كيف تحصلين على اطلالة الno-make up *_^

[Razielia]

بالنسبة لي هذا احسن انواع المكياج..ويصلح لاي وقت او مناسبة(في رأيي عالأقل)

وخطواته سهله وبسيطة..حتى اللي ماعندها خبرة في المكياج تقدر تسويه بنفسها...

الخطوات:

الوجه:
1) اذا بشرتج خاليه من العيوب بس حطي كريم مرطب واخلطي معاه نقطتين من كريم الاساس السائل..بيعطيج اشراقه حلوة وبدون مايغطي على بشرتج على شان يبين جمالها الطبيعي..
واذا كان عندج شوائب في البشرة حطي كريم اساس سائل ووزعيه على الوجه بالاصابع بعدين حطي شوية لووس باودر للتثبيت...
2) للخدود حطي بلاشر كريمي لانه يتوزع بشكل طبيعي..
العيون:
1) ارسمي الحواجب بفرشاة خاصة برسم الحواجب ولاتستخدمين القلم لانه ماراح يعطيج اطلاله طبيعيه..بعدين حطي طبقه وحدة من الماسكرا ومرري مشط الرموش على الرموش عشان تتخلصين من الماسكارا الزايدة..
و لاتحطين آي لاينر...بس اذا مصره تحطين آي لاينر..لاتحطين لون اسود ..اختاري البني الغامق وارسمي خط رفيع وبعدين مرري عليه فرشاة الآي شدو عشان تموهين الخط ويبين شكله طبيعي...

الشفايف:
بس حطي ليب غلوس..طبعاً لازم تختارين الوان طبيعيه...

وبهالخطوات تكونين حصلتي على ال no-make up لوك *_*

ملاحظه:
عندي لكم سر صغير...تقدرين تحولينه لمكياج مناسبه كبيرة في خطوتين بس..(تجربتي الخاصة)
1) المسكارا خليها طبقتين..حطي الطبقة الاولى وبعد ماتجف حطي الثانية..
2) حطي روج احمر لانه االلون الاحمر يعطي انطباع انج حاطة مكياج قوي حتى لو ماكنتي حاطة شي..


وشوفي النتيجة :)

[Razielia]

35 وحده قرت الموضوع ..ولا رد حتى الان ...صج ماعندكم احساس :(

[misty hestory]

السلام عليكم أختي ^^
يعطيك العافيه موضوع مفيد صراحه :o
يعجبني ستايل الميك أب الي كذا ... نفس اللي يجيون في المسلسلات الاجنبية ..بسيط وناعم ^^
اممم انا بشرتي مافيها شوائب و الحمدلله لكن اخطيت بأني أحط كريم اساس وبودره !!!
عموما أنا مااحطه الا في المناسبات .. اما اليومي أحط واقي من الشمس بس و شويه بلاشر ....يبيلي أجرب الكريمي أحسه أحسن في النهار !!!
واذا على الكحل أنا أرسمه خط رفيع على العين من برى بس وتوني قبل شوي جربت طريقتك بالفرشاة ... فعلا صار شكله طبيعي :o

بس عندي سؤال : أيش هي لووس باودر ؟؟ ممكن تعطيني اسم ماركه معينة ؟؟
اه وحاجه ثانية .. أذا عندك فكرة عن طريقة لخافي العيوب للسواد تحت العين ؟؟ مسبب لي ازمه جربت اكثر من نوع و ما ينفع معي !!! وفيه ناس تقول اخلطيه مع كريم الاساس :ponder:

أختي لا تزعلي اذا محد رد .. لأنه غالب المشاهدات زوار ..بالعكس المفروض تفرحي ان كثير شاهد الموضوع لكن محد قدر يرد على افكارك ^^ <<< تحاول ترفع المعنويات :biggthump

ومشكور مره ثانيه ^^ و لا تحرمينا من نصايحك ;)

[نعومة الأحساس]

اشكرك أختي على الموضوع
أن شاء الله بطبق الي قلتي
ومثل ماقالت لك الأخت لا تزعلين اذا محد رد على موضوعك
موفقه

[Razielia]

