المساعد الشخصي الرقمي

مشاهدة النسخة كاملة : كمال الاجسام قريت عن معلومات ومو عارف اتبع اي وحده منهم ؟ نصيحتكم ؟


sa3d al manuntd
09-03-2011, 12:41 PM
السلام عليكم ورحمة الله وبركاته يا اخواني :

اتمنى لكم السعاده والصحه والعافيه

اصدقائي واخواني انا قبل فتره كتبت استفسار لانه بدخل كمال الاجسام وانا مبتدأ
عالعموم طلبت نصيحتكم فالمكملات الي اخذها وافادوني الاخوان ما قصرو
لكن حبيت اتعمق اكثر وشفت الاستفسارات والمواضيع واستغربت من شي
وخلاني اتردد شنو اسوي ؟ هل اقعد شهر من دون مكملات ثم ادخل بالمكملات ؟
ام ادخل على طول عالمكملات علما بان المكملات ضروريه حسب معرفتي من معلوماتكم ؟
وبغيت استفسر كيف اقوي الاعصاب بالجسم ؟
THh Rock
09-03-2011, 12:51 PM
وعليكم السلام ورحمة الله وبركااته
وياك اخوي ان شاء الله
اي نعم يا وحش في البدايه ولو على الاقل 3 اسابيع متواصله انك تركز على اكلك وبعدها تقدر تاخذ المكملات الي تحتاجها
هي صحيح ضروريه لكن ليست اساسيه في البدايه لحتى جسمك يتعود اللعبه والاكل الصحي
وتقوية الاعصاب راح تشد معك تلقائيا عند التمرين
sa3d al manuntd
09-03-2011, 12:58 PM
اشكرك يا كتبن ذا روك .. على سرعة تجاوبك معاي

بس اذا بغيت جدول التغذيه الي فالمنتدى كيف احصله ؟ ما عليك امر يعني
saasoo
09-03-2011, 12:58 PM
هلا اخوي انا انصحك تتدرب اول على الاقل ثلاث شهور عشان يتعود جسمك على التدريب ثم تشوف اذا بتستمر او لا ثم خذ الي تبي

بس انا لاحضت ان الي ياخذ مكملات من اول فترات تدريب جسمه مايستفيد منها كثير وانا كان واحد من اخوياي تدرب سنه ونص بدون اي شئ

ثم خذ مكملات بعد هذي الفتره والله في ثلاث شهور صار جسمه خراااافي جسم يحبه قلبك <<<<<< وانت والي تشوفه وعلى فكره .. هذي الرياضه

تعتمد على طبيعة الشخص ومعرفته بنفسه لانه هو اكثر واحد يعرف جسمه وانت على راحتك .............. سلام
sa3d al manuntd
09-03-2011, 01:02 PM
والله يا كباتن كلامكم حيل معقول عشان يتعود الجسم .. من ناحية النادي انا حاب الرياضه والسبب الي خلاني ما ادخل بستمرار كنت موظف وطالب بنفس الوقت واللحين بس وظيفه وقلت ادخل وثاني شي منها رياضه وصحه وعافيه ومنها تقضي الوقت الميت وامتن شوي ونفسيتك اتعدل
THh Rock
09-03-2011, 01:03 PM
^^^^^^^^^
المسألة مو مسألة متى اخذ ومتى ابدا ....!! المكمل فقط مكمل لا اكثر ولا اقل انت اذا تقدر تعتمد على تغذيتك وتحسبها صح وكم الكميه الي تحتاجها ما يحتاج تاخذ اي مكمل ...!!
وفترة 3 شهور كثيره جدا جدا !! وليش التشاؤم اكيد الرجال ما حط بباله اللعبه الا ان شاء الله بيستمر باللعبه ويواصل ...
وممكن خويك دخل كورس هرموني !!
وبالتوفيق للجميـــع
sa3d al manuntd
09-03-2011, 01:18 PM
كلامكم عالعين وعالراس يا كباتن وكل واحد يشوف اتوقع بنظره او من تجربه شخصيه او من واحد قريب منه وانا ابي احتفظ بارائكم واحاول انسق الي اشوفه يصلحلي
واشكركم على مروركم الكريم
saasoo
09-03-2011, 03:30 PM
^^^^^^^^^

المسألة مو مسألة متى اخذ ومتى ابدا ....!! المكمل فقط مكمل لا اكثر ولا اقل انت اذا تقدر تعتمد على تغذيتك وتحسبها صح وكم الكميه الي تحتاجها ما يحتاج تاخذ اي مكمل ...!!
وفترة 3 شهور كثيره جدا جدا !! وليش التشاؤم اكيد الرجال ما حط بباله اللعبه الا ان شاء الله بيستمر باللعبه ويواصل ...
وممكن خويك دخل كورس هرموني !!

وبالتوفيق للجميـــع



<<<< حلو كلامك حبيبي

مستحيل يكون كورس هرموني

وممكن ثلاث شهور تكون كثيره ليش لا بس كانت وجهت نظر واختلاف وجهات النظر مايفسد شئ

واخوي ذا روك اعلم مني في هذي الامور اكيد :33: