عام شاركنا برأيك عن قسم اللالعاب [الأرشيف]

Arashi

19-04-2011, 07:38 PM

لونلي لو سمحت في بالي كم نقطه ودي اضيفهم في الموضوع لو سمحت ^_^

سؤال لكل الاعضاء:

شنو تبون من الاداره بالضبط؟ :أفكر:

شنو الطلبات اللي بغيتوها وما تنفذت وعدم تنفيذها كان سبب في الخمول الحاصل في الالعاب؟ :33:

ثانيا: شنو هي أسباب الخمول (اي سبب لا يتعلق بالاداره)؟

من وجهة نظري (وهذه الامور طبعا لا تنطبق كلها عالجميع) :

1-الالعاب اللي نازله الحين مالها عدد كبير من المعجبين نفس ألعاب زمان...فما تحصل لعبه توصل عدد صفحات المشاركات فيها الى اكثر من 5 ولو طافت الخمسه بعد هم كم من عضو يسالفون لحالهم (في مواضيع كبيره طبعا مثل COD لكن اغلب المواضيع الثانيه نقاشها محدود) :(

2-ألاحظ ان في اعضاء يتبّعون نظام "اللزقه" في المنتدى...اعني باللزقه ان في اعضاء يبون عضو معين يكون متواجد في المنتدى على طول ولو تغيب فتره او ترك المنتدى يحصل لهم احباط ومايشاركون بدونه..ايضا في اعضاء يشجعون العضو المعروف او اللي بحبونه اكثر ويشاركون في كل مواضيعه حتى لو ماتهمهم اما العضو الجديد او اللي في حاله مسكين محد يعطيه ويه ولا حتى يحصل فرصه يروينا طاقته الجباره :28:

3-دايما فاتحين مواضيع اخبار اخبار اخبار مانجوف مواضيع رسميه كثيره ولا نقاشات ولا مواضيع ترفيهيه تغير علينا جو...انا ما اقصد طبعا ان نبي مواضيع كبيره لكن نتمنى نجوف مواضيع تحسسك انك قاعد في مجلس ويا ربعك مب في مؤتمر صحفي :bigeyes:

Fantasy Legend

19-04-2011, 07:43 PM

ايضا في اعضاء يشجعون العضو المعروف او اللي بحبونه اكثر ويشاركون في كل مواضيعه حتى لو ماتهمهم اما العضو الجديد او اللي في حاله مسكين محد يعطيه ويه ولا حتى يحصل فرصه يروينا طاقته الجباره :28:الصراحه هذي النقطه ممتازه
وهيا منتشره بكثره للأسف ,,

Tyki Mikk

19-04-2011, 08:51 PM

لونلي انت تشتغل مندوب لـ TG و تعمل اعلانات لهم هنا او أيش ؟

أنا مع التطوير للأفضل ان شاء الله بس نبي احد يسمع رأينا و ينفذها و هذا الشخص للأسف غيابه كثير لحد ما متنا روحيا
امحق دعاية, صح مستوى النقاش هناك أفضل بمراحل من هنا بس ذاك المنتدى تقليد رخيص لنيوجاف, جد أغلب الأوقات بتشوف مواضيع جاف منقولة عندهم حتى مع الردود "بس طبعاً" تكون معربة ....
مع إنه مستوى النقاش هنا رايح فيها - للاسف - بس مع ذلك أنا أفضل هالمنتدى, لان ببساطة له هوية :).

NiN RevO

19-04-2011, 09:02 PM

من حذف ودمج مواضيع وبنرات وجوائز..الخ
هذه كلها بس 10% -__-

دايما فاتحين مواضيع اخبار اخبار اخبار مانجوف مواضيع رسميه كثيره ولا نقاشات ولا مواضيع ترفيهيه تغير علينا جو
اكيد لأن الاخبار تجي كل يوم اما الالعاب ما تنزل كل يوم + احط كل طاقتي ووقتي بالمواضيع الرسميه وموعاجبج -__-

Arashi

19-04-2011, 09:08 PM

هذه كلها بس 10% -__-

10% لأن مالها تأثيرعلى جذب الاعضتء للمنتدى >_>

اكيد لأن الاخبار تجي كل يوم اما الالعاب ما تنزل كل يوم + احط كل طاقتي ووقتي بالمواضيع الرسميه وموعاجبج -__-

بالعكس انت ماتقصر وفي اعضاء نفس الشي مواضيعهم جباره...بس انا قصدي ان عدد هالمواضيع قليل مب مثل اول كنا نجوف 3-4 مواضيع رسميه في القسم الواحد كل اسبوع

Garl Vinland

19-04-2011, 09:21 PM

تم التصويت و شكراً على الأستفتاء المهم (كان من زمان) ^^

dro

19-04-2011, 10:20 PM

درو
لاني ابي تروحون للمكان الاحسن لا أكثر

معليش لونلي أنا ما ادري انت تمزح او تتكلم من جدك ؟ .. المفترض تاخذ مخالفة على الأعلان مو التصويت يعني لو انا عملت اعلان لمنتدى المنتدى عندهم تتوقع ما راح يعملوني شي او اخذت راحتك بما ان ما فيه مراقبين ؟ ثم أنا مشارك هناك لكن تواجدي هنا اكثر لأني مرتاح اكثر هنا صحيح هناك فيه شغل اكثر من هنا لكن الحمدلله أنا هنا مو مضطر اني اكون منافق و اجامل غيري ثم اذواق الأعضاء هناك يختلف مع اغلب اذواق الأعضاء هنا تماما

