فيشال في البيت ^_*

[Razielia]

السلام عليكم ورحمة الله وبركاته...

عندي لكم طريقة حلوة وسهله للفيشال تقدرين تسوينها في البيت ونتائجها مثل الفيشال الي تسوينه في صالون التجميل بالضبط...

اول خطوة:
تغسلين ويهج بمنظف خالي من الصابون مثل دوف (انا ضد استخدام الصابون على بشرة الوجه).. احب استخدم دوف لانه ينظف بدون مايجفف البشرة..

ثاني خطوة:
تحطين التونر..مثل اسكينول او كلين اند كلير..والطريقه الصحيحة للاستخدام التونر انج تحطين منه شوي على قطنه و تمسحينه على الوجه بحركات دائرية وتبدأين من منتصف الوجه الى الخارج...

ثالث خطوة:
تستخدمين المقشر...مثل كلين اند كلير او مقشر همالايا او اولاي ..لطريقة الصحيحة انج تغسلين بالماي الدافي وتحطين المقشر وتدلكين باطراف الأصابع بحركات دائرية ..وانتبهي لاتضغطين عالبشرة..

رابع خطوة:
تسوين بخار للوجه..واذا ماعندج جهاز البخار اغلي ماي وحطيه في مله وخلي ويهج فوق البخار..ولاتنسين تغطين شعرج بفوطة..

خامس خطوة:
الحين وقت الماسك..
للبشرة الجافة: حطي قناع مرطب ..مثل ديب هايدريتنغ ماسك من نيتروجينا..
للبشرة الدهنيه: حطي قناع الطين ..مثل بيوريفاينغ ماد ماسك من همالايا..
للبشرة المختلطة: على الاماكن الدهنية ( التي زون)حطي قناع الطين..وعلى الاماكن الجافه حطي القناع المرطب..

وغمسي قطنتين في ماي ورد بارد وخليهم على عيونج...وخلي القناع لمدة 15الى 20 دقيقه...بعدين شيلي القناع بماي دافي بعدين ماي بارد..

سادس خطوة( اخر خطوة):

حطي الكريم المرطب الخاص فيج...ونعيماً


وهذا هو الفيشال ..شفتوا شلون سهل ;)

تحياتي:)

[blood roses]

يسلمووووووو حبوبتي على الموضوع ........
موضوعك كثير مفيد وحلو كثير ......
تقبلي مروري

[Razielia]

شكراً حبيبتي على المرور^_*
نورتي الموضوع ^_^

[misty hestory]

يعطيك العافيه أختي عالموضوع ^^

أنا تقريبا أعمل نفس الخطوات لكن مو بنفس الترتيب ...
لكن طريقتك سهلة و مناسبة أعملها كل ويك اند ^^

مشكوره أختي ^^

[.:Passion:.]

مشكوووورة على الموضوع
وشرح خطوة بخطوة الله يسلمك اختي على المجهود
الكبير يعطيك العافيه على الموضوع الرائع

[Razielia]

شكراً عالمرور *_^
يعطيكم العافية ^_^

[Look up]

السـلام عليكـــم ...

همممم ..

شـيء حلـو ..

و الحمدلله .. الخطـوات إلـي قلتيهـا أنـا أسويهـا

مشكـورة على الموضـوع ..
بس يريتـج تشرحيـن و توضحيـن معنـى كلمـة (( فيشال ))

عشـان الكـل يستوعبهـا

تحياتـــي

[Jareeh AL-Ayaam]

يعطيك العافية
أختي على الموضوع

[Razielia]

السـلام عليكـــم ...

همممم ..

شـيء حلـو ..

و الحمدلله .. الخطـوات إلـي قلتيهـا أنـا أسويهـا

مشكـورة على الموضـوع ..
بس يريتـج تشرحيـن و توضحيـن معنـى كلمـة (( فيشال ))

عشـان الكـل يستوعبهـا

تحياتـــي

الفيشال يعني برنامج تنظيف عميق لبشرة الوجه..بس انا كتبت فيشال لانه هاذي هي الكلمة الشائعة..
وشكرا على المرور *_^

[Razielia]

يعطيك العافية
أختي على الموضوع

الله يعافيك اخوي..
وشكراً على المرور ^_*

[yami vergil]

وااااااااو خوش موضوع

تقريبا تشبه الخطوات الي استخدمها
بس انا ماستخدم البخار كلش
اغسل ويهي بصاوبة النيم من هيمالايا
ومقشر توني شاريته نسيت اسم المحل
وعقب احط ماسك الطين من هيمالايا
وبعد ماغسله استخدم تونر اسكينول ^^

[Razielia]

اهلين يامي *_^
نورتي موضوعي ^_^

[Snow Wait]

حلو خطوات حلوة وسهلة
مشكورة ياقمر الله يعطيكي العافية يارب
......

[Razielia]

الله يعافيج حبيبتي ..
ومشكووووورة على مرورج العطر..نورتي الموضوع *_^

[Arashi]

وااااااااو انتي تستخدمين نفس المنتجات لالي استخدمها
جذي اسهلت العمليه XD


وغمسي قطنتين في ماي ورد بارد وخليهم على عيونج...وخلي القناع لمدة 15الى 20 دقيقه...بعدين شيلي القناع بماي دافي بعدين ماي بارد..

ليش ماتجربين تحطين عصير خيار مخلوط مع ماي رود؟
مفعوله تمام وقوي ويطير السواد من تحت العين في اسبوع-اسبوعين @@

وتسلمين عالموضوع ولازم اجرب (بس بدون بخار لأنه مب زين لي خخخخ)
يصير صح؟ @@

[Razielia]

اهلين اروش *_^

كلامج صح الخيار ممتاااااز للي عندها هالات تقدر تحطة بدال ماي الورد وبتختفي الهالات ان شاء الله..

بس البخار اهم خطوة لان البخار هو اللي ينظف مسام البشرة ويهيئ البشرة عشان تستفيد اكثر من القناع ..
ولاتخافين انا بعد بشرتي حساسه واي شي يمكن يسبب لي تهيج..بس ما صار لي مشكله من البخار. .انا اتحمل 10 دقايق..بس انتي جربي تخلينه 5 دقايق في البدايه بعدين زيدي الوقت تدريجياً..

[Arashi]

بس البخار ما يفتح المسامات زياده؟

ادور شي يفكني منهم >_<

[Razielia]

عشان جذي لازم تغسلين ويهج بماي بارد عقب ماتشيلين القناع والمسامات بتتسكر..