المساعد الشخصي الرقمي

مشاهدة النسخة كاملة : كمال الاجسام إستفسار بخصوص امينو 2222 والكرياتين


صامبو و شابون
21-01-2011, 02:35 AM
بسم الله الرحمن الرحيم

السلام عليكم ورحمة الله وبركاته

أحلى تحية لجميع أعضاء هذا المنتدى الرائع

حبيت أستفسر عن طريقة إستخدام الــ amino 2222 superior

والـــ micronized creatine powder

للعلم انا مو أول مرة العب حديد يعني لعبت على فترات متقطعة بس بدأت من جديد يعني من الصفر

في النادي الكل له وجهة نظر واحد يقول الامينو 9 حبات في اليوم والثاني يقول 12 والثالث يقول لا 6

وبالنسبة للكرياتين اللي يقول ملعقة شاي قبل التمرين وملعقة بعد وانتو ايش رايكم ياغاليين ؟

حيروني وانا بصراحة أثق في خبرات الشباب اللي هنا في المنتدى اكثر من اللي في النادي

والنادي اللي انا فيه طبعا مع فائق احترامي المدرب حدث ولا حرج :boggled:

اعذروني على الإطالة هذي اول مشاركة لي

موفقين جميعا يا أحلى أعضاء :biggthump

الطول 180 الوزن 75 العمر 25
Leaner
21-01-2011, 08:44 AM
وعليكم السلام

اخوي مكملاتك بس أمينو 2222 وكرياتيين ؟

وبالنسبة للأمينو 2222 كلهم يحتوون ع مشتقات الخنزير ماعدا التابلتز فأنصحك بالابتعاد من الي عندك

والكرياتيين:

فترة التحميل لمدة 4-5 أيام:
ملعقة شاي في الصباح + الظهيرة + بعد التمرين + قبل النوم

فترة الثبات في الاستخدام:
ملعقة شاي بعد التمرين فقط

أهم نقطة انك تكثر من شرب الماء لتجنب الأعراض الجانبية والحصول ع نتائج ايجابية من الكرياتيين

وحاول انك تحدد هدفك وتقولنا شنو مكملاتك الكاملة

موفق ان شالله
france for ever
22-01-2011, 06:51 PM
اخي لينر ما شاء الله عليه ما قصر

و لكنك اخي الكريم مشتري المكملات الثانوية و اهملت المكملات الاساسية ؟؟؟!!!!!!!!

اول مكمل لازم تفكر فيه هو البروتين و من ثم المولتي فيتامين و بعدها ممكن اضافة احماض امينية و كرياتين

بالتوفيق
صامبو و شابون
23-01-2011, 06:31 AM
الف شكر لك على ردك اخ leaner


بالنسبة للمكملات انا ما احب اضخم زيادة ولا اقدر اصلا عشان كذا سألت المدرب وش الافضل لي



هو اللي نصحني بالامينو كأحماض مساعدة والكرياتيين يعطي باور طاقة في التمرين والامينو اللي عندي كبسولات

شكرا ع مرورك اخ france for ever

زي ماقلت انا مااضخم زيادة عشان كذا اخذت الامينو والكرياتيين على اساس كلامه

يعني وش تنصحوني مااستخدمهم اوقفهم يعني ولا عادي مامنها ضرر ؟

وتحياتي للجميع
Heartbeat
23-01-2011, 08:46 AM
لا مانع أخي من أن تستعمل فقط منتج باور وامينو
لكن ايضا مالمانع بأن تاخذ ايضا فيتامينات وبروتين زيرو فات الا اذا كانت الماديه محدوده
هنا خذ ماتحتاج فقط او ماتظن انك تحتاجه فقط :)
ولكن الاخ لينر ذكر لك ان الكبسولات تحتوي على مشتقات الخنزير الحبوب افضل
صامبو و شابون
07-02-2011, 02:59 AM
الف شكر لك sportsman على ردك يا غالي

انا بدلت الامينو 2222 اخذت امينو 2222 تابلز وان شاء الله مافيه مشتقات خنزير الله يكرمكم

و صارت مكملاتي كالتالي اليت وي بروتين + امينو 2222 + كرياتين

وماعليكم أمر حبيت اخذ طريقة استخدامهم الصحيحة

البروتين مرتين قبل الفطور وبعد التمرين ولا 3 مرات ؟

الامينو عرفت من ردودكم 12 حبة يوميا 4 قبل التمرين و 4 بعد وال4 مدري متى ؟

وكم الفترة بين البروتين والامينو ولا ويا بعض عادي ؟

والكرياتين بعد التحميل ملعقة شاهي بعد التمرين بس

وايام الراحه نفس الاستخدام والكميات للبروتين والامينو والكرياتين؟ ولا تختلف؟

الطول 180 الوزن 75 العمر 25 نسبة الدهون اخر مرة قستها كانت 17% هدفي تضخيم بسيط يعني عضل صافي على قولتكم الجسم الفرنسي

وآسف جدا على الاطاله اعذروني اخواني والله يعلم اني اعز كل الاعضاء اللي هنا واخذ بكلامهم واثق فيه

وانا عارف كثير مبتدئين عندهم نفس الاستفسارات و بنستفيد كلنا ان شاء الله ولكم دعوة من القلب ان شاء الله
صامبو و شابون
08-02-2011, 01:17 AM
مافيه أحد رد علي وش السالفه؟:28:
يلا اكيد ماحد انتبه مو مشكلة يالغاليين اعذركم ومسامحكم بعد < احلف:boggled:
المهم انا نويت ابدأ فيهم ان شاء الله كالتالي
البروتين مع كوب حليب خال من الدسم عالريق قبل الفطور بنص ساعه او 40 دقيقة
وبعد التمرين مع ماء فقط وقبل النوم مع كوب حليب خال الدسم صارو 3 مرات
والامينو 4 حبات بعد الغدا 4 قبل التمرين بنص ساعه ويا البروتين و4 بعد التمرين مباشرة يعني صارو 12
الكرياتيين فترة تحميل وبعدها مره وحده بعد التمرين ملعقة شاهي
وان شاء الله الطريقة صحيحه ومااجيب العيد:blackeye: