المساعد الشخصي الرقمي

مشاهدة النسخة كاملة : التخسيس واللياقة LIPO 6 and LIPO 6X


بيت الشع
11-12-2010, 03:07 PM
السلام عليكم

اخواني انا اعاني من السمنه وحاولت بشتى الطرق لكن مافي فايده :12:

انا سمعت عن FAT BURNER وبالاخص LIPO 6 and LIPO 6X

سؤال يا أخوان ,, كيف طريقة الاستخدام ؟

هل ابدأ بالـ LIPO 6 والا LIPO 6X ؟

شباب انا معلوماتي صفر عن حوارق الدهون ومعتمد بعد الله عليكم علما بأن طولي 185 ووزني 130
france for ever
11-12-2010, 03:23 PM
اخي السائل موضوع مكانة غلط و مخالف !! هناك قسم خاص للاستفسارات
بيت الشع
11-12-2010, 03:30 PM
طيب ممكن تفيدني اذا عندك خلفية عن الموووضوع
THE CAST
11-12-2010, 04:07 PM
السلام عليكم
وعليكم السلام
اخواني انا اعاني من السمنه وحاولت بشتى الطرق لكن مافي فايده :12:
شلون مافي فايده
بالعكس لومسكت انظمه صحيحه وصارمه راح تنزل بدون اي حارق
انا سمعت عن FAT BURNER وبالاخص LIPO 6 and LIPO 6X

سؤال يا أخوان ,, كيف طريقة الاستخدام ؟

هل ابدأ بالـ LIPO 6 والا LIPO 6X ؟

شباب انا معلوماتي صفر عن حوارق الدهون ومعتمد بعد الله عليكم علما بأن طولي 185 ووزني 130





كم عمرك اولا ؟
ووزنك مرتفع جدا ماشاالله ماانصحك تستعمل اي حارق للدهون حاليا
وهل تمارس اي نشاط رياضي ؟

وراجع قوانين القسم تم نقل الموضوع لقسمه
h111
11-12-2010, 09:29 PM
السلام عليكم ورحمة الله وبركاتة

شوف ياخوي انا بعطيك نصيحة لوجة الله تعالى

أهم شي قبل الرياضة نظامك الغذائي اولاً ثم اولاً ثم أولاً

بمعنى انك تنهي من حياتك شي أسمة ( بيبسي حلويات شوكليت عيوش معجنات كفتريات مطاعم اي شي فيه دهون وزيوت ) ولازم تشد على نفسك وتصبر ولعلمك من تترك هالأشياء بتحس براحة نفسية
وراحة جسمية وبتحس انك نشيط وطاقتك بتزيد

عليك بالخبز الاسمر , الاجبان المنزوعة الدسم , الحليب واللبن المنزوع الدسم واي شي منزوع الدسم اهم شي
وعليك بالمشوي الخالي من الدهون والعصائر الطازجة الغير محلاه , وعليك بالسلطات بدون طماطم لانه الطماط يخزن الماء بالجسم , وعليك بالفواكة ..بس بعض الفواكة لا مثل الموز تقدر تحصل جدول بالفواكة المخصصه للدايت واهمها الانناس لانه يحرق الدهون خاصة الصبح على الريق

وثاني شي شوف نفسك اذا عندك عزم تروح الصالة كل يوم شي طيب ... واذا ما عندك عزم ولا وقت فراغ .. لا تعطي لنفسك أعذار ..اشترلك آلة مشي وامشي كل يول حوالي ساعه ويكون مقسم بين ركض ومشي سريع وهروله واهم شي حذاء رياضي يساعدك على المشي
خذلك آلة ضغط المعده تقدر تسوي عنها بحث اعتقد اسمها AB lounge 2 وااااااااااااااااااايد مفيدة وتساعدك انك تسوي ضغط للبطن انا عندي واستخدمها وايد مفيده شارنها ب 140 درهم تقدر تحصلها بكارفور

وحاول انك تسوي ضغط الصدر

وانا استخدم lipo 6 black

وايد حلو ومفيد والحمدلله ما حصلي اي آثار جانبية ... واستخدم معاه فش اويل ( زيت السمك ) omega3
مفيد يمدك الفيتامينات والدهون الي يحتاجها جسمك وويحافظ ويراقب نسبة الدهون والفاتس بجسمك



لاكن قبل هذا لازم يكون عندك عزيمة وارادة وتوكل على الله سبحانة وتعالى

وقبل لا تبدأ صور جسمك وبعد شهر ارجع وتصور وبشوف الفرق إن شاء الله
وحاول انك ما تقيس وزنك الا بعد 3 اسابيع او شهر عشان تشوف الفرق وتتشجع

إن شاء الله اكون أفدتك

والله وياك