أنا ما عندي مانع في التصويت و اننا نطور انفسنا لأفضل و نخلي الأدارة يحسو بمطالبكم لكن مو من حقك ابدا انك تعمل اي اعلان لأي منتدى و تستغل غياب المراقبين عشان تعمل دعاية لهم هنا !

ienzo

19-04-2011, 10:49 PM

http://30.media.tumblr.com/tumblr_l780gbDzRv1qd9jvmo1_250.gif
لونلي تستاهل تصفيق ومشكورعلى الاستفتاء

معليش لونلي أنا ما ادري انت تمزح او تتكلم من جدك ؟ .. المفترض تاخذ مخالفة على الأعلان مو التصويت يعني لو انا عملت اعلان لمنتدى المنتدى عندهم تتوقع ما راح يعملوني شي او اخذت راحتك بما ان ما فيه مراقبين ؟

وين الاعلان؟
انا اشوف انا ما يستاهل ان ياخذ مخالفه لان قصده تطوير المنتدى للافضل وبعدين انت شوف الوضع في قسم الالعاب
المراقبين مثل ايوب الحسن ,الجنرال, فارس ,والحين كاسح ما لهم اثر بالاقسام http://www.gconsole.com/forum/emo/098eb4a5.gif (http://javascript<b></b>:emoticon(':onion24'))

Lonely Hunter

19-04-2011, 10:59 PM

معليش لونلي أنا ما ادري انت تمزح او تتكلم من جدك ؟ .. المفترض تاخذ مخالفة على الأعلان مو التصويت يعني لو انا عملت اعلان لمنتدى المنتدى عندهم تتوقع ما راح يعملوني شي او اخذت راحتك بما ان ما فيه مراقبين ؟ ثم أنا مشارك هناك لكن تواجدي هنا اكثر لأني مرتاح اكثر هنا صحيح هناك فيه شغل اكثر من هنا لكن الحمدلله أنا هنا مو مضطر اني اكون منافق و اجامل غيري ثم اذواق الأعضاء هناك يختلف مع اغلب اذواق الأعضاء هنا تماما

أنا ما عندي مانع في التصويت و اننا نطور انفسنا لأفضل و نخلي الأدارة يحسو بمطالبكم لكن مو من حقك ابدا انك تعمل اي اعلان لأي منتدى و تستغل غياب المراقبين عشان تعمل دعاية لهم هنا !

اذا الاداره مايحسون انا ليش احس’ لازم يكون في احساس متبادل ياعزيزي

و عادي عندي انطرد على هالموضوع لول, لي هالدرجه صرت مو مهتم

انا هدفي من هذا كله ان اخليهم يضبطون القسم لان زهقنا فعلا من سالفة اقسام داخل قسم داخل قسم , تقول قاعدين بفلم انسبشن

dro

19-04-2011, 11:02 PM

تقول قاعدين بفلم انسبشن

هههه xD

انا طبعا متفق معاك

Pika-Chu

19-04-2011, 11:11 PM

صحيح هناك فيه شغل اكثر من هنا لكن الحمدلله أنا هنا مو مضطر اني اكون منافق و اجامل غيري ثم اذواق الأعضاء هناك يختلف مع اغلب اذواق الأعضاء هنا تماما

+1
that's so true

فعلا هالشي الوحيد اللي يخليني ارتاح في هالمنتدى واتم اشارك فيه ..

MoMeNTuM

19-04-2011, 11:59 PM

السلام عليكم

هي السالفة صغيرة و ما يبالها تفكير

انتو ليش تتريون حد ايكم عشان تتطورون, انا اقول انتو بروحكم لازم اتبدعون و اتسون مواضيع و اتطورون القسم, ف مب لازم تتريون حد كل واحد يتسفيد من قدراته D:

solid619

20-04-2011, 01:14 AM

2-ألاحظ ان في اعضاء يتبّعون نظام "اللزقه" في المنتدى...اعني باللزقه ان في اعضاء يبون عضو معين يكون متواجد في المنتدى على طول ولو تغيب فتره او ترك المنتدى يحصل لهم احباط ومايشاركون بدونه..ايضا في اعضاء يشجعون العضو المعروف او اللي بحبونه اكثر ويشاركون في كل مواضيعه حتى لو ماتهمهم اما العضو الجديد او اللي في حاله مسكين محد يعطيه ويه ولا حتى يحصل فرصه يروينا طاقته الجباره :28:

هذا السبب اللي خلاني ما عاد اشارك في المنتدى

كنت اشارك واكتب اخبار وسويت موضوعين رسميه لكن للأسف ما كان فيه تفاعل من الاعضاء والاداراه كرمتي مره

واحده مع اني كنت متميز في اكثر من شهر ومن بعدها سرت متصفح فقط للمنتدى

واذا المراقبين مشغولين انا انتخب نفسي مراقب

dely10

20-04-2011, 05:50 AM

شباب ارجو ان الواحد لا ياخذ راحته ويتطاول

وشفيكم شايشين>>> وايد متأثرين بالواقع العربي

انا ما ادافع عن احد بس ياريت لايكبر الموضوع وتحدث مشاكل

قدمو حلول وقدمو اقتراحات
واحنا بنوصلها للادارة

الجدال بدون عمل يسبب مشاكل
ولاتوصل السالفه لتجريح >>>> مو باقي الا تكتبون اسم المراقب

أنا ما عندي مانع في التصويت و اننا نطور انفسنا لأفضل و نخلي الأدارة يحسو بمطالبكم لكن مو من حقك ابدا انك تعمل اي اعلان لأي منتدى و تستغل غياب المراقبين عشان تعمل دعاية لهم هنا !

