تسجيل الدخول

مشاهدة النسخة كاملة : HB & GB Bot


Karazhan
04-03-2011, 06:00 PM
السلام عليكم

حبيت اكتب هذا الموضوع لأني شفت بعض الاعضاء مهتمين في برنامج البوت

ولكن بعض الاخوان فيهم خجل انهم يسألون في القسم هذا وتتم مراسلتي بالخاص , وانا تعبت صراحه من كثر مااتكلم لكل عضو عن البرنامج

حبيت اكتب الموضوع بالقسم لكي يكون شامل والكل يدخل ويشوف الطريقه بدون رسائل خاصه

اول خطوه انك تنزل البرنامج عندك من الموقع honorbuddy.com

وبعدين تشترك فيه ويفضل انك تشترك lifetime عشان تستخدم fly mount

وهذا الاشتراك يكفي ل3 اكاونتات مع بعض وبنفس الوقت

الخطوه الاولى لما تنزل البرنامج وتفتح الضغط عنه راح تشوف ملف البرنامج honorbuddy وعنده رقم release

ادخل على على الملف وراح تشوف داخل ملفات البرنامج , راح تلاحظ بين الملفات 3 ملفات ضروريه واسم الملفات

Plugins

CustomClasses

Default Profiles


هذي اهم ملفات بالبرنامج , الاول اهو الكل بالكل واهو اللي يحرك الشخصيه والبت و الفارم وكل شي

اللي تحت كوستم كلاس اهو عباره عن برمجه كل كلاس , بحركاته والروتيشن اللي يسويه

الثالث اهو برمجه الكويستات والمايننق والهيرب والباتل جراند وغيره من الامور اللي تحب ان البوت يقوم فيها

اول شي ادخل هذا الرابط http://www.thebuddyforum.com/honorbuddy-forum/plugins/free/uncataloged/19003-[plugin-gb2]-gbprofileloader-load-convert-gb-profiles-gb-2-a.html (http://www.thebuddyforum.com/honorbuddy-forum/plugins/free/uncataloged/19003-[plugin-gb2]-gbprofileloader-load-convert-gb-profiles-gb-2-a.html)

ونزل منه برمجه خاصه حق بوت التفريم getherbuddy وبعد ماتنزل الملف او البرمجه اخذها وحطها في ملف
Plugins

ثاني شي اذا ما عجبك طريقه الضرب للشخصيه من البرمجه الموجوده في البوت , تقدر تروح هذا الرابط
http://www.thebuddyforum.com/honorbuddy-forum/classes/ (http://www.thebuddyforum.com/honorbuddy-forum/classes/)

وانت تدخل على كلاسك وتنزل البرمجه اللي تعجبك , لكن قبل ماتنزل البرمجه ادخل على CustomClasses وامسح ملف الكلاس مالك اذا كان مثلا mage امسح ملف الميج كله واترك باقي الكلاسات

بعد ماتنزل الملف افتحت الضغط عنه وادخل على الملف الموجود داخل وحاول انك ماتدخل اكثر من اللازم , يعني يمكن تصادف ملف ولما تدخل تشوف ملف ثاني ولما تدخل تشوف البرمجه فيه , انت انسخ الملف الثاني مو الاول وروح لملف اللي تكلمنا عنه بالبدايه اللي اهو CustomClasses وحط في الملف مال الكلاس اللي نسخته ونزلته وطبعا بعد ما تمسح الملف القديم

بعدين تروح الرابط هذا http://www.thebuddyforum.com/gatherbuddy-forum/profiles/ (http://www.thebuddyforum.com/gatherbuddy-forum/profiles/)


وهذا مخصص حق بوت التفريم او farming لما تدخل الرابط تشوف كاتبين كل المدن وكل لفل وكل هذا عباره عن المدن اللي لها برمجه للmining او herbs او skinning

من هذا الرابط تشوف انت شنو تبي من الفارم , ان كنت لفل 85 ادخل على كاتا ومنها نزل اي برمجه في twilight highlands او غيره من اللي يعجبك وحسب وظيفتك

بعد ماتنزل الملفات او البرمجيات اخذهم و حطهم في ملف Default Profiles وكل برمجه تحطها فيه


الحين وهذي خطوه مهمه لازم تسويها وهي انك لما تدخل على ملف البوت وتشوف الملفات اللي قلتها وتكلمت عنه اضغط يمين كلك و افتح ملف جديد وحطه بملف البرنامج واكتب اسم الملف mesh

لازم تسوي هذا الملف

وانت الحين خلصت من كل شي , الحين دور البرنامج تروح لhonorbuddy.exe وتفتحه بعد ماتفتح اللعبه بالاول

اول خطوه تقوم فيها اهي تروح بالاختيارات فوق لGeneral setting واول مستطيل تشوفه اسمه mesh folder

اضغط على select mesh folder يفتح معاك وادخل على ملف البوت لغايه ماتصول للملف اللي قلتلك اكتبه mesh واختاره واضغط ok عشان يكون بالمستطيل هذا

وتحت مكتوب خيارات مثل الاكل والشراب واسم المونت , كيفك اذا تعبيهم او تحط علامه صح على اختيار المونت اوتوماتيك وغيره , والاكل والشراب البوت من نفسه يبحث عنهم او اذا عندك اكل ماخذه من الميج تقدر تكتبه

تحت تشوف مستطيل اسمه CC Configuration وهذا تقدر تختاره اذا نزلت برمجه خاصه من الموقع للكلاس مالك واللي تكلمنا عنها في بدايه الامر واهي اللي في ملف custom class

واذا مانزلت برمجه عادي اهو البوت مبرمجه للضرب وغيره ولكن برمجه مش حالك

ولاتنسى تحط صح على use mount وتكتب اسم المونت فيه ويفضل اسم fly mount مو مونت ارضي

اما تحت find mount حط صح لأن اذا كانت في باتل جراند يستخدمه مونت ارضي وما يركض برجوله عشان الناس تعرف انك بوت

اخر شي تروح للأختيار اللي اسمه plugins وهذا مهم للفصل بين HB و GB

بعد ماتنزل الملف اللي كتبت اول الموضوع وقلتلك تحطه في ملف plugins تدخل الحين للأختيار هذا

وراح تشوف اسم الملف اللي كتبته او البرمجه , ولا تنسى اسمه GBProfile loader حط الفاره عليه بحث ان يكون مضلل بالازرق

وبعدها شوف على اليمين مربع تحط فيه علامه صح وكتوب عندها enabled

اذا كنت تبي تستخدم البوت للherb و mining وغيرها حط علامه صح عليها وتحت اضغط Recompile all

وبالحاله هذي يكون البرنامج مخصص للتفريم , اذا ماتبي تفريم وتبي تستخدمه للباتل جراند او وظيفه الاثار او كويستات او اي شي ثاني غير التفريم ماعليك الا تشيل الصح وتضغط على الكلمه تحت recompile all وبس

الحين خلصنا كل شي , ونرجع للبدايه , روح للأختيار فوق status واضغط عليها

راح تشوف start , load profile , bot setting

ستارت اهي تبدأ بتشغيل البوت و تحميل البروفايل اهي ترفع البرمجه اللي تبيها و ضبط البوت اهي تعدل في البرمجه

اول شي تدخل على load profile وراح يدخلك على البرمجيات اللي حملتها من الموقع , تختار البرمجه مثلا minig + herbs وتضغط ok والبوت يحملها داخله

بعدين تشوف مستطيل فوق الخيارات هذي وتفتحه تشوف فيه كذا اختيار
combat/heal bot
archaelogy
getherbuddy2

انت اختار getherbuddy2 لأن الخاص بالتفريم

تدخل على الضبط من bot setting وتشوف شنو موجود , لأن كل برمجه لها ضبط معين , ولأن كل صاحب برمجه يسوي برمجه يحط بعض الاختيارات مثل اذا كان herb قريب منه elite مايقرب صوبها ويبحث عن غيرها

او مثلا في كهف وداخله بعض الnod والمكان معقد مايدخل , او اذا كنت تبي mining فقط وماتبي herbs تقدر تعطل الوظيفه وتترك الثانيه وهكذا

بعد ماتعدل هذا كله وتشوف البرمجه وين , يعني مثلا في twilight highlands تاخذ شخصيتك هناك عن طريق البورتال وبعد ماتكون بالمدينه اضغط على start ولازم يكون معاك الفأس عشان تكسر الماينق مو تنسى

بعدها تشوف البوت يشتغل ويفتر يبحث عن الهيرب والماينق

يفضل انك تقط الbag وتشتري bag مخصصه للهيرب والماينق اللي فيهم 36 خانه , حتى لو كان سعر الوحده 500 جولد اشترها لأنك خلال يوم راح تترس الشنط عالاخر وتبيعهم وتكسب اضعاف السعر اللي شريت فيه الشنط


واذا مليت من التفريم روح للأختيار plugins وتشيل الصح منه وبعدين تروح ستاتيوس وتختار archaelogy وتشغل البوت طوالي واهو يطير ويبحث عن المواقع ويحفر
او pvp وتشغله وتدخل bot setting وتختار اي باتل جراند , لك اختيارين فقط , وانا انصحك تدخل AV و IoC لأن لاعبين بالباتل جراند هذا كثيرين وراح تضيع بينهم انت وبوتك

راح تلاحظ في اختيارين للباتل جراند واحد pvp والثاني BG Bot beta وهذا الافضل ولكن في بعض الباتل جراند مايدعمهم بالكامل ولكن يشتغل في كل الباتل جراند

وبالنهايه اقول هذا البوت ممنوع من استخدامه , اذا طاحوا عليك بليزرد باند , وبليزرد مايطيحون عليك الا اذا اشتكى عليك احد اللاعبين , وانت حاول انك ماتحطه في باتل جراند عدد لاعبين 15 عشان ما تنفضح واعلم ان كل الناس يعرفون البوت يعني لاتقول مايدرون على بالهم واحد اول مره يلعب

ثاني شي لا تحط البوت في مكان مثل uldum وتحط برمجه grind وهي عباره عن ذبح , ويقعد يذبح عند اللي يقطون voilte of air ادري غلط الكلمه لكن عارفين قصدي المهم لاتقطه عندهم ويذبح عشان تجمع air او فاير او غيره , لأن في ناس تمر على المكان واذا شافوك يوميا موجود راح يعرفون انك بوت

والانجليز ماعندهم غشمره على طول تبليغ , واغلب الناس اللي تاخذ باند بهذا السبب يكون حاطه في مكان عام والكل يشوفه , طبعا انت راح تشوف بوتات اكثر من قبل لأنهم راح يستخدمون نفس البرمجه اللي تستخدمها

وانا ما اتحمل اي مسؤوليه اتجاه اكاونتك اذا اخذ احلى باند

وشكرا
Karazhan
04-03-2011, 06:04 PM
يا اخوان يمكن اكون ناسي شي او كتبت شي غلط

اتمنى يتم التصحيح او التذكير بنقطه انا ناسيها

انا كنت حاب اني اضيف صور لكل خطوه ولكن بصراحه مااعرف الطريقه ههههههههههههههههه

ليش تضحك ؟
kagoor
04-03-2011, 06:16 PM
مشكور اخوي ولد بطنها
بصراحه دايم اضافاتك تكون بالصميم
Karazhan
04-03-2011, 06:20 PM
ملاحظه مهمه نسيت اقولها

في بعض الاحيان بليزرد تنزل باتش صغير من حيث المساحه او باتش كبير

يمكن راح يوقف البوت عندك ومايشتغل او يشبك حتى , بالحاله هذي ماعليك الا انك تدخل هذا الرابط


http://www.thebuddyforum.com/releases/22578-honorbuddy-2-0-0-4265-discussion-thread.html

وتشوف اخر release كم رقمه , اول شي شوف release البوت من خلال الملف , لأنك راح تشوف ملف البوت اسمه honorbuddy وعنده رقم الrelease

بعدها ادخل الرابط وشوف الجديد كم رقمه , اذا نفس رقم اللي عندك يعني معناته اصحاب البوت ما نزلوا الجديد , واذا دخلت وشفت الرقم غير و يكون عاده الرقم زاد عن الرقم اللي عندك مثلا عندك 3433 وشفت اللي بالموقع 3434 يعني هذا الجديد و نزل عشان يماشي الباتش الجديد اللي نزلته بليزرد

قبل ماتسوي اي شي وعشان تحافظ على البرمجيات اللي عندك و ماتنزلها من جديد اهي انك تدخل ملف البوت وتاخذ الملفات التاليه

Plugins

CustomClasses

Default Profiles

وتاخذ ملف mesh بعد احسن لأن داخل هذا الملف خطوط السير اللي كان يمشيها البوت و تكون داخله كل خطوه خطتها الشخصيه مالتك

واذا ما تاخذ الملف مو مشكله ولكن تحتاج انك تسوي ملف جديد داخل برنامج البوت وتخلي اسمه mesh بعدين تدخل البرنامج وتسوي الخطوه اللي قلتها انك تحط ملف ميش في المستطيل

المهم بعد ماتاخذ الملفات هذي حطها في ملف على الديسك توب او حطهم بدون ملف المهم يكونون خارج ملف البرنامج , بعدين امسح البرنامج و كله مع zip و نزل البرنامج الجديد بالسعه الجديده

وبعدين ادخل افتح الضغط وكل شي وادخل ملف البوت وعلى طول امسح ملفات

Plugins

CustomClasses

Default Profiles

بعد ماتمسحهم اخذ الملفات اللي اخذتهم من البوت القديم واللي نفس اسماء الملفات هذي وحطهم بالبوت الجديد

بالحاله هذي تختصر الوقت والمجهود على نفسك

وتفتح البوت وتشوف كل البرمجيات موجوده وتبدأ باللعب
BoOoOo7a
04-03-2011, 06:33 PM
"ملاحظة مهمة جداً جداً: بوت الـ Archa في الـ Pirox تم اكتشافه من بليزارد, و استخدامه يسبب Banned بنسبة 100%"


مشكوور عالموضوع ..

لو كان الشرح بالصور .. بيكون الموضوع مرشح انه يتثبت

وترا في شروح بالفيديو على اليوتيوب


وفي شغلة حبيت اوضحها بخصوص البوتات ..

افضل بوتين موجودة حالياً .. اللي هم Honorbuddy (هو نفسه Gatherbuddy) و عندك PiroxBots


وبما اني مشتريهم الأثنين وجربتهم الأثنين ..

--فهذا شرح مفصل بين الأثنين--

اول شيء من ناحية الـ Options والأمان:

الـ PiroxBots متطور جداً .. وفيه Options كثيرة جداً وفيه مميزات ما تخطر على بالك, وقد يكون صعب في الأستخدام (وهذا عيبه الوحيد) ويحتاج معرفة قوية باللغة الأنجليزية علشان تقدر تتعامل معاه.. وايضاً ميزته انه اكثراً اماناً من الـ Honorbuddy, ويمكن انك تخليه لفترات طويلة جداً Online بدون ان يتم ملاحضتك.

اما الـ Honorbuddy ميزته انه سهل جداً جداً بالاستخدام, وممكن اي واحد يقدر يستعمله والـ Options حقته واضحة ومفهومة وقليلة, وفيه ميزة انك اذا اشتريته Lifetime يمديك انت و اثنين من خوياك تستخدمونه بنفس الوقت وكل واحد من جهازه وبدون اي مشاكل ( تحديداً يمكن لـ 3 اشخاص يستخدمون الـ HB بنفس الوقت و 3 اشخاص للـ GB على نفس الحساب حق البوت) اما الـ Pirox لا يمكنك استخدامه على اكثر من جهاز, ولكن يمكنك من تشغيل عدد لا محدود من الأكاونتات على نفس الجهاز وبكل بساطة.


من ناحية الذكاء الأصطناعي:

الـ Pirox يعطيك Options كثيرة ولا تخطر على بالك من ناحية Setup للشخصية, لدرجة انك راح تلاحظ ان البوت يلعب احسن من بعض الأحيان (لوول), مثلاً تقدر تحط ماكرو يشتغل اول مايوصل HP الشخصية لـ 30%, مثال: لو انت Shadow priest ووصلت لـ 30% HP .. راح يدق الحركة اللي تنقص 90% من الدمج, وممكن تحط مكانها ماكرو يسوي لك اكثر من شغلة, وطبعاً تقدر تبدع باشياء كثيــــر .. وفي عندك قسم بالمنتدى حق البوت فيه Setups لكل الكلاسات والـ Specs

اما الـ Honorbuddy ما تقدر تسوي profile بنفسك, لازم تنزله من نفس الموقع حقهم, وكل الـ Setups محدودة .. وطريقة لعبها So Simple وممكن اي احد يقدر يلاحظ انك Bot بكل سهولة ..


من ناحية الأسعار:

الـ Pirox يتوفر على نظام Upgrades والموجود 4 حالياً كالتالي: Basic > Elite > Premium وفي Upgrade خاص للـ Archaeology اسمه Archa
وعندك الثلاث التحديثات الأولى تتطلب انك تطلبها بالترتيب واسعارها كالتالي: (ملاحظة: هاذي اسعار الايف تايم, اللي هي النسخة اللي للأبد)
Basic: 15 euro
Elite: 10 euro
Premium: 50 euro
Archa: 10 euro
المجموع 85 يورو لكــل مميزيات البوت (للأسف مافي وقت اقدر اكتب فيه مميزات كل تحديث, بس اذا تبي PvP وتلفيل, خذ لك اول اثنين, و اذا تبي الـ Gathering خذ لك ثالث واحد, و اذا تبي ارتشلوجي, خذ لك رابع واحد)
السعر بالسعودي لكل التحديثات: 445 ريال

الـ Honorbuddy يتوفر منه 2 باكج (مجموعتين)
الأولى هي لمدة سنة وحدة فقط لبوت الـ PvP والتلفيل والأرتشلوجي, وسعرها 25 يورو = 130 ريال)
والثانية هي للأبد وفيها مميزات اللي فوق بالأضافة الى Gahtering وبالأضافة لميزة استخدم البوت لـ 3 اشخاص اخرين, وسعرها 80 يورو = 420 ريال)


ملاحظة مهمة اخيرة:
نسخ الـ Lifetime بالبوتين فيها ميزة ربط البوت بالجوال وتقدر تتابع كل شي يسويه البوت (طبعاً بس يعرض لك ارقام واحصائيات و Log) ويمديك اخذ لقطة Screen Shot بنفس اللحظة وعرضها عالجوال, و ايضاً وجود ميزة الرد على اي Whisper او حتى تقدر تتكلم بأي شات باللعبة.

