: لاتحاول تقلد كريتوس..
دانتي: actually ..كريتوس هو للي يقلدني ..انا قلتها قبله في DMC3...
فيرجل: انت قلت : l don't have a father..هو قال : l have no father...في فرق واضح!!
دانتي : مافيه فرق!!!
فيرجل: فيه!!
دانتي: مافيه!!!

//سباردا طقت كبده من هواشهم المستمر..وقام وشات الشيزلونغ وهم قاعدين عليه وطيرهم ..

يكملون الهوشة وهم في الهواء..ومن كثر ما هم منهمكين في الهوشة ماحسوا حتى انهم يطيرون ..
دانتي: اقول لك مافيه فرق!!
فيرجل: فيه!!

ومن قوة الضربة داروا حول الكرة الارضية ورجعو مكانهم...وكان هناك شهود على هذه الظاهرة الغريبة!!
//نشرة الاخبار..
المراسل : هذا وقد شوهد جسم غريب يحلق في سماء المدينة !! ولدينا هنا شهود عيان على هذه الظاهرة!!
شاهد عيان#1: كنت قاعد اكل ايسكريم بعدين في قطرة ماي طاحت على الايسكريم (هذا دانتي كان يحاول يتفل على فيرجل) وبعدين شفت فوق لقيت شي غريب يطير!!!
شاهد عيان#2: انا بعد شفته ..كان شكله مثل الغيمة!!(لانهم كانوا يتصارعون سارت حولهم غيمة من الغبار)
شاهد عيان#3: اي كلامهم عدل!! وكان يتكلم !!
المراسل: ممكن تقول لنا شسمعت؟!
شاهد عيان#3: امم..ماقدر اقول الكلام الي قاله على التلفزيون..عيب..(سمع سلسله من السب والشتائم)

// عودة الى المنزل ..


دانتي & فيرجل لايزالان يتشاجران*بعد ان لفوا الكرة الارضيه وعادوا الى مكانهم*

// ايفا تسمع صراخهم وهي في المطبخ..وطلبت من سباردا "بلطف" ان يوقف الشجار..
ايفا:*تصارخ من المطبخ* سباردا!!!وخرهم عن بعض!! قبل لا اجيك الحين واكسر اكبر شي في البيت على راسك!!
سباردا:*يوخرهم عن بعض* بس!!! ان تهاوشتوا الحين ياويلكم !! يعني ماتقدرون تقعدون خمس دقايق بس بدون هواش!!؟؟؟
دانتي: اذا ماتهاوشنا بيصير الجو ملل..
سباردا: بسيطة!!اذا حسيتوا بالملل سوو شي ممتع ..العبوا بلاي ستيشن مثلاً..
فيرجل& دانتي: اوكيه ..
// يذهبون الى غرفتهم..
سباردا:*مستانس انه حل المشكله بسهوله* that was easy!!

ايفا:*تأتي من المطبخ* العشى جاهز..وين العيال؟
سباردا: فغرفتهم..يلعبون مع بعض كنهم اخوان ..ياحليلهم..


// في غرفة دانتي وفيرجل..

فيرجل:* لاف واير البلاي ستيشن حول رقبة دانتي ويحاول ان يزنطه*
دانتي:* يحاول الافلات وينجح ..ويمسك رأس فيرجل ويضربه بالحائط*
وكادت الضربة من قوتها ان ترسل فيرجل في غيبوبة لاعودة منها ..ولكن فيرجل لم يكن قلقاً بهذا الشأن ما اقلقه هو:
فيرجل: WACTH THE HAIR!!!!!!!!!

نيرو:*يفتح الباب ليناديهم لتناول العشاء ويراهم يتهاوشون* يمه !! سولت & بيبر يتهاوشون مرة ثانية!!

فيرجل:* معصب و دون ان ينظر الى نيرو حتى* كنه نادانا سولت اند بيبر؟!!!
دانتي: الظاهر..
دانتي &فيرجل:*يلتفتان الى نيرو وينظران اليه بنظرات مميته وهم يقتربان منه*
فيرجل:*يمسك نيرو من رقبته ويرفعه في الهواء*
دانتي: من اللي تناديهم سولت اند بيبر؟
نيرو:*بكل ثقه* نزلني احسن لك!!
فيرجل: هه!!..شبتسوي يعني اذا مانزلتك؟!
دانتي: لايكون بتقوم تكفخنا؟؟ !!
نيرو: لأ ماراح اكفخكم!!...بخلي امي تخفخكم!!
فيرجل:* ينزل نيرو فورا*
نيرو:*يرفع الخشم ويطلع* loosers..
فيرجل:*يكلم نفسه ويتحلطم بصوت خافت*
دانتي: تكلم نفسك؟!
فيرجل ..اي اكلم نفسي!!
دانتي: ليش ؟
فيرجل: لانه مافيه احد هني الا انا وانت.. وانا مابي اتكلم مع واحد غبي مايفهم مثلك .. فالافضل اني اكلم نفسي..
دانتي: اوكي..whatever u say brother..باروح اتعشى*يذهب ويعود بعد 5 دقائق* هيي !! من الغبي؟!!
فيرجل:*ماله خلق يرد على دانتي ..يلتفت الى الشاشة وينظر الى المشاهدين* نراكم في الفصل القادم..