بالأول كان ضحك ... بس بعدين صار جد!!

لونلي عطنا نتايج الاستفتاء وبنوصله للادارة

Tamaki_q8

20-04-2011, 07:30 AM

تم التصويت و يعطيكم عافيه :)

Yoshi

20-04-2011, 11:47 AM

تم التصويت الحمد لله !

لاكن عندي نقطه بنبه عليها / وهي : اكيد ومعروف عند كل الناس أن الإعلانات لمنتديات اخرى ممنوعه .. لاكن اخذ اراء وعمل إستفتاء فهو من حق الأعضاء x~

ولا ـأزيد على كلام اخي ديلي شيئ ’’
جزاكم الله خير

dro

20-04-2011, 03:11 PM

هذا السبب اللي خلاني ما عاد اشارك في المنتدى
كنت اشارك واكتب اخبار وسويت موضوعين رسميه لكن للأسف ما كان فيه تفاعل من الاعضاء والاداراه كرمتي مره
واحده مع اني كنت متميز في اكثر من شهر ومن بعدها سرت متصفح فقط للمنتدى

و انا اشهد لا زلت اتذكر مواضيعك و اخبارك و كنت متميز بس في فترتك المراقبين كانو غير الموجودين حاليا و الكلام هذا قديم اعتقد في 2008 او 2009 ؟ .. لكن الحين تغير الوضع وايت يكرم الأعضاء المميزين في احد الأشهر و حاليا هو عارف مين الأعضاء المميزين في الفترة الماضية و راح يكرمهم ان شاء الله و عن نفسي في قسمي كل شهر اكرم الأعضاء الي خدمو القسم حتى لو برد صغير مو موضوع او خبر لوحده .. فتفائل و ارجع شارك معانا و ان شاء الله في المستقبل القريب لو تم تنفيذ طلباتنا فيه قسم خاص راح يكون جدا مناسب لك :أفكر:

واذا المراقبين مشغولين انا انتخب نفسي مراقب

وايت نايت طيب و يحب يعمل للقسم لكن الحق ينقال هو لوحده ما يقدر يعمل حاجة لازم من يسانده في وقت غيابه و المشكلة ان بقية المراقبين غيابهم كثير خاصة جينرال و احنا رشحنا اصلا مراقبين جدد لعدة اقسام مو فقط قسم البلاي ستيشن بس لو حب تنظم حياك الله و راح نرشحك ان شاء الله

+ شباب نفس الوقت احنا ما ننسى اعضاء كان لهم مجهودات جدا رائعة و مواضيع رسمية قوية حتى الموقع الي لونلي جالس يعمل له اعلانات ما قدم مواضيع رسمية زيها ! .. و الأمثلة كثيرة بس احنا حابين ننتحد مع بعض و نتعاون و الأدارة تلبي طلباتنا ولا تماطل .. احنا مشكلتنا مع شركة الرمال و الأدارة العليا النايمه صراحة يعني حتى اعلاناتهم تضحك

+ فيه مشكلة ظاهرة بعض الأعضاء للأسف و المعروفين يكتفون با المشاهدة من دون انهم يردو حتى زر الشكر ما يضغطو عليه مع انهم يشاهدو الموضوع اكثر من مرة ولا اعلم ما السبب في السابق قلت ممكن ما ينتبهو على الموضوع لكن لما عملت موضوع ديسيدا عملت له تسويق و اعلانات في كل مكان :silly: , في الملفات الشخصية و في توقيعي و موضوع لقسم البلاي ستيشن و رفعته اكثر من مرة عشان اجذب مشاهدات اكثر و وضعت بنر في قسمي و مع ذلك مجرد مشاهدات من دون ردود مع اني قدمت مستوى حلو كا موضوع رسمي لكن ما ادري أيش سر هذا الروتين ... لو هم يردو و يشاركو معانا الواحد يتحمس انه يعمل حاجة و يعرف ان هذا العضو شاهد أيش عملت و يجتهد في قسمه و غير قسمه و يطور من نفسه اكثر مو ما يشارك ثم يجي يتكلم و ينتقدنا .. معليش يعني خلونا نكون واقعيين

Lonely Hunter

20-04-2011, 04:43 PM

ليش احس انك مستقصدني بزر الشكر P:

المهم مثل ماقلنالك سابقا يا درو المنتدى مشكلة الاساسيه اداريه و هي التشتت الفظيع بالاقسام و ليست بجهد الاعضاء او المراقبين(مع ان في مشكله بجهدالاعضاء بتطرقلها بعدين), فالمراقب مهنته فقط اداريه و هي تنظيم القسم ماهو مطلوب عليه ان يشجع و يكتب مواضيع رسميه ضخمه, اهوه مو قاعد ياخذ فلوس على هالشي عشان يضيع وقته اكثر من جذي