وبالنسبة للـ Pirox فقط يمديك تستخدم ميزة الجوال على الأيفون فقط. لانه ينزل كبرنامج.
اما الـ Honorbuddy يمديك تربطه مع اي جوال من الجوالات الجديدة فقط لأن نظامه انك تدخل عالموقع حقهم وتتابع من هناك, لذلك اي جوال فيه متصفح ينفع معك.



هذا كل اللي كان ببالي هاللحظة .. و اتوقع اني ذكرت فقط 60% من مميزات البوتين .. لانه في خرابيط كثيييييرة ومشوار اكتبها ..

وهاذي مواقعهم اذا تبي تقراً بنفسك:
Pirox: http://www.piroxbots.com
HB: http://www.honorbuddy.com
وشكراً
Karazhan
04-03-2011, 06:37 PM
انا كل شوي اتذكر شي

على سالفه ملف mesh

اذا اشتغل البوت معاك راح تلاحظ ان يمشي او يقوم بعمله وبعد فتره تشوفه يوقف مكانه من دقيقه الى دقيقتين

انت على بالك فصل او صار فيه شي , ولما تشوف البرنامج راح تشوف تحت اخر شي على اطراف البرنامج كلمه downloading mesh

او انك تشوف الكلام في المساحه اللي تكون نفس الشات بالبرنامج ومكتوب تنزيل ميش

هذا عباره عن بدايه عمل البوت وانه ينزل الميش واهي عباره عن نفس ماتقول خطوط السير بين نقطه ونقطه , يقعد البوت يحسب المسافه والارتفاع والبعد عن النقطه التاليه ومن الامور هذي , بعدين تشوفه يركب المونت ويطير للمكان الثاني

راح تصير اكثر من مره الى ان يتم تخزين kalimdor كلها وبعدين تشوفه يتحرك بدون ما يوقف عشان يحمل , الا اذا مكان جديد , وانا دايم اذا نزلت البوت بالباتش الجديد اخذ معاه ملف mesh عشان مايوقف كل شوي وينزل خطوط السير

وترى مايطول يعني كل حسبه تاخذ 1 او اكثر شوي ومرات قليل تاخذ 5 دقايق اذا كانت المسافه طويله

لأن يحسب المسافه والبياعين في المدينه واماكن تواجد repire <صح الكلمه> ؟ وغيره

لأن اذا تضرر الجير عندك البوت من نفسه يروح يصلح الجير , واذا الشنطه full يروح يبيع ال gray items عشان جذي تشوف ياخذ وقت بتحميل الmesh

ولكن يفضل انك تاخذ ملف الmesh وتحطه بملف البوت الجديد وتضيفه من خلال البرنامج داخل المستطيل

ولكن بالبدايه انت مضطر انك تتحمل التحميل

وانشاءالله مااكون ناسي شي بعد
Karazhan
04-03-2011, 06:38 PM
مااعرف احط صور

اذا تعرف حط احسن بعد
arlund
04-03-2011, 07:12 PM
ماشاء الله شرح 100%
اقترح ان يتم اضافة الموضوع في الشروحات المميزة او المواضيع اللي تستحق المشاهدة
لي رجعة على الموضوع لما اشتري البوت :)
rogur
04-03-2011, 07:52 PM
شرح وافي الصراحه
الكيبورد
04-03-2011, 08:02 PM
معلومات جداَ جديدة و رائعة :)
سؤال للي جربوا البوت .. كم تطلّع قولد تقريباَ ؟
أكيد على حسب الاكشن هاوس .. بس تقريباَ خلال يوم أو اسبوع أقل شيء كم ؟
مشكورين جداَ على المعلومات الرائعة ( ولد بطنها ) و ( بوحا ) kiss/
Yoshi
04-03-2011, 08:23 PM
ولد بطونها فعلا موضوع جميل ويستاهل انو يكون محله في الشروحات المميزهـ .. مشاء الله عليك دائما مبدع انا ماشوف من مشاركاتك الا الفائدهـ دائما
ومساعدتك للأعضاء .. جزاك الله خير ـاخوي وإن شاء الله يردونها لك بالأفراح :P

ايضا الأخ بوحا والحق ينقال .. مداخلتك جدا مفيدهـ وشرحت الخاصيه والفرق بين البوتين .. فعلا شرح وافي وجميل ولو فيه خاصيه الشكر كان شكرتك 5 مرات :P



يعافيكم ربي شباب بكم نرتقى بالمنتدى =3
BoOoOo7a
04-03-2011, 08:33 PM
سؤال للي جربوا البوت .. كم تطلّع قولد تقريباَ ؟يفرق على حسب الشيء اللي راح تسوي له Farm

بالنسبة لي انا ما جربت الـ Gathering للأن .. لأني قاعد البس الألتات PvP حالياً ومافضيت .. ولكن في واحد من الشباب معنا بالقيلد قاعد يسوي Gathering على Herb ويسوي Flasks , Mana potions ولمدة اسبوعين تقريباً .. طلع 100 الف قولد

بس اكيد السيرفر يلعب دور .. لأن السيرفر اللي انا فيه تقريباً يعتبر فاضي ومافيه ناس كثير, ونقلنا فيه لأننا مجموعة شباب نسوي رايدات مع بعض
والفارم فيه سهل مره ..
وغير عن كذا يمديك تحتكر الأكشن هاوس .. يعني مثلاً اذا انت معك 500 فلاسك .. وفي بالأكشن هاوس 150 فلاسك .. تقدر تشتريهم وتحطها بسعر اعلى .. وتعال شوف القولد ! خصوصاً انه سيرفر مو مزحوم وفيه 28 قيلد مسوية بروجرس (يعني مافيه ناس random ابداً وكلهم raiders) عكس سيرفر كازاك اللي 70% من اللي فيه عبارة عن ناس Randoms وتلاقي نصهم يلعب بس علشان يجمع قولد ويبيعه بفلوس .. والنص الثاني منهم عبارة عن REPUBLIC OF CHINA

وشكراً
Karazhan
04-03-2011, 09:49 PM
مشكورين ياجماعه ومايحتاج تشكروني ترى ماسويت شي

اما بخصوص الجولد وكم اطلع ، انا عن نفسي عندي 4 شنط 2 للherbs 36 slot و 2 مايننغ 32 slot
كل يوم ادخل اشوفهم تقريبا full والبيع حسب السيرفر لأن يختلف من سيرفر لي سيرفر

ولكن لاتنسى بالherb تاخذ بعد voilate of life وانا ابيع الوحده ب10 جولد ، واطلع كل يوم تقريبا 350 الى 400

غير الماينغ هم تطلع جواهر تبيعهم على 30 جولد

يعني الوظيفه هيرب و ماينغ مو بس محتكره الاحجار والورد ، اما معدل الجولد ماني عارف بالضبط ولكن اطلع واجد

يعني كل مرتين ابيع فيهم بالاكشن هاوس اطلع فوق 10 الاف جولد يعني نقول كل مره 5 الاف

لدرجه اني حاليا وقفت الوظيفه وشغلت الباتل جراند لأني تعبت وانا اجمع جولد و مااستخدمه والمجموع حاليا 100 الف جولد
Maybach8100
04-03-2011, 11:41 PM
الله يعطيك العافيه اخوي ولد بطنها + بوحا عز الله ماقصرتو الله يعطيكم العافيه

الله يعين انا عااايش طفره ودي اشم ريحت بوت بس مال امها داعي يجي باند على وجهي ونا خاسر على اللعبه 480 ريال تقريباً
Karazhan
05-03-2011, 01:35 AM
مو شرط اكاونتك وانا ما انصحك تشغل البوت على اكاونتك الرئيسي

مثلا اذا عندك احد الشباب اللي تعرفهم و ترك اللعبه واكاونته مايبيه اخذه منه وشغل البوت عليه

او تشتري اكاونت في شخصيه وحده وتاخذه رخيص حتى لو كان لفل 80 يكون ارخص بعد وتشغل عليه البوت

وتشغل البوت عليه على وظيفه archaelogy وخلال 3 ايام بالكثير توصل لفل 85 , بعدها تبدأ بالماينق و الهيرب

وكل ما تجمع الاغراض ترسلهم لشخصيه لفل 1 بأكاونتك الرئيسي ومنها تبيع بالاكشن هاوس

اذا كان هدفك gold فقط ابحث عن لفل 80 وانت وصله 85 بالطريقه اللي قلتها واذا عنده وظيفه امسحها واخذ وظيفه minig + herb او skining اذا سوقه ماشي بالسيرفر , وسخر البوت للشخصيه هذي , تكون مثلا مشتريها ب20 دينار او 30 دينار

وصدقني راح تطلع من وراها ذهب يقدر قيمته ب200 دينار قبل ما تاخذ باند , والباند ما تاخذه الا اذا احد بلغ عنك , وانا ذكرت شلون يبلغون عنك

بس اذا انت تشتغل على الماينقق والهيرب محد راح يبلغ عنك لانك مو ثابت في مكان معين وراح تتنقل من مكان لي مكان بالمدينه بالخريطه كلها

يعني اذا انت تشتري جولد دايم من المواقع هذا البوت راح يوفر عليك , واذا شغلت عليه شخصيه في اكاونت انت ماخذه رخيص ماراح تتحسف عليه

دام انك اخذت حقك منه و ارسلت كل الاغراض بكل يوم الى اكاونتك الرئيسي


ثاني شي اشتراكك بالبوت راح يكون مدى الحياه , يعني لو الاكاونت اللي شريته ب20 دينار وطلعت منه 100 الف جولد اعتبر انك شاريهم من اوف جيمر ولكن اوف جيمر ب20 دينار راح تشتري 30 الف ان ما خاب ظني

وبعدين اخذ اكاونت ثاني ب20 دينار و شغل البوت عليه , وكل باند شوف اكاونت غيره , والبوت راح يظل معاك على طول

لين الله يهديك وتترك اللعبه و تسوي مسابقه بالمنتدى للبيع اشتراك في البوت واللي يفوز تعطيه :)
Karazhan
05-03-2011, 01:55 AM
طبعا انا مااقول راح تطلع 100 الف بس من تبدأ الى ان تاخذ باند

انت راح تطوف هذا الرقم ولا تشوفه شي

واذا تبي تلفل عندك archaelogy تاخذ اكس بي حلو ومن 80 الى 85 في يومين , ولا تنسى الايتمات من الوظيفه هذي

الباتل جراند عندك AV و IoC لأنهم 40 لاعب وراح تضيع بين الناس ولا احد يشك فيك

الجولد عندك minig + herb او skining

تسوي الامور هذي انت في امان , نفس رفيجي <مو اللي عروقه بالماي>

3 سنوات واهو يستخدم البوت , ومايسوي الا اللي ذكرته فوق , ولما الحين ماحصل باند

فوق هذا اكاونت ب15 دينار او 20 دينار بشخصيه وحده لفل 80 و بس , تقوم بالواجب لأن الهدف منها اهو تجميع الجولد
almu6laq
05-03-2011, 11:58 AM
معلومات جداَ جديدة و رائعة :)
سؤال للي جربوا البوت .. كم تطلّع قولد تقريباَ ؟
أكيد على حسب الاكشن هاوس .. بس تقريباَ خلال يوم أو اسبوع أقل شيء كم ؟
مشكورين جداَ على المعلومات الرائعة ( ولد بطنها ) و ( بوحا ) kiss/

أنا وبدون مبالغة بس عندي وظيفة الـMining طلعت خلال 4 أيام بس 51.000 جولد.. إي فعلا واحد وخمسون ألف جولد

هذا وأنا بس Mining.. فما بالك لو كنت Mining+Herbalism يعني أقل شي أدبل الرقم أطلع 100.000 جولد
almu6laq
05-03-2011, 12:07 PM
مشكورين ياجماعه ومايحتاج تشكروني ترى ماسويت شي



اما بخصوص الجولد وكم اطلع ، انا عن نفسي عندي 4 شنط 2 للherbs 36 slot و 2 مايننغ 32 slot
كل يوم ادخل اشوفهم تقريبا full والبيع حسب السيرفر لأن يختلف من سيرفر لي سيرفر


ولكن لاتنسى بالherb تاخذ بعد voilate of life وانا ابيع الوحده ب10 جولد ، واطلع كل يوم تقريبا 350 الى 400


غير الماينغ هم تطلع جواهر تبيعهم على 30 جولد


يعني الوظيفه هيرب و ماينغ مو بس محتكره الاحجار والورد ، اما معدل الجولد ماني عارف بالضبط ولكن اطلع واجد


يعني كل مرتين ابيع فيهم بالاكشن هاوس اطلع فوق 10 الاف جولد يعني نقول كل مره 5 الاف



لدرجه اني حاليا وقفت الوظيفه وشغلت الباتل جراند لأني تعبت وانا اجمع جولد و مااستخدمه والمجموع حاليا 100 الف جولد



مثل ما الـHerb تطلع Volatile of Life, أنا وظيفتي الثانية Engineering وبالوظيفة هذي تقدر تصنع شغله تخليك تطلع Volatile of Air تقريبا بكل مره تكسر Mining

غير إنك أساسا بكل مره تكسر Mining في مجال كبير تطلع Volatile Earth - Water - Fire - Air وهذا يعتبر غير قطعة الـEngineering إلي تطلعلك Volatile of Air بشكل جنوني

أنا كل ما أفتح الجنطة أشوف عندي 300 - 400 Volatile of Air والله بدون مبالغة.. تخيل كل وحده أبيعها أقل شي بـ28 جولد سابقا والحين تقريبا أبيعها بـ20 جولد غير الـMining وغير الـVolatile الثانيين

يعني سالفة الماينينج جولد بجولد

وفعلا أنا سويت نفسك, من كثر الجولد إلي عندي خلاص وقفت البوت خلاص مابي جولد زيادة لأني وصلت 150.000 جولد والصراحة ماكو شي أشتري فيهم.. الجولد حاليا صاير ماله معنى
arlund
05-03-2011, 04:22 PM
اخوي ولد بطنها ابي مساعدتك الله لا يهينك
انا سجلت في الموقوع حق البوت و سجلت في المنتدى حق البوت وسويت ربط بين الاثنين
و شريت البوت ابو 80 يورو ....... بس لما ادخل على التحميل ما يرضى يحمل معي :( مع اني مسجل في المنتدى
ما ادري ليه ؟ هل لازم اصبر يوم او يومين عشان يتم تفعيل الاكونت حقي ؟
Karazhan
05-03-2011, 04:30 PM
مثل ما الـHerb تطلع Volatile of Life, أنا وظيفتي الثانية Engineering وبالوظيفة هذي تقدر تصنع شغله تخليك تطلع Volatile of Air تقريبا بكل مره تكسر Mining

غير إنك أساسا بكل مره تكسر Mining في مجال كبير تطلع Volatile Earth - Water - Fire - Air وهذا يعتبر غير قطعة الـEngineering إلي تطلعلك Volatile of Air بشكل جنوني

أنا كل ما أفتح الجنطة أشوف عندي 300 - 400 Volatile of Air والله بدون مبالغة.. تخيل كل وحده أبيعها أقل شي بـ28 جولد سابقا والحين تقريبا أبيعها بـ20 جولد غير الـMining وغير الـVolatile الثانيين

يعني سالفة الماينينج جولد بجولد

وفعلا أنا سويت نفسك, من كثر الجولد إلي عندي خلاص وقفت البوت خلاص مابي جولد زيادة لأني وصلت 150.000 جولد والصراحة ماكو شي أشتري فيهم.. الجولد حاليا صاير ماله معنى



قصدك http://www.wowhead.com/item=67494 (http://www.wowhead.com/item=67494)

انا انجنير وفعلا كل الماينقق اخذ منها الair اكثر شي

مشكور على التوضيح
Karazhan
05-03-2011, 04:35 PM
اخوي ولد بطنها ابي مساعدتك الله لا يهينك
انا سجلت في الموقوع حق البوت و سجلت في المنتدى حق البوت وسويت ربط بين الاثنين
و شريت البوت ابو 80 يورو ....... بس لما ادخل على التحميل ما يرضى يحمل معي :( مع اني مسجل في المنتدى
ما ادري ليه ؟ هل لازم اصبر يوم او يومين عشان يتم تفعيل الاكونت حقي ؟



انت الحين اترك عنك الموقع الرسمي مال البوت , وكل شغلك حطه في المنتدى مال البوت لأن تحميل البرنامج و البرمجه للبوت وكل شي من المنتدى وليس من الموقع اللي خلفياته برتقاليه



Download Here: Honorbuddy 2.0.0.4265 (http://www.thebuddyforum.com/downloads.php?do=file&id=109)

هني تحميل اخر release

بعد التحميل افتح الضغط بس في خطوه قبل اهي سجل دخوله للمنتدى اول

وانت يمكن عقدت الامور شوي , لأن اسمك في المنتدى اهو نفسه الاسم والباسورد اللي تستخدمه للبرنامج

