المساعد الشخصي الرقمي

مشاهدة النسخة كاملة : كمال الاجسام جديد على اللعبه ولدي استفسارات للمحترفين


الطرف الأغر
15-02-2011, 01:50 AM
السلام عليكم ورحمة الله

على القوه شباب

اخوكم داخل موضوع بناء الاجسام براسه وحاب استفسر هل تصلح لي ولا لا؟


العمر 27

الطول 186

الوزن 120 << زايد

وش رايكم شباب هل احتاج الى حميه وبعدها ابدأ ابني ولا ابدأ طوالي؟

وكم يلزمني من الوقت مع المثابره بالتمرين للوصول الى جسم مثالي؟

وهل يناسب شخص بعمري ان يبدأ من الصفر؟

شكرا لكم شباب
.ابوقحط.
15-02-2011, 09:48 AM
طبعا يناسبك تدبا من الصفر

ابدا حميه + تمارين وان شالله راح توصل للى تبيه

بالنسبه للوقت هذا حسب عزيمتك وشغلك
.hamad.
15-02-2011, 10:02 AM
السلام عليكم ورحمة الله
وعليكم السلام .

على القوه شباب
الله يقويك
اخوكم داخل موضوع بناء الاجسام براسه وحاب استفسر هل تصلح لي ولا لا؟
حالياً لا والسبب زيادة وزنك .

العمر 27

الطول 186

الوزن 120 << زايد

وش رايكم شباب هل احتاج الى حميه وبعدها ابدأ ابني ولا ابدأ طوالي؟
نعم اخوي فالبداية ادخل كارديو وسويدي مع نظام غذائي خالي من الدهون .. ونزل 10 كيلو على الاقل وبعدها توكل على الله ودش حديد .

وكم يلزمني من الوقت مع المثابره بالتمرين للوصول الى جسم مثالي؟
6 أشهر بالتغذية والتمرين بس لازم فالبداية تنزل وزنك .

وهل يناسب شخص بعمري ان يبدأ من الصفر؟
يناسب ونص وانا عمري 31 .. عادي يالغالي

شكرا لكم شباب
العفو اخوي

.................
الطرف الأغر
15-02-2011, 03:02 PM
ابو قحط وحمد مشكورين ربي يعافيكم

اجل ننزل وزن الحين وبعدها نبدأ ان شاء الله
Heartbeat
15-02-2011, 04:11 PM
ماقصرو معاك الكباتن
الوقت يعتمد على عزيمتك بالتمارين + انتظامك بالاكل والبعد عن الدهنيات والسكريات والمشروبات الغازيه والخ ..
لنفرض انك وصلت لوزنك المثالي ب 6 شهور + زيد عليها كذالك 6 شهور بناء عضل تكون راضي عن جسمك
ولكن اذا كنت تريده جسم مصقول العضلات يجب ان تعرف انها اصعب من فقدان الوزن من وجهت نظري
ناهيك عن انك يجب على الاقل الاعتماد على المكملات بانواعها من فيتامينات واحماض امينيه وبروتينات
وكرياتين ومحفزات ومكملات طاقة امور كثيره ربما تسرع من حصولك على النتائج المرجوه

تحياتي لك