كتابة المواضيع تاتي من حب الشخص لهالشي ماهو مجبور ان يكتب فمتى ماحب المكان و الاعضاء و اللعبه اللي يبي يتكلم عنها تلقاه يستطرد فيها و يناقش و يكتب و يشيل موضوعه بالحماس حتى لو كان الموضوع بسيط بالبدايه و في امثله على هالشي بالقسم واحد يكتب مواضيع كبيره و يردون عليه اعضاء و هو يكتفي بالرد عليهم بشكل بسيط بالشكر و يكتفي و مايناقش و تلقا ناس اخرين يكتبون مواضيع بسيطه بس يوصلولك الموضوع لي اكثر من 100 رد بالنقاش, فالنشاط مايستدل بحجم الموضوع اللي كتبه بل بالردود اللي تأتي من وراه

و خلنا نكون جادين اكثر ليش قاعدين تعبون روحكم بكتابة مواضيع رسميه ضخميه

حط العنوان و صوره للغلاف و معلومات بسيطه و video review من جيم تريلر و بس كافي, ليش هالـwall of test اللي محد بيقراه, او على الاقل شخصيًا ماراح اهتم فيه فبالنسبه لي فأنا ماقريت حتى ربع موضوع رسمي كبير بس اشوف القصه و الصور طوال السنين اللي طافت من رجعت للمنتديات بعد انقطاع عنها ,لاتستهينون ابدا بسالفة كتابة المواضيع الكبيره فهي اساس الاحباط لانك تكتب و تتعب روحك و تضيع عليك ساعات كان الاولى ان تقضيها بشي يفيدك او حتى تلعب اللعبه اللي قاعد تكتب عنها على الاقل تستمتع بدل حكرة الكتابه و البحث عن معلومات

قسم الالعاب يبيله نفضه قويه بس متى ماندمجت كل الاقسام ذاك الوقت ممكن الواحد يتنشط ان يرد اكثر

بالمناسبه درو ترى مثل ماقال ديلي بالبدايه كنت بس جذي اتستعبط معاكم مع الهجره و الاختطاف بس بعدين انت قلبتها جد فقلبتها معاك, لكن يظل في شيء من الصحه بالموضوع اللي اهوه لاتحكر نفسك بمنتدى واحد, كتبت موضوع روح نشره بكل مكان لاتحطه بمكان واحد بعدين تقول ليش مافي ردود, انا الحين مثلا اتشوفني اذا كتبت شي هني تلقاني احطه بمكان ثاني و دايما يكون فيه اختلاف بالتفاعل و الردود و هذا الشي مفيد في نفسية الكاتب و مايخليه محبط, منت موقع عقد يقولك خل موضوعك حصري لمنتدى معين, اذا انت قاعد تكتب لواجهة موقع ذيك الساع ممكن تخليه حصري لو كنت محرر عندهم و يكون عندك دافع انك تكتب مقاله كبيره لان هالمقاله بتكون موجوده على طول بالموقع و لن تختفي في صفحه 354 بالمنتدى مثلا

نصيحتي للكل كتلخيص للكلام اللي سبق:
اكتب شي بسيط و انشره و شيل موضوعك بالنقاش

Al-RaQmi

20-04-2011, 04:52 PM

و خلنا نكون جادين اكثر ليش قاعدين تعبون روحكم بكتابة مواضيع رسميه ضخميه
عين الصواب ............................. تعبت وانا اقول نفس الكلام .. تصميمات + معلومات جانبية كثييييييييييرة ماهي مهمة وكلها موجودة بالنت من حب يتعمق فيها اكثر كلها دقة بالجوجل
درو مغلب نفسة اكثر من اللازم واحس ان المنتدى في نظرة حاجة مقدسة ^^" .. فضفض ياعمي

kingx11

20-04-2011, 04:53 PM

ماصوت عجزان افتح الرابط

بخصوص قسم الألعاب , مثل ماذكرو الشباب فيه تشتت كبير فالأقسام و انا شخصيا مادخل الا قسم البلايستيشن ومطنش باقي الأقسام بالكامل

ياليت تندمج الأقسام بقسم واحد اسمه الألعاب و يسمح لكل عضو يحط موضوع فاليوم عشان ماتصير زحمه فالمواضيع ..الخ و بالطبع تنحط اقسام فرعيه للأستفسارات عن كل شي متعلق بالألعاب و بكذا نكون جمعنا كل الاعضاء بمكان واحد والكل بيشوف مواضيع القسم

Falling Angel

20-04-2011, 06:17 PM

أنا متابع المنتدى من نص 2008 وسجلت في 2009
إلى الأن جديد على المنتدى..

لكن معقولة كل هالزحمة والإحتجاج مشان دمج الأقسام !!!
أنا فكرت في شيء ثاني xD

ienzo

20-04-2011, 06:50 PM

لكن معقولة كل هالزحمة والإحتجاج مشان دمج الأقسام !!!
أنا فكرت في شيء ثاني xD

في شيء ثاني ليش ما في بالمنتدى خاصيه تقييم ردود الاعضاء مثل المنتديات الثانيه :33:

Mohammed

20-04-2011, 09:57 PM

^

قصدك الترشيح +rep
حصروها على المراقبين فقط بحجة المجاملات
وبعدين، حتى المراقبين صارو شديدي البخل بهذه النقاط الثمينة !!!!!