يعني لا تسجل في المنتدى بأسم و تشترك في البوت بأسم ثاني

فهمت شلون
Karazhan
05-03-2011, 04:47 PM
اخوي ولد بطنها ابي مساعدتك الله لا يهينك
انا سجلت في الموقوع حق البوت و سجلت في المنتدى حق البوت وسويت ربط بين الاثنين

لاتسوي ربط مع اني ماادري شنو الربط لكن انت استخدم الاسم والباسورد اللي شريت فيه البوت , واستخدمه حتى للمنتدى مالهم , واكتبه بعد ماتنزل عندك البوت وتفتحه راح يطلب الايوزر نيم والباسورد , اكتب الاسم والباسورد نفسه اللي شريت فيه البوت

و شريت البوت ابو 80 يورو ....... بس لما ادخل على التحميل ما يرضى يحمل معي :( مع اني مسجل في المنتدى
ما ادري ليه ؟ هل لازم اصبر يوم او يومين عشان يتم تفعيل الاكونت حقي ؟



يعني يا اخوان اللي يبي يشترك في البوت ويسجل عندهم يختار username and password واحد فقط , وهذا الاسم والباسورد راح تدخل منه للمنتدى مالهم وتدخل فيه للبوت وكل شي

يعني مو تسجل بأسم في المنتدى وتروح تشتري البوت وتسجله بأسم ثاني , وبعدين تدخل للبوت وتكتب الاسم الاول ويقولك غلط

اسم واحد لكل شي
arlund
05-03-2011, 04:48 PM
انت الحين اترك عنك الموقع الرسمي مال البوت , وكل شغلك حطه في المنتدى مال البوت لأن تحميل البرنامج و البرمجه للبوت وكل شي من المنتدى وليس من الموقع اللي خلفياته برتقاليه



Download Here: Honorbuddy 2.0.0.4265 (http://www.thebuddyforum.com/downloads.php?do=file&id=109)

هني تحميل اخر release

بعد التحميل افتح الضغط بس في خطوه قبل اهي سجل دخوله للمنتدى اول

وانت يمكن عقدت الامور شوي , لأن اسمك في المنتدى اهو نفسه الاسم والباسورد اللي تستخدمه للبرنامج

يعني لا تسجل في المنتدى بأسم و تشترك في البوت بأسم ثاني

فهمت شلون

انا فاهم عليك اخوي ..... انا مستخدم نفس الاسم حق المنتدى والموقع
المشكلة في التحميل عندي لما ادوس على كلمة دونلود مايرضى يحمل ما ادري ليه ..... هل لازم استنى عشان يفعلون اشتراكي ؟
Karazhan
05-03-2011, 04:52 PM
الحين اضغط على الداون لود فوق وشوف ينزل البوت او لأ
Karazhan
05-03-2011, 04:55 PM
اذا نزل نزل واذا مانزل يعني ان عندك في جهازك برنامج حمايه نفس واحد اعرفه

مانزل عنده البوت بسبب الحمايه الى ان وقف البرنامج و نزل البوت
arlund
05-03-2011, 04:56 PM
الحين اضغط على الداون لود فوق وشوف ينزل البوت او لأ


لا ما ينزل ..... حاولت اكثر من مرة بس مافي فايدة
Karazhan
05-03-2011, 05:11 PM
تقدر تنسخلي السبب
عشان اتأكد اكثر
arlund
05-03-2011, 05:25 PM
اهنيك ياولد بطنها على البوت ...... الصراحة دعم فني محترم في المنتدى حقهم
ما امدى سويت موضوع الا اشوف الاعضاء يردون علي في اقل من 5 دقايق
المشكلة طلعت من برنامج internet download manager لازم توقفه عشان يحمل
اشكرك على الردود السريعة ياولد بطنها :)
Karazhan
05-03-2011, 05:33 PM
بوتات :)

حاضرين للطيبين

انت شنو الشخصيه اللي راح تشغل البوت عليها ؟
arlund
05-03-2011, 06:00 PM
بوتات :)

حاضرين للطيبين

انت شنو الشخصيه اللي راح تشغل البوت عليها ؟

بخلي البوت يشتغل على warrior
mining + herbs الثنتين 525 و الماونت 310%

انا حاليا جالس اتبع الاعدادات اللي انت شارحها واذا ابتدا البوت يفرم برد لك خبر :)
Karazhan
05-03-2011, 06:08 PM
نزل برمجه twilight highland للherb+mining

في برمجات كل وظيفه لوحدها وفي بعض البرمجات الوظيفتين مع بعض

لا تتخربط بينهم
Karazhan
05-03-2011, 07:01 PM
اذاحبيت تشغل البوت على كلاس يستخدم pet مثل warlock , DK , mage مرات يحصل bug اللي اهو تضارب بين الشخصيه والpet

يعتقد البوت ان الpet شخص ثاني و راح تشوفه يوقف الهجوم عليه ويمشي ويخلي البت بروحه , او تشوفه يوقف مكانه لغايه ما يموت البت او تنتهي المعركه

اذا حصلت معاك او اذا تبي تتحاشى حصول هذا الأمر نزل

PetCombatFix.cs (http://www.thebuddyforum.com/attachments/archives/honorbuddy-plug-ins-archive/15867d1296134601-%5Btest%5D-pet-combat-fix-plugin-petcombatfix-cs)


هذي البرمجه نزلها دايركت في ملف plugins لأنها مو داخل في zip وبعد ماتحفظها داخل ملف البوت اللي اهو plugins شغل البوت وروح للأختيار فوق plugins وراح تشوف البرمجه موجوده

ضع الماوس عليها لما تشوف لونها صار بالازرق وبعدين عاليمين في مربع عنده كلمه enabled حط صح عليه وتحت اضغط recompile all

بعد هالخطوه راح يتعدل الوضع مع البت , وكل ما تدخل البوت ومعاك شخصيه معاها بت ادخل المكان هذا وشوف الصح موجود او لأ , اذا مو موجود اعمل الخطوه

والملف راح يتم موجود على طول , يعني مو محتاج انك تدخل كل مره وتنزل البرمجه , اللي تحتاجه انك تشوف اذا في صح او لأ :)
Maybach8100
06-03-2011, 11:22 PM
اول مره اشوف موضوع من راسه لساسه مفيد

الله يبارك فيك اخوي ولد بطنها عز الله ماقصرت

معليش بضغط عليك حبتين زياده واسئلك إذا عندك رابط لموقع ثقه يبيع يوزرات و الناس تتعامل معه ؟!
Karazhan
07-03-2011, 03:38 AM
الله يسلمك و يخليك ماتقصر

اضغط واخذ راحتك بالأسأله , ولكن اذا عن البوت اسألني هني واذا موضوع يتعلق باللعبه اسأل في قسم الاستفسارات وانشاءالله انا والشباب نرد عليك

اما المواقع اللي تبيع اكاونتات <اذا قصدك باليوزرات اكاونتات> فانا اعرف كم موقع ولكن اهلهم صينيين , ومو ثقه , وواحد فيهم شرينا منه اكاونت وبعد فتره اسرقوه

عندك موضوع مثبت بالقسم فيه بيع وشراء , وانصحك فيه لان البياعين والشرايه كلهم عرب , ونصيحه مني دام انت سعودي لا تشتري الا من شخص سعودي , وتكون وجها لوجه

انت تضمن حقك و اهو يضمن حقه , ومافيها عيب او قله ثقه , ولكن الحق حق وكل واحد يبي حقه

اما مواقع الاجنبيه قليل تحصل ثقه
arlund
07-03-2011, 05:32 AM
احب اشكر اخوي ( ولد بطنها ) على مساعدته لي في حل المشاكل اللي واجهتني في عمل البوت
جزاك الله خير يا اخوي والله انك فكيت ازمة :)
البوت الحين جالس يفرم و شغال زي الحلاوة :)
Karazhan
07-03-2011, 05:46 AM
العفو ياخوي ولا تفضحنا :)

واذا عندك مشكله مثل اللي حصلت معاك بخصوص .NET framework او غيرها اتمنى تكتبها بالقسم عشان انت تستفيد واللي تحصله نفس المشكله يستفيد

اما بالخاص مايستفيد الا انت , ولو يجيني واحد الحين ويقولي عندي نفس المشكله راح ابجي

عموما انا بالخدمه وحاضر لكل الأسأله والمشاكل
arlund
08-03-2011, 06:46 PM
اخوي انا خليت البوت يفرم في twilight highland :cray: و استغربت من عدد البوتات اللي جالسن يفرمون (حتى الان اشوف 4 يستخدمون نفس البوت ) طبعا مستحيل احصل شي مع هذا العدد من البوتات ..... فـ غيرت المنطقة

قلت خلني اخلي البوت في uldum .....لكن للأسف الوضع طلع نفس twilight highland ويمكن اسوء بعد .... البوتات مسيطرين على الوضع
للأسف برضوا اسعار الـ ores +herbs في الارض لو نقارنهم باسعارهم قبل شهر

الصراحة لو اخلي البوت في twilight highland انا خسران .... اخليه في outland اصرف لي
في ملف الصراحة حلو ياليتك تجربة
http://www.thebuddyforum.com/gatherbuddy-forum/profiles/outlands/13169-%5Bherb%5D-%5Bmining%5D-ryans-outlands-mega-route-4-zones-no-elites.html
BoOoOo7a
08-03-2011, 06:52 PM
اخوي انا خليت البوت يفرم في twilight highland :cray: و استغربت من عدد البوتات اللي جالسن يفرمون (حتى الان اشوف 4 يستخدمون نفس البوت ) طبعا مستحيل احصل شي مع هذا العدد من البوتات ..... فـ غيرت المنطقة

قلت خلني اخلي البوت في uldum .....لكن للأسف الوضع طلع نفس twilight highland ويمكن اسوء بعد .... البوتات مسيطرين على الوضع
للأسف برضوا اسعار الـ ores +herbs في الارض لو نقارنهم باسعارهم قبل شهر

الصراحة لو اخلي البوت في twilight highland انا خسران .... اخليه في outland اصرف لي
في ملف الصراحة حلو ياليتك تجربة
http://www.thebuddyforum.com/gatherbuddy-forum/profiles/outlands/13169-%5Bherb%5D-%5Bmining%5D-ryans-outlands-mega-route-4-zones-no-elites.html


وش سيرفرك؟
arlund
08-03-2011, 07:38 PM
وش سيرفرك؟
سيرفر زندار
BoOoOo7a
08-03-2011, 09:24 PM
سيرفر زندار


السيرفرات المزحومة انسى تفرم فيها ..

او سوي report على اللي البوتات اللي يفرمون خخخخخ .. وبعدهم بكم يوم ابدا فارم انت ^^
سيفيروث
08-03-2011, 09:42 PM
أنا اخذت بوت بيروكس ونزلت أكثر من بروفايل وعملت نفس الاعدادات اللي حاطينها لكن الشخصية فقط تطير على الخريطة بدون ما تعمل ماينينق

هل من حل؟ :)
سيفيروث
08-03-2011, 09:50 PM
اول ما احط الاستفسار اشتغل البوت xD
BoOoOo7a
08-03-2011, 10:27 PM
أنا اخذت بوت بيروكس ونزلت أكثر من بروفايل وعملت نفس الاعدادات اللي حاطينها لكن الشخصية فقط تطير على الخريطة بدون ما تعمل ماينينق

هل من حل؟ :)

انا ما جربت بايركس بالفارم .. ولكن سمعت انه ذكي جداً و افضل من Gatherbuddy بكثير .. لاني مع Gatherbuddy اعاني ولازم اراقبه طول الوقت ولكن بايركس صعب جداً انه GM يصيدك .. و اختيار موفق

انا انشاءالله بشتريه هاليومين و اجربه ..

وبخصوص مشكلة انه يطنش بعض الـ mining

اتوقع اني قريت لها موضوع بالمنتدى حقهم وكان لها حل, اذا كملت معك نفس المشكلة قول لي ,, و اعطيك الرابط
arlund
08-03-2011, 10:45 PM
السيرفرات المزحومة انسى تفرم فيها ..

او سوي report على اللي البوتات اللي يفرمون خخخخخ .. وبعدهم بكم يوم ابدا فارم انت ^^

انا جالس افرم في الاوتلاند + نورث رند ( مستحيل تحصل بوت + نادر تحصل احد يلعب في هذه المناطق يعني اكثر امان )

انت من جد تسوي report على البوتات الثانين ؟
افرض انك فتحت تكيت .....وبعد فترة كلمك الـ GM لأي سبب من الاسباب ........ و نفترض انك مو جالس على الجهاز و الايفون بعيد عنك ..... و البوت ماخذ راحته :09: جالس يفرم و يلعب pvp..... و كلمك الـ GM .... كذا انت فضحت نفسك بنفسك :p
الصراحة يا اخوي فكرة الـ report هذه انا شايلها من راسي
احس انه غلط اني اسوي report على ناس ....يسون نفس الشيء اللي انا جالس اسويه :)
BoOoOo7a
08-03-2011, 10:50 PM
انا جالس افرم في الاوتلاند + نورث رند ( مستحيل تحصل بوت + نادر تحصل احد يلعب في هذه المناطق يعني اكثر امان )

انت من جد تسوي report على البوتات الثانين ؟
افرض انك فتحت تكيت .....وبعد فترة كلمك الـ GM لأي سبب من الاسباب ........ و نفترض انك مو جالس على الجهاز و الايفون بعيد عنك ..... و البوت ماخذ راحته :09: جالس يفرم و يلعب pvp..... و كلمك الـ GM .... كذا انت فضحت نفسك بنفسك :p
الصراحة يا اخوي فكرة الـ report هذه انا شايلها من راسي
احس انه غلط اني اسوي report على ناس ....يسون نفس الشيء اللي انا جالس اسويه :)

و انت صدقت >.<

بالنسبة لي انا كنت بكازاك ونقلت منه لسيرفر تقريباً فاضي وكل الناس اللي افيه بس تسوي رايدات .. وماعندك احد يسوي فارم .. وماخذ راحتي ..
سيفيروث
09-03-2011, 11:39 AM
البوت شغال تمام الحين في خلال ساعتين تقريباً جمعلي 32 ستاك من الكوبولت أور :D
noble demon
11-03-2011, 05:52 PM
هل البوتات تنفع للفلنق وليس للفارمنق فقط
واي واحد تنصحوني فيه ؟
Karazhan
12-03-2011, 08:49 AM
اخوي يعني شنو الفلنق ؟ اكتبها انجليزي لأني بصراحه مافهمتها
سيفيروث
12-03-2011, 11:23 AM
يقصد lvling :D
Karazhan
12-03-2011, 12:41 PM
اييي شكرا سيف

اي اخوي نوبل البوت له طرق تلفيل وحده بالقتل ويطلق عليها العلماء والمفكرين اسم grind

والثانيه عن طريق quests

وعندك مثلا لما توصل لفل 10 ويفتح معاك الباتل جراند تقدر عن طريقه تلفل

وعندك بعد لفل 15 ولما يفتح معاك اختيار الدنجن يدخل البوت و يفرم على الدنجنات المتوفره

كل هذا بالبوت يعني اول ماتشغل البوت اختار quest و نزل برمجه من موقعهم للمكان اللي انت فيه ونزل البرمجه في الملف المخصص وبعدها ارفع الملف او البرمجه للبوت واضغط ستارت واهو يبدأ ياخذ الكويستات و يحلها

يعني في كذا اختيار والكل يلفلك
kagoor
14-03-2011, 04:19 PM
مرحبا اخوي ولد بطنها انا اشتريت البرنامج ونزلت كويستات من لفل 13 إلى 58 للورقين لكنه ما اشتغل ما ادري ايش السبب
السؤال الثاني لما ادخل بالشخصيه للباتل الشخصيه ما تقاتل بس تتمشى

Starting the bot!
Changing current profile to level 0 - 2147483647
Can not start quest bot - this profile does not contain a quest order!

هذي هي صيغة الخطأ انا ما ادري اي ملف يقصد
kloze
14-03-2011, 04:47 PM
معليش ياشباب لكن انا قبل كنت استخدم بوتات قبل القضيه الي فازت فيها بليزارد على مواقع البوتس والي صار فيها تصفيه لجميع اللاعبين البوترز

الحين بالنسبه للبوت هذا الي تتكلمون عنه فيه خاصيه الدسكونكت اذا وسبرك GM والا لا . ما عليش ترا ماقريت الموضوع كامل تحملوني شوي
BoOoOo7a
14-03-2011, 05:02 PM
الحين بالنسبه للبوت هذا الي تتكلمون عنه فيه خاصيه الدسكونكت اذا وسبرك GM والا لا . ما عليش ترا ماقريت الموضوع كامل تحملوني شوي Pirox فقط .. فيه صفحة بالـ Options خاصة لهذا الشيء ..وطويلة عريضة فيها فوق العشرين اوبشن اذا كلمك GM وش يصير

بالنسبة لي انا حاط انه يسوي DC ويقفل واو
Karazhan
14-03-2011, 06:06 PM
مرحبا اخوي ولد بطنها انا اشتريت البرنامج ونزلت كويستات من لفل 13 إلى 58 للورقين لكنه ما اشتغل ما ادري ايش السبب
السؤال الثاني لما ادخل بالشخصيه للباتل الشخصيه ما تقاتل بس تتمشى

Starting the bot!
Changing current profile to level 0 - 2147483647
Can not start quest bot - this profile does not contain a quest order!

