المساعد الشخصي الرقمي

مشاهدة النسخة كاملة : التغذية سؤال عن التحليل المخبرية عند الدكتور..وقال


To be strong
13-12-2010, 07:41 PM
السلام عليكم ورحمة الله وبركانه


اليوم رحت للدكتور وقلت له ابي اسوي تحليل للدم والكبد والكلية لمجرد التأكد من صحتي ..الله يعافي وعافيكم جميعآ.
وقال تعال لي يوم الخميس الصباح ..بس قالي لاتأكل اي بروتين او فيتامين او امينو وغيره.من اليوم حتى يوم الخميس .لكن انا جدولي اربع ايام وراء بعض في النادي ومدري هل اوقف الاسبوع هذا حتى الخميس او اتدرب بدون اي شي .نصائحكم


شكرآ لكم..
THh Rock
13-12-2010, 08:55 PM
وعليكم السلام
اخوي تاكد من كلامه زين
انا الي اعرفه لازم تكون تقريبا صايم يوم كامل عن اي شي قبل تحليلك للكبد والكلى والدم والسكر واي تحليل اخر
لكن انك تنقطع عن كل شي من اليوم الى يوم الخميس الصباح هذي اول مره اسمعها بصراحه
فراي يا وحش انك تاخذ مكملاتك عادي بس يوم الاربعاء لا تاخذ اي شي ابدا من المكملات
وارجع واقول تأكد من الدكتور لانه ممكن يبي يسوي تحالي اخرى بعيدة المدى غير الكلى والكبد
وان شاء الله وما تشوف شر اخــوي
موفق
مبتددي
13-12-2010, 08:57 PM
مــن رآآي تــوقــف يــوم آآلــفحوصــآآت وتــخليه لــك رآآحـــه ....
يـــوم وآآحــد مــآآرآآح يــآآثــير .....
To be strong
13-12-2010, 09:32 PM
يعطيكم العافية ..
لكن ممكن انا موضحة الفكرة اخوي روك ..هو قال عادي اقدر اكل الوجبات اليومية بس اكون صائم من يوم الاربعاء المغرب يعني الساعة 6 حتى صباح يوم الخميس لكن انا قالت له ابي فحص للكبدوالكلى وقال وقف عن اكل المكملات من اليوم حتى يوم الفحص .بس قلت لنفسي البروتين اتوقع عادي بس ممكن السوبر شارج والامينو والفيتامين ممكن يأثر على الفحص ممكن تبين في الفحص نسبة عالية وبالتالي تؤثر صح..بالنسبة لسؤالك الممريضة قالت لي هو دم و كبد بس بدون كبد .هل ماني عارف للكلية كيف اقصد طريقة الفحص ..
THh Rock
13-12-2010, 09:37 PM
اها نفس الكلام الي قلته والحمد لله انه وضحت الفكره
طيب بالنسبه للكلى يكون عن طريق البول اكرم الله السامعين والبروتين والامينو عادي لكن وقف السوبر شارج والاوبتي ولا جا يوم الاربعاء وقف كل شي خير شر اوك
وبالتوفيق لك ولا تنسى تطمنا على نتائجك وما فيك الا العافيه
sami1989
13-12-2010, 09:43 PM
هههه ليش توقف اسبوع ؟؟
المكملات ايش هنه لوول
بليوم الي تحلل فيه لازم تكون لاشارب ولاماكل يعني مثلا تحليلك يكون في الصباح اول ماتستيقض لاتشرب ولاتاكل شي تروح دغري تحلل
To be strong
13-12-2010, 10:54 PM
إن شاء الوعد يوم النتائج..
.hamad.
13-12-2010, 11:36 PM
موفق ياخوي وان شاء الله النتايج سليمه والدكتور معاه حق بأنك توقف اسبوع لان في بعض المكملات تضخم انزيمات الكبد وقت استخدامها وهذا الشي عادي ومايضر بس للتأكد من نتيجة التحاليل اسمع نصيحة الدكتور افضل ..

بالتوفيق
sami1989
13-12-2010, 11:57 PM
ولله انته ادره ياكابتن حمد ماشاءالله عليك
يجوز هل حالات تحصل والافضل يسمع كلام الدكتور عل قولتك
Heartbeat
14-12-2010, 03:14 PM
عدل كلام حمد الله يجزاه خير

اخوي احنا مهما اكتسبنا من خبرات عمرنا مانكون افهم من دكتور اذا وصلت الامور للطب مالنا كلام
انت وقف المكملات مثل ماقال لك
اذا تبي التحاليل مضبوطه اتبع تعليمات الدكتور

موفق ان شاءالله
To be strong
22-12-2010, 09:58 PM
السلام عليكم ورحمة الله وبركاته


ابشركم ولله الحمد والمنة. اليوم اخذت نتائج التحليل المخبرية ويقول الدكتور جيدة وكل المعدلات عندك معتدلة . وحبيت اخبر أخواني أعضاء المنتدى العزيز.

وشكرآ
THh Rock
22-12-2010, 10:11 PM
السلام عليكم ورحمة الله وبركاته


ابشركم ولله الحمد والمنة. اليوم اخذت نتائج التحليل المخبرية ويقول الدكتور جيدة وكل المعدلات عندك معتدلة . وحبيت اخبر أخواني أعضاء المنتدى العزيز.

وشكرآ
وعليكم السلام

اللهم لك الحمد والشكر والحمد لله ان النتائج ممتازه
بالتوفيق اخوي
.hamad.
22-12-2010, 10:18 PM
عساك عالقوة والحمدلله على سلامتك يابطل ....
بولاق
23-12-2010, 02:07 PM
ماشاء الله ,

الحمد لله وعسى العافية دوم للجميع ,,


المفروض الواحد كل خمس أشهر يسوي فحص فالوقاية خير من العلاج .


ياليت تذكر تفاصيل الفحص ( الاجراءات + المبلغ )


من باب الحرص اذا كنت مقتدر على اجراء فحص آخر في مركز ثاني فلا تبخل على نفسك ,

والله يقويك ويبارك في عافيتك وشبابك .