تم التصويت

dro

20-04-2011, 11:13 PM

خلنا نكون جادين اكثر ليش قاعدين تعبون روحكم بكتابة مواضيع رسميه ضخميه

أنا ما ادري أيش المواضيع الرسمية الضخمة الي تقصدها إذا تقصد موضوع ديسيدا مو ضخم ولا تعبت عليه مجرد معلومات أنا اعرفها جمعتهم مع قليل من المعلومات في النت ثم رتبتها بمزاجي .. أيش المشكلة يعني إذا كنت انت كسول و خامل ولا تحب تعمل مواضيع عشان ما تضيع وقتك الي هو اصلا ضايع .. فيه غيرك يحبو يعملو و يبدعو للأعضاء آخرين با افكار و نظرة جديدة احسن من روتين المواضيع الممل الي تقصده .. و فيه مواضيع ضخمة على قولتك تم عملها و الردود و المشاهدات عليها كثيره و برضو فيه مواضيع ثلاث اسطر لكن الردود عليها كثيرة هذا شي ما نقدر نتحكم فيه و ضخامة الموضوع ماله علاقة با الردود و فيه العاب تستاهل مواضيع تكون بحجمها و حتى موقع نيوجاف للي انت واضعه في التصويت له مواضيع ضخمة جدا زي موضوع MGS4 و على فكرة اغلب المواضيع الرسمية مو ضخمة بل متوسطة ولا فيها تضييع وقت كبير

كتبت موضوع روح نشره بكل مكان لاتحطه بمكان واحد بعدين تقول ليش مافي ردود

اولا : أنا ما اشتكيت من قلة الردود و لم اعد اهتم لها زي السابق فـ ما فرقت معاي أنا جبت موضوعي كا مثال للي اقصده فقط لا غير

ثانيا : على عكسك انت و الأعضاء الي عملت لهم اعلان أنا اعتبر ها المنتدى هو بيتي الأول و مخلص له و لا ندمت لما اخلي مواضيعي هنا فقط و طريقة ردودهم هنا حتى لو كانت قليلة افضلها على طريقة ردودهم الكثيرة با النسبة لي

درو مغلب نفسة اكثر من اللازم

عطني امثلة ؟ .. الي اشوفه اني مقصر فـ أيش مغلب نفسي ؟

واحس ان المنتدى في نظرة حاجة مقدسة ^^"

يب المنتدى في نظري حاجة مقدسة ^_^

.
.
.

قريبا راح ارتب بعض الأقترحات و استعرضها لكم قبل اني ارسلها للأدارة

Arashi

21-04-2011, 12:34 AM

نصيحتي للكل كتلخيص للكلام اللي سبق:
اكتب شي بسيط و انشره و شيل موضوعك بالنقاش

انا عن نفسي احب المواضيع اللي فيها معلومات اكثر لأني مستحيل اشتري لعبه الا اذا عرفت عنها كل شي تقريبا
لكن مايمنع هالشي من انك تكتب ملخص + فيديو في البدايه للي مايحبون الاطاله وبعدين تكتب التفاصيل..ملاحظه ممتازه لونلي بستفيد منها للموضوع اللي بشتغل عليه ان شاء الله ^^

قصدك الترشيح +rep
حصروها على المراقبين فقط بحجة المجاملات
وبعدين، حتى المراقبين صارو شديدي البخل بهذه النقاط الثمينة !!!!!

المراقب يقدر يرشحك مره وحده ولازم يرشح يمكن 10 غيرك عشان يرجع يرشحك..طبعا هذا ويعيد ترشيحك يوم ثاني مايصير نفس اليوم...لهذا السبب تحس انه مايعطيك وايد نقاط..طبعا لو طبقوا هالنظام لكل الاعضاء انهم يقدرون يرشحون ماراح يكون في مجال للمجاملات ^^

Falling Angel

21-04-2011, 12:39 AM

في شيء ثاني ليش ما في بالمنتدى خاصيه تقييم ردود الاعضاء مثل المنتديات الثانيه :33:

هههه ناوي تقيم ردي =D
بالأول كان الموضوع عن الإدارة .. وبعدها تحول لدمج الأقسام
وبعدها عن المراقبين والحين المواضيع الرسمية..
وباقى كيف الأعضاء يردوا .. ايش كمان نسيت؟!

بتقنعني أنه لو دمجت الأقسام بتشاركوا..
و إلا المقصود من الدمج حتى تشوف النشاط بكل مكان..
لأنه بتفرق كثير..

نشاط الـ PS + Xbox + nin + الأقسام الثانية = حركة بمواضيع المنتدى فقط لا غير..
لكن لو الدمج كان هدفه .. نشوف مواضيع جديده .. هذا شيء ثاني..

أنا مع الدمج مو ضده.. والسبب فقط لتسهيل الوصول إليها..

و للأسف أنا بالفترة الأخيره
شفت بعض الأعضاء يعتمد بشكل كبير على أعضاء ثانين بكل شيء..
يعني مواضيع الأخبار + التغطيات + المواضيع الرسمية + النقاش + الترفيه.. إلخ
يعني لو نشاط هالأعضاء وقف لفتره.. المنتدى توقف حركته
اتذكر شهر 3 نزلت موضوع رسمي واحد فقط
وبعدها وقفت فتره.. شنو حصل بعدها؟
ظل طول الشهر ما في مواضيع رسمية..
مثل كرايسس 2 و ألعاب ثانية
إلى أن رجعنا أنا والشباب نعمل مواضيع

عن جد أبغى أشوف ناس ثانية تشتغل ..
وبالعكس .. لما أشوف مثلا موضوع شخص جميل ومرتب
هذا يعطيني دافع أبذل جهد في موضوعي الثاني..
مو شرط يكون تصميم خارق.. اوه واو
الترتيب والتقسيم والألوان لها دور