هذي هي صيغة الخطأ انا ما ادري اي ملف يقصد



اذا نزلت برمجه وحملتها بالبوت قبل لا تضغط start في فوقه بالضبط المستطيل , ادخل عليه راح يعطيك كم اختيار , من بينهم اختيار questing اختارها و ابدأ شغل البوت


واذا تبي باتل جراند هم اضغط على المستطيل واختار pvp او BG beta و اضغط start


هالخطوه ضروريه عشان يشتغل البوت على الشي اللي تبيه يسويه


ونفس الطريقه مع الاختيارات الثانيه اذا تبي تفريم اختار getherbuddy واذا تبي الاثار اختار archaelogy


وهكذا

اما من الكلام اللي نسختها هذا كأن انك ماحملت البرمجه للبوت

اذا تبي تحمل البرمجه بعد ماتنزلها بالملف المخصص لها ادخل على البوت واختار load profile

بعدها ادخل على ملف البرمجه وبعدين اختار البرمجه واضغط ok

بعدين روح المستطيل فوق ستارت واختار منه questing وبعدين start

وانشاءالله تشتغل معاك , بس اهم شي ماتكون هورد وتنزل برمجه الاينس او العكس
Karazhan
14-03-2011, 06:10 PM
معليش ياشباب لكن انا قبل كنت استخدم بوتات قبل القضيه الي فازت فيها بليزارد على مواقع البوتس والي صار فيها تصفيه لجميع اللاعبين البوترز

الحين بالنسبه للبوت هذا الي تتكلمون عنه فيه خاصيه الدسكونكت اذا وسبرك GM والا لا . ما عليش ترا ماقريت الموضوع كامل تحملوني شوي

انا دخلت بأكاونت ثاني وكلمت الشخصيه اللي فيها البوت بس ماحصل ان رد علي او عمل ديسكونكت
مااظن فيه هالخاصيه لأن الى الان ما احتجتها , البوت اللي كنت استخدمه قبل كان glider وهذا البوت كان يعمل grind فقط , ابرمجه على مكان على شكل دائره ويقعد يذبح ليل نهار , وهذي الطريقه اخطر الطرق لأن الكل يشوفك نفس المكان 24 ساعه , وبعض الناس ماتغشمر على طول ريبورت

اما هذا له استخدام معين اذا استخدمته بالطريقه الصحيحه ماراح يصير شي
kloze
14-03-2011, 06:13 PM
Pirox فقط .. فيه صفحة بالـ Options خاصة لهذا الشيء ..وطويلة عريضة فيها فوق العشرين اوبشن اذا كلمك GM وش يصير

بالنسبة لي انا حاط انه يسوي DC ويقفل واو

much appreciated , downloading and ofc subscribing ^^
BoOoOo7a
14-03-2011, 10:52 PM
much appreciated , downloading and ofc subscribing ^^

np, and feel free to ask me if you want any assist on the bot setup and setting

peace
Maybach8100
21-03-2011, 02:09 PM
السلام عليكم معليش على السؤال المتأخر بس انا خلاص نويت اشتري البت ان شاء الله

بس ابي رابط التحميل موب شرط مباشر

انا دخلت الرابط الي حاطه ولد بطنها وهو الموقع الرسمي للبوت

لقيت ثلاث كلامات مكتوبه على جنب



Download Profiles (http://www.thebuddyforum.com/honorbuddy-forum/profiles/)
Download Plugins (http://www.thebuddyforum.com/honorbuddy-forum/plugins/)
Download CClasses (http://www.thebuddyforum.com/honorbuddy-forum/classes/)

مدري وين احمل با الضبط انا حالياً سجلت و بشتريه ان شاء الله بس بعرف طريقة التحميل با الضبط
Karazhan
21-03-2011, 04:39 PM
مالك شغل بشي


اول ماتنزل البوت وتشترك معاهم اول ماتسوي انك تحط ملف وتسميه mesh وانا ذكرت هذا الشي بالموضوع وقلت وين تحطه


بعد ماتسويه تفتح البوت وتلعب عادي وراح يشتغل معاك , لكن اذا شفت طريقه الضرب مو عاجبتك تروح لموقعهم "المنتدى الخاص بالبوت" وتشوف CC او Cclass وانت شنو شخصيتك تنزل الملف , في اكثر من برمجه وبعضهم يحطولك فيدوهات عن طريقه البوت مع السي سي , هذي خاصه بالروتيشن يعني و اللي تعجبك تحتفظ فيها وتمسح القديمه اللي كانت نازله مع البوت


اما البروفايل هذا ماتحتاجه في الpvp و archaelogy لأن البوت مبرمج على الشغلتين هذي , البروفايلات خاصه للكوستات اذا تبي لفل و خاصه للgetherbuddy اللي اهو mining . skinning . herbs تنزل اي برمجه واهو البوت يسويها بالمدن اللي البرمجه معموله عشانها


بس في طريقه لازم تسويها اذا تبي تفريم وذكرتها ببدايه الموضوع , وكل برمجه تنزلها احفظها عندك بالملف المخصص لها يوم ودوم وقت ماتبي تسويها او عندك شخصيه ثانيه تبي تسويها فيه


ولكن بدايه الامر راح يشتغل البوت معاك بدون اي مشكله واهو مبرمج على كل شي اللهم الا التفريم لازم تنزل برمجه لكل مدينه و وظيفه



http://www.thebuddyforum.com/downloads.php?do=file&id=110 (http://www.thebuddyforum.com/downloads.php?do=file&id=110)

هذا المكان اللي تنزل البوت واول شي سجل دخولك بعدين داون لود
Maybach8100
22-03-2011, 12:22 AM
^^
^^

والله كفييت و وفيييت اخوي ولد بطنها الله يبارك فيك

والله موضوعك يستحق انه يتثبت بكل جداره على مدى 6 صفحات و كل الردود فيها فائده كبيره خصوصاً انه ردود موب فيها شكر فقط لاكن استفسار و بعدها الرد عليه

.....

احب اشكر اخوي arlund بسبب ان نفس المشكله الي جته جتني فا اشكره على طرحه الحل الي استخدمه

فسويت نفس الي سواه و ضبط الوضع

لاكن انا بضيف بس كم نقطه

وهي انك إذا عندك internet download manger لازم تطفيه عن طريق الضغط على خيار downloads > options > generals

بعدها تلقا تحت اسماء عدت برامج من المتصفحات وهذا الخيار اضنه معروف المهم انك تزيل الصح من المتصفح المسدخدم (سواء firefox , explorer)

حطيت هاذي لأختصر العناء لني جربت بعض الطرق الأعتياديه مثل اني اسكر البرنامج او استخدم احد الأحرف لأيقاف البرنامج عن التحميل لاكن استمرة نفس المشكله
Deathcow
22-03-2011, 12:52 PM
اذا انت تعبان على اكاونتك وخايف عليه لا تستعمل البوت وبعدين تسوي موضوع هنا وتجلس تتشكى وتبكي اذا جاك باند...
Karazhan
22-03-2011, 02:58 PM
السلام عليكم

شكرا عزيزي مايباخ على الكلام اللي قلته , وانا ماحطيت الموضوع الا للفائده فقط

وليس للشكر او التثبيت لأني ما افضل انه يتثبت لأن موضوع عادي , يهم بعد الناس وبعض الناس مايهمها , والموضوع المثبت لابد ان يكون شامل ومهم لكل الناس

ثاني شي اوجه رساله الى الناس اللي تستخدم البوت ان هذا البوت ممنوع من الاستخدام في واو واذا صار واكتشفوا انك تستخدمه راح تاخذ باند

لذلك انا انصح الاخوان انهم يشترون اكاونتات جديده او حتى لو اكاونت فيه شخصيه 1 لفل 85 اذا كانت يبي gold ويجعل هذي الشخصيه minig + herb ويبدأ يرفع السكيل من 1 الى 525 وهذا سهله دام انك تستخدم البوت

ونفس ماقال الاخ deathcow اذا كنت تعبان على اكاونت لا تستخدم البوت عليه , انا اعرف ناس ماصار عليهم شي ويستخدمون البوت من اكثر من سنه , وانا ماصار معاي شي ولكن للأمان و عدم خساره التعب اللي تعبته على اكاونت يمكن يكون حظك ردئ وتاخذ باند من اول يوم تستعمل البوت فيه

انا انصح الاخوه انهم ياخذون اكاونت ثاني نفسي انا شخصيا اخذت اكاونت اخوي لفل 80 وكان ما يلعب من ايام لفل 80 ونسى اللعبه , وانا اخذت اكاونته ولفلت الشخصيات عن طريق وظيفه الاثار والحين حاطه تجميع جولد واذا اخذ باند مايهمني لأني ماتعبت فيه ولا قطيت عليه فلس واحد وفوق هذا طلعلي اكثر من 100 الف جولد

بعد ماكنت اشتري الجولد من اوف جيمز وكان وقتها ال30 الف جولد ب20 دينار او قريب من المبلغ هذا الحين الجولد مجانا وشريت كل شي من الاكشن هاوس


اخر شي اتمنى الحذر ولا تصيرون مثل ماصار في بوحا وتقدرون تشوفون موضوعه شلون اخذ باند على اكاونت اللي يقول من زمان عنده وفيه اشياء كثيره حرام تروح بالسهوله هذي

اتمنى الحذر و بما انك lifetime يعني تقدر على طول وكل ما تاخذ باند تقدر تشتري اكاونت رخيص اهم شي يكون شخصيه وحده عالاقل فيه لفل 85 بس وتاخذه ب20 دينار او اقل بعد واعتبر نفسك شاري جولد ب20 دينار لكن راح تطلع على اقل تقدير 100 الف جولد و غير الاغراض الثانيه الrare


واتمنى التوفيق للكل والله يبعد الباند عن تلاميذ الملك

:)
Karazhan
22-03-2011, 03:10 PM
ياجماعه يمكن في بعضكم يشوف بالبوت اختيار اسمه grind ومايدري لشنو او يشوف ان ماله معنى الgrind يكون موجود بالبوت دام انه يخلص كويستات و يدخل بي في بي او يسوي وظائف او الاثار وهذي كلها تقدر تلفل من خلالها

وgrind اهو يذبح فقط يعني تحطه في مكان و تحط الاختيار هذا ويبدأ يذبح البوت بس ومايسوي شي ثاني

هذي الله يسلمكم للشباب اللي يبحثون عن الcloth او علاقه معينه مع فاكشن

يعني في مثلا موبات كل ماتذبحهم تاخذ علاقه مع فاكشن نفس اللي في tanaris اللي اذا ذبحتهم تاخذ علاقه مع booty bay و الاختيار هذا يخليك تذبح فيهم ليل نهار لغايه ما تصير اكزالتد

الشي الثاني اذا كنت تبي Embersilk Cloth وهو نوع الخام الجديد في cata وهذا بالبيع سعره حلو في بعض السيرفرات خصوصا بالسيرفر عندي سعره ب60 جولد للستوك , او اذا انت تايلور وتحتاج هذا النوع من الخام

في بعض الناس مسوين برمجه للخام هذا واذا شفت البرمجه وانت محتاجها ونزلتها عندك وقالك روح hyjal عشان هناك مجموعه كبيره من الhuman اللي يقطون هذا النوع هناك وقبل ما تشغل البوت لازم تختار grind عشان يذبح فقط ويجمع هذا النوع من الخام

يعني كل شي بالبوت له طريقه للتشغيل وكل اختيار له معنى


وبالتوفيق للجميع
بدون اسم..
24-03-2011, 12:04 AM
السلام عليكم

ولد بطنها ساعدني , شو احسن بروفيشن عشان الجولد انا قريت انه herbaslim & mining؟؟

وهل البوت يفرم من 1 الى 525 ولا بس من 525 انا الصراحه قريت موضوعك وعجبني البوت واشترت اللايف تايم !! بس ابتلشت فيه ارجوك انا اليوم خذته ولا عرفت شو اسوي في المنتدى مالهم !!
Karazhan
24-03-2011, 01:11 AM
افضل شي الوظيفتين اللي قلتهم للجولد

البوت فيه اكثر من برمجه للوظيفتين ولكن اذا كنت تبي تبدأ من 1 لازم تنزل البرمجه من 1 الى 300 بالترتيب واهو البوت يقعد يجمع من 1 الى 75 وبعدها تروح للمدرب ترفع السكيل و تحط البرمجه الثانيه وتروح للمنطقه اللي فيها المايننق اللي تحتاجه عشان يرفع السكيل

والهيرب نفس الطريقه تحط البرمجه وتشغل البوت ويطور الوظيفه وكل ماوصل السكيل اعلى شي تروح للمدرب

لغايه مايصير 300 بعدين تروح اوتلاند وهناك مايحتاج برمجات كثيره وراح توصل 375 في hellfire

بعدين تروح نورثرند ونفس الطريقه برمجه وحده تحتاج الى 450 وبعدها ترجع تحط برمجه من 450 الى 525

في بعض البرمجيات مخصصه للمدن اللي يكون فيها ماينق و هيرب مثل twiligh hightland تنزلها عندك وتستمر فيها على طول


انا مااقدر اشرحلك بدايه التشغيل لان مابي اعيد الموضوع مره ثانيه , ولكن تقدر تسوي خطوه خطوه من الخطوات اللي ذكرتهم بالبدايه

ولكن راح اساعدك بالبروفايلات

ادخل هني

http://www.thebuddyforum.com/gatherbuddy-forum/index51.html (http://www.thebuddyforum.com/gatherbuddy-forum/index51.html)

بعد ماتدخل تشوف موضوع مثبت اسمه profiles

وتحت مكتوب اسماء القارات , انت اذا هورد ادخل kalimdor
واذا الاينس ادخل eastren kingdom

هذا كبدايه , ونزل بروفايل البروفايلات من 1 الى 525 وحطهم بالملف عندك بالبوت عشان مو كل ماترفع السكيل للأعلى تروح موقعهم وتنزل بروفايل جديد

اختصر كل شي ونزل البروفايلات كلهم من 1 الى 525 , وكل ماتوصل السكيل مثلا 75\75 تروح للمدرب وترفع السكيل وتدخل على البوت وتغير البرمجه من 1 الى 75 وتختار برمجه من 75 الى 125 مثلا وتشغل البوت

طبعا كل برمجه يقولولك وين مكانها وانت تروح للمكان هذا لأن النود تحصله فيها

لغايه ماتوصل 525 وبعدها تدخل وتحط برمجه الكاتا اذا نزلتهم بعد , او انك تدخل الموقع وتنزل البرمجيات الخاصه في cata لأن في اكثر من برمجه لعده مناطق

بس يفضل انك تكون لفل 85 و تستخدم الطيران عشان توصل بسرعه و تلفل الوظيفه اسرع , بس هذا لازم تكون مشغل البوت على getherbuddy

وانا ذكرت الطريقه بالبدايه وانت اتبع طريقه getherbuddy عشان تشغل البوت للجولد

واسف عالاطاله
بدون اسم..
24-03-2011, 12:32 PM
مشكوور اخوي ولد بطنها والله ما قصرت
Yoshi
24-03-2011, 03:55 PM
للمعلوميه تم وضع موضوعك في الشروحات المميزهـ ... شكرا
Maybach8100
24-03-2011, 05:42 PM
هلا با الغالي الموقع الي عطيتنياه

سجلت بسمي والفيزا باسم واحد ثاني

فيها مشكله ولالا؟؟

او هي باقه تحتوي على سريال او شي زي كذا ؟؟
Karazhan
24-03-2011, 06:18 PM
هلا با الغالي الموقع الي عطيتنياه

سجلت بسمي والفيزا باسم واحد ثاني

فيها مشكله ولالا؟؟

او هي باقه تحتوي على سريال او شي زي كذا ؟؟



مالها شغل الفيزا

لأنك لما تشترك راح تدخل اسمك والباسورد وتشترك ويصير الاشتراك على اليوزر نيم وبعدين تنزل البرنامج وتكتب اليوزر نيم والباسورد ويشتغل البوت لأن يتصل مع موقعهم وراح يتعرف ان اليوزر نيم مالك مشترك يا مده سنه او مدى الحياه

يعني مافي اي مشكله ان كانت الفيزا غير اسمك اهم شي انك تشترك بالاسم اللي مسجل فيه بالمنتدى مالهم و اهو نفسه اللي تدخل البوت من خلاله
Maybach8100
24-03-2011, 06:51 PM
^^
^^

يا لبى قلبك يا شيييخ

والله ماقصرت يا المظلوم

و انا مازلت مصر على تثبيت الموضوع موب مجامله

لاكن فيه طبقه كبيره من اللعيبه ما يدرون عن البت فضلاً عن استعماله

فإذا لقو برنامج زي كذا يساعدهم بدال لا يسوون كل شوي يوزر و تتكسر ضهورهم و ماعندهم مشكله يدفعون ها المبلغ مقابل ها الخدمه خصوصاً ان الموضوع يشرح البت من بداية الأسعمال إلى طريقة الأستخدام إلى عدم الأمان من الباند و اشياء كثيره

و إذا بيتثبت يغلق الموضوع و ماتحذف الردود الا ردود الشكر و إذا جاك استفسار على الخاص ترد عليه و تضيف هنا الأستفسار و الرد عليه ويكون كذا موضوع قمة في الروعه

لاكن الي تشوفونه لئني انا اقول حرام يروح موضوع زي كذا و ماينقري بس اللي تشوفونه
BoOoOo7a
24-03-2011, 10:47 PM
اذا انت تعبان على اكاونتك وخايف عليه لا تستعمل البوت وبعدين تسوي موضوع هنا وتجلس تتشكى وتبكي اذا جاك باند...


تقصد من باللي فتح موضوع وقعد يشتكي؟

وثاني شيء مدري ليه الدخلة العرض اللي بالموضوع ذي ..

يعني ناس مختفية من سنة .. فجأة تلاقيها بموضوع مسوين فيها انهم هم اللي فاهمين وهم اللي قافطينك .. ويعني اني انا الذكي ..

و ثاني شيء .. خلك رجال و قولها بالوجه .. لا تقعد تلف وتدور بالمواضيع وتتكلم بظهور الناس ..

و ردك واضح ومايبيلها واحد اثنين ..


سلاام
Karazhan
25-03-2011, 12:25 AM
المتعارف عليه هني بالمنتدى اني انا ادخل المواضيع واسوي هوشه

انتوا شكو داشين موضوعي وتتهاوشون ؟

انا مااظن انه يقصدك , يمكن قصده ان اللي ياخذ باند يتشكى وقصده عن الناس كلهم مو قصده انت شخصيا

عموما حصل خير وترى كلها لعبه لا تاخذونها جد

ومشكور عزيزي مايباخ , وانا حبيت اني افيد الناس بعد تجربتي للبوت , كنت اسلم على موظفين اوف جيمز خد من كثر مااشتري منهم

ولكن بعد البوت نسيت شي اسمه شراء جولد , غير الوظيفه archaelogy اللي اخذت منها كل شي احتاجه من اسلحه و ترنك وغيره وصرت ادزهم لشخصياتي ولا احاتي اسلحه من هيروك وهالمزاد , حصلت اسلحه ببلاش

غير الجولد اللي مادري شنو اسوي فيه , وغير الجير للبي في بي حصلته كله , غير تلفيل شخصياتي مع ان عندي 11 شخصيه لفل 80 و قلت شلون بوصلهم 85

ولكن وصلت 3 شخصيات لفل 85 و الباقي بالبوت وعن طريقه archaelogy وخلال 3 ايام بالكثير يوصل 85 واحط غيره يمشي نفس ممشاه

3 ايام على اعلى تقدير مع ان مرات اشغله الفجر واروح انام ولما اقعد اشوفه فاصل , ويمكن ناس تقول 3 ايام واجد

ولكن والله اني ودي يطول اكثر لأن كل ماطول كل ماحصلت اشياء جديده من الوظيفه , الحين عندي بكل اكاونت كل اغراض الوظيفه هذي

وامس طلعلي المونت Scepter of Azj'Aqir اذا ماتعرفه ادخل واو هيد وحط الاسم وتشوفه

يااخي حصلت كل شي وشريت من الاكشن هاوس كل شي , اي شخصيه من شخصياتي توصل لفل 85 على طول اروح الاكشن هاوس واشتري كل القطع الابك


والحين كل شخصياتي ال11 لفل 85 مع اسلحه وجير و جولد

بس انا الحين استخدم البوت تدري على شنو ؟

على المونت اللي فوق هذا , ابيه بكل شخصياتي :)
طماع
Deathcow
25-03-2011, 04:35 PM
تقصد من باللي فتح موضوع وقعد يشتكي؟

وثاني شيء مدري ليه الدخلة العرض اللي بالموضوع ذي ..

يعني ناس مختفية من سنة .. فجأة تلاقيها بموضوع مسوين فيها انهم هم اللي فاهمين وهم اللي قافطينك .. ويعني اني انا الذكي ..

و ثاني شيء .. خلك رجال و قولها بالوجه .. لا تقعد تلف وتدور بالمواضيع وتتكلم بظهور الناس ..

و ردك واضح ومايبيلها واحد اثنين ..


سلاام

يا حبيبي احد جاب اسمك هنا؟؟ ولو اني بتكلم عن احد ياقولها بوجهه من انت عشان اخاف منك؟؟؟ :ponder:

انا جالس اقول اللي صاير الحين.... ومن قال اني مختفي انا دايم اخش هنا واتابع المواضيع... بس حبيت انبه الاعضاء عن استخدام البوت...

وثاني شيء مدري ليه الدخلة العرض اللي بالموضوع ذي ..

ما اتوقع اني دخلت عرض باي موضوع ولا هو موضوعك اصلا :33: ومن حقي اكتب باي موضوع ;)
Yoshi
25-03-2011, 07:34 PM
ارجو انت تكون المناقشه بين الأخ بوحا & ديث كاو انتهت هنا ...

شكرا لكم جميعاً
arlund
25-03-2011, 11:08 PM
اخوي ولد بطنها لو تسدح لنا الملفات اللي تستخدمها للتفريم ..... اكون لك من الشاكرين :)
انا استخدم
http://www.thebuddyforum.com/gatherbuddy-forum/profiles/outlands/13169-%5Bherb%5D-%5Bmining%5D-ryans-outlands-mega-route-4-zones-no-elites.html
http://www.thebuddyforum.com/gatherbuddy-forum/profiles/northrend/10075-%5Bmining%5D-w00ts-full-cobalt-zuldrak-grizzly-hills.html
الملف الاول حق الاوت لاند ..... ملف ممتاز ولا يصير تعليق او توقيف لللاعب اذا صار يفرم تقريبا يفرم كل شي في الاوت لاند
الملف الثاني حق نورث رند ..... بس حق cobalt ore برضوا ممتاز نفس الملف الاول
ما ادري في برمجات احسن من هالثنين ؟ <<<<<<< طماع :silly:
Maybach8100
26-03-2011, 07:05 PM
ياغالي عندي مشكله اذا حطيت التلفيل من 1 الى 60

وشخصيتي 53 يمشي ويجمع المطلوب من الكويست والكويست يبي 7 هو يروح يجبله40 حبه ولا يوقف والرقم في ازدياد

وا الشي الاشين

اذا مر من عند وحش او حيوان يهاجمه يوقف ومايضرب والوحش يطق فيه والبت الي معي هو الي شغال والشخصيه الي معي هنتر

و نسيت اضيف نقطه وهي انه يعلق بعض الأحيان في نقطه معينه وينننشب يعني جوا شجره ولا خشمه يخش فيها و يقعد باتل كذا البوت يحاول يقدم نفسه با الغصب وحاله صعبه
Rshaman
27-03-2011, 12:17 AM
السلام عليكم ..

بصراحة اول موضوع اشارك فيه مفيد

انت تقول انك تستخدم تفريم Archeaology ويطيح لك ماونت ولبس طيب ماتقدر ترسلها لأكونت ثاني وانا على حسب علمي انك تستخدمها فأكونت اخوك وسؤالي الثاني بكم البرنامج بالدينار الكويتي وشلون طريقة الدفع كاش يو ولا فيزا ولا يسترن عيون؟ والسؤال الاخير انا ابي تفريم قولد بس مع اني بأكبر السيرفرات الاوربية kazzak هل فيه خطر .. وياليت الي بسيرفر كازاك يقولنا تجربته مع البوت واسف على الأطاله وشكرا
BoOoOo7a
27-03-2011, 12:19 AM
السلام عليكم ..

بصراحة اول موضوع اشارك فيه مفيد

انت تقول انك تستخدم تفريم Archeaology ويطيح لك ماونت ولبس طيب ماتقدر ترسلها لأكونت ثاني وانا على حسب علمي انك تستخدمها فأكونت اخوك وسؤالي الثاني بكم البرنامج بالدينار الكويتي وشلون طريقة الدفع كاش يو ولا فيزا ولا يسترن عيون؟ والسؤال الاخير انا ابي تفريم قولد بس مع اني بأكبر السيرفرات الاوربية kazzak هل فيه خطر .. وياليت الي بسيرفر كازاك يقولنا تجربته مع البوت واسف على الأطاله وشكرا

بكازاك انسى .. زحمه

وفوق كذا الأسعار طايحة حيييييييل

اسأل مجرب ..



ياغالي عندي مشكله اذا حطيت التلفيل من 1 الى 60

وشخصيتي 53 يمشي ويجمع المطلوب من الكويست والكويست يبي 7 هو يروح يجبله40 حبه ولا يوقف والرقم في ازدياد

وا الشي الاشين

اذا مر من عند وحش او حيوان يهاجمه يوقف ومايضرب والوحش يطق فيه والبت الي معي هو الي شغال والشخصيه الي معي هنتر

و نسيت اضيف نقطه وهي انه يعلق بعض الأحيان في نقطه معينه وينننشب يعني جوا شجره ولا خشمه يخش فيها و يقعد باتل كذا البوت يحاول يقدم نفسه با الغصب وحاله صعبه


هالمشاكل كلها بسبب البروفايل ..

شف لك بروفايل ممتاز ..

يعني بنفس قسم المنتدى حقهم .. اذا لقيت موضوع عليه 5 نجوم و Views كثير .. هذا يكون افضل بروفايل ..

وسلاام
Karazhan
27-03-2011, 01:11 AM
ياغالي عندي مشكله اذا حطيت التلفيل من 1 الى 60

وشخصيتي 53 يمشي ويجمع المطلوب من الكويست والكويست يبي 7 هو يروح يجبله40 حبه ولا يوقف والرقم في ازدياد

وا الشي الاشين

اذا مر من عند وحش او حيوان يهاجمه يوقف ومايضرب والوحش يطق فيه والبت الي معي هو الي شغال والشخصيه الي معي هنتر

و نسيت اضيف نقطه وهي انه يعلق بعض الأحيان في نقطه معينه وينننشب يعني جوا شجره ولا خشمه يخش فيها و يقعد باتل كذا البوت يحاول يقدم نفسه با الغصب وحاله صعبه




نفس ماقال بوحا , شوف برمجه مضبوطه والناس تشكره عليها و مقيمه 5 نجوم اعرف انها حلوه , لا تستمر على برمجه وحده لان بعض البرمجات يكون فيها خلل , والخلل مو من البوت من البرمجه

سالفه الpet راجع الصفحه 4 و ثاني مشاركه بالصفحه 4 انا كاتب عن البت ومشكلته اذا صار يتهاوش مع موب والشخصيه واقفه

لأن البوت يعتقد ان البت شخصيه ثانيه مو لك وهني يوقف مايسوي شي , ولكن لما تنزل البرمجه اللي حاطها انا بالصفحه 4 راح تعدل الخلل هذا و يصير البوت يعرف ان معاك بت

ولكن اعمل الخطوات نفس ما انا كاتب , يعني سكر البوت و نزل البرمجه في الملف الصحيح بعدين شغل البوت واعمل الخطوه الثانيه وانشاءالله يضبط معاك , لأنك اذا نزلت البرمجه والبوت شغال ماراح يصير شي او يتعدل الوضع , طف البوت ونزل البرمجه بعدين شغله و سو الخطوه الثانيه


واي خدمه انا حاضر
Maybach8100
27-03-2011, 01:11 AM
^^^
^^^

مشكوور بوحا على الردد وتم التطبيق الحين قاعد اشيك على المنتدى و ضبط معي واحد منهم الحمد لله

بس عندي كركتر لفل 85 و ابيه يفرم في منطقه معينه بس محد مبرمج ها المنطقه صح و بحاول اتعلم على اني ابرمج بنفسي وواضح عليها صعبه بس بحاول لعلى و عسى

مشكوور مره ثانيه اخوي
Maybach8100
27-03-2011, 01:13 AM
ولاااكم ولد بطنها صح النوم ههههههههه

يب شيكت على الموضوع مره ثالثه (الله لا يعمينئ) و اشوى شفتها xD
Karazhan
27-03-2011, 01:17 AM
السلام عليكم ..

بصراحة اول موضوع اشارك فيه مفيد

انت تقول انك تستخدم تفريم Archeaology ويطيح لك ماونت ولبس طيب ماتقدر ترسلها لأكونت ثاني وانا على حسب علمي انك تستخدمها فأكونت اخوك وسؤالي الثاني بكم البرنامج بالدينار الكويتي وشلون طريقة الدفع كاش يو ولا فيزا ولا يسترن عيون؟ والسؤال الاخير انا ابي تفريم قولد بس مع اني بأكبر السيرفرات الاوربية kazzak هل فيه خطر .. وياليت الي بسيرفر كازاك يقولنا تجربته مع البوت واسف على الأطاله وشكرا



وظيفه الآثار او archaelogy في اسلحه و جير وخاتم و ترنكت كلهم تقدر ترسلهم لشخصيات داخل اكاونتك , واعتقد بنفس السيرفر فقط

اما المونتات والشغلات الثانيه ماتقدر ترسلهم


طريقه الدفع في اكثر من طريقه , وانا شريت البوت عن طريق الفيزا

سيرفر كازاك مزدحم واذا شغلت البوت فيه راح تشوف شباب يستخدمونه ويستخدمون نفس البروفايل اللي انت تستخدمه , ويمكن واحد منهم يحب الضرر للناس و يقعدت يرسل تقارير على الناس الثانيه للجيم ماستر ويقوله عنك وعن غيرك عشان يصفاله الجو

لانك اذا رحت تاخذ صخره مثلا من المايننق تشوف 100 واحد عليها
Karazhan
27-03-2011, 01:20 AM
ولاااكم ولد بطنها صح النوم ههههههههه

يب شيكت على الموضوع مره ثالثه (الله لا يعمينئ) و اشوى شفتها xD

قاعد مو نايم بس الشركه الله يهداهم قاصين علي يقولون الكابل مقطوع , ماصار كيبل كل يوم ينقطع
صارله يومين توه يصير زين , ماانقطع الا يوم اشترك دي اس ال عشان اشوف لاقي اخضر لو مره بحياتي
Rshaman
27-03-2011, 01:23 AM
طيب وش اسم سيرفرك عشان اسير عليكم سيرفر يطلع 100 الف قولد :) والله شي بس باخذ 200 الف وبرجع كازاك
Karazhan
27-03-2011, 01:33 AM
شوف سيرفر مكتوب عنده new player او شي جذي

لأن انا في سيرفر تويلايت هامر ولما اطير ادور مايننق او ورد اشوف رايد وراي يطيرون تقول رايحين ستورم وند او شي جذي وبالاخير تشوفهم طابين على ورده او صخره منو ياخذها اول

حاليا انا استخدم وضعيه mixed والوضعيه هذي تخليك تسوي شغلتين بنفس الوقت , وانا استخدم الوظيفه الاولى pvp والثانيه archaelogy

بيني وبينك البوت ادمان , انا مو قادر العب شخصيا لأني كل ما العب تطق جبدي واطلع اشغل البوت , صرت استمتع اشوفه يلعب اكثر من استمتاعي بالعب

يالطيب اذا انت تحب اللعبه لا تاخذ البوت لانك راح تدمن عليه والله , يعني انا الحين ابحث عن المونت بوظيفه الاثار , ولما العب بنفسي وادخل دنجن اقول لو يلعب البوت جان الحين يمكن يطلعلي المونت , واطلع من الجروب واشغل البوت

صار ادمان والله
Rshaman
27-03-2011, 02:01 AM
انزين اقدر اخليه يلفل شخصية من 1 الى 85 بسيرفر جديد يعني مافيه الا هالشخصية وجم يوم عشان يلفل 85 ؟ مع تطوير mining - Herb ؟ ولاحظت انك تقول تشوفه ؟ يعني انت تشغل البوت وتشوف شنو يسوي ؟ ( كلم الأداره يعطوني باند ترى اسألتي ماتخلص :09: )
BoOoOo7a
27-03-2011, 02:37 AM
بيني وبينك البوت ادمان , انا مو قادر العب شخصيا لأني كل ما العب تطق جبدي واطلع اشغل البوت , صرت استمتع اشوفه يلعب اكثر من استمتاعي بالعب+1000

صادق ..

مدري متى بوقف ..

خوفي يصير فيني مثل ما صار باكاونتي الأول .. صرت ما العب فيه فوق الشهر .. و انا ما غير اجمع و اجمع و اجمع .. لين صفقني الباند ..
BoOoOo7a
27-03-2011, 02:55 AM
انزين اقدر اخليه يلفل شخصية من 1 الى 85 بسيرفر جديد يعني مافيه الا هالشخصية وجم يوم عشان يلفل 85 ؟ مع تطوير mining - Herb ؟ ولاحظت انك تقول تشوفه ؟ يعني انت تشغل البوت وتشوف شنو يسوي ؟ ( كلم الأداره يعطوني باند ترى اسألتي ماتخلص :09: )

شف .. انا جربت الـ Questing Mode .. ونزلت عليه اطلق بروفايلات وجربت ..

و اكتشفت انه كــــــــل البروفايلات فيها بقات لين تطفش .. يعني ممكن تستخدمها .. ولكن ما تخلي البوت اكثر من ساعتين بدون ما ترقابه ..

لأن كل مره تلاقيه ناشب في بيت .. ولا بين شجرة ولا بأي مكان ..

ولا تلاقيه مثل الغبي يموت وسط 10 موبز .. ومن ثم يرجع ويسوي ريز وسطهم ويموت .. ويقعد على هالموال لين مايطفش

ومرات الاقيه AFK لين السيرفر يطلعني ..


ولكن اذا تبي افضل طريقة للتلفيل .. كالتالي بالخطوات:





1- تلفله بنفسك لين لفل 10
2- ومن ثم تحطه Mixed Mode على BG and Grinding وتخليه بمكان فيه موبز كثييير ومايخلصون وبنفس الوقت متباعدين (علشان مايسحب له 4 ويموت, ويرجع يريز وسطهم)
3- تستمر على الخطوة 2 مع تغيير مكان الـ Grinding كل ما ارتفعت بالفل طبعاً (يفضل ان الموبز يكونون اقل من لفلك بلفل واحد او قد لفلك)
4- اول ماتوصل لفل 60 راح تشتري Flying Mount وتحول الـ Mixed Mode الى BG and Gathering او BG and Archaeology
5- في حالة انك اخذت BG and Gathering خليه ياخذ Mining and Herb, مع ملاحظة انك لازم تغير الـ Profile حق الـ Gathering من كل فترة لفترة (مثال: من 1 الى 75 بروفايل, من 75 الى 125 بروفايل...الخ)
6- في حالة انك اخذت BG and Archaeology خليه يسوي Train لين سكيل 375 وبعدها يوقف, ويوم توصل لفل 80 خليه يتعلم السكيل فوق الـ 375.
7- راح تستمر على هالحال لين لفل 85, ويفضل انك تخلي البوت يسوي Que على الـ BG اللي فيها Call to Arms فقط.


