السلام عليكم .. ( قرار اعتزال اللعبة )

[naxxer]

السلام عليكم ..

لقد قررت ان اعتزل لعبة واو و ذلك بسبب ضروف العمل التي اصبحت مكثفة و لن تسمحلي بان استمر في هذه اللعبة الجميله

و قد احببت ان اشكر كل اعضاء هذا القسم على المشوار المثمر الذي قضيته معكم و ارجوا منكم مسامحتي على اي ذمب بدر مني ..

و اعتذر اشد الاعتذار لكل من حاول الاتصال بي في الفتره الماضية ، و بالنسبة للقيلد العربي الذي انا الgm في ساقوم بتسليم القيلد لاحد الاوفسرز و سيقوم هو باذن الله باكمال المشوار

و اتمنى لكم قضاء اوقات ممتعه بهذه العبة و التي مهما كانت تضل مسلية و الاولى بالنسبة لي

اخوكم محمد

[الســـعودي 2007]

أخي محمد عرفتك من خلال المنتدى بصراحة أخ حبوب كريم متعاون .. لك مني أجمل وأرق تحياتي ..

بصراحة أحزنني قرارك بترك اللعبة والعالم الذي للان ونحن نعيش فيه بحب وأنس ..

لكن طالما هي أسباب معيشة ولقمة عيش فيامحمد الله يوفقك ويرزقك كل خير يارب ..


راح نفتقدك .. بجد ..

[ميكافلي]

الله يوفقك ونتمنى لك كل خير ،،، بس وانا اخوك مو معناته انه تركت اللعبه يعني بتترك المنتدى

اللعبه شي والناس اللي هنا شي ثاني طال عمرك

والصدق ينقال اننا استفدنا منك الشي الكثير ،،، ومانذكرك الا بكل خير

[Cry Me A River]

0
قرار ممتاز وسليم ياحبوب
انت الكل ماحد يذكرك الا بكل خير
انسان محترم وقدير ومتعاون مع الكل
اتمنى لك من كل قلبي التوفيق في حياتك كامله والعملية خاصه
اتمنى انك ماتقطع وناخوك
ارق
امنياتي

اخوك
سالم العتيبي
0

[arlund]

يا اخوي لو انا مكانك قبل لا اترك اللعبة اسوي عدة اشياء <<<<<<<<<< فاضي ما عنده شغل
1- اروح على nagrand اسوي كم quest واخذ لفتين كذا بعدين امشى على sunwell اسوي كم daily هناك وادخل magisters terrace ولو احصل بق رايحين bt او tk او sunwell اروح معهم
2- اروح howling fjord بعدين امشي الى grzzly hills (لازم بالـ ground mount ) بعدين اطيرالى Dalaran بعدين على storm peaks اسوي كم daily هناك واذا قدرت ادخل halls of lightning و trial of champion اروح لهم ليه لا
3- اروح icc اخلص gunship و اطلع ولو احصل جروب رايحين على ulduar اروح معهم ما تدري يمكن يخلصون agalon
لو تسوي اللي قلتلك عليه صدقني تعيد التفكير في قرارك ..... معليه اخوي لا تلومني انا طفشان وما عندي شي وجالس انتظر باتل قراوند
الصراحة خسارة للمنتدى لو واحد مثلك راح يمشى
بس دام الدعوة فيها شغل فالله يوفقك

[بكاء تحت المطر]

السلام عليكم يا شعب واو المكرم

بصراحه ما ادري ايش اقول .. بس كل اللي اعتزلو اللعبه واتخذو القرار .. بعد فترة مو شرط قريبه ... ثلاث او اربع شهور يرجعون .. لان اللعبه ادمان

عموماً الله يوفقك في حياتك واتمنى لك التوفيق ...

خالص احترامي وتقديري لك

[SR388]

السلام عليكم يا شعب واو المكرم

بصراحه ما ادري ايش اقول .. بس كل اللي اعتزلو اللعبه واتخذو القرار .. بعد فترة مو شرط قريبه ... ثلاث او اربع شهور يرجعون .. لان اللعبه ادمان

عموماً الله يوفقك في حياتك واتمنى لك التوفيق ...

خالص احترامي وتقديري لك

هذا يمكن الشهر الثاني من بداية تركي للعبة، أتمنى أني أستمر : )

خصوصاً أني بديت اللعبة من عهد LK وتركت اللعبة قبل الـcata بيوم
وعموماً حصلت أهم الي أبغاها وأهم شي أني جبت لقب thekingslayer يعني كأني أنهيت اللعبة : )

[xXAssassinXx]

ليش ماخذين اللعبة على انها ادمان ومشكلة ولازم حل و و و....

لو الواحد ينظم الوقت اللي يلعب فيه ماراح تصير عنده مشاكل

وبالنسبة لك يا naxxer الحياة ما تقارن باللعبة اكيد ... يعني ما يصلح تترك شغلك عشانها.. مع تمني لك البتوفيق....

مع تحياتي للجميع

[Yoshi]

والله بدون مجامله ,, صراحه استفدت منك كثير . كل مواضيعك مفيده والحق ينقال وكلامك وردك للأعضاء محترم وكبير وان دل .. دل على أخلاقك الطيبه اتمنى لك التوفيق اخوي في حياتك
وزي ماقالو الشباب مو شرط انك تلعب يوميا .. انا عن نفسي 5-4 ساعات في اليوم بس .. وعادي جايب قير ممتاز بس طبعا اكيد pvp
جرب انت رح pvp وخل الريدز فتره .. وشف

الله يسهل عليك ويفتح لك باب رزقه

سلام

[Karazhan]

السلام عليكم

انا بصراحه مااعرف ناكسر ولكن قراره سليم بترك اللعبه لأنها لعبه مامنها فايده و اذا ادمنت عليها قبل ماتغسل وجهك تشغل الكمبيوتر و تروح تغسل وجهك وتجابل من 6 الصبح لي الغدا وساعات حتى الشارع ماتشوفه بس قاعد ومجابل , اللعبه ماتخلص وكل يوم شي جديد يخليك تقعد اكثر , ولكن اذا عندك قوه الاراده اللي تخليك تترك اللعبه وتترك 6 شخصيات لفل 85 و 100 الف جولد على سبيل المثال فهذا انجاز كبير , ولكن في ناس يقولون مستحيل اتركها وانا عندي 5 شخصيات لفل 85 وعندي جولد فوق ال500 الف

قرارك سليم صدقني و هذي مجرد لعبه وانت ماادمنت عليها الا لأن ماعندك شي تسويه بحياتك الطبيعيه , ولكن دام الحين تتركها لأسباب تتعلق بالعمل انا اتمنى ان العمل يلهيك عن اللعبه وتنساها ولا تفكر ترجع , وتشوف عاد مصلحتك بره اللعبه , انجر في حياتك الحقيقيه كما انجزت داخل اللعبه , صرت جيلد ماستر باللعبه صير مدير بعملك , حقق احلامك اللي حلمتها في بدايه عمرك ولا تاخذك اللعبه

عموما اتمنى انك ماتدخل اللعبه ولا تشرف عليها , ماسووها اليهود الا عشان يلهون الشباب داخل بيوتهم و اهم ياكلونا بره

اما المشاركات بالمنتدى فأنا شايف ان الشباب يقولون انهم استفادوا منك , وهذا شي طيب اذا كان في شخص واحد بس يستفيد منك مو شرط الناس كلها , يعني مر علينا بالمنتدى بين فتره وفتره
اما اللعبه انساها صدقني ترتاح , اخر مره متى رحت تقشع فقع ؟ قبل 10 سنين صح , شفت شلون اللعبه حتى تروح تقشع فقع مو مخليتك , عموما موفق لما فيه الخير لك و لأهلك وتكون عون لهم و ذخر مو بس مجابل الكمبيوتر

واخر دعوانا ان الحمدلله رب العالمين

[Yoshi]

, اخر مره متى رحت تقشع فقع ؟ قبل 10 سنين صح

مدري شدخل السؤال هذا في الموضوع :ds016:


على راسي والله ناكسر ..

[thba7]

الله يوفقك انشالله وانا من الناس الي استفد منك ومن مواضيعك وتمنا ماتقاطعنا

بعدين ماظن اعتزال نهائي لعبه اكيد عندك يوم اجازه او يوم فاضي وشابك على الأنترنت ؟ تبي تعتـزل الـــنت كله ماظن

يعني نقول ساعه Bg ماتـضر انا اللعب صارلي ثلاث سنيـن تقريبـا ما أحس انه اللعبه ادمان بشكل خرافي عادي
!؟! بالأخير اهي مو مخدرات اقدر اشببهـا بالمسنجر
ساعه ساعتيـن عقبها اسكره وروح اشوف شغلي اله اذا في شباب اربعه عشرين ساعه
اتوقع المشـكله بالشباب نفسـهم مو باللعبــه =)

[Karazhan]

لأن اللعبه تاخذك من كل شي

يمر وقت الفقع ويروح ويمر وقت المقناص ويروح ويمر وقت السفر ويروح ويمر كل شي ويروح وانا طايحله تفريم بالمايننق

يتصلون عليك اصحابك , الو فلان تروح معانا مخيم و دلال ورجال , ترد عليهم وتقول لا والله خاوتكم العافيه انا ناطر الجيلد بنروح ليج كنغ الحين , يرد عليك صاحبك ويقول الحمدلله والشكر انت لما الحين لعبه , تقوله بعد شسوي ماودي يروح علي اليج كنغ


هذا المقصد , ان اللعبه تخلي الشخص يجابل ويجابل ويجابل ويجابل لين يطفش ويقطع يومين بعدين يشتاق ويرجع

ماكو حل الا انك تدخل السجن 25 سنه عشان تنساها مره وحده واذا طلعت من السجن تلحق على عمرك وتسوي اللي ماسويته بال25 سنه سجن

[ab20005]

اخوي ناكسر الله يوفقك بحياتك .. ماشفنا منك الا كل خير وسامحنا اذا طلع منا قصور ولا غلط

وبالنسبة للعبة انا هم تركتها بعد لعب 4 سنين بالضبط من بدا الكاتا ولفلت 3 شخصيات ل 85 بس حسيت بالملل

والحمدلله الحين مرتاح وردت حياتي طبيعية اتواصل مع الاهل والشباب وطلعات ووناسة

فرقا هاللعبة عيد