تسجيل الدخول

مشاهدة النسخة كاملة : مشاكل صحية كيفية التخلص من إصابة الكتف؟


kimo911
19-03-2011, 02:57 PM
السلام عليكم ,,,


عندي سؤال للإخوان في المنتدى ..


أنا صار لي تقريبا سنة ونص وأنا أتمرن حديد ,, قبل شهر تقريبا جتني اصابة بالكتف بسبب وزن زايد في الدمبل..
كنت أنا وواحد نساعد بعض في التمرين بس الله يهديه سرح شوي وكنت في اخر التمرين .. وأتوقع جاني خلع لأن الكتف تحرك من مكانه ,, بس الحمدلله رجعته لمكانه الطبيعي في لحظتها وحسيت بدوخه كذا ..
وراجعت المستشفى وقالي الدكتور بعد أخذ أشعة : عندك خلع وشد في الاوتار .. وان شاء الله تتحسن حالتك مع الوقت ..
بس بصراحة ملاحظ إن ما في تحسن كبير ..



السؤال : هل في تمارين أو أشياء أسويها أو مكان متخصص في معالجة إصابات الكتف ..؟
وشكرا للجميع ,,
adel1992
19-03-2011, 03:06 PM
س وقت ما جتك الاصابه حسيت بالم ولا عاادي


وقدامك العاافيه ان شاء الله
kimo911
19-03-2011, 04:11 PM
س وقت ما جتك الاصابه حسيت بالم ولا عاادي


وقدامك العاافيه ان شاء الله


الله يعافيك أخوي

ايه كان في ألم .. وحسيت دوخه وما قدرت أوقف على رجولي لمدة 5 دقايق كذا ..
kimo911
20-03-2011, 03:17 PM
للرفع

وأتمنى من الإخوان يجاوبوني ,, أو أي واحد حصلت له اصابة قريبة من اصابتي يقول لي وش صار معاهـ ..

وشكرا" للجميع ...
متمرس حديد
20-03-2011, 04:28 PM
اسمع حبيبـي تمرين الأكتاف تمارين خطيره شوي ولا تغامر بأي وزن فيه خصوصا إنك تلعب حر

ولكن قدر الله وماشاء فعل

التغذيه الحين اهم شي والنوم كذلك ..

والعب بأقل وزن حتى لو بالهواء تلعب اكتاف ماتقرب للأوزان

وابيك تستخدم الكرياتين ضروري جداا وراح يساعدك بشكل كبير


الكرياتين هو إلي بإذن الله راح يداوي اصابتك
.hamad.
20-03-2011, 04:32 PM
هل تحس بألم في الوقت الحالي ...
kimo911
20-03-2011, 11:28 PM
اسمع حبيبـي تمرين الأكتاف تمارين خطيره شوي ولا تغامر بأي وزن فيه خصوصا إنك تلعب حر

ولكن قدر الله وماشاء فعل

التغذيه الحين اهم شي والنوم كذلك ..

والعب بأقل وزن حتى لو بالهواء تلعب اكتاف ماتقرب للأوزان

وابيك تستخدم الكرياتين ضروري جداا وراح يساعدك بشكل كبير


الكرياتين هو إلي بإذن الله راح يداوي اصابتك



الله لا يهينك أخوي .. ومشكور على ردك ..
بس الكرياتين منتج بور , وكنت أستخدمه وقت الإصابة وقبلها .. ممكن تشرح لي كيف أستخدمه بعد الإصابة ؟
وهل أوقف استخدام البروتين ؟ والأحماض الأمينية ؟


ولك الشكر مرة أخرى ..
kimo911
20-03-2011, 11:32 PM
هل تحس بألم في الوقت الحالي ...




حياك أخوي حمد ..

أنا موقف تمرين من شهر .. بس أسوي لياقة ,, هرولة وسير وشوية تمارين بطن وسباحة ..

بالنسبة للألم ما أحس فيه إلا إذا جيت بلبس التي شيرت أو الثوب أو أي لبس أو جيت بنزله .. وبعض الأحيان إذا حركت يدي بسرعه أو بطريقة مفاجأة ..
متمرس حديد
21-03-2011, 12:32 AM
يمكن عندك غولج ويبي له مساج بطريقة خاصه

لا طبعا لاتوقف بروتين ولا احماض امينيه ولكن الكرياتين يساعد على استشفاء العظلات وقريت على احدى علب الكرياتين يعالج اصابات الترقوه لأنه هو يخزن موية بالعظل بشكل بسيط ويساعدها على الإلتائم والإستشفاء خصوصا بعد التمرين
.hamad.
21-03-2011, 01:32 AM
حياك أخوي حمد ..