السلام عليكم أختي ^^
يعطيك العافيه موضوع مفيد صراحه :o
يعجبني ستايل الميك أب الي كذا ... نفس اللي يجيون في المسلسلات الاجنبية ..بسيط وناعم ^^
اممم انا بشرتي مافيها شوائب و الحمدلله لكن اخطيت بأني أحط كريم اساس وبودره !!!
عموما أنا مااحطه الا في المناسبات .. اما اليومي أحط واقي من الشمس بس و شويه بلاشر ....يبيلي أجرب الكريمي أحسه أحسن في النهار !!!
واذا على الكحل أنا أرسمه خط رفيع على العين من برى بس وتوني قبل شوي جربت طريقتك بالفرشاة ... فعلا صار شكله طبيعي :o

بس عندي سؤال : أيش هي لووس باودر ؟؟ ممكن تعطيني اسم ماركه معينة ؟؟
اه وحاجه ثانية .. أذا عندك فكرة عن طريقة لخافي العيوب للسواد تحت العين ؟؟ مسبب لي ازمه جربت اكثر من نوع و ما ينفع معي !!! وفيه ناس تقول اخلطيه مع كريم الاساس :ponder:

أختي لا تزعلي اذا محد رد .. لأنه غالب المشاهدات زوار ..بالعكس المفروض تفرحي ان كثير شاهد الموضوع لكن محد قدر يرد على افكارك ^^ <<< تحاول ترفع المعنويات :biggthump

ومشكور مره ثانيه ^^ و لا تحرمينا من نصايحك ;)

شكراً حبيبتي على الرد ..بس انا كنت خايفه الموضوع ماعجبكم عشان جذي محد رد..
واللوس باودر يكون شكله جذي
http://http://3.bp.*************/_N2EqacvZmZU/SfryA7mvvEI/AAAAAAAAAbE/M5VCTCovSBc/s400/P12662_hero.jpg
هذي من ميك اب فور ايفر
عندج وايد ماركات غيرها مثل ..ماكس فاكتور..ماك..وفايدته انه يثبت كريم الاساس ..


والكونسيلر انا ماستخدمه ابداً ..بس هو ماينخلط مع الاساس..الطريقه الصحيحة انج تحطينه بطريقة التربيت (قبل او بعد الاساس مومشكله)يعني تحطينه وتوزعينه بضربات خفيفه وسريعه..
وبالنسبه للهالات..جربي تعالجين المشكله من الجذور..لاتسهرين..واكلي فواكه وسلطات ..وكثري من شرب الماي..
واذا كان سببها ضعف في الدورة الدمويه..الحل انج تنسدحين وترفعين ريولج فوق عشان تنشطين الدوره الدمويه عندج..

واتمنى اكون ساعدتج *_^

[Razielia]

اشكرك أختي على الموضوع
أن شاء الله بطبق الي قلتي
ومثل ماقالت لك الأخت لا تزعلين اذا محد رد على موضوعك
موفقه


تسلمين حبيبتي...
نورتي الموضوع*_^

[misty hestory]

أهلن أختي ^^
الصورة مو طالعه .. لكن مو مشكلة سألت أختي عنه .. وقالت لي أن البودرة اللي شرتها لي ذاك اليوم أسمها اللوس باودر <<<< غباء زي كذا :09: لكن معليش أنا ضعت مع الأسم كل بالي شي جديد ^^"
و ايه اللي عندي من ماكس فاكتور ...

الكونسيلر ابدا ما عجبني .. ثقيل و متعب توزيعه على البشرة و بسرعة يجف !!!!

أما الهالات ...لا هي مو غامقه حيل لكن تقهرني لما أحط كريم الاساس يبين أن فيه أثر للهالات ..