ملاحظات:

1- تقريباً من اسبوعين الى اسبوعين ونص .. راح توصل مابين لفل 80 او 85 ..ولكن وقتها تكون هانت
2-لازم تختار بروفايل ممتاز للكلاس
3- في حالة اذا ماعندك Gear حق التلفيل, شغل الـ Plugin حق الـ AutoEquip مع اختيار الكلاس + السبيك من قائمة الأوبشن. (فائدة هالشيء, انه يخلي الكاركتر يلبس اي قطعة تطيح لك اذا كانت مناسبة لك)

وشكراً
arlund
27-03-2011, 03:00 AM
انزين اقدر اخليه يلفل شخصية من 1 الى 85 بسيرفر جديد يعني مافيه الا هالشخصية وجم يوم عشان يلفل 85 ؟ مع تطوير mining - Herb ؟ ولاحظت انك تقول تشوفه ؟ يعني انت تشغل البوت وتشوف شنو يسوي ؟ ( كلم الأداره يعطوني باند ترى اسألتي ماتخلص :09: )

اخوي انت شكلك تبي البوت يلفل عنك ويفرم عنك ويجيب جير pvp ؟ شرايك تخليه يسوي ريدات عنك :09:
احس يصير اللعب كذا ماله داعي :33:
Rshaman
27-03-2011, 03:38 AM
شف .. انا جربت الـ Questing Mode .. ونزلت عليه اطلق بروفايلات وجربت ..
و اكتشفت انه كــــــــل البروفايلات فيها بقات لين تطفش .. يعني ممكن تستخدمها .. ولكن ما تخلي البوت اكثر من ساعتين بدون ما ترقابه ..
لأن كل مره تلاقيه ناشب في بيت .. ولا بين شجرة ولا بأي مكان ..
ولا تلاقيه مثل الغبي يموت وسط 10 موبز .. ومن ثم يرجع ويسوي ريز وسطهم ويموت .. ويقعد على هالموال لين مايطفش
ومرات الاقيه AFK لين السيرفر يطلعني ..

ولكن اذا تبي افضل طريقة للتلفيل .. كالتالي بالخطوات:


1- تلفله بنفسك لين لفل 10
2- ومن ثم تحطه Mixed Mode على BG and Grinding وتخليه بمكان فيه موبز كثييير ومايخلصون وبنفس الوقت متباعدين (علشان مايسحب له 4 ويموت, ويرجع يريز وسطهم)
3- تستمر على الخطوة 2 مع تغيير مكان الـ Grinding كل ما ارتفعت بالفل طبعاً (يفضل ان الموبز يكونون اقل من لفلك بلفل واحد او قد لفلك)
4- اول ماتوصل لفل 60 راح تشتري Flying Mount وتحول الـ Mixed Mode الى BG and Gathering او BG and Archaeology
5- في حالة انك اخذت BG and Gathering خليه ياخذ Mining and Herb, مع ملاحظة انك لازم تغير الـ Profile حق الـ Gathering من كل فترة لفترة (مثال: من 1 الى 75 بروفايل, من 75 الى 125 بروفايل...الخ)
6- في حالة انك اخذت BG and Archaeology خليه يسوي Train لين سكيل 375 وبعدها يوقف, ويوم توصل لفل 80 خليه يتعلم السكيل فوق الـ 375.
7- راح تستمر على هالحال لين لفل 85, ويفضل انك تخلي البوت يسوي Que على الـ BG اللي فيها Call to Arms فقط.

ملاحظات:
1- تقريباً من اسبوعين الى اسبوعين ونص .. راح توصل مابين لفل 80 او 85 ..ولكن وقتها تكون هانت
2-لازم تختار بروفايل ممتاز للكلاس
3- في حالة اذا ماعندك Gear حق التلفيل, شغل الـ Plugin حق الـ AutoEquip مع اختيار الكلاس + السبيك من قائمة الأوبشن. (فائدة هالشيء, انه يخلي الكاركتر يلبس اي قطعة تطيح لك اذا كانت مناسبة لك)
وشكراً


الله يعطيك العافية على هالشرح فديت قلبك .. ومشكور ع النصيحة والحمدلله حليت عندي آزمة




اخوي انت شكلك تبي البوت يلفل عنك ويفرم عنك ويجيب جير pvp ؟ شرايك تخليه يسوي ريدات عنك :09:
احس يصير اللعب كذا ماله داعي :33:

هههههه لا انا وناستي بواو .. العب بي في بي بس لما اكون لابس عشان مايجيني وارير يطق 35 الف او درويد بلانس يطق 58 الف اصير صج مصخره.. وابي البوت يفرم قولد عشان اشتري لبس ابك واطور بروفشن عندي والعب ارينا واخلص رايدات .. انا ابي البوت حق قولد واذا ماينفع البوت بكازاك مجبور اسوي كركتر بسيرفر جديد واخليه يلفل ويفرم لين اجمع القولد المطلوب ثم انقله لكازاك ومثل مانت عارف ان الكاتا توها ماصارلها 4 شهور يعني اللعب في بدايته ..
Karazhan
27-03-2011, 03:50 AM
نفس ماقالوا الاخوان وحتى بوحا طلع نفسي صار مدمن بوت

واعتقد ان كل اللي يستخدمون البوت صاروا مدمنين عليه , بس تجميع جولد ولو تسألني شنو تبي بالجولد اقولك ماادري


لكن اذا تبي البوت يلفل من 1 الى 85 فهذي صعبه , مثل ماقالوا الشباب في عوائق راح تصير معاك تخلي البوت مايكمل

غير ان بعض اللي يسوون بروفايلات يكتبون في مواضيعهم ان البرمجه هذي تحتاج بيبي ست يعني بالعربي جليس اطفال

معنى قصدهم انك تراقب البوت دايم وتشوفه لأن راح يعلق او في خطأ ومو قادر يعدله المبرمج

بس شوف انا لفلت شخصياتي بوظيفه الاثار فقط , ماعملت اي كويست ولكن بالنهايه طلعت عندي مشكله واهي ان علاقاتي بالمدن الجديده او الفاكشنات الجديده صفر

انا اقول حط البوت باتل جراند او وظيفه يلفل منها , واذا تبي تلفل archaelogy وتوصل لفل 85 من خلالها انا انصحك توقف عند 375 بس و بالبوت توقف التعليم , ان البوت مايروح للمدرب يتعلم السكيل الاعلى

لأنه اذا وصلت سكيلك 450 راح تفتح معاك المدن الجديده و هناك الموبات لفلهم 83 وفوق , يعني موتك ابيزه

خلك على 375 لغايه ماتوصل لفل 85 بعدين افتحها و ارفع السكيل

انت شكلك ودك على البوت بس متردد , شوف اذا تعبان على اكاونتك او تحب اللعبه وتحب انك تلعبها كل يوم ماانصحك بالبوت
Karazhan
27-03-2011, 04:00 AM
الله يعطيك العافية على هالشرح فديت قلبك .. ومشكور ع النصيحة والحمدلله حليت عندي آزمة





هههههه لا انا وناستي بواو .. العب بي في بي بس لما اكون لابس عشان مايجيني وارير يطق 35 الف او درويد بلانس يطق 58 الف اصير صج مصخره.. وابي البوت يفرم قولد عشان اشتري لبس ابك واطور بروفشن عندي والعب ارينا واخلص رايدات .. انا ابي البوت حق قولد واذا ماينفع البوت بكازاك مجبور اسوي كركتر بسيرفر جديد واخليه يلفل ويفرم لين اجمع القولد المطلوب ثم انقله لكازاك ومثل مانت عارف ان الكاتا توها ماصارلها 4 شهور يعني اللعب في بدايته ..





اعتقد من شروط النقل ان لك حد معين من الجولد تنقله معاك , ان ما خانتني الذاكره ايام لفل 80 كان حدك تنقل معاك 10 الاف جولد

ماادري اذا الشرط هذا مازال موجود او انلغى

ثاني شي البوت مو معناته ان ماينفع بسيرفرك , اهو ينفع بكل مكان لكن بسيرفر زحمه ناس و كثير منهم يستخدم البوت , اما من ناحيه الجولد فأنت راح تطلع عشرات الاف منه

بس شغله بأوقات معينه مثل يعني تشغله الساعه 12 بالليل و تخليه يفرم وتروح تنام واذا قعدت للمدرسه , انت طالب او موظف او شكلك مجرم نفسي جايب واسطه و دوام فلاتي ؟

المهم تطفيه الساعه 12 الظهر , بالفتره هذي اقل شي عندك اغراض ب5000 جولد , اذا كنت مايننق و هيرب طبعا

بس صدقني راح يصير فيك نفس ماصار فيني , كنت اقول اشغله 12 بالليل واطفيه 12 الظهر , بعد يوم من الاستخدام ماتحملت وصرت اشغله 24 ساعه باليوم 7 ايام بالاسبوع 30 يوم بالشهر 12 شهر بالسنه
الى ان يوقفون ادماني بليزرد في باند محترم بعدين اصير خوش آدمي
Rshaman
27-03-2011, 04:17 AM
هههههههههههه لا شدعوة انا العب للمتعة مثل ماقلت.. قهر لما تشوف اللبس وماعندك قولد ولا انا عزمت اشتري البوت باجر بس الظاهر م نحطيت صورة هالمزيون بتوقيعك ماراح يصيدونك بلزارد :09:
Karazhan
27-03-2011, 04:30 AM
المشكله انك جديد وماتعرف منو اللي بالصوره

هذا الكنغ هذا الملك

انا ما الومك جديد ماتعرف , بس مع الوقت راح تعرفه وانا ماراح اتكلم واقول بخلي الناس تقولك
BoOoOo7a
27-03-2011, 12:17 PM
حد القولد صار 50 الف تقدر تنقلها معك .. فقط اذا كنت لفل 85
Maybach8100
27-03-2011, 06:17 PM
الحمد الله الوضع شبه تمام سويت لنفسي بروفايل للـicecrown و شغاال زي الفل لن صراحه جاني الضغط من البروفيلات الخربانه ولو اني لاقي موقع يرفع صيغة الـxml كان رفعته لكم تاخذون نضره فيه

بس بقت مشكله جابت لي السكر وهي ان اليوزر في نص التفريم يجيك من ااااااخر الماب بعدين يوقف عشان ياخذ عشبه (herb) خييير ><" انا حاط وضعيت البوت على grind bot وعطلت خاصية Harvest herbs بس ها الخبل ما منه فايده كل شوي ناشب في عشبه ما يفك ما ادري إذا فيه احد عنده خلفيه عن ها الشيء ؟
Karazhan
27-03-2011, 11:42 PM
حط البوت وضعيه getherbuddy بعدين روح bot setting و عطل الهيرب واترك المايننق

هذا بالبرمجيات اللي انزلها كلهم فيهم الشي هذا بس بما انك مسوي البرمجه ماادري اذا انت مسوي الشي هذا

لأن في برمجات يعملونها الشباب هناك للوظيفتين معا , ولكن في ناس عندهم وظيفه وحده بس لذلك يعطونك خيارات انك تطفي وظيفه و تشغل وظيفه

وهذا ماتحصله في grind bot لأن يحطلك برمجه عامه

اما getherbuddy لما تدخل ضبط البوت راح تشوف اختيار فوق اسمه gether تدخله تشوف مكتوب فوق

mining herblalism

والاثنين عليهم صح , انت شيل الصح من اللي ماتبيه , ومايجمع شي منها
kagoor
28-03-2011, 03:57 PM
ابو شنب الله لا يهينك ممكن تعلمنا كيف الطريقه ألي نخلي البوت يلعب لنا دناجين
Karazhan
28-03-2011, 07:18 PM
مافي تعقيد بالاختيار هذا

ماعليك الا انك تختار من المستطيل instancebuddy

بعدين تروح للbot setting وتختار الدنجن وتختار بعد وظيفه البوت اذا كنت ماينقق او هيرب عشان اذا في داخل الدنجن شي من هذا ياخذه , و طريقه الloot ان يختار greed او يختار ان يسوي disenchant على كل شي او اذا في بوس معين تبي البوت يسوي لوت عليه تكتب يعني مثلا هذا البوس يعطيك شي خاص حق كويست

الاختيار اللي بالوسط اهو اذا كنت في حاله rest يعني تشرب او تأكل تخلي البوت يقول للقروب شنو بالضبط "انتظروا , ماعندي مانا , الى اخره"

الاختيار اللي على اليمين تختار الدنجن اللي تبيه , تحت تختار اذا كانت هيروك او عادي

في اختيار الcommon اللي عاليسار تشوف تحت مستطيل كبير لما تختاره يقولك اذا تبي تفرم على دنجن معين او بوس معين

سهل مايحتاج شرح ولو تجربه راح تعرفله من اول شي
Karazhan
28-03-2011, 07:20 PM
ابو شنب شنو

انت يا المراقب وداش متنكر او ركبت علي بو شنب

انا وزير الملك او سفير الملك مو ابو شنب
Yoshi
29-03-2011, 09:33 AM
^
اقول الله يذكر ايامك بالخير بس ..
Rshaman
30-03-2011, 02:38 AM
ياجماعة الي عنده بوت واكل باند ويبي اكونت بدل البوت يراجع صفحة WTS عرضت اكونت مقابل البوت والرد هذا في نطاق الموضوع للمساعدة فقط
Maybach8100
30-03-2011, 05:48 PM
اخوي ولد بطنها ولا يهونون الاخوان

لو تعوطني اماكن للتفريم نجيب فيها قولد خلال ساعه 200قولد

انا في Icecrown اجيب خلال ساعه 31 الى 50 قولد

مع الاتيم يطلع 150 قولد
لوعةالفرقا
30-03-2011, 06:58 PM
يا ميباتش وش المهن حقتك وانت بأي سيرفر ؟
arlund
30-03-2011, 10:01 PM
اخوي ولد بطنها ولا يهونون الاخوان

لو تعوطني اماكن للتفريم نجيب فيها قولد خلال ساعه 200قولد

انا في Icecrown اجيب خلال ساعه 31 الى 50 قولد

مع الاتيم يطلع 150 قولد

هذا ملف ممتاز حق uldum تجيب بالراحة 4000- 6000 اذا مافي ناس واجد يفرمون معك (للأمانة انا ماصرت استخدم هذا الملف لان اشوف 6 او 7 اشخاص يستخدمونه و مستحيلة احصل شيء معهم )
http://www.thebuddyforum.com/gatherbuddy-forum/profiles/cataclysm/14483-tonys-uldum-mines-herbs-%7B500-%7D.html

نصيحتي لك اذا انت jc ..... الـ elementium ore اللي تجمعه لا تبيعه ... كسره وسو cut للجم العادي وبيعه على اقرب فيندور .... اما الجيم rare هذا شوف سعره اذا عملت له cut و اذا ما سويت له cut
واذا شفت في الاكشن هاوس elementium ore الستاك تنباع بـ أقل من 36g اشترها وانت مغمض لأنك بتطلع كسبان 100%
Maybach8100
31-03-2011, 04:23 PM
هذا ملف ممتاز حق uldum تجيب بالراحة 4000- 6000 اذا مافي ناس واجد يفرمون معك (للأمانة انا ماصرت استخدم هذا الملف لان اشوف 6 او 7 اشخاص يستخدمونه و مستحيلة احصل شيء معهم )
http://www.thebuddyforum.com/gatherbuddy-forum/profiles/cataclysm/14483-tonys-uldum-mines-herbs-%7B500-%7D.html

نصيحتي لك اذا انت jc ..... الـ elementium ore اللي تجمعه لا تبيعه ... كسره وسو cut للجم العادي وبيعه على اقرب فيندور .... اما الجيم rare هذا شوف سعره اذا عملت له cut و اذا ما سويت له cut
واذا شفت في الاكشن هاوس elementium ore الستاك تنباع بـ أقل من 36g اشترها وانت مغمض لأنك بتطلع كسبان 100%


الله يعطيك العافيه بنسبه للملف التفريم هل هو تفريم با الوحوش ولا با الـMining

وللاسف ياغالي ما هي مهنتي المجوهرات مهنتي الـMining

الله يعطيك العافيه يالغلا
arlund
01-04-2011, 03:48 AM
الله يعطيك العافيه بنسبه للملف التفريم هل هو تفريم با الوحوش ولا با الـMining

وللاسف ياغالي ما هي مهنتي المجوهرات مهنتي الـMining

الله يعطيك العافيه يالغلا


العفو اخوي
الملف ما يفرم وحوش بس يفرم mining + herbalism
تقدر تخلي البوت يشتغل على وظيفة وحده او الثنتين في نفس الوقت ...... شوف خيارات البوت وشيل الصح من الخيار اللي ما يعجبك
Rankor
06-04-2011, 02:05 AM
^
اقول الله يذكر ايامك بالخير بس ..

