المساعد الشخصي الرقمي

مشاهدة النسخة كاملة : كمال الاجسام السير والاوبتكال هل تؤثر على بناء الجسم؟


mo3ath11
17-02-2011, 05:00 PM
السلام عليكم اخواني
كيف حالكم ان شاء الله بخير ونعمه


اخواني انا اواجه مشكله ولا عرفت لها حل كل مره يجيني واحد يقول لي راي
وانا اتابعكم من زمان لكن ما سجلت الا قريب وقلت اخذ راي الكباتن الموجودين الله يعطيهم العافيه

انا قبل سنتين خشيت نادي وكان وزني 107 نقصت وزني الى الـ 85 تقريبا ودخلت حديد بفترات متقطعه
لكن قبل 6 شهور رجعت للحديد وتمارين صح

والان وزني 79 وطولي 171وعمري 20
عندي الفخوذ فيها زيادة وزن واضحه زي ما تقولون كل الشحم متجمع فيها
وانا يومي في النادي اول ما اروح 15 دقيقه سير و15 اوبتكال بعدين حديد وبعدها بطن

سؤالي هل نظامي صحيح؟
لان فيه اكثر من واحد قالوا لي انك تحرق العضله اذا تمرنت على السير بزياده والاوبتكال
وانا قليل ما اخذ ايام راحه وسمعت من شخص يقول ان العضله تنبني في ايام الراحه
و انا ودي اخذ مكملات لكن ما اعرف وش اخذ
فكرت اخذ مكملات التنشيف اللي هي ايسو 100 او ليبو 6
هل يصلح اخذها الحين ولا لا؟
لاني ودي وانا ابني جسمي يكون شكله حلو ما فيه زيادة وزن بالشكل الي هو فيه الحين
وهدفي من الحديد اكون مثل الاجسام الفرنسيه
نصيحتكم الله يجزاكم الجنه

اخوكم معاذ :)
france for ever
17-02-2011, 06:21 PM
عليكم السلام و رحمة الله و بركاته

نورت يا اخ معاذ

احسب نسبة دهونك عن طريق الصيدليات او قاعات الجم او بعض المواقع حتى نستطيع مساعدتك يشكل صحيح لان الوزن و الطول وحدهما لا يكفيان خاصة ان وزنك كان 107 !!!

تحياتي
mo3ath11
17-02-2011, 06:28 PM
حسبتها بالموقع طلع لي 27
وما اعتقد انها نسبه صحيحه
mo3ath11
18-02-2011, 01:06 PM
اي احد يا شباب؟؟؟؟
Heartbeat
18-02-2011, 01:42 PM
وعليكم السلام

أخي الكريم طبيعي ان الكارديو يأثر على العضل ولذالك دائما نطلب من الشخص
ان ينشف او يخسس الدهون ومن ثم يبدأ عضل صافي
عشان مايرجع ويقول اخاف انشف يروح علي العضل اللي تعبت عليه :)
رعلى العموم انت لازم تحدد اللي بالفخوذ دهون او ترهل
نسبة الدهون عندك مازالت عالية تحتاج انك تنشف بس تأكد اول صحيحة نسبة الدهون او غير صحيحه
بعد التاكد لازم تنشف الدهون حتى تكون نسبة الدهون لديك على الاقل 18%
ثم تبدا ضخامه عضل صافي

بخصوص ايام الراحه بالتنشيف يوم واحد كافي
لكن اثتاء الصخامه على الاقل يومين بالاسبوع

اخذ مكمل ايزو100 + حارق الدهون اوكسي اليت + ملتي فيتامين مثل اوبتي مين
mo3ath11
18-02-2011, 01:51 PM
طيب اخذ حديد وتنشيف بنفس الوقت ولا كيف؟
كيف يكون جدولي بعد ما اخذ المكملات؟
وهل لازم يوم راحه لاني احس اني ما احتاج راحه ما اكون تعبان
Heartbeat
18-02-2011, 02:11 PM
اي تقدر تنشف مع حديد ويكون افضل بما ان وزنك حاليا مو عالي
الطريقة الاوبتكال قبل التمرين 5 دقايق تسخين فقط
بعد التمرين ربع ساعه اوبتكال + ربع ساعه سير بنظام الفواصل
جدولك مع المكملات نفسه مايتغير فقط تاخذ البروتين قبل الافطار + بعد التمرين + قبل النوم - سكوب واحد كل الجرعات بالحليب الخالي من الدسم الا اللي بعد التمرين مع الماء
الاوكسي اليت اول 3 ايام على الريق حبتين + بعد 8 ساعات حبه - من اليوم الرابع تصبح جرعة الصباح حبتين فقط والجرعة الثانيه كما هي

اكيد لازم يكوم راحه انت ماتحس بتعب اوكي مو مشكله لكن العضله تحتاج راحه
تصدق انا احيانا اخلص تمرين مثلاً صدر واكون ماخذ اليوم اللي بعده راحه اليوم اللي ارتاح فيه احس كأني توني من ساعه طالع من النادي
تحس ان العضله بدأت تتحرك
mo3ath11
18-02-2011, 02:25 PM
ايوه صحيح من جد كم مره تصير معي احس العضله في اليوم اللي اريح فيه من الليل كانها شاده وبارزه


طيب بالنسبه للمكملات اللي قلتها لي
الايسو معروف وش عمله
لكن الباقيات وش شغلتهن بالضبط؟
mo3ath11
18-02-2011, 02:42 PM
وبالنسبه للاوبتكال ترا انا ازيد الليفل الى 14 يعني يكون ثقيل مو خفيف
وبالنسبه للجدول المكملات انت قلت

جدولك مع المكملات نفسه مايتغير فقط تاخذ البروتين قبل الافطار + بعد التمرين + قبل النوم - سكوب واحد كل الجرعات بالحليب الخالي من الدسم الا اللي بعد التمرين مع الماء
الاوكسي اليت اول 3 ايام على الريق حبتين + بعد 8 ساعات حبه - من اليوم الرابع تصبح جرعة الصباح حبتين فقط والجرعة الثانيه كما هي


انا اول مره اخذ مكملات ما قد اخذ قبل
وشو البروتين اللي قبل الافطار وبعد التمرين وقبل النوم ايهم؟
و وشو مقاس السكوب؟
والاوكسي اليت اوا 3 ايام اخذه على الريق حبتين وبعد 8 ساعات حبه
طيب بعد اليوم الرابع كيف يكون النظام على الريق حبتين وباقي اليوم ما اخذ منه شي؟
والملتي فيتنامين اوبتي مين متى اخذه؟
وهل يصلح لو صادف اني اخذهم بوقت واحد عادي ولا ما يصلح؟
Heartbeat
18-02-2011, 04:05 PM
ايزو100 عباره عن بروتين خالي من الدهون والكارب
جرعاته مثل ماذكرت
قبل الافطار بساعه سكوب مع حليب خالي الدسم + بعد التمرين مباشرة سكوب مع الماء + قبل النوم سكوب مع حليب خالي الدسم
السكوب مشابه للملعقه تحصله داخل علبة البروتين

الاوكسي اليت مثل ماقلت اول 3 ايام حبه على الريق + حبه بعد 8 ساعات
من اليوم الرابع وصاعد الصبح على الريق حبتين + بعد 8 ساعات حبه

الملتي فيتامين حبه بعد كل وجبة

وايضا زيد معاهم مكمل زيت السمك حبه بعد كل وجبة او بعد وجبتين باليوم على الاقل
mo3ath11
18-02-2011, 06:49 PM
طيب الاوكسي اليت والملتي فيتامين ما وضحت لي وش شغلهم؟
مكمل زيت السمك وش شغله بعد؟
و ما كان 4 مكملات كثيره شوي؟
وهل اخذهن لو صادف بوقت واحد عادي؟ ولا احاول افرق بينهم؟

انا ما اعرف في هالمجال وانت اعلم ومنكم نستفيد
Heartbeat
18-02-2011, 11:02 PM
الاوكسي اليت حارق للدهون يعني يساعدك على حرق الدهون اللي بجسمك مع التمارين طبعا
مكمل زيت السمك دهون طبيعيه وصحية لأن الدهون ضروريه للجسم لو كانت صحيه مثل زيت الزيتون فهذا المكمل يغنيك عن الدهون العاديه واهو عبارة عن حبوب
الملتي فيتامين واضح من اسمه فيتامينات بما انك تريد انزال وزنك وهذا يعني دايت وربما لا يوفر لك الطعام الفيتامينات فهذا المكمل يساعدك
انا ذكرت لك اوقاتهم اللي اوقاتهم
الملتي فيتامين وزيت السمك عادي مع بعض
اوكسي اليت على الريق بالصباح بعده بنص ساعه البروتين
باقي الاوقات لايوجد تقارب
انت تحتاج المكملات خصوصا في تنزيل الوزن
لكن مو ضروري تقدر تستغني عنهم
مثلا اوكسي اليت يساعد على انزال الوزن
لكن مو ضروري تقدر بالتدريب المكثف تنزل وزنك
الملتي فيتامين اذا تكثر من الخضروات ماتحتاجه
زيت السمك تقدر تستغني عنه بزيت الزيتون مثلا لكن بحدود ملعقة او اثنين باليوم
البروتين ايضا اذا اكلك يحتوي على بروتين طبيعي مثل البيض والدجاج واللحوم ومنتجات الالبان بشكل كافي تقدر تستغنيعنه
انت راجع نفسك وششوف القصور عندك وين بالخضار ولا بالبروتين الطبيعي ولا بالدهون الصحيه الطبيعيه وين القصور اخذ مكانه مكمل يعوضه
mo3ath11
19-02-2011, 02:22 PM
طيب يصلح انزل وزن اسوي دايت يعني وبنفس الوقت العب حديد ما فيه مشكله؟ مع المكملات والتمارين اللي ذكرتها لي اول رد