بحبك يا مصر ( عامية مصرية )

[رحّال بأشعاري]

السلام عليكم ورحمة الله وبركاته
بحبك يا مصر بحبك بحبك وهافضل أقول بحبك ... الله اكبر أد ايه الإحساس جميل وانت بتحب مصر وتعبر عن ده من غير خوف ومن غير شك في حبها
لكل المصريين ، ولمصر حبيبتي بلدي اللي عمري ما نسيتها ولا نسيت همومها وأوجاعها ، أقدم هذه الكلمات المتواضعة



يا مصر




يا مصر اسمك يدوب فينا ...... وخيرك ع المدى لينا


وإن طــــــال الزمان بينا ...... هنعلى بيكي يا بلدي


**********


بحبك أيوه يا أمّي ...... يا شايلة ع السنين همّي



تهون نفسي يهون دمّي ...... وروحي فداكي يا بلدي


**********


يهون وياكي حرماني ...... وأنسى معاكي أحزاني



ويصحا الحب من تاني ...... دا اسمك في لسان ولدي


**********


يا أغلى منحة من ربّي ...... أعيش واخلص لها ف حبّي



وأقولها تاني من قلبي ...... بروحي أفديكي يا بلدي


**********


هانكبر تاني يا بلادي ...... يا أرض النيلِ والوادي



ده حبّك ميّتي وزادي ...... وكل حياتي يا بلدي


**********


يا أغلى عندي من نفسي ...... ودايما بيا بتحسّي



على شطّك أنا بارسي ...... وأكّد ذاتي يا بلدي


**********


هانبني جيلك الصاعد ...... يعمّر فيكي ويجاهد



ونبقى كلّـــنا واحد ...... في حبّك انت يا بلدي




أتمنى تعجبكم رغم إني عارف تقصيري الشديد في وصف حبي لها
تحياااااتي لشعب مصر

[ام ابـراهيم]

ما اجمل لغتكم العاميه
خفيفه و سهله .
تحياتي لك
{ رحال بأشعاري الأن إنتبهت أنك مراقب هذا القسم}
بالتوفيق

[رحّال بأشعاري]

ما اجمل لغتكم العاميه

خفيفه و سهله .
تحياتي لك
{ رحال بأشعاري الأن إنتبهت أنك مراقب هذا القسم}
بالتوفيق




السلام عليكم ورحمة الله وبركاته
أشكرك أختي الكريمة ... وأحمد الله أن نالت أبياتي إعجابك
أما بالنسبة لسهولتها فأنا عادة لا أحب التعقيد والاستعراض باللغة ...ولا أستخدم كلمات صعبة لأنني أرى أن من حق كل إنسان ان يفهم ما اقول وأن أعبر بلسان العصر الذي أعيش فيه مع الحفاظ على عامية العامية وفصاحة العربية
شكرا لمرورك الكريم
تقبلي ودي وتحيااااتي