يلا ننتظر النتائج .. ونشوف!

ienzo

21-04-2011, 01:10 AM

هههه ناوي تقيم ردي =D
بالأول كان الموضوع عن الإدارة .. وبعدها تحول لدمج الأقسام
وبعدها عن المراقبين والحين المواضيع الرسمية..
وباقى كيف الأعضاء يردوا .. ايش كمان نسيت؟

لول يس انت اول واحد راح اقيمك :09:
انا بس قاعد استفسر لان في منتديات يحطون هالشيء علشان الترول والتعليق ما يبين اذا كان سلبي
وما نسبت شيء, بس الشيء هذا كان في بالي من زمان :)

وبعدين شوف الاقتراحات في موضوع الستايل الجديد اللي صار له سنه وشوف عدد الاشياء اللي تم تطبيقها الى الان:28:

بتقنعني أنه لو دمجت الأقسام بتشاركوا..
و إلا المقصود من الدمج حتى تشوف النشاط بكل مكان..
لأنه بتفرق كثير..

انا مع الدمج لانه يسهل الوصول للمواضيع في الاقسام الثانيه مو علشان النشاط
النشاط يكون من الاعضاء ومن الاداره اذا تتقبل الاقتراحات :33:

وبعدين الدمج يساعد المراقبين اكثر في مراقبه المنتدى

Falling Angel

21-04-2011, 01:13 AM

^^
هههه ... فعلا كلامك صحيح..
ولو يكون التقييم بدل زر الشكر يكون أفضل
لأنه قتل مشاركة الأعضاء

Fantasy Legend

21-04-2011, 01:15 AM

طيب اذا اندمجت الاقسام مراقبين القسم زي الننتندو فين راح يروحو ؟ يعني راح تسحب منهم الرقابه ؟ او ايش مثلا ؟
زي لاست لومباكس مثلا !

Arashi

21-04-2011, 02:32 AM

عن جد أبغى أشوف ناس ثانية تشتغل ..
وبالعكس .. لما أشوف مثلا موضوع شخص جميل ومرتب
هذا يعطيني دافع أبذل جهد في موضوعي الثاني..
مو شرط يكون تصميم خارق.. اوه واو
الترتيب والتقسيم والألوان لها دور

يلا ننتظر النتائج .. ونشوف!انا كنت احسب ان المواضيع الرسميه محد يفتحها الا فريق المواضيع الرسميه @@
والمشكله اخاف اشتغل على موضوع وقبل ما اكمله اكتشف احد فتحه قبلي
ياريت عالاقل نقدر نحجز المواضيع

بالنسبه للدمج

انا مع الدمج ان يكون البلاي ستيشن + البي اس بي + الاكس بوكس + فاينل وميتال وجير ورزدنت ايفل (واي قسم للعبه معينه) = في قسم واحد

بس النينتندو اظنه اوكي يكون لحاله لأن اصلا له وايد ألعاب و3 اجهزه (ويي والدي اس وال3D)..لو دمجناه مع البلاي ستيشن راح يسبب ضغط ويفقد قيمته ولما تفتح موضوعك اليوم باجر تحصله رايح للصفحه الثانيه >_>

اما الاكس بوكس والبلاي ستيشن اظن كل ألعابهم نفس الشي...يمكن 10% من الالعاب مختلفه فمب مشكله لو تم دمجهم مع بعض !

والمراقبين الصراحه ما ودنا نخسرهم فممكن نقترح عالاداره انهم يتعاونون في رقابة القسم الجديد (اللي هو بعد ما نتدمج فيه الاقسام) لأن 3 مراقبين حتى ماراح يقدرون يمسكون قسم بهالحجم <<< لو ان شاء الله زاد النشاط @_@

SALM0RE

21-04-2011, 03:41 AM

مشكلة المنتدى هي قلة الشغف و الكسل عند الأعضاء و لا سببها الحاجة الى الدمج و لا الأدارة ,
كلنا نبي دمج بس عاد مب لدرجة اني ماشارك و لا اتفاعل علشان قسم ريزيدنت ايفيل او فاينل فانتاسي
بروحه :33: كاهو المنتدى شغال من عام 2000 و ماكان مدمج , شلون شاركتوا قبل و الحين لاء :ponder:

السبب هو تحول القسم الى قسم أجتماعي , محد يبغي يسالف عن العاب
وهذا بسبب " موضوع النقاش الرسمي " وكيف صار الموضوع كملتقى لأقسام ثانية
وهذا طبعا أثر بشكل غير مباشر على قسم الألعاب

وانه سبق وتكلمت عن هالشيء بس محد عطاني وجه

برأي لو الأدارة تقفل موضوع النقاش العام لفترة معينة , بتشوفون كيف
بيرجع النشاط في القسم مثل قبل

Falling Angel

21-04-2011, 04:10 AM

انا كنت احسب ان المواضيع الرسميه محد يفتحها الا فريق المواضيع الرسميه @@
والمشكله اخاف اشتغل على موضوع وقبل ما اكمله اكتشف احد فتحه قبلي
ياريت عالاقل نقدر نحجز المواضيع
لول ... نفس القصة اللي حصلت لي !!
كنت مفكر أن مجموعة المواضيع الرسمية هي اللي تشتغل فقط..
فـ اشتغلت أظن 3 أو 5 مواضيع رسمية قبل ما انضممت للمجموعة
يعني تقدري تتواصلي مع أحد أعضاء المجموعة
وتسألي إذا شغالين على شيء او لا

ienzo

21-04-2011, 04:21 AM

طيب اذا اندمجت الاقسام مراقبين القسم زي الننتندو فين راح يروحو ؟ يعني راح تسحب منهم الرقابه ؟ او ايش مثلا ؟
زي لاست لومباكس مثلا !

