3 اسائلة محيرة في الصالة الحديد تعال جاوب عليها ( كيف تتصرف )

[q8gym]

انواع الطفش بالنادي لا جاك واحد توة داش النادي وانت جسمك حار ومش فاضي ويجيك يقولك كابتن جولة بجولة يعني انا مستعجل خخخخ


انا اقولة باقي لي جولة والعب الجولات كلها ماستحي من الناس الي ماتستحي:)


ومشكلة لا قال لك كابتن شلون التدريب هههههه يبيك تدربة ههههههه

اقولة اركض على الجهاز اسبوع وبعدين العب حديد عشان تشد عضلاتك

السوال الاول:

1- كابتن جاولة بجولة؟
2- كابتن شلون اسوي التمارين هذا ساعدني ؟
3- انت تسوي تمرين غلط محد يساعدك حتي لو صاحبك بالنادي شسالفة الحسد بين الناس ؟


جابوني بكل صراحة

[toto jeddah]

^^

لو تسمحلي أسألك ,
كم عمرك ؟؟

[تي باغ مدريد]

^^^

مع احترامي لك

بس اسالتك الغرور طاغي عليها جداَ جداً << ترى ما فيها شيء لما وااحد يسالك عن تمرين او يبقاك تساعده ترى كلنا اول ما بدانا باللعبة جذي

لو تسكر الموضوع واايد احسن لان اخوانا بالمنتدى رااح يفكرون انك انسان مغرور < و الله و اعلم ع النية >

و اسمحلي اذا كان فيه تجريح بالرد و قوااك الله و للامام يا وحش

[amma271]

1- كابتن جاولة بجولة؟

عادي و بكل سرور خاصة لو النادي مزحوم
حط نفسك مكان اللي قاعد ينتظر و تعرف الفرق


2- كابتن شلون اسوي التمارين هذا ساعدني ؟

قال رسول الله صلى الله عليه و سلم:(من كان في حاجة أخيه ، كان الله في حاجته )
فأشوف انه من كرم النفس مساعدة الآخرين و التواضع يرفع منزلتك عند الآخرين. و مرة أخرى حط نفسك مكان هذا المبتدئ



3- انت تسوي تمرين غلط محد يساعدك حتي لو صاحبك بالنادي شسالفة الحسد بين الناس ؟

ما تلاحظ انه في تناقض شوي!!!

أنت في السؤال الثاني متضايق من اللي يسألك عن كيفية التدريب و الحين تبي الناس تعلمك!!!!
شي عجيب بصراحة أخوي
آسف لا تاخذ الموضوع بشكل شخصي لكن الموضوع متناقض

[abu kinan]

+1 مع الشباب
مافي اي مشكلة ندخل جولة جولة ليش لأ ، اكيد ما رح اسوي 4 جولات صدر مستوي ورا بعض فورا بدون فترة راحه بينهم
واذا حد سألني شخصيا عن شي اجاوبة بكل أمانه ولو ما اعرف اقول ما اعرف واسأل الكابتن بكل ادب وهذه لعبة تعاون والواحد بعد فترة يتعود على الشباب ويصيروا اصدقاء ويساعدون بعض

[THh Rock]

من جد موضوعك غريب !!!
وبخصوص اذا احد سألك عن التمرين وش يتمرن او كيف التمرين نصيحه اخويه ريح راسك وقوله هذا المدرب اسأله مو بسبب الغرور لكن انا اخذت انذارين في النادي بسبب هالشي لاني مدرب لياقه وصارت مشاكل مع مدرب الحديد !! لان بصراحه المدرب وظيفته انه يدرب ويعلم الاخطاء وتجي انت كذا راح ينقعر ويحس انه هو و الفراغ واحد!!

[1رحال]

(كان الله في عون العبد ما كان العبد في عون اخيه)

[nassernasser123]

من ناحية جولة بجولة شباب يمكن ما فهمتوا قصده في اغلب الاحيان يكون مو نفس الوزن اللي انت تلعبه انا بصراحه يضايقني هالشي لانه يخليني ابرد خصوصا بالاوزان الحره مثلا صدر مستوي انت تلعب 20 واهو يبي 10 على ما يشيلهم ويلعب وانت ترد تحط اوزانك شوي الشغله مزعجه
وكابتن شلون تسوي هالتمرين هم يمكن قصده انه انت مو مدرب في مدرب موجود تروح تسأله
السؤال الثالث من وجهت نظري مو حسد ساعات انا صارت فيني هالموقف تطفلت وساعدت واحد بالصدر المستوي كانت ايده ترجف شوي ويطيح عليه البار فساعدته خدمه انسانيه !!! احنا كمسلمين تربينا على هالعادات قام خزني ومن قالك تساعدني وعصب ... فمن يومها قلت مالي شغل باحد الا اذا واحد طلب مني شي

[buraydawi]

حلو التعاون بين الاعضاء بالنادي وتكوٌن لك اسره ثانية يسالون عنك وتسال عنهم بفتره الغياب

[TheDarkKnight]

اسئلة سخيفة و مالها داعي اسمحلي عاد
شو فيها لو لعبت مع الريال جلسه بجلسه التعاون مطلوب و الروح الرياضية
بعدين لو واحد جديد بالعبه شو فيها لما يسالك عن تمرين معين و تجاوب عليه ليش انت دخلت اللعبة و كنت محترف و فاهم كل شي؟؟
مدة الجلسه مابتاخذ منك نص دقيقه يعني في هاي النص دقيقه جسمك بيبرد؟؟؟؟!!!
العتب مب عليك على المراقبين الي خلوك اتنزل مثل هالموضوع في المنتدى الي لايفيد المنتدى ولا الاعضاء و احنا يحاسبونا اذا نسينا كلمة منقول
اسمحولي ع الرد انت و المراقبين

[Broken Sword]

انت بنفسك مبتدأ يعني لا تسوي فيها وصدقني لا تخاف محد راح يجي يسألك لانك انت بنفسك تحتاج من يعلمك التمرين..

[hammmmar]

انت بنفسك مبتدأ يعني لا تسوي فيها وصدقني لا تخاف محد راح يجي يسألك لانك انت بنفسك تحتاج من يعلمك التمرين..

نفس الكلام يقول الله عز وجل ( وفوق كل ذي علم عليم ) يعني مافي كبير الا الله عز وجل ..

[ابومريم15]

كل ها الاسئله مافيها شيء ابدا وكلنا مررنا بها فالتواضع مطلوب

[abu kinan]

للأسف صادفت البعض من اصحاب هذه العقلية بالنادي القديم مع اني لم اجرب حتى سؤالهم او حتى التعاطي معهم وكلن كان واضح من اسلوب احدهم لما يجي يسألك انه كم باقيلك من جلسات ويطلب منك الاستعجال وهو حتى كل وزننه ماوصل 50 كيلو وكان هذا سبب كبير بتركي للنادي لأنه كثرت هذه الأشكال

[q8gym]

يجماعة في ناس مو عاجبها الموضوع وفي ناس عاجبها :)


الصراحة الكل يمثل راية ونحن نتحاور لنرتقي

[q8gym]

من ناحية جولة بجولة شباب يمكن ما فهمتوا قصده في اغلب الاحيان يكون مو نفس الوزن اللي انت تلعبه انا بصراحه يضايقني هالشي لانه يخليني ابرد خصوصا بالاوزان الحره مثلا صدر مستوي انت تلعب 20 واهو يبي 10 على ما يشيلهم ويلعب وانت ترد تحط اوزانك شوي الشغله مزعجه
وكابتن شلون تسوي هالتمرين هم يمكن قصده انه انت مو مدرب في مدرب موجود تروح تسأله
السؤال الثالث من وجهت نظري مو حسد ساعات انا صارت فيني هالموقف تطفلت وساعدت واحد بالصدر المستوي كانت ايده ترجف شوي ويطيح عليه البار فساعدته خدمه انسانيه !!! احنا كمسلمين تربينا على هالعادات قام خزني ومن قالك تساعدني وعصب ... فمن يومها قلت مالي شغل باحد الا اذا واحد طلب مني شي



هذا الي ابي اوصل له :)

[q8gym]

للأسف صادفت البعض من اصحاب هذه العقلية بالنادي القديم مع اني لم اجرب حتى سؤالهم او حتى التعاطي معهم وكلن كان واضح من اسلوب احدهم لما يجي يسألك انه كم باقيلك من جلسات ويطلب منك الاستعجال وهو حتى كل وزننه ماوصل 50 كيلو وكان هذا سبب كبير بتركي للنادي لأنه كثرت هذه الأشكال


هذا رد ثاني وانا معاكم ولو في ناس معارضينا في الموضوع