المساعد الشخصي الرقمي

مشاهدة النسخة كاملة : التغذية ياشباب جاوبوني يرحم والديكم رايكم بأفضل نواع الشوفان ومتى اكلها قبل ولا بعد التمرين !


sulaiman 89
14-01-2011, 08:16 AM
السلام عليكم ....

ياشباب ابي رايكم بأفضل انواع الشوفان لإني انا في استرليا ورحت بشتري شوفان لقيت انواع كثيره مآدري وش اخذ يعني فوووق 500 نوع كل نوع يختلف عن ثاني فيه نوع مكتوب على علبته نسبه البروتين 9% والفات 5% ونوع ثاني نسبه البروتين 6 % والفات 4% كثيره والله مادري ايش اخذ ياليت تقولولي كيف اختار الآنوآع هل لاشفت نسبت البروتين عاليه اشتريه بغض النظر عن نسبه الفات !!ملاحظه فيه نوع با العسل وفيه نوع با لتوت والفراوله ياليت تعطوني رايكم ! ومتى افضل وقت لآكل الشوفان ! وش فوائده
بنسبه للبروتين هل تؤيدوني بطريقه شربي له استخدم الواي بروتين انا اشربه الصباح مع حليل قليل دسم وفي النهار بعد الوجبه بـ 1ساعه بحيلب قلليل الدسم وبعد التمرين بـ ماء بارد وش رايكم ممتازه الطريقه ! واذا كانت ممتازه ياليت تقولوا لي وش فائده الحليب ويا البروتين !! وبنسبه للكازي بروتين هذا اخذه قبل لانام بساعه مع ماء هل توافقوني بماء ولاخلطه ويا حليب قليل دسم للحصول على نتائج قويه !!

ومشكورين
.hamad.
14-01-2011, 09:00 AM
السلام عليكم ..

اخوي الشوفان واحد مافي نكهات وانت يمكن اللي لقيته نكهات هو حبوب النخالة ..

ومن كلامك عن الشوفان اتحسس الواحد انه الشوفان ممكن يسوي سحر فالجسم .. اخوي تره الشوفان عبارة عن حبوب الياف واذا ماخذتها عادي ممكن تاخذ مكانها رز او توست .. والشوفان هو بس من باب التغير فالاكل لا اكثر ولا اقل .
abu kinan
14-01-2011, 03:46 PM
اضيف على كلام الأخ حمد انك يفضل ماتاخذه بعد التمرين لأنه يعطي طاقه وفيه كارب مرتفع يعني يفضل قبل التمرين وانا اخوك وفعلا هو ليس اساسي اذا كنت ماخذ حاجتك اليومية من الكاربوهيدرات من الرز او المكرونة او الخبز
Heartbeat
14-01-2011, 06:11 PM
وعليكم السلام

أخوي مثل ماذكرو لك الشباب
الشوفان ممتاز ولكنه ليس الوحيد
على العموم
في موضوع يتكلم عن
واي بروتين الشوفان لايحتاج تحضير
مجرد سكوب قبل التمرين

حصرياً [ واي بروتين الشوفان ] (http://www.montada.com/showthread.php?t=694501)
RS4EVER
14-01-2011, 07:38 PM
الشوفان متوفر بعدة نكهات ومشهور باسم oatmeal وهو من وجبات الافطار الشائعة مثله مثل كورن فليكس
موجود ايضاً النوع العادي المعروف عندنا بدون نكهات وهذا تقدر تضيف له اي نكهة تفضلها

شخصياً استخدم النوعين اللي بنكهات والعادي، كلها ممتازة ولذيذة، طبعاً كل مره اغير في طريقة التحضير وافضل نكهة للشوفان هي تحضيرها بهالطريقة :
- 3-4 ملاعق شوفان بدون نكهة (او حسب الكمية المطلوبة)
- ملعقة زبدة الفول السوداني قليلة الدهن
- ملعقة عسل
- ملعقة صغيرة قرفة
- نصف كوب حليب منزوع او قليل الدسم
- شرائح موزه صغيرة او حبات زبيب (تضيفها بعد ما تطلع من الميكرويف)

تخلط المكونات وتحطها في الميكرويف لمدة 60-80 ثانية واستمتع بالذ طبق صحي قبل التمرين بساعتين

واي بروتين : الصباح سكوب مع حليب - بعد التمرين مع الماء - قبل النوم مع الحليب
كازين بروتين : الصباح مع حليب - قبل النوم مع حليب
طبعاً لأفضل نتيجة اكتفي بالكازين الصباح وقبل النوم . واستخدم واي بروتين بعد التمرين مباشرة مع الماء