أنا موقف تمرين من شهر .. بس أسوي لياقة ,, هرولة وسير وشوية تمارين بطن وسباحة ..

بالنسبة للألم ما أحس فيه إلا إذا جيت بلبس التي شيرت أو الثوب أو أي لبس أو جيت بنزله .. وبعض الأحيان إذا حركت يدي بسرعه أو بطريقة مفاجأة ..

ألف سلامة عليك اخوي

انصحك بان ترجع التمرين حالياً وتبدأ بتصخين نص ساعة بدون إجهاد وبعدها تلعب حديد بس بدون أوزان وبطريقة التكنيك ويستحسن لو على اجهزة لتنشيط الدورة الدموية وللعلم بان لم يذهب الالم الا اذا تمرنت بشكل تدريجي الى ان ترجع بقوة فيما بعد لان نوع اصابتك كما ذكر لك الدكتور وكما ذكرت انت هي من النوع اللتي لاتذهب الا بالتدريب الخفيف جداً والتصخين الطويل بدون اجهاد لتنشيط الدورة الدموية ..

نصيحة اخيرة ..
لاتاخذ كرياتين نهائياً الا بعد مرور شهرين على الاقل من رجعتك للتدريب لان الكرياتين يضر بالاربطه الضعيفة وغير مناسب للاصابات نهائياً ...
Ahmed559
21-03-2011, 07:44 PM
أخوي اصابات الكتف تحصل عند الكثيرين وعشان كذا أفضل شي انك تسخن أكتافك في تمارين الصدر والظهر والأكتاف وحتى الذراعين لأنهم كلهم لهم علاقة بالكتف مع التمارين....
بالنسبة لي جت لي اصابة بالكتف وقوية لدرجة اني ماعاد صرت أقدر أحرك الجهة اليمنى كاملة... وقفت أسبوع كامل من التمارين الين ماخف الألم وبعدها رجعت للحديد وكنت أتفادى التمارين اللي توجع كتفي
عشان مايرجع يزيد الألم علي ومع الوقت لاحظت ان الألم اختفى فرجعت للتمارين اللي كانت تؤلم كتفي بأوزان خفيفة وماحسيت بأي شي وزدت الوزن مع كل أسبوع والحمدلله اختفى الألم على طول.....
وألم ثاني صار لي بالكتف في الجهة اليسرى ماسخنت زين وتمرنت العقلة حق الظهر اللي أتعلق بالبار وبعدها لاجيت أتمرن البار اللي تنزله خلف الرقبة يجيني ألم ... غيرت التمرين بس تمرين يمرن نفس العضلة وبعد مدة طويلة قلت أجرب التمرين القديم والحمدلله والشكر لله اختفى الألم...
يمكن حالتك أقوى من حالتي بس قلت أكتب لك تجربتي مع ألم الكتف يمكن تفيدك بشي وعسى الله يشفيك ويخلصك من الألم باذنه
buraydawi
21-03-2011, 10:27 PM
عضلة الصدر عضلة مصيبة اي انها تصيب غيرها وخصوصا عضلة الكتف الامامي
انا مثلك مرة دخلت عل تمرين البنش المستوي وجتني اصابة بالكتف الايسر, ثاني يوم ما اقدر احرك ايدي اليسرى(الم رهيب) , وقفت التمرين شهر وبعده رجعت للتمرين والالم مازال موجود على الخفيف بس بديت اركز على الاحماء واتجنب اللعب بالدنابل لين الحمدلله على كل شي صار تمام ...
فيه مكملات تسرع الاستشفاء العضلي بس ما اقدر افيدك اكثر.
والله يشفيك اخوي وماترى باس وعسى ربنا يكفينا شر الاصابات
وتقبل مروري المتواضع
kimo911
22-03-2011, 12:41 AM
شكرا لكم جميعا على النصايح والتجارب المفيدة ..

وأنا اصابتي مو عشان التسخين .. كانت بسبب الوزن الزائد ..

أما التسخين فأنا أمرن الكتف يوميا قبل اي تمرين ما عدا تمرين الارجل ...

شكرا لكم مرة اخرى والله يعطيكم العافية ...
Broken Sword
22-03-2011, 01:55 AM
اخوي هذا وقت الجلوتامين استخدمه قبل وبعد النوم واذا تقدر تتمرن سكوب قبل التمرين واحرص على انك تاخذ كفايتك من السعرات النظيفة عشان تساعد على الشفاء
kimo911
22-03-2011, 06:57 PM
الله لا يهينك أخوي بروكن سورد ..

وكل الأعضاء على شرحهم لي ..