انا اقترح ان الرقابه ما تسحب منهم لان قسم الالعاب يحتاج اكثر من مراقب واذا غاب واحد لاحد الاسباب في احد يغطي مكانه:33:

السبب هو تحول القسم الى قسم أجتماعي , محد يبغي يسالف عن العاب

وهذا بسبب " موضوع النقاش الرسمي " وكيف صار الموضوع كملتقى لأقسام ثانية

وهذا طبعا أثر بشكل غير مباشر على قسم الألعاب

الموضوع فيه نقاش للالعاب بس اكثر شيء فيه اشياء خارجه عن المواضيع وخصوصا ايام كاس العالم تحول الى نقاش الكوره العام:)

mjk.94

21-04-2011, 03:00 PM

عندي طلب من وي الخبره , انا من زمان كان نفسي اكتب مواضيع اخبار او مواضيع رسميه بس السبب اني ماعرف شو اسوي كيف ابدي كيف انسق من وين اجيب معلومات كيف ارتب الموضوع استخدم برامج مثل الوورد ولا لا كيف اجيب قصة اللعبه القيم بلاي , فلطلب موضوع عن كيفية عمل موضوع رسمي ناجح :) و نصائح , اذا نزل هذا الموضوع سأكون من اول الذين يطبقوه انشاء الله .

Lonely Hunter

21-04-2011, 03:04 PM

تم قفل الاستفتاء و النتيجه قريبا ان شاء الله

Lonely Hunter

21-04-2011, 03:14 PM

http://s3.postimage.org/ctfz54cnq/montada.png

http://postimage.org/image/26m5zp45g/

Lonely Hunter

21-04-2011, 03:15 PM

شكرا لكل من شارك بالاستفتاء و الحين الدور على الاداره انها تاخذ بالاقتراحات

dro

21-04-2011, 03:18 PM

^
^

الصوره مو ظاهره

SALM0RE

21-04-2011, 03:50 PM

أتفق مع اصحاب الردود رقم ( 4 ) ( 17 ) و ( 27 ) في القسم الثالث من الأستفساء

yami vergil

21-04-2011, 03:53 PM

جميل جدا جدا يعطيك العافيه

بل >_> حالتنا كسيفه .. مبين من ردود الاعضاء

Arashi

21-04-2011, 04:40 PM

برأي لو الأدارة تقفل موضوع النقاش العام لفترة معينة , بتشوفون كيف
بيرجع النشاط في القسم مثل قبل

Totally agree http://www.cute-factor.com/images/smilies/wanwan/1775465358wan.gif

ولو يخلون مواضيع النقاش الرسميه كلها باللون الاخضر (لو الاقبال عليها اوكي) ويسمحون فيها برفع الموضوع حتى لو قديم (بعد اذن المراقب) بيغني الاعضاء عن التكلم عنها في النقاش العام (طبعا مب قديم لدرجه ان مر عليه اكثر من سنتين)
واقترح تفتحون فهرس للمواضيع الرسميه عشان يسهل الوصول لها http://www.cute-factor.com/images/smilies/onion/d5f02ecd.gif
مجرد اقتراح ^^

يعني تقدري تتواصلي مع أحد أعضاء المجموعة
وتسألي إذا شغالين على شيء او لا

هذا اللي سويته والحمدلله بديت أشتغل عالموضوع http://www.cute-factor.com/images/smilies/wanwan/1775465358wan.gif
اكيد متوقعين شنو الموضوع اللي ماكله قلبي عليه http://www.cute-factor.com/images/smilies/wanwan/1775465330wan.gif

, فلطلب موضوع عن كيفية عمل موضوع رسمي ناجح :) و نصائح , اذا نزل هذا الموضوع سأكون من اول الذين يطبقوه انشاء الله .

احسن شي تسويه حاليا انك تاخذ فكره من المواضيع الرسميه الموجوده في القسم
مثلا لو انت ناوي تكتب موضوع عن لعبة RPG ارجع لمواضيع قسم FF
لو تبي تكتب موضوع عن لعبة تصويب ارجع لموضوع COD
لكني معاك في فكرة فتح موضوع مبسط يعلمك شلون تكتب موضوع رسمي ناجح http://www.cute-factor.com/images/smilies/wanwan/1775465293wan.gif

شكرا لكل من شارك بالاستفتاء و الحين الدور على الاداره انها تاخذ بالاقتراحات

يعطيك العافيه لونلي عالاستفتاء http://www.cute-factor.com/images/smilies/onion/d5f02ecd.gif

النتايج تبشر بالخير
عالاقل تدل على ان أغلب الاعضاء قلبهم عالمنتدى ويبونه يتطور للأفضل http://www.cute-factor.com/images/smilies/onion/016.gif

اجوف الاغلب ينتقد الالعاب الجديده << وانا منهم
بس هالشي مب في يدنا ما نقدر نغيره http://www.cute-factor.com/images/smilies/wanwan/1775465328wan.gif

