المساعد الشخصي الرقمي

مشاهدة النسخة كاملة : مشاكل صحية ريآضيه // كييف أقوي عضلات الظهر وأشد الصدر والايدي


كاره نفسسي
31-12-2010, 04:31 PM
السلام عليكم ورحمه الله وبركاته

كيف حالكم ياحلوين واخباركم ان شاءالله الكل بخير وعافيه


يا اخواني انا مبتدىء فالريجيم والحمدلله من بعد موضوعي الاول استمريت بالرجيم وماشي ميه ميه ولله الحمد

بس انا راح ابدا برياضات أخرى غيــر المشي النصف ساعه :)

ناوي ادخل لجدولي ضغط بطن واشد الجسم بشويش


انا حاولت اسوي ضغط بطن ولاكن ماقدرت اكمل ع 4 او 5 واوقف وظهري يوجعني

بسبب الوزن او ان ماعندي عضلات الي تستحمل اسوي ضغط بطن

يزاكم الله خير ابي تمارين او وش تنصحوني أأجل الضغط؟ او فيه رياضه تساعد على بناء عضلات الظهر

واريد اشد جسمي في منطقه الصدر ماهيه التمارين المتبعه والمنصوح فيها :) أرائكم وخبراتكم تهمني ونستفيد منكم:)


وجزاكم الله ألف خير :)
نديم الذكريات
31-12-2010, 06:13 PM
اخوي الغالي
لو ذكرت وزنك وطولك وعمرك كان احسن

الشئ الثاني
طبيعي في البدايات ماتقدر توصل لعشر عدات ضغط
ولكن مع الايام راح تقدر توصل لـ 100 عده لو تبي
انت لاتستعجل استمر على ما انت عليه ولكن ادخل تمارين سويديه وكارديو وراح تشوف نتيجه طيبه
وبالنسبة لألم الظهر اذا كان متوسط فهو طبيعي بإذن الله لأنه كان يعتريني الام مثلها بسبب الجهد المبذول
وبالنسبة للشد انا اشوف برآئ المتواضع انك تأجله موقتا لبعد ماينزل وزنك
واذا ماعندك صبر حاول تلعب حديد شامل بآوزان خفيفه مثلا 15 عده تكرار 3 مرات

بس لاتهمل الاكل الصحي
وانتظر الاخوان يفيدوك اكثر
بولاق
01-01-2011, 08:55 AM
عليكم السلام ,

بخير ونعمة , انت الحلو والله !!

ليس لدي معلومات كثيرة عن التمارين , فلا استطيع افادتك باانواع التمارين , ولكن اريد اذكرك بنقاط اتمنى ان تفيدك :-


. المواظبة على التمارين وتذكر ( قليل دائم خير من كثير منقطع ) .


خريجوا الأمن العام , وزن الطالب قبل دخول العسكرية ووزنه بعد الخروج ( المدة تقريبا ثمان أشهر فقط ) الأكيد انك تعرف أحد أو سمعت قصص عنهم .


أسبوع في صالة رياضية , أفضل من شهر في مضمار أو تمرين منزلي .


ليست العبرة بنقص البدايات إنما بكمال النهايات . ( التمارين اللتي ذكرتها لم تتجاوز فيها خمس عدات , أقسم بالله , أنك إذا استمريت بالتمارين سوف تضحك على نفسك اذا تذكرتها ) .



( التاريخ اليوم :- 1 \ 1 \ 2011 ) حتى ( 1 \ 7 \ 2011 ) ماذا تريد أن تكون في هذا التاريخ ؟!!



أجعل هذه ( الستة أشهر ) تأريخية في حياتك ونقطة تحول جذرية في جسمك .


نحن بانتظارك بعد ستة أشهر إن شاء الله وكتب لنا الحياة . وتذكر ( إن لم تساعد نفسك فلن يساعدك أحد ) .


دعواتنا لك بالتوفيق ....
.hamad.
01-01-2011, 09:09 AM
السلام عليكم ورحمه الله وبركاته

كيف حالكم ياحلوين واخباركم ان شاءالله الكل بخير وعافيه


يا اخواني انا مبتدىء فالريجيم والحمدلله من بعد موضوعي الاول استمريت بالرجيم وماشي ميه ميه ولله الحمد
ممتاز

بس انا راح ابدا برياضات أخرى غيــر المشي النصف ساعه :)
حالياً خلك على المشي وزيده 45 دقيقة .

ناوي ادخل لجدولي ضغط بطن واشد الجسم بشويش
اصبر وخلك على المشي الى ان ينزل وزنك اشوي .

انا حاولت اسوي ضغط بطن ولاكن ماقدرت اكمل ع 4 او 5 واوقف وظهري يوجعني
لاتسوي شي غير المشي عشان ماتعور مفاصلك..
بسبب الوزن او ان ماعندي عضلات الي تستحمل اسوي ضغط بطن
بسبب الوزن اكيد ..
يزاكم الله خير ابي تمارين او وش تنصحوني أأجل الضغط؟ او فيه رياضه تساعد على بناء عضلات الظهر
اجل الضغط لفترة ..
واريد اشد جسمي في منطقه الصدر ماهيه التمارين المتبعه والمنصوح فيها :) أرائكم وخبراتكم تهمني ونستفيد منكم:)
شد الجسم بشكل عام يأتي بالحديد بس انا حالياً اشوف لو تنزل بالمشي والدايت وبعدها دش صاله حديد ..

وجزاكم الله ألف خير :)

ويجزاك بمثله .. شد حيلك فالدايت والمشي وبإذن الله توصل للمطلوب .