تسجيل الدخول

مشاهدة النسخة كاملة : التخسيس واللياقة كلين بيترول


دحيميان
04-01-2011, 03:29 PM
السلام عليكم

صبحكم \ مساكم الله بالخير يا وحوش

العمر : 19
الطول : 174
الوزن : 85

أنا عندي دهون مستعصيه بمنطقة البطن وحاولت ليما تعبت ومو راضيه تروح ، حتى اني كنت افكر بعمليه
شفط الدهون عشششان ارتاح ، المهم واحد من الشباب له يلعب ١٠ سنوات وماشاء الله وحش بمعنى الكلمه
نصحني فيه وقالي انه نزل ٢٠ كيلو بشهر مع تمارين ولياقه ونظام غذائي ، يقول ماكان ياكل الا روب وسلطه
والاغذيه البروتينيه المعروفه الي هي بيض وصدور دجاج وسمك مشوي . الكلين باترول دخل ببالي وخلاص قررت
واقدر اطلبه من البودي بلدنج ، بس قالوا لي فيه انواع ، الايطالي احسن نوع . لكن ما اعرف من وين اجيبه لاني ما قد تعاملت الا مع موقع البدي بلدنج . ياليت من اصحاب الخبره والي جربوه يعطوني معلومات وهل هو هرمون؟


شكرا جزيلا
THE CAST
04-01-2011, 03:50 PM
وعليكم السلام

عمرك 19لاينصح باستعمال اي حارق عادي فمابالك بالكلين باترول !

ووزنك موذاك الزود انا كان لي زميل وزنه فوق ال105 وانقص حوالي 15 كيلو بدون اي حارق


رايي ماتستعمله وتلتزم بدايت صحي ورياضه يوميه
THE CAST
04-01-2011, 03:54 PM
ايضا حتى لو كان الشخص معظل ومنتفخ لاتاخذ اي نصيحه منه ,قبل مده كنت بتناقش مع واحد من هالطقه
ومن جملة كلامه
استعمل الكلين باترول مع الانيمال كت....(وصفه لشخص عمره18)

طبعا اي لاعب فاهم مايقول هالكلام فالجسم ليس مقياس لمدى الخبره او الملَكة المعلوماتيه
دحيميان
04-01-2011, 05:43 PM
مشششكور أخوي ابومنصور والله يكتب اجرك . أنا كنت ١٠٨ قبل سنه ووصلت ٨٠ كيلو ٧ كيلو منهم بالهايدروكسي كت والباقي طبيعي رياضه وجري وحديد، لكن مرضت ورجعت أكل عشان اتعافى وزدت لين ٨٥

وترى وزني كان ثابت ٣ شهور على ٨٠ ما نزل ابد ، وفيه دهون مستعصيه بالبطن مو راضيه تروح ، أنا ناوي عليه نيه بس ياليت شويه معلومات من

اشخاص خبره أحسن مما اخذه على عماي ، اضافه الى اني اقدر اطلبه من البدي بلدنج يعني بيكون مضمون بإذن الله .
.hamad.
04-01-2011, 06:20 PM
مثل ماقال بومنصور لاتاخذ كلين بترول وانت ما شاء الله قبل نزلت بالرياضة معناتها ممكن تنزل حالياً بالرياضة بس حاول تمشي على نظام غذائي هذه الفترة وان شاء الله بتوصل للهدف ..
الكلين صحيح مش هرمون بس لاتفتكر مايلعب فالجسم مثل الهرمون بل على العكس يضرب فالاعصاب ويسبب رعشة فالجسم وبلاوي ثانية ..
دحيميان
04-01-2011, 06:43 PM
^^^^

يعطيكم العافية اخواني على حرصكم على صحة الأعضاء ، وانا لو اني ما تعبت من الدايتات والانظمه ما كان لجأت للكلين باترول
انا قريت عنه بالانجلش وعرفت انه يزيد حراره الجسم عن طريق تحفيز الجسم على تفكيك الجلايكوجين الى جلوكوز حق الطاقه .. وبعد يكسر الترايجلسرول الى فري فاتي اسد ، يعني الميكانزم حقه مفهوم ، بس هل هو يأثر على الحيوانات المنويه او الحاله الجنسيه بشكل عام ؟
goo baby
04-01-2011, 08:10 PM
والله ياخوي مادري اذا كان له تاثير علا الجهاز التناسلي
بس الي اعرفه انه يزيد دقات القلب
ويجيبلك الرعشه
والتشنجات
والارق
هاذي الاعراض عن تجربه اخوي الكبير
وسمعت بعد انه يضخم عضله القلب
فنصيحتي لك ابتعد عنه مجرد نصيحه
وانا حاليان قاعد انزل وزني بدون حارق دهون والحمد لله ماشي الحال 1اونص ال2 في الاسبوع
وبعدين اذا تبي تنزل من وزنك بسرعه راح تصير عندك ترهلات قويه
والله العالم
بالتوفيق
ابو مهاا
04-01-2011, 10:34 PM
فكرر عدل قبل اي خطوه
انا مو مؤيد ولا رافض للفكره بس فكر عدل موفق اخوي والاخوان ماقصروا
دحيميان
04-01-2011, 10:41 PM
يعطيكم العافيه أخواني على الردود ، لكن أهم سؤال هو هل هو يأثر على الحيوانات المنويه او الحاله الجنسيه بشكل عام ؟

مثلكم عارفين هذا مستقبل هههههه
.hamad.
04-01-2011, 11:16 PM
يعطيكم العافيه أخواني على الردود ، لكن أهم سؤال هو هل هو يأثر على الحيوانات المنويه او الحاله الجنسيه بشكل عام ؟

مثلكم عارفين هذا مستقبل هههههه

نعم يسبب ضعف جنسي .