// يتبع ان شاء الله..

writer note: ok I know that was lame..but,next time it will get better

[hunk 1990]

خخخخخخخخخخخخ


ضحكت لين دمعت عيوني


و خصوصاً عند




فيرجل ..اي اكلم نفسي!!
دانتي: ليش ؟
فيرجل: لانه مافيه احد هني الا انا وانت.. وانا مابي اتكلم مع واحد غبي مايفهم مثلك .. فالافضل اني اكلم نفسي..
دانتي: اوكي..whatever u say brother..باروح اتعشى*يذهب ويعود بعد 5 دقائق* هيي !! من الغبي؟!!


و


ايفا:*بهدوء مثير للريبه* اي واحد عمره تحت ال18 يغادر الغرفه الحين...فيه مشهد عنف على وشك الحدوث..
دانتي&فيرجل&نيرو:*يغادرون*
سباردا:*يلحقهم* هيي!! وين رايحين؟؟لاتخلوني وياها بروحي*يعض اصابعه*
فيرجل: يبه...لاتخاف...ماراح ننساك ابدا..
دانتي: بنتذكرك دايما ..على انك البطل ..اللي انقذ البشرية..وضحى بكل شي على شان ينقذ العالم..
نيرو: محد راح ينسى ..الاسطوره...سباردا...


// الابناء يخرجون الى حديقة المنزل ..ويسمعون الباب يغلق بقوة خلفهم...ثم يسمعون صراخ سباردا..واصوات تكسير وضرب...))





// فيرجل ودانتي ونيرو خارج المنزل لايزالون ينتظرون ان يهدأ الوضع في المنزل..
فيرجل:*يعطس* الحمد لله..
نيرو: يرحمكم الله..
فيرجل: يهدينا ويهديكم الله..
دانتي: درينا انكم مسلمين...
// فيرجل يلتفت الى دانتي وقبل ان يرد عليه تتوقف فجأة اصوات الضرب وينقطع صراخ سباردا..


نيرو: اومبيه ليكون مات!


الاولاد يدخلون ليروا شالسالفة...وعندما دخلوا وجدوا المنزل في حالة فوضى عارمة كان اعصار هائل ضرب المكان..وسباردا على الارض متلوي على نفسه في وضعية الجنين ويمص ابهامه..وايفا تستعد لتنفيذ ضربتها القاضيه واسمها total annihilation

[Razielia]

مشكووووور اخوي عالرد *_^
وان شاء الله تضحك دوم يارب ^_^

[Garl Vinland]

ههههههه والله تعبت من الضحك صراحة قصة رائعة و دور الشخصيات لايق مره اكثر شي ضحكني


// فيرجل ودانتي ونيرو خارج المنزل لايزالون ينتظرون ان يهدأ الوضع في المنزل..
فيرجل:*يعطس* الحمد لله..
نيرو: يرحمكم الله..
فيرجل: يهدينا ويهديكم الله..
دانتي: درينا انكم مسلمين...
// فيرجل يلتفت الى دانتي وقبل ان يرد عليه تتوقف فجأة اصوات الضرب وينقطع صراخ سباردا..

نيرو: اومبيه ليكون مات!

تشكري اختي القصة الرائعة و نترقب الفصل الخامس بفارغ الصبر ^^

[رعبه]

يس كملتي ^^
تكمله رائعه خيتوو رزنااامه
وفيرجل ودانتي لايزالون القمه عندي http://director.montada.com/mon_post_icon/icon10.gif

شاهد عيان#1: كنت قاعد اكل ايسكريم بعدين في قطرة ماي طاحت على الايسكريم (هذا دانتي كان يحاول يتفل على فيرجل) وبعدين شفت فوق لقيت شي غريب يطير!!!
XD
لو يدي شو هي قطره المااء :blackeye:

فيرجل: لانه مافيه احد هني الا انا وانت.. وانا مابي اتكلم مع واحد غبي مايفهم مثلك .. فالافضل اني اكلم نفسي..
دانتي: اوكي..whatever u say brother..باروح اتعشى*يذهب ويعود بعد 5 دقائق* هيي !! من الغبي؟!!
فيرجل:*ماله خلق يرد على دانتي ..يلتفت الى الشاشة وينظر الى المشاهدين* نراكم في الفصل القادم..
هههههههههههههههههههههه
تحليل مقنع بجربها يوم بختي :09:
وتسلمين على التكمله والله امتعتني ^^
وسامحينا ع القصور
تسلمات