ليه هو جاه باند الى الأبد؟
Rshaman
06-04-2011, 09:31 PM
ياجماعة انا عندي بوت Pirox بس كلش موفاهم له لما اخليه للـarceaology ويطير فووووق لين يلزق في الغلاف الجوي مادري وش موضوعه لا وياليت بعدها يمشي زي الناس لا يمشي مع طياران فوق ودايمن ينشب وش الحل .. وطريقة البي في بي لما يسجل بي في بي وتوه دخلها يقولون لازم طقات الكلاس حقك مادري وش يطلعلي مربع وفيه اوكي عليه اكس بالاحمر وبعد ماأضغط اوكي البوت يوقف وابي اعرف موضوع الكويستات وشلون ارفع البروفايل وبعدها وش اسوي ياليت من الأخوان الي يعرفون هالبوت يعمل شرح على السريع بهالطريقة وشكرآ
hbk_ksa
08-04-2011, 03:51 AM
الاخ بوحا
انا رجال ما اهتم في القولد والكوستنه وغيرها
ابي شي يفرم عني honor يعني بوت pvp ياليت تنصحني باي برنامج ويكون سعره معقول
BoOoOo7a
08-04-2011, 07:30 AM
الاخ بوحا
انا رجال ما اهتم في القولد والكوستنه وغيرها
ابي شي يفرم عني honor يعني بوت pvp ياليت تنصحني باي برنامج ويكون سعره معقول

PvP = Honorbuddy :)

اسم على مسمى ^^
hbk_ksa
08-04-2011, 01:52 PM
عوافي

اشتريت ابو 24 يورو كتجربه
سؤال ثاني الله لايهينك

كتجربه شخصيه لك كم تخلي الهاك شغال ، اقصد بالساعات
hbk_ksa
08-04-2011, 03:10 PM
واستفسار ثاني

وش تنصحني في بروفايل لارمز واريور
daewoo7
08-04-2011, 03:51 PM
عوافي

اشتريت ابو 24 يورو كتجربه
سؤال ثاني الله لايهينك

كتجربه شخصيه لك كم تخلي الهاك شغال ، اقصد بالساعات

ع فكره اخوي ما راح يشتغل عندك الفلاينج يعني ما تقدر تطير مادام اشتريت هذا الباكيج الى اذا اشتريت له اشتراك كل شهر
hbk_ksa
08-04-2011, 05:00 PM
ماهمني الفلاينج
الزم ماعلي يسوي كيو على بي جي ويخلص الموضوع
BoOoOo7a
08-04-2011, 06:43 PM
واستفسار ثاني

وش تنصحني في بروفايل لارمز واريور والله تبي الصراحة .. مالعبت بواريور بروفايل .. لذلك ماجربت ولا واحد ..

ولكني لو بلعب بواحد .. اول شيء بروح الموقع .. وبعدين قسم بروفايلات الواريور .. تلاقي افضل موضوع فيه بروفايل عليه 5 نجوم و تلاقي Views كثير :)

بعدها لما تنزل البروفايل .. تشيله وتحطه داخل الـ Custom Profiles وليس بداخل ملف الوريور .. فقط بالملف الرئيسي .. و اول ما تبدا البوت راح يطلع لك لستة تختار منها البروفايل .. واختاره والعب :)

وبخصوص كم ساعة .. والله ذي عاد تعتمد على حظك انت

لأني انا شفت ناس لعبوا لمدة اسبوع متواصل وفقط يسوي Relog بين كل يومين .. وما صار لهم شيء ووضعهم بالسليم

وقبل يومين في واحد من الشباب اشتراه اول مره .. ولعب يومين وصادوه .. لوول .. لكن رجع الأكاونت .. لأن ما كان عليه دليل قاطع (مجرد انه في ناس مسوين له Repot و استقعدو له)

يعني بالعربي.. اذا محد كلمك وخلاك في حالك .. وضعك Ok

بس مهما كان .. انت لا تخليه طول الوقت .. يعني كل 5 ساعات خذ نظرة وتفقد الوضع .. وسوي لك Tab للوسبرز فقط .. علشان تشوف اذا واحد وسبرك وقال انك بوت او شيء .. فا اذا صار شي زي كذا .. قفل اكثر من 24 ساعة .. علشان خلالها الـ GM بيراقبك .. و اذا لقيك Off او تلعب لعب عادي .. ما راح يكلمك


ع فكره اخوي ما راح يشتغل عندك الفلاينج يعني ما تقدر تطير مادام اشتريت هذا الباكيج الى اذا اشتريت له اشتراك كل شهر

الرجال بيلعب PvP بس .. لذلك مايحتاج :)
hbk_ksa
08-04-2011, 07:42 PM
مشكور يابطل
daewoo7
09-04-2011, 02:06 AM
اها اسمحي ما فهمتك :)
Yoshi
09-04-2011, 11:23 AM
بطل يابوحا على الشرح والله بطل !
Rshaman
10-04-2011, 09:13 PM
ماشوف احد رد علي .. ياجماعة ابي شرح تشغيل الـ archeaology في بايروكس بوت ؟؟ وشلون الطريقة مرات يشتغل وفيه عيوب ومرات مايشتغل بس يناقز ويتمشى ممكن حل ؟؟
BoOoOo7a
10-04-2011, 09:32 PM
ماشوف احد رد علي .. ياجماعة ابي شرح تشغيل الـ archeaology في بايروكس بوت ؟؟ وشلون الطريقة مرات يشتغل وفيه عيوب ومرات مايشتغل بس يناقز ويتمشى ممكن حل ؟؟

اول شيء رح للـ Keybindings باللعبة نفسها وسوي Reset لكل الأزارير
وبعدها
روح للـ Keybindings بالبوت نفسه

وتلاقي الـ Intercect with Mouseover + Interect with Target + Flying Mount

حط بالفراغات اللي قدامها O للـ Interect with Mouseover وللـ Interect with Target حط قدامها P والـ Flying Mount حط قدامها F

وبعدين سوي لها Save

وروح للعبة .. وادخل عالـ Keybindings وتلاقي نفس الكلمات اللي ذكرتها لك فوق .. خلي الـ Kdybinding حقتها نفس اللي قلت لك عليها P و O

ماعدا الـ Flying Mount .. حطه بأي مكان عالبار العادي .. وخلي الزر حقه يكون F

وبعدين رح تعلم السكيل حق الأرتشلوجي .. وبعدها وقف بوسط اورجيمار ..و سوي ستارت لبوت الأرتشلوجي


ملاحظة مهمة: اذا كان عندك اي برنامج حماية شغال و انت تنزل البوت اول مره, تراه يخرب على البوت ويخليه يعلق ويخبط.
لذلك اذا استمرت المشكلة حقت البوت لما يصير يتحرك بشكل غريب ويعلق, لازم تمسح البوت وتنزله من جديد مع اقفال جميع برامج الحماية ومع حماية الوندوز, لأن الوندوز يصنف البوت على اساس انه فايروس .. ولكن ماعليك .. كله خراط فاضي ..
وانتهينا
الســـعودي 2007
27-04-2011, 05:49 PM
شباب فزعة .. يافرحة ماتمت

البارح شريت البوت لكن للاسف جيت اليوم اشغله مع الباتش الجديد لكن للاسف تقفل على اخر نسخة موجودة على منتداهم هي نفسها اللي عندي رقم 4492 ...


ياريت تفيدوننا اذا فيه شي جديد نسويه للبوت عشان يشتغل مع الباتش هذا ..
BoOoOo7a
27-04-2011, 06:36 PM
شباب فزعة .. يافرحة ماتمت

البارح شريت البوت لكن للاسف جيت اليوم اشغله مع الباتش الجديد لكن للاسف تقفل على اخر نسخة موجودة على منتداهم هي نفسها اللي عندي رقم 4492 ...


ياريت تفيدوننا اذا فيه شي جديد نسويه للبوت عشان يشتغل مع الباتش هذا ..

غلط غلط غلط اللي سويته !

دايماً يقولك "Never Bot in a Patch Day"

يعني لا تستخدم البوت ابداً في يوم الباتش

و اصلاً نفس البوتات عادتاً ما تشتغل ايام الباتشات

هم يقفلونها للحماية .. لين يطلعون نسخة جديدة

وشكراً
Yoshi
27-04-2011, 07:53 PM
من جد ماله داعي تنصك باند وتكرهـ نفسك ياشيخ

تروح تلفل بلدن مثل بوحه خخخخخخخخخخ عاد

برب
الســـعودي 2007
27-04-2011, 11:45 PM
اها على قولتك يابوحه ..


يعني تهقى متى يمكن يزبط البوت مع الباتش هذا ..
BoOoOo7a
28-04-2011, 07:12 AM
يس ..


لكن انتظر عليهم اول يطلعون اصدار جديد

هم دايم كذا .. مع كل باتش لازم يطلعون اصدار .. فما عليك الا الأنتظار






من جد ماله داعي تنصك باند وتكرهـ نفسك ياشيخ

تروح تلفل بلدن مثل بوحه خخخخخخخخخخ عاد

برب
شماتة اكثر من كذا بليز xD

لول

v
v
v
>>>على فكرة, وش قصة النمسس اللي بتوقيعك؟ يقرب لك ولا شيء؟ (وسلم لي على اللي بتوقيعك اطلق كاركتر في نارتو بالأرك الجديد)<<<
^
^
^
daewoo7
28-04-2011, 12:52 PM
خلاص مبرووك نزل الابديت
سيفيروث
28-04-2011, 01:45 PM
ابديت PiroxBot نزل وشغال تمام
سيفيروث
28-04-2011, 02:01 PM
في ابديت جديد نزل الحين اصداره 2.9.0
الســـعودي 2007
29-04-2011, 01:09 AM
شباب سؤال الحين لما اخليه يسوي فارم على الهيرب بعض الاحيان يبتلش مع موبز وينزل من الماونت ولا يسوي شي يعني ما يطقهم يجلس يناظرهم لين يذبحونه مشكلة هذه وشلون اخليه يتفعل مع الكومبات ويضرب التارقت ؟؟
Yoshi
29-04-2011, 03:52 AM
v
v
v
>>>هذا عضو كان موجود بقسم رزدنت إيفل وـاختفى من زمان ,, الله يستر عليه ..والهاتشيبي هذا موب صاحي والله انه قدحه XD <<<
^
^
^
BoOoOo7a
29-04-2011, 09:55 AM
شباب سؤال الحين لما اخليه يسوي فارم على الهيرب بعض الاحيان يبتلش مع موبز وينزل من الماونت ولا يسوي شي يعني ما يطقهم يجلس يناظرهم لين يذبحونه مشكلة هذه وشلون اخليه يتفعل مع الكومبات ويضرب التارقت ؟؟

اول شيء وش نوع البوت؟ Pirox or HB ?
الســـعودي 2007
29-04-2011, 01:53 PM
HB >>>>>>>>
BoOoOo7a
29-04-2011, 03:55 PM
اوكي

اول شيء لازم تنزل بروفايل للكلاس نفسه من المنتدى حقهم

ولما تنزله تحطه بملف الـ Custom Classes فقط

وبعدين اول ما تسوي Start للبوت راح يطلع لك مربع تختار منه البروفايل اللي منزله حق الكلاس

وانتهينا
الســـعودي 2007
29-04-2011, 04:39 PM
يعطيك العافية حبيبي جاري التجربة ....
الســـعودي 2007
30-04-2011, 04:12 PM
شباب لاهنتو اللي يستخدمون بوت BH ياريت تزودوننا بافضل بروفايلات تستخدمونها من ناحية الفارم التلفيل الكويستات ,,, الخ
عطر الحـروف
30-04-2011, 08:58 PM
السلام عليكم
ياشباب والله حمستوني واشتريت بايروكس بكل اجزاءة واشتريت حساب واو جديد
لكن ياليت شرح للبايروكس ابغى اعرف كيف اسوي grind وكيف الفل الهيرب والمايننغ بدون فلاينغ ماونت ؟
BoOoOo7a
30-04-2011, 10:52 PM
السلام عليكم
ياشباب والله حمستوني واشتريت بايروكس بكل اجزاءة واشتريت حساب واو جديد
لكن ياليت شرح للبايروكس ابغى اعرف كيف اسوي grind وكيف الفل الهيرب والمايننغ بدون فلاينغ ماونت ؟

شوف اخوي

بايروكس صعب جداً ويبيله خبرة .. وراح يتعبك

HB ايزي مود وسهل الأستخدام جداً .. وطبعاً اقل كفائة من بايروكس .. ولكنه مريح بالأستخدام جداً
عطر الحـروف
30-04-2011, 11:14 PM
يا اخوي بوحا التعب لازم منه ومنك ومن الاخوان نستفيد ^_^
الشرح كان للـ HBلكن مافي شرح للـ piro ياليت لو ماعليك كلفة انت والاخوان تشرح شرح موجز ومفيد كبداية وجمل الله حالك انا اشتريت البرنامج وانتهيت وصعب ادفع اكثر /cry
jedawi
01-05-2011, 08:58 AM
ذلحين انا ابي اشتري البوت وفقي نفس الوقت متخوف لانه صراحة ما ابي اجازف بأكاونتي

طيب انا عندي في الباتل نت ثلاث اكاونتات لو ركبت البوت على واحد منهم وجاني باند لاي سبب كان هل راح يجي الباند على الاكاونت لحاله ولا الباتل نت كله ؟
daewoo7
01-05-2011, 02:15 PM
لا اخوي يجي بس ع الاكاونت الي عليه البوت اما الاثنين البقيه ما يخصهم
الســـعودي 2007
02-05-2011, 08:58 PM
ياجماعة الخير سؤال الحين لما ابي اغير باسورد البرنامج البوت hb من وين ابدا بالخطوات التبديل من المنتدى نفسه والا من وين ..؟؟
daewoo7
02-05-2011, 09:37 PM
هلا اخوي
ادخل على هذا الموقع
http://shop.buddymaster.com/
ودخل معلومات البوت و من هناك بتحصل مكان للاكاونت منجمنت و تقدر تغيره من هناك
الســـعودي 2007
04-05-2011, 12:22 PM
شباب لاهنتو اللي يستخدمون بوت HB ياريت تزودوننا بافضل بروفايلات تستخدمونها من ناحية الفارم التلفيل الكويستات ,,, الخ
daewoo7
04-05-2011, 02:08 PM
حدد فرام ايش
و التلفيل ما انصح لانه كثير يعلق
xman 2
04-05-2011, 04:34 PM
شباب انا ابي حق ماينج وهربال بس كم سعر والرابط لوسمحتو ويطير بعد
daewoo7
04-05-2011, 04:45 PM
هذا الرابط للموقع البوت
http://honorbuddy.com/
و طبعا اشتري for life عشان تقدر تستخدم الي يطير و سعره بيكون 80 يورو
و تقدر تستخدم فيه 4 اكاونتات مش واحد بس
و بعد ما تشتري ان شاء الله بجيبلك البروفايلات للماينج و الهيرب
الســـعودي 2007
04-05-2011, 10:22 PM
والله ياشباب ماظبط معي الا بروفايل الفارمنق للهرب - الماينينق لكن انا ابي بروفايل لل pvp خاص بالدرويد ابي طريقة تركيبه انا جربت طريقة صاحب الموضوع لكن ماظبطت بال pvp ممكن شرح بشكل سريع لاهم نقاط تركيب البروفايل لل pvp وشكرا ..
xman 2
06-05-2011, 12:09 AM
السلام عليكم
شباب انا حولت احمل البرنامج قالي سجل سجالت و حملة طلعت صفحة ترميز موقع

و الله انا مش عارف حق ذا الموقع
xman 2
06-05-2011, 10:04 AM
انا اشتراك في
http://shop.buddymaster.com/
وسحبو 60يورو مش 80 يوم قراءة في الموقع طلع مسوين خصم
بس الحين انا اشتركت وجاني رقم الطلب و ارسلو على الايميل بس مش محصل الكي
daewoo7
06-05-2011, 12:55 PM
قصدك اليوزر و الباسورد
اذا قصدك هذا يكون نفس اليوزر و الباسورد الي اشتركة فيه ف الموقع
xman 2
06-05-2011, 01:06 PM
اوكي اخوي
يعني الحين ادخل نفس اليوزر و الباسورد الي اشتركة فيه ف الموقع ويدخل ؟
موجود خانه تحت اليوزر و الباسورد هي paid pluging key
والله احس اني انسرقت من الموقع و راح يذبحني ولد عتمي lol
daewoo7
06-05-2011, 02:14 PM
لا لا اخوي شووف
الحين في يوزر نيم و باسورد للمنتدى مالهم الي اهو هاي الصفحه
http://www.thebuddyforum.com/forum.php
هذا ما عليك منه هذا بس عشان تشارك ف المنتدى
اما يوزر نيم و باسورد البرامج نفس يوزر نيم و باسورد الموقع الي سجلت فيه هنا هذا
http://shop.buddymaster.com/

و اذا ع حسب كلامك تقول اشتريته للابد يعني مالك شغل ف
paid pluging key

هذا للناس الي يشترو سنوي مش للابد
xman 2
06-05-2011, 07:13 PM
كل ما ادخل اليوزر و الباسورد يطلعلي


You have not selected a valid instance of WoW to attach to!
Please restart Honorbuddy and choose a valid WoW instance to use Honorbuddy
BoOoOo7a
06-05-2011, 08:48 PM
كل ما ادخل اليوزر و الباسورد يطلعلي


You have not selected a valid instance of WoW to attach to!
Please restart Honorbuddy and choose a valid WoW instance to use Honorbuddy


لازم تشغل واو اول وبعدين البوت
xman 2
07-05-2011, 01:46 PM
شباب لو سمحتو ممكن رابط لتحميل البرنامج >>>>
ادري اني تعبتكم معي بس اعذروني:( لاني انا حملتة وطلع حجمه 5mb بس الاوبشت والتولس مش راضيه تشتغل