اللي نقدر نسويه شي واحد وهو ان لو مرينا بفترة قحط وتقشف نفتح مواضيع نقاشيه وتحليليه
مثلا تمسك لك لعبه لها شعبيه وتقوم تحلل قصتها
او تسوي مراجعه على سلسله معينه من الالف الى الياء وشلون تطورت من حيق القصه والجرافيكس والجيم بلاي http://www.cute-factor.com/images/smilies/wanwan/1775465351wan.gif

اذكر اول ماشاركت في المنتدى كنت اجوف هالنوع مواضيع وعددها كان اكبر من المواضيع الرسميه وكان الاقبال عليها خيالي http://www.cute-factor.com/images/smilies/wanwan/1775465355wan.gif

mjk.94

21-04-2011, 04:51 PM

اتفق ويا رقم 4 في القسم الثالث , هذا احسن سبب !!

The Last Lombax

21-04-2011, 05:15 PM

واقترح تفتحون فهرس للمواضيع الرسميه عشان يسهل الوصول لها

سواها رير جيمز في منتدى النينتيندو لما كان مراقب ( طبعا لقسم النينتندو فقط )

devil cober

21-04-2011, 05:17 PM

اتفق ويا رقم 4 في القسم الثالث , هذا احسن سبب !!

فعلا أذكر اني كنت أعاني من هذه المشكلة أحيانا بس ماأظنها مقصودة من البعض ممكن يكونوا ماانتبهوا لرده أو شيئ من هذا القبيل يعني ماتستاهل الزعل
الي يستاهل الزعل انك لما تسأل عن حل مشكلة ومحد يجاوبك تحس ان من جد الكل مطنشينك

The Snipers

21-04-2011, 05:48 PM

لقيت حل لمشكلة دمج الاقسام ^_^
اول شي بما ان الإدارة مطنشه الموضوع و ما تسمع لكم =(
ليه ما خلاص تعتمدون الفكرة هنا يعني تنسقون مع مراقيبن و اعضاء الاقسام الثاني عشان ينقلوا مواضيعهم و مشاركاتهم القادمة هنا او في اي يقسم يفضلونه الاعضاء
و توضع اعلانات في الاقسام الثانية عشان الاعضاء الجدد يعرفون وين يشاركون =)
رايكم ؟ =)

White Knight

21-04-2011, 06:02 PM

^
سواها درو في موضوع فاينل فانتسي ( أخر موضوع رسمي له )
---------------

ياريت يالونلي ترسل صفحة الإستفتاء لداركتيب في الخاص
لعل وعسى

mjk.94

21-04-2011, 06:07 PM

سواها رير جيمز في منتدى النينتيندو لما كان مراقب ( طبعا لقسم النينتندو فقط )

و سواها ايوب الحسن في قسم الاكس بوكس :)

american.u.s.a

21-04-2011, 06:10 PM

النتائج تبشر بالخير
الغريب وين كاسح وبعدين هل كاسح يعتبر عضو قديم او لا

dro

21-04-2011, 06:11 PM

حاليا هذا الي ظهر لي و محتاجين اننا نعمله في اقرب وقت :

1 - نعمل قسم خاص اسمه قسم الألعاب العام و نجمع فيه المنتديات التالية : ( سوني بلاي ستيشن - اكس بوكس - نينتيندو - فاينل فانتزي - ميتل جير - ريزدينت ايفل ) بحيث تظهر المواضيع لكل الأقسام في قسم واحد

2 - نفس الوقت الأقسام تستمر كما هي كل قسم لوحده لو العضو مهتم با العاب الـ PS يروح لقسم الـ PS و يشاهد المواضيع الي تخص هذا القسم فقط او عضو يحب النينتيندو لكن ما يحب بقية الأقسام يروح للقسم الخاص للنينتيندو و هكذا ..... الفرق اننا نضيف قسم عام يجمع كل هذه الأقسام بحيث تظهر مواضيعهم الجديدة في قسم واحد

3 - نعمل اعلانات سواء في القسم العام و بقية الأقسام و في الواجهة الرئيسية لنشعر الأعضاء ان القسم حي با المواضيع با التحديث بين كل فترة و فترة

4 - ترشيح مراقبين جدد لهم اهتمام لتطوير القسم و يفضل يكون اكثر من مراقب ليحدثو القسم يوميا و بنشاط و يساعدو الأعضاء

5 - تحديث جميع عنواين المواضيع في حال ظهور اخبار جديدة لجذب مشاهدات اكثر و تنبيه الأعضاء عن الأخبار الجديده

6 - موضوع النقاش العام يكون مخصص فقط للنقاشات العامة بين الأعضاء و يمنع وضع اي خبر في موضوع النقاش العام و يتم مراقبة الموضوع من قبل المراقبين في حال عضو تكلم عن لعبة معينة و لها موضوع رسمي يتم توجيهه للموضوع الرسمي مباشرة.... او يتم اغلاقه

7 - عمل موضوع مثبت في القسم لفهرس المواضيع الرسمية ليسهل الوصول اليها

8 - الأستمرار في تكريم الأعضاء كل شهر حسب نشاطتهم في القسم و زيادة عدد الأوسمة

9 - عمل قسم جديد خاص للمراجعات و يتم وضع قوانين و فواصل و تصاميم تسهل لأي عضو انه يعمل مراجعة للعبة الي يفضلها و يضع في النهