تسجيل الدخول

مشاهدة النسخة كاملة : كمال الاجسام هل انت مع استخدام الكورسات لزيادة الكتلة العضلية مع وجود المعرفة في هذا المجال


جولد استاندر
06-04-2011, 01:09 AM
شباب بي صراحة مطلقه هذا موضوع من جد مهم اذا كنت انت كاللاعب بناء اجسام ناوي توصل مرحلة متقدمة في رياضة بناء الاجسام موضوع مهم لي النقاش مودتي:):)
bam bam
06-04-2011, 01:19 AM
اذا قصدك كورس هرموني فمن ناحيتي لا اؤيده اطلاقاً خاصة ان له مضار قوية وبالمستقبل على ما قريت
1رحال
06-04-2011, 01:20 AM
ماني فاهم الموضوع والمحتوى؟!!!!!
جولد استاندر
06-04-2011, 01:29 AM
شكللك مافهمت المقصد يارحال المقصود الكورسات بي جميع انواعها سواء كورسات للتضخيم اوغيرها وطبعن الكورسات الهرمونية
بردان1
06-04-2011, 02:21 AM
الهرمونات والعياذ بالله

انا ماقرات عنه ولا اعرف عنه ولا شي
بس قبل سنه تقريبا قبل لا اتعلم عن كمال الاجسام ولا شي
كان صديق لي بالجامعه جا يوم من الايام طفشان سالته سلامات يالطيب
قال والله توفى ولد خالي افا ليه كيف !
قال والله هو من حقين كمال الاجسام وطق ابره هرمون وتسرطن كل جسمه وعجزنا لا نعالجه بكل مكان عالجناه والحين توفى
قلت طيب اشتكو المكان الي باعله هالسم
قال اصلا موقع على ورقة يوم يشتريه انه هو المسؤول عن جميييع الاضرار ولا للشركة ايييي دخل


بعد هذي خلاص فكرررت انه الهرمون كله كذا
عقبه ماتعلمت عرفت ان الي ياخذونه لازم بطريقة سليمة ويتابع حالته ومادري كيف لكن لااااااااازم لابد من ضرر مستقبلي حتى الي يتابع حالته ؟

هذا شي خطيييير وربي شي خطير
ياجماعه لعبة كمال الاجسام للرياضه وابقاء الجسم بصحته مهو لتدمير الجسم
وش الفايدة من الشكل واشيل 200 كيلو وبعدين ؟؟ امراض وتعب ؟

ابدا ضدددددددددد الهرمونات واتحسف على كل ماشفت من موضوع يتكلم عنهن يعني عن جد وانا مالي اي فكرة بهن بس احسه اجراام اخذهن
حنا ناس لنا عقوول وانعم الله علينا بنعمة الاسلام
اروح واذبح نفسي بس عشان اكمل سنه سنتين ثلاث وانا الناس يقولون لي يابطل وبعده يزوروني بالمستشفيات ويدعولي ؟ لا والله ضده

والي بقلبي اكثثر لكن الشكوى لله
Broken Sword
06-04-2011, 03:01 AM
ايه نعم مؤيد لكن بشروط..

وعندي تحفظ بصراحة على هذا الموضوع. لكثرة المتخلفين الي موب فاهمين الي اول ما يشوفون واحد جسمه معضل على طول يقولون "هذا اخذ ابرة تفخه واذا ترك الرياضة تتحول لدهون"

واخواني الله يرحم والدينكم لا تتحدثون بما لا تفقهون..

اي شي تاخذه غلط راح تموت لو تاكل سريلاك يمكن تموت اجل خلاص نمنعه؟؟

المشكلة بعض الناس مسويه عارفه كل شي

وتجي بعد كم شهر تلقاه بالبيت ياكل فشار ويشربله بيبسي
بردان1
06-04-2011, 03:44 AM
^^ مافيه رد الا انا
انا افقه ما اقول وما اقول اني فاهم بالهورمونات واعرف ومادري كيف
وبالعكس فيه ناس انا ااعرفهم اجسامهم منتخفه وعضل وبدون ابر

وبالنسبة لاي شي تاخذه غلط راح تموت اكيد بس شي عن شي تفرق
يعني ممكن الي ماتو بسبب اخذ السيريلاك غلط 1 من مليون
بينما الي ماتو من اخذ الهرمون غلط 95 بالمية < انا اتكلم عن الي اخذوه غلط بغض النضر عن الي اخذوه صح يعني
ولكل شي فوائد ومضار
وحتى بالقران الخمر له فوائد وله مضااار ولكن مضاره اكثر من نفعه عشان كذا حرم الخمر
"يسئلونك عن الخمر والميسر قل فيهما إثم كبير ومنافع للناس وإثمهما اكبر من نفعهما "

طبعا انا ماقصدي هنا اني احرم او احلل انا ما افتي ولا اعرف بس اقصد بضرب مثال الخمر سؤالك نمنعه ؟؟

وانا ماني مسوي نفسي عاااارف كل شي بس اعرف شي واحد
ان الهرموووون حتى الي ياخذه بنفسه يقول له مضار مستقبليه وهذا الي تكلمت عنه ولا تطرقت لشكل ضرره سواءا نوع المرض او اي شي اخر واكيد لكل مرض علاج لكن مرض عن مرض يفرق يعني فيه احد ياخذ ويكون متابع حالته وماشي ع المضبوط مع دكتور لكن الى متى بعيش على هالحاله انا بغنى اللعبه ماتستاهل اني ادفع ثمن عمري

وبالنسبة للفشار والببسي له مضااار بس اهوووون بكثييييييييير
كل العااااالم تشررب الببسي يوميا ويدرون ان له مضااار لكن مهي اكيده ممكن الجسم يقاومها ولا يتاثر فيه ناس الحين شيبة وهي على اللببسي ولاجاه شي مع اني ضد بعد اللببسي بكثرة


اتمنى اخي تتكلم عن رايك انت وتوضح سبب تأييدك ولا تتكلم عن رددود غيرك لان رد غيرك يمثل وجهة نظرة


وواختلاف وجهات النظر لا يفسد للود قضية
Broken Sword
06-04-2011, 03:56 AM
^^

لها مضار مستقبلية من الناحية الجنسية.. احياناً

اما الجسم ان شاء الله ما فيه الا العافية
بردان1
06-04-2011, 04:35 AM
^^ كان ممكن ترد نفس ردك هذا على ردي الاول
وتترك ردك الي تحسسنا فيه انك انت الفاهم وغيرك متخلفين


نعم قد يكون كلامك صحيح لكن انا على حسب اطلاعي

انه الي ياخذه بالطريقة السليمة 100% مثل ماقلت من الناحية الجنسية ومادري اذا الجسم باقي الجسم ماراح ينضر ماعندي علم جازم لكن سمعت انه ايضا حتى الجسم بالمستقبل ينضر
لكن من الممكن اكيد يكون كلامك صحيح


لكن مشكلت الهرمون انه الي ياخذه بطريقة سليمة بنسبة 99 بالمية من هنا يبدا الخطر !! يعني ممكن تاخذه وانت ماشي كلش تمام وانت تراجع دكاتره فتره تنسى نفسك تلقى نفسك ابتليت بالامراض < انا اقول من الممكن

ومن الممكن مثلا يكون الدكتور الي تراجع عنده مهو دكتور شاطر ومن الممكن ايضا انه وبما ان كل بشر يخطئ يمكن تنسى نفسك بلحضة وتاخذ الجرعة بطريقة خاطئة لو خطا بسيط لكن العواقب ماراح تجي بسيطة
انا وجهة نظري
انه ابعد عن الشر وغنيييله
احنا بغنى تمام الغنى عن الهرمون عشان اعضل جسمي
عمرررررره ماتعضل ولا اخذ هرمون
يعني باصل مستوى واصير فيه اشيل الشاحنات واضرب بهن بهالجدار مثلا !!
كله عضل وشكل مهي مستاهله الشغله مع انه بامكانك الحصول على العضل بطريقة سليمة وبصبر وبتغذية وانحلت المشكلة

تبقى وجهات نظر ولكل شخص غايه وهدف سواءا كان الهدف تافه عند شخص فهو بنضرته هدف عظيم وهذي الحياة

ع العموم العذر والسموحة اخي اذا غلطنا عليك بشي
جولد استاندر
06-04-2011, 04:40 AM
حياكم الله يااخوان واراكم مفيده وكل واحد ووجهت نظره وانا ابصراحة عن نفسي اشوف انها تعطي نتائج لكن الي ناوي يستخدم الكورسات ابشكل عام بي انواعها لابد يكون لديه معرفة وهي في نفس الوقت لها مضار جانبية وقد تسبب لخبطه لي هرمونات الجسم مع سوء الاستخدام لكن في قصص واقعيه صارت مع ناس في الوسط الرياضي لكن في قصص صارت وزي ماقلت يااخ بردان عن الشخص الي قلت عنه توفى الله يرحمه بي واسع رحمته هاذي واقع يصير صراحة احنا نسمع عنه ويقولون هذا ناتج عن سوء استخدام الشخص نفسه او قد تكون الماده نفسها مغشوشه او شي من هذا القبيل لكن يااخون نحن نطرح هذا الموضوع لي المصلحه العامه وحياكم الله وبي التوفيق