والموقع انا مش عارف له كل ماحملة شي طلعلي موقع او برنامج
daewoo7
07-05-2011, 02:05 PM
يا اخوي اول شي افتح اللعبه و افتح الكاركتر الي تريد تشغل عليه البوت بعدين شغل البرنامج
و هذا وصله للبرنامج
http://www.thebuddyforum.com/downloads.php?do=file&id=120
xman 2
07-05-2011, 03:31 PM
مشكوور يا خوي مادري لية اليوزر نيم والباسورد كل مدخلتهم يقول خطاً على ما اعتقد شوف الصورة بس اقدر ادخل الموقع بانفس البينات والخيران مش متفعلة
339232339233


بس مش عارف ليه

http://www.montada.com/images/misc/pencil.png
xman 2
07-05-2011, 08:15 PM
????والله احس ان الفلوس راحت :)

(بالعربي اني انسرقت)
BoOoOo7a
07-05-2011, 10:55 PM
لا تخاف على فلوسك

ولكن نظام بوت Honorbuddy يتطلب ان صاحب الموقع نفسه حق البوت هو اللي يدخل اونلاين ويعطي الصلاحية لكل الطلبات

يعني نظام تفعيل الحسابات اللي عندهم يدوي .. والسبب على حسب مايقولون .. انه دواعي امنية تحمي اصحاب شركة البوت

وترا عادي .. قبل كم يوم واحد من الشباب طلب البوت .. وقعد التفعيل 5 ايام لين ما خلص

ومره واحد من الشباب فعلوه له خلال 3 ساعات

وشكراً
xman 2
07-05-2011, 11:04 PM
مشكووور ياخوي deawoo7 واخوي بوححة على الدعم والمساعدة بس كنت خايف لأن البوت مش شارية لي انا وانت عارف الشباب صغظ من كل النواحي
يعني الحين استنهم لين يكلموني او يرسلوني في الايميل على انهم فعلوا ولا كيف ياخوي
daewoo7
08-05-2011, 03:20 AM
لا يا اخوي لا تنتظر ولا شي و البوت مفعل بلعفل شفت الصور انا
المشكله يا صاحبي عندك في الجهاز في طريقه لازم تسويها عشان يشتغل البوت المشكله ف الكمبيوتر نفسه مش من البوت لانه متفعل ع حسب الصور
خليني ادور الحل و برد عليك ان شاء الله احصله
daewoo7
08-05-2011, 03:22 AM
اخوي جرب تحمل هذا البرامج في جهازك وبعدين عيد تشغيل الجهاز و جرب شغل البوت و رد عليه و ياريت نفس الشي تسوي صور لو ما رضى يشتغل
هذا اسم البرنامج
Microsoft .NET Framework 4
xman 2
08-05-2011, 05:39 PM
The same thing
xman 2
08-05-2011, 06:30 PM
نفس الحكاية مشتغل البوت
daewoo7
08-05-2011, 07:55 PM
ممم خليني اشوف حل و برد عليك
daewoo7
08-05-2011, 07:57 PM
غريبه اخوي رحت اشيك المنتدى مالهم و ناس عندها نفس المشكله بس نزلو هذا البرنامج من هذا الرابط و اشتغل
http://www.microsoft.com/downloads/en/details.aspx?FamilyID=ab99342f-5d1a-413d-8319-81da479ab0d7&displaylang=en
لكن خبرني انته اي وندوز تستعمل
و جرب تنزل البرنامج الي فوق و شوف و رد عليه اذا ما اشتغل اي وندوز تستعمل
xman 2
08-05-2011, 10:58 PM
Service Pack 3
daewoo7
09-05-2011, 01:47 AM
انزين جربت و نزلت البرنامج الي خليته ف اخر رد ؟
xman 2
14-05-2011, 11:50 PM
بيض الله وجهك ياخوي daewoo7 على المجهود وسوري

اذا تعبتك معى (^)_(^)
daewoo7
15-05-2011, 02:10 PM
لا افا عليك اهم شي اشتغل ؟
xman 2
15-05-2011, 02:51 PM
اي اخوي يشتغل بس صار من ادخل على الاكونت كرت الشاشة يعطيني 15 وينزل الى 0 انا مش عارف ليه
daewoo7
15-05-2011, 03:13 PM
اخوي اكيد من مواصفات الجهاز الي تستعمله
اسم يعجبك
28-05-2011, 07:02 PM
وش أحسن طريقة للتلفيل ؟ جربت الـ Questing موب زين
daewoo7
29-05-2011, 12:50 AM
والله يا اخوي مدري شقولك انا كل مره اجرب شي
بس لين لفل 50 خلي بلكوستات بعدين لين لفل 60 خلي بل bgs
من لفل 60 خلي mix mod
اركيولوجي مع bgs لين 85 انا كذا اسوي و انت برايك :)
Alzerr
01-07-2011, 07:10 PM
شباب بعد الباتش هذا 4.2 البوت هونر بدي بدى ما يشتغل حتى مع تحديث البوت الجديد رقم 4982 والحل شباب ؟؟؟؟


هل فيه احد اشتغل مع البوت بعد الباتش ؟؟؟
daewoo7
02-07-2011, 02:05 PM
اخوي نزل ابديت جديد هذا رقمه لاخر باتش
2.0.0.4991 (http://www.thebuddyforum.com/releases/29314-%5Brelease%5D-honorbuddy-2-0-0-4991-a.html)
" Die "
10-07-2011, 02:38 AM
حبيت اسأل وش عقوبة الي يستخدم بوت ؟

انا سمحت يحذفون حسابك !!!

والله ودي استخدمه وخاصه أني طفراااااااااااان و مااحب التلفيل ولا الفارم

ويصلحلي البوت

بس مسألت يحذف حسابي قويه !!!
GOFY_K
24-07-2011, 07:12 PM
السلام عليكم

يا شباب اليوم حبيت اشترى Honorbuddy
فنزلت البرنامج حجمه 5 ميجا
و عملت اشتراك فى الموقع و بعدها حولنى على http://www.thebuddyforum.com/content/
و طلب منى ادخل يوزر جديد و باسورد تانى و دخلتهم
و اخترت اشترى يوم واحد للتجربه و حولنى لصفحه فيها بيانات كتير و من ضمنها بيانات البطاقه
دخلت كل البيانات و بيانات البطاقه و كله تمام و بعدها شكرا على الشراء و بس !!
حاليا بقالى 3 ساعات مستنى اى ايميل او اى رساله خاصه مفيش اى حاجه !!
و كل ما ادخل على البرنامج يقولى من فضلك اشترى البرنامج !!
هو فى حاجه عملتها غلط ؟ ام الشراء له طرق اخرى ؟؟
xX JUBA Xx
06-08-2011, 09:25 PM
السلام عليكم ورحمة الله وبركاته


شو سبب ان اللعبه تقفل بعد ساعه من تشغيل الارشيلوجي طبعا اذا انا كنت اتصفح من نفس الكمبيوتر عادي ماتقفل لو 5 ساعات بس لي طلعت من الغرفه ورجعت بعد ساعتين احصلها مقفله
xX JUBA Xx
06-08-2011, 09:33 PM
السلام عليكم

يا شباب اليوم حبيت اشترى Honorbuddy
فنزلت البرنامج حجمه 5 ميجا
و عملت اشتراك فى الموقع و بعدها حولنى على http://www.thebuddyforum.com/content/

و طلب منى ادخل يوزر جديد و باسورد تانى و دخلتهم
و اخترت اشترى يوم واحد للتجربه و حولنى لصفحه فيها بيانات كتير و من ضمنها بيانات البطاقه
دخلت كل البيانات و بيانات البطاقه و كله تمام و بعدها شكرا على الشراء و بس !!
حاليا بقالى 3 ساعات مستنى اى ايميل او اى رساله خاصه مفيش اى حاجه !!
و كل ما ادخل على البرنامج يقولى من فضلك اشترى البرنامج !!
هو فى حاجه عملتها غلط ؟ ام الشراء له طرق اخرى ؟؟


وعليكم السلام

ادخل هذا الرابط وسجل الدخول بالنك الباسوورد

http://www.buddyauth.com/Account/LogOn


بتشوف خيارات فوق واحد اسمه My Key انسخ الرقم اللي تحته وروح شغل العبه وبعدين شغل البوت واعمل Past لل My Key في مكان username ومكان الباسوورد خله فاظي واضغط Login وبأذن الله يشتغل

username=my key
password=no password

press login and have fun
xxskullsxx
08-08-2011, 01:30 PM
And get banned :)
lolstorm
10-08-2011, 04:39 AM
اذا كان عندي اكاونتين و حاط بواحد منهم بوت يجيني باند بالاكونت الي فيه البوت بس؟ ولا باند بالاثنين؟ (استعمل جهاز واحد يعني نفس الاي بي)
Karazhan
21-08-2011, 07:38 PM
لا مايجيك باند عااكاونتين

وحتى لو تستخدم اكاونت واحد باتل نت وفيه داخله عدته اكاونتات , يجيك باند على الاكاونت اللي استخدمت فيه البوت فقط والباقي تلعب فيهم عادي
Huntard
13-09-2011, 05:40 PM
Honorbuddy

هذا البرنامج يمديني أشغله على أجهزة مختلفة؟ مو بنفس الوقت بس يعني مرة بالبيت مرة بالمقهى و كذا؟ زي اشتراك wow يعني .
Karazhan
13-09-2011, 06:03 PM
تقدر اذا كانرمعاك البرنامج او اذا الاجهزه اللي راح تلعب فيها ان كانت في مقهى او عند صديق تقدر تلعب عادي لأنك راح تكتب اليوزر نيم والباسورد وتدخل بأشتراكك
Karazhan
27-12-2011, 10:19 AM
سألوني عالخاص عن البرمجه للماينق والهيرب


اول شي الموقع مالهم تغير و اختلطت المواضيع

والحين بعطيكم الرابط الخاص بالبروفايلات الخاصه للتفريم

وهذا اهو

http://www.thebuddyforum.com/honorbuddy-forum/tested-profiles/gatherbuddy-2-profiles-hb/ (http://www.thebuddyforum.com/honorbuddy-forum/tested-profiles/gatherbuddy-2-profiles-hb/)


بما انك جديد في عالم الشر واصبحت مثلنا لاعب شرير بعطيك نصايح شريره تستفيد منها مستقبلا


اول شي قبل تنزل اي برمجه اقرأ ردود الناس , اذا كانوا يمدحون البرمجه و عدد المشاركات كثيره في موضوع صاحب البرمجه حط في بالك انها مضبوطه

ثاني شي في شخصين دايم تشوف لهم برمجيات وهم kick و tony هذوله شغلهم مضبوط واذا حصلت واحد منهم حاط برمجه مثل ما انت تبي نزلها منهم

بعدين في شغله مهمه في البرمجيات , اذا شفت برمجه مكتوب فيها vendor , mail , repier نزلها لأن القصد من هالكلمات ان البرمجه تدعم التصليح والبريد والبياعين , يعني اذا الشنط عندك انترست اغراض من الماينق والهيرب البوت نفسه يروح للبريد ويرسلهم لشخص انت تكتب اسمه بالبوت ويرسلهم له كل ما امتلأت الشنط

واذا تضرر الجير مثلا البوت كل ما يروح يفرم يكون هناك موبات ويقتلهم ومع الوقت الجير تضرر , البوت يروح للمصلح ويصلح الجير , ايضا اذا الشنط حقك انترست من الموبات اللي يقتلهم البوت مثلا او شغلات رماديه يروح البوت ويبيعهم على البياع ويوفر مكان للماينق والهيرب

يعني اذا شفت شخص حاط برمجه ويقول انه برمجته تدعم البياعين والبريد والتصليح نزلها , غالبا ماتكون البرمجيات من الاشخاص اللي ذكرت اسمائهم فيها هالامور

==============

شلون تضيف اسم شخص والبوت يرسله الشغلات مثل الماينق والهيرب , وهذي ضروريه طبعا انك تضيف شخص , يعني مثلا نفس حالتي , عندي اكاونتين , واحد مشغل عليه البوت والثاني شريف

كل ما انترست الشنط راح وارسل الاغراض للشخصيه في الاكاونت الثاني , واقعد ابيعهم واخذ فلوسهم مده سنتين الى ان شغلته في مكان غلط عشان مونت وطاحوا علي بليزرد بعد ما بلغوا عن ناس واخذت باند

ولكن كل الاموال في الاكاونت الثاني , انت حتى لو تشتري اللعبه لغايه لفل 60 بس يعني ب20 دولار يمكن , وتخليه مثل البنك ترسله الاغراض واهو يبيع وياخذ الجولد

المهم طريقه الاضافه

اول شغل لما تشغل البوت و يكون جاهز تفتح المستطيل اللي على اليسار وتختار منه Gatherbuddy2

لما تختار التفريم تحتها راح تشوف setting & tools اضغط عليها وتفتحلك صفحه فيها خيارات

اول شي حط صح على advanced mode اللي تحت يمين plugins

فوق تشوف فتح mesh folder , هذا نفس ماقلت بالبدايه اول الموضوع تسوي ملف وتحطه بين ملفات البوت واسمه تخليه mesh وهني بالخيارات هذي تضغط change وتروح لغايه ماتوصل للملف وتحطه بالمستطيل

يسار الحين للمونت تكتب اسم المونت الارضي والطير وتحط صح فوق على use mount تحت راندوم شيل الصح عشان مايختار طيور عشوائيه , حط اسم المونت فوق ويكون مونت صغير بالحجم عشان ما ينشب في مكان بسبب حجمه الكبير

الحين انزل تحت تشوف vendors وتحت اختيارات مالك شغل فيهم وطبعا راح تفهم المقصد منهم لأنهم واضحين . لكن حط صح على find vendor auto

يمين تشوف اختيار بعد مستطيلات تكتب فيهم , اول واحد الخاص بالبريد اسمه mail recipient اكتب فيه اسم الشخصيه اللي تبي ترسل لها الماينق والهيرب اللي جمعتهم , وماراح يرسل الا لما تمتلئ الشنط , ساعات يعلق ويرسل كل ما جمع حبه وحده بس , اذا شفت الوضع هكذا الغي ميزه الارسال , ولكن ان شاء الله ماتحصل معاك

يمكن بسبب عيوب من البرمجه

المهم تحت يمين تشوف kill between هذي يعني اذا البوت شاف بطريقه موب يروح يذبحه واذا شلت الصح مايروح , الا اذا الموب تحرش فيه , يفضل انك تشيل الصح عشان تجمع وتمشي بدل مايقعد يذبح بالاول خصوصا ان كان المكان مليان موبات

تحت logout شيل الصح بعد

يسار الحين الloot شيل الصح من loot mobs هذا افضل لك عشان مايقتل ويسوي لوت عليهم وتنترس الشنط اغراض من اللي تطيح من الموبات وماتستفيد شي من الماينق , يعني تسبب زحمه على نفسك بسبب الاغراض خصوصا ان اغلب الموبات يقطون شغلات رماديه

وloot chests حط صح عليها عشان يسوي لوت على اي صندوق من الصناديق الrare ان وجدته , وعاده ان الصناديق هذي تعطي شغلات blue


الحين خلصنا من برمجه البوت كله ونجي على برمجه البروفايل نفسه

تحت اخر شي بالاختيارات تشوف كلمه bot config اضغط عليها تفتح مربع صغير

هالمربع الله يسلمك فوق فيه عده اختيارات

الاول اتركه مثل مااهو , تحت تشوف circle اذا مو سيركل خلها سيركل وهذا يعني البوت يمشي بشكل دائري على المكان او الخريطه , الاختيار الثاني يمشي بنص الخريطه , والماينق عاد يكون على اطراف الخريطه يعني اتركه دائري

الاختيار الثاني gather

تفتحه تشوف مربعات تحط عليهم صح , اول شي يقولك ماينق هيرب , وعليهم صح , يعني مثلا انت ماينق فقط تحت صح على الماينق وتشيل الصح من الهيرب , او العكس , واذا كنت ماينق و هيرب حط الصح عليها اثنينهم

بعدين تحت يقولك نينجا نود و الاليت يعني تسرق الماينق حتى وان كان شخص قاعد ياخذ الماينق , انت شيل الصح منها عشان مايفضح امرك , لأن ان شلت الصح والبوت شاف ماينق وراح لها وبنص الطريق شاف شخص نزل قبلك وقعد ياخذ الماينق يتركه ويبحث عن غيرها

يعني شيل الصح , الاختيار الثاني يقولك ان البوت يطنش الماينق اللي حولهم موب elite , هذي حط صح عشان ما يضيع وقتك وانت تموت عند هالموب والبوت يعلق بالمكان

الاختيار الاخير يقولك 3 اختيارات , انت حط على الاختيار الاخير mail to alt وتحت تشوف مكتوب اسم الشخصيه اللي كتبتها اول شي عشان ترسله الاغراض

اذا مو مكتوب اكتبه

بعدين ,manage

اول واحد اسم المونت وطبعا اتركه لأنه تماتيك راح يحط اسم المونت

الثاني خله 0

الثالث بس حط صح على wait out

باقي الاختيارات مالك شغل فيها , اتركها على مااهي عليه

هذا كل شي عن التفريم

عاد بعد هذا كله اضغط x على المربع , مو تضغط x بالكيبورد . يعني سكر الصفحه وبعدين ترجع للاختيارات اول شي وتضغط تحت save & close

وبعدين تضغط على البوت start وتخليه على راحته , مو تتحرش فيه

لأن بالبدايه راح يوقف معاك عشان يخزن الاحداثيات والامور هذي ويمشي شوي وبعدين يوقف لكن مايطول يعني وبالنهايه يمشي على طول

ومادري اذا في شي بعد قولي وانا اجاوبك