[THE-HELL]

السلام عليكم
اولا اعتذر كثيرا على التاخر في الرد
وشكرا على هذه القصة المضحكة جدا فعلا ضحكت حتى الموت وانا اقرأها
ويبدو ان دانتي متأثر كثير بgod of war
المهم شكرا مرة اخرى وفي انتظار التكملة

[Razielia]

garl vinland
رعبه

مشكووووووورين على مروركم العطر..نورتوا الموضوع *_^
وان شاء الله عن قريب اكمل القصة ^_^

[المقاتل ليون]

شكرا لكي على القصه وننتضر مزيدك

[Razielia]

السلام عليكم
اولا اعتذر كثيرا على التاخر في الرد
وشكرا على هذه القصة المضحكة جدا فعلا ضحكت حتى الموت وانا اقرأها
ويبدو ان دانتي متأثر كثير بgod of war
المهم شكرا مرة اخرى وفي انتظار التكملة


sory!!
ماشفت ردك :09:
الحمد لله ان القصة عجبتك *_^
وشكراً عالمرور^_^

[Razielia]

شكرا لكي على القصه وننتضر مزيدك


العفو اخوي..
وشكراً لك على المرور *_^

[Arashi]

ههههههههههههههههههههههههههه

الله يغربلج ابليسج رزروز XD


المراسل : هذا وقد شوهد جسم غريب يحلق في سماء المدينة !! ولدينا هنا شهود عيان على هذه الظاهرة!!
شاهد عيان#1: كنت قاعد اكل ايسكريم بعدين في قطرة ماي طاحت على الايسكريم (هذا دانتي كان يحاول يتفل على فيرجل) وبعدين شفت فوق لقيت شي غريب يطير!!!
شاهد عيان#2: انا بعد شفته ..كان شكله مثل الغيمة!!(لانهم كانوا يتصارعون سارت حولهم غيمة من الغبار)
شاهد عيان#3: اي كلامهم عدل!! وكان يتكلم !!
المراسل: ممكن تقول لنا شسمعت؟!
شاهد عيان#3: امم..ماقدر اقول الكلام الي قاله على التلفزيون..عيب..(سمع سلسله من السب والشتائم)

المقطع تحححححححححفه والله ظاهره فريده من نوعها
مسكين اللي تفلوا على اسكريمه ههههه
احسن عشان على قولة عيايزنا لا ينضله :silly:
وذاك اللي "عيب" عشان الشتايم ههههههه ما شاء الله عليه ههههه مواطن محترم :09:
والغيمه
الحلو انج ماتتركين شي من غير تفسير :biggthump



فيرجل: قالتها اراشي: انا لو مكانه اتزوج عليها ثاني يوم!!

هههههههه شكلي صرت مخربة بيوت :p


يعطيج العافيه على هالجزء الاسطوري
وبليز نزلي الخامس بسرعه :cray:

اشم ريحة كيكي في القصه :33:

[Razielia]

لاتخافين كيكي انا مسويتله مشروع كبير هههههه *_^

[Arashi]

^^^^
هههههه وناسه
احس دانتو ميت عليه
خاطري اعرف ردة فعله لما يجوفه XD

[saifbin]

من وين بتقراي ها

ولا من تالفيك ؟

[Razielia]

لا هاذي من تأليفي *_^
u like it ?

[itachi lover]

السلام عليكم

أختي raz

من زمان ماضحت لين عيني دمعت .. ههههه

مره استمتعت أتمنى تكملييين جد جد اسلوبك مممتع و رائع

اتمنى اعيش معهم كان اعض نيرو عضه اخليه يعرف ان الله حق

ههههههههههههههههههههه

[Razielia]

اهليين ايتاتشي لوفر ^_*
انتي هني ؟! انا توقعت انتج انتحرتي بعد مامثلتي مع مستر اكس XD
ههههه نيرو محد يقدر يسوي له شي ولا ياويله من ايفا..حتى انا مع اني vampiress ما أتجرأ اعضه >> اخاف من ايفا ..XD

وشكراً حبيبتي عالمرور ..منورة ^_*

[m!ss foshia]

ماشاء الله قصه هذي ولا نكته
ضحكت ضحك هستيري لدرجه ان الي معاي في البيت قاموا يطالعوني بنظرات استفهام !!
خخخخخخ الله يغربل شياطينج دمعت عيني من الضحك
تسلمي على الموضوع الجميــــل مثلك ^^