والله اأنك صادقه أنا معك أني أحل المشكلة من أساسها لكن مشكلتي أني لازم أسهر خصوصا مع الدراسة والامتحانات !!
... و التمرين اللي قلتي عليه أنه أرفع رجولي هذا كل يوم أسويه مع التمارين الصبح ^^ يعني الحمد لله أخيرا فيه شي أسويه و ينفع XD

و مشكووووورة حياتي ^^ تعبتك معي ^^
أن شاء الله نشوف لك مواضيع ثانية ; )

[Razielia]

أهلن أختي ^^
الصورة مو طالعه .. لكن مو مشكلة سألت أختي عنه .. وقالت لي أن البودرة اللي شرتها لي ذاك اليوم أسمها اللوس باودر <<<< غباء زي كذا :09: لكن معليش أنا ضعت مع الأسم كل بالي شي جديد ^^"
و ايه اللي عندي من ماكس فاكتور ...

الكونسيلر ابدا ما عجبني .. ثقيل و متعب توزيعه على البشرة و بسرعة يجف !!!!

أما الهالات ...لا هي مو غامقه حيل لكن تقهرني لما أحط كريم الاساس يبين أن فيه أثر للهالات ..

والله اأنك صادقه أنا معك أني أحل المشكلة من أساسها لكن مشكلتي أني لازم أسهر خصوصا مع الدراسة والامتحانات !!
... و التمرين اللي قلتي عليه أنه أرفع رجولي هذا كل يوم أسويه مع التمارين الصبح ^^ يعني الحمد لله أخيرا فيه شي أسويه و ينفع XD

و مشكووووورة حياتي ^^ تعبتك معي ^^
أن شاء الله نشوف لك مواضيع ثانية ; )


تسلمين حبيبتي..
وبالعكس تعبكم راحة *_^
وعندي لج طريقه ثانيه لتغطية الهالات خذيتها عشانج من صديقتي ..بدون استخدام الكونسيلر..
الطريقة هي انج تغطينها بكريم الاساس نفسه بس يكون اغمق شوي من لون البشرة بعدين تحطين طبقة اساس ثانيه نفس لون البشرة..لأن اللون الغامق يغطي اكثر..
بس موتاخذين لون غامق حيل.. ..خذي لون اغمق بدرجتين بس..
جربي كريم ميبيلين نيويورك ليكويد موس..(هو موس بس سائل) ..ودي احط لج صورته بس موب عارفة شلون <_<

وان شاء الله تكونين استفدتي^_*

[misty hestory]

شكل الطريقة سهلة .. أن شاء الله بأقرب فرصة بجربها ^^

كريم ميبيلين ... مدري بسأل أختي عنه يمكن عندها ... اللي عندي من ماكس فاكتور .. وعندي واحد ثاني من نيفيا وهو اللي أحبه أكثر أحسه أخف !!!
لكن نجرب شي جديد وش ورانا XD

يعطيك العافية حبوبه ^^ ما شاء الله عليك عندك خبرة بهالسوالف ^^ الله يزيدك إن شاء الله ..

[Razielia]

شكل الطريقة سهلة .. أن شاء الله بأقرب فرصة بجربها ^^

كريم ميبيلين ... مدري بسأل أختي عنه يمكن عندها ... اللي عندي من ماكس فاكتور .. وعندي واحد ثاني من نيفيا وهو اللي أحبه أكثر أحسه أخف !!!
لكن نجرب شي جديد وش ورانا XD

يعطيك العافية حبوبه ^^ ما شاء الله عليك عندك خبرة بهالسوالف ^^ الله يزيدك إن شاء الله ..


حبيبتي مو شرط ميبيلين تقدرين تستعملين اي كريم تحبينه...انا احب ماكس فاكتور....بس هي مدحت لي ميبيلين ..اتوقع انه احسن لان الموس بيعطيج تغطيه اكثر...

تحياتي *_^

[نعومة الأحساس]

الحمدالله أنه في احد رد على الموضوع
لانه بصراحه يستاهل
تحياتي

[Razielia]

الحمدالله أنه في احد رد على الموضوع
لانه بصراحه يستاهل
تحياتي


تسلمين ياقلبي *_^

[نعومة الأحساس]

الله يسلمك حياتي

[shjoonal3in]

موضوع جميل و الأجمل حضور صاحبة الموضوع ، إن شاء الله نشوف لك مواضيع أكثر وما عليك من عدد الردود أنا متأكدة إن اللي استفادوا وايدين (:
يعطيكم العافية ...

[Razielia]

تسلمين ياعمري..
نورتي الموضوع بحضورج ^_^

[.:Passion:.]

تسلمين على الموضوع
ان شاء الله رح اطبق الي قلتي
الله يعطيك العافيه على المجهود
عجبني الموضوع
تقبلي مروري

[Razielia]

تسلمين على الموضوع
ان شاء الله رح اطبق الي قلتي
الله يعطيك العافيه على المجهود
عجبني الموضوع
تقبلي مروري

شكراً حبيبتي عالمرور*_^

[Arashi]

ما قلتي لي انج خبيرة مكياج كنت خليتج تعطيني دروس ايام الجامعه >_<

انا احب هالنوع مكياج وحتى في الاعراس ما احط اكثر من جذي لأني ما احب الثقيل + بشرتي حساسه خخخخخ

تقدرين تقترحين احسن مجموعه من كريمات الاساس والبودره والجلوسات؟
خاصة الجلوسات اللي فيها لمعه @@

انا حاليا استخدم كريم Radiance اذا سمعتي عنه..عجيب عجيب لكنه نادر مثل الفقع >_>
وجلوس اكثر شي معتمده على kiss kiss <<< خخخخخ اسمه يفشل بس ممتاز...لكن ألوانه محدوده >_>

ويعطيج العافيه عالموضوع ^^

[Razielia]

اهلين اروش..منورة *_^
شوفي.. بالنسبه لكريمات الاساس احسن الماركات بالنسبه لي هي : ميك اب فور ايفر و ماكس فاكتور و ماك وميبيلن نيويورك..اختاري اي كريم يعجبج من هالماركات..
وبودرة ماك استديو فكس واااايد حلوة..انا استخدمها بالماي بدون لاحط كريم اساس..او تقدرين تحطينها فوق الاساس بالطريقة العاديه بدون ماي..بس انتبهي اذا استخدمتيها بالماي بعدين ماتقدرين تستخدمينها جافه..
المفروض يكون عندج منها ثنتين وحده للاستخدام الجاف ووحدة للاستخدام بالماي..
وبودرة بورجويه المضغوطة بعد حلوة وخفيفه..تصلح في الصبح حطيها بدون كريم اساس بعد ماتحطين المرطب انا اسوي جذي..

اما كريم ريديانس صراحه ماجربته..بس دام انه نادر عيل مايعتمد عليه..اخذي من الماركات اللي قلتلج عليهم..حلوين ومتوفرين فكل مكان ^_*

وغلوس kiss kiss حلو ..جربته من قبل.. ماركة غيرلان يبدعون في الغلوسات والليب ستيك..
بس احسن ماركتين للغلوس عندي ديور خاصة ديور كيس ..و جوسي تيوب من لانكوم..هذول احسن شي عندي *_^

[Arashi]

انا استخدم radiance لأن بشرتي حساسه
يعي اما تدهن او تجف حسب الكريم >_>
بس راديانس عجيب ويعالج ساعات حب الشباب @@

انا اكلم وحده في اللولو وهي تطلب لي منه كميات
تقول موجود في فيتول بس هي تجيبه ارخص خخخخ
تحبين اطلب لج تجربينه؟ ^^

وعلى طاري المراكات اللي ذكرتيها بخليها back up لو الراديانس بعيد الشر انقرض @@

ماركة غيرلان عجيييييييييبه
توني من يومين شاريه جلوس برتقالي على بني وااااايد عجيب
بس مب kiss kiss
بس تحسين نفس المستوى
بصور اغراضي وبحطها لكم في موضوع المشتريات ^^

ديور جربت جلوساتهم ما عجبتني وايد
الا اذا هم انواع زينه وانواع مب زينه؟ @@

[Razielia]

حالياً انا مرتاحة مع الكريم اللي استخدمه..بس اذا احتجت بعدين اجرب شي جديد بخليج تطلبين لي *_^

وديور فيه عندهم الغلوسات الوان وشكال..فيه عندهم غلوس يجيج داخل علبه اللي تحطينه بالفرشاه او بالاصبع..هذا ماعجبني...لايكون هذا اللي انتي تقصدينه؟