مشكلتي مع الآوزآن وقصه العجـوز الي رفعه اوزآن اعلى مني وجالسه تطنـز علي !!

[عبد الله 11]

السلام عليكم ورحمه الله وبركاته .

استفساري بختصار شديد عشان ماطول عليكم ياكباتنه مشكلتي تتعلق با الآوزآن !!!!

تخيلوا ياشباب اليوم في نادي بنات وربي بنات يشيلون اوزان اثقل مني في البار المستوي !! اقسم بايات الله شوي وابكي وياليتهم بنات لا عجزكبار في السن ويشيلون اوزان اثقل مني صحيح اني توني مبتدىء وهذا ثاني اسبوع لي في الجيم ولكني قد مارست الحديد قبل 7 شهور ونقطعت عنه لكن حتى يوم كنت امارس الحديد في سابق كانت اوزاني خفيفه ماكنت اقدر اشيل اوزان ثقيله وهذا سبب الي ماخلاني استفيد من الجيم اليوم في الجيم كل شباب الي جنبي وربي يشيلوون دبل دبل دبل دبل دبل اوزااني وانا اطول واحد فيهم واعرض واحد فيهم ولا قدرت اشيل عشره كيلوو !!! !!!!!
تتوقعون وش المشكله وربي تحطمت يوم شفت العجوز الإيرلنديه ترفع اوزان في البارس المستوي اعلى مني بكثير وانا 10 كيلو ماقدرت ارفعها ويوم شافتني حاط في البار اربعه كيلو على كل جه ولا قدرت اشيلها قآلت لي هل انت رجل !! !! والله حطمتني آه بسسس

مع العلم بأني املك منتجات بور وبروتينات بسس ماكلتها للحين ابي اعتمد على نفسي اول شهر بعدين من ثاني شهر ابي استخدم المكملات لكن ابي حل لمشكتي هل هي طبيعيه ولا لآ طبعاً وزني 86 طولي 184 وهل تنصحوني بستخدم منتجات الباوور ولآ تنصحوني اعتمد عى نفسي اول كم شهر لإني وبكل آمنه اليوم حآولت ازود آوزآن ماقدرت لدرجه انه البار شــوي ويطيح علىى صدري ويكسر ضلوعي المشكله الوزن ماهو عالي مره وزن عادي نفس وزن العجوز ماقدرت اشيله انقهرت المشكله انا طوويل وعريض والي يشووفوني يقول مشاء الله لكني اعرف نفسي مافيني قوه والله اتوقع مشكلتي في العصب عصبي مو قوي !! كيف اقدر اقوي العصب هل هي بالفيتامينات ياليت تنصحوني وتوجهوني ارجوووكم لإني يوم حاولت ارفع اوان ثقيله حسيت بالعضله تشند بس المشكله ماقدرت ارفع اوزان :cray: بنات وربي يرفعون اوزان اكثر مني علموني كيف اقدر ارفع الاوزن ماقدر يدي ترتجف احسها بنكسر ماقدر اثبت الوزن لكن الشباب الي بنفس عمري واصغر تلقاهم يرفعون دبل دبل دبل اوزاني زي السلام عليكم
ملآحظه ** قبل التمرين دائماً اكل تمر واكل كربوهيدرات وفواكه وكلي كلها بروتينات سمك وصدور دجاج وشوفان وحليب وتونه لكني ماحس اني اقدر ارفع اوزان !!
ارجوكم ردوا ولا تنسون توجهوني الله يعطكم العافيه !!

[odi man]

يا صديقي الغالي عبدالله يفضل انك تستخدم بروتين الشهر الأول والشهر الثاني تبدأ في مكملات الباور + بروتينات هذا رأي أنا
وبالنسبه للأوزان لا تستعجل يالغالي أنا كنت بالقوه أشيل 5 كيلو على اليد الوحده والحين ولله الحمد 13 كيلو أشيلها بالراحه
هذي اللعبه يبغالها صبر وطولة بال بالنسبه لبقية إستفساراتك رح ننتظر أهل العلم أفضل

[demonic teen]

حبيبي لاتستعجل كل شئ مع الوقت راح يتحسن بشكل ملحوظ
+

قآلت لي هل انت رجل
كان سويت نظره خاطفه لما تحت الحزام حتى تتأكد وتزيد ثقتك بنفسك >>> مجرب وبعنف

طيب ياخي قلها هل أنتي مرأه ماخبري نسوان يرفعون حديد ؟؟

وأخي الكريم نصيحه مني خذها معك كل مارحت للجيم
( لايكون أكبر همك من تمرينك هو لفت الإنتباه بهذه الحال سوف تتحول من ممارس للرياضه أو ممارس للهوايه
إلى مهووس مثل العجوز الشمطاء ذي إلي تكلمت عنها >>> أخ تحمس )
وتذكر أي شئ تبالغ في إستعماله أو تزيد في إستعماله في يوم من الأيام سوف ينقلب عليك

لاتستعجل على شئ الحياة قدامك وتوكل على الله و حاول تدعي في صلاتك وتقرى المعوذات وبإذن الله
راح تلاحظ التغيرات

[عمر 1]

اصبر وبعد فتره رح تصير تشيل العجوز نفسها

[ولد العبداللطيف]

انتظم بالتمارين + تغذية + تنظيم الوقت والنوم .. وبعدين انت داخل كمال اجسام مو رفع اثقال يعني لو تمرينك على 10 كيلو بتركيز راح تلقا نتائج بجسمك وقوت تحمله

[عبد الله 11]

الله يعطيكم العافيه ياشباب وماقصرتوا ..


طيب ياشباب انتوا نسيتووا تعطوني الحل ابي الحل ابي ارفع اوزآني هذا الآهم بنسبه لي ابي طرقكم وتجاربكم وكيف اقدر ارفع اوزني للأعلى مع العلم بأني احياناً لما ارفع وزن ثقيل ماقدر اكمل3 4 5 عدات هل استمر ولآ لآزم تكون العدات 10 عدآت في كل جلسه .. وشكر اً لكم

[ولد العبداللطيف]

اخوي مدامك قاطع ولك من رجعتك اسبوعين اشوف انها قليله خذ شهر كامل تغذيه وتمرين بنتظام وبنفس الموعد وبعدها اسخدم مكمالات لا تستعجل وبالنسبه للتكرار لازم تنقص في كل جلسه للضخامه

10
8
6
مع الزيادة بالاوزان في كل جلسة .. الي تقدر عليه

وفي الجلسة الاخيره خربها بوزن وخل احد يساعدك لو 4 او 3 بس علشان تعود نفسك ...

[babelll]

هل تنام 8 ساعات متواصله ليلا ؟؟
هل تمارس العاده السريه ؟؟
هل لديك ضغوط نفسيه اثناء العمل او الدراسه ؟؟

[amma271]

أخوي ريح عمرك من الوسوسة و التحطيم اللي أنت عايشه و رح افحص على نفسك

شوف يمكن عندك مشكلة بسيطة في العصب و حلها في فيتامين ب و غيره من الأدوية

توكل على الله سبحانه و افحص صدقني بتحصل المشكلة بسيطه و ممكن يكون عندك خلل في وجبة قبل التمرين أو حاجة ثانية

[Romaweee]

الصراحة استغرب من بعض الأشخاص !
يعني صارلك اسبوعين وتبي تشيل أوزان ؟! كيف تجي هذي
انت زين منك قاعد تشيل 5 كيلو
انا اول اسبوعين لي كنت العب بار فاضي ومن غير اوزان
السالفه مو حركة سرية أو وصفه سحربة تبي الناس يعلمونك عليها
كل ما في ما الأمر هو الاستمرار في التمرين الجاد واعطي نفسك شوية وقت

وهالعجوز هذي هل تعتقد إنه صارلها اسبوعين تتمرن ؟

[ولد العبداللطيف]

الصراحة استغرب من بعض الأشخاص !
يعني صارلك اسبوعين وتبي تشيل أوزان ؟! كيف تجي هذي
انت زين منك قاعد تشيل 5 كيلو
انا اول اسبوعين لي كنت العب بار فاضي ومن غير اوزان
السالفه مو حركة سرية أو وصفه سحربة تبي الناس يعلمونك عليها
كل ما في ما الأمر هو الاستمرار في التمرين الجاد واعطي نفسك شوية وقت

وهالعجوز هذي هل تعتقد إنه صارلها اسبوعين تتمرن ؟
:biggthump

[بارجيم]

كما ذكر الاخوان انت توك ماصاار لك اسبوعين

طبيعي وضعك
واصبر

[fares allil]

و عليكم السلام و رحمة الله و بركاتة

يا عزيزي المشكلة هي لا في جسمك ولا في الأوزان و لا في العجوز
المشكلة انك مستعجل..!!

يا حبيبي انا أول ما دخلت الجيم...أخف بار عندهم..ما اقدر اشيلة..!!
أخف دمبل عندهم..ما أقدر أشيلة..
المدربين كانو متوهقين معي..

لكن بعد سنة من التمرين..البار اللي ما كنت اقدر اشيلة..الحين أشيل أثقل منة ثلاث مرات x3..^_^

و اذكر مرة..قاعد أشوف واحد يتمرن باسيبس بدمبل وزنة 30..قاعد أطالعة و انا منصدم..
لأن الـ 30 هذي انا اتمرن فيها أخر جلسة للصدر..وهو قاعد يلعب فيها باي..

وبعد مضي 10 من هذا الموقف..بديت ألعب هذي الـ 30 بايسيبس..^_^

أهم شي بس لا تستعجل..و شد حيلك..و راح تلاحظ في كل شهر يمر عليك..ان الوزن اللي متعود تشيلة..صار أخف من وزنة المعتاد..و بكذا تقدر تجرب وزن أثقل منة..

[wahajttt]

اخوي وضعك عادي جداً
اغلب اللاعبين في البداية يشيلوا نفس اوزانك وانا منهم
ممكن لان انت جسمك طويل وعريض يفكروك تتمرن من فترة وتشيل هذه الاوزان
لكن لو عرفوا ان لك اسبوعين ما راح يتكلموا معك
انت شد حيلك وبعد 3 او 4 شهور راح تلاحظ ان الاوزان صارت 3 اضعاف

[القرشي 1414]

هلا بك
ذكرتني باول ايام التمرين طاح على البار الكبير 28 كيلو 10 كيلو من الطرفين كسر صدري كله من الغيره ابي انافس اللعيبه وانحرجت من الناس واللعيبه والمدربين
هالحين ومع مرور الزمن صرت اشيل 35 كيلو للطرفين بدون مساعده والعشره للتحميه ولمن اتذكر الموقف اللي ماراح انساه وحاس اني تفشلت من الناس ومن المدربين عرفت وش معنى التركيز وعدم الاهتمام بتالوزن

نصيحتي لك اخوي من واقع التجربه
لاتشيل هم الاوزان ولوكان الوزن كيلو واحد اهم شي الاداء الصحيح والتركيز في التمرين
راح تلاحظ زياده في الاوزان في فتره لاتتعدى الشهرين خصوصا في بدايه التمارين ولا تستعجل كما هو واضح عليك
هذا مالدي من واقع تجربتي شخصيا واتمنى اني افدتك

[S.Y.M]

انا اشوف الوضع عادي ،، انا كنت مثلك بدايه ما رفعت اوزان حره على البار المستوي ،، في اول مره كنت اتدرب على التوزان بالبار بدون اوزان واتذكر ان كان فيه نوع من الصعوبه ،،

شوي شوي تدرجت لين صرت ارفع اوزان عاليه جداً ،، لا تخاف الوضع طبيعي جداً ،،، وعامل التركيز في اداء التمرين يساعدك على سهوله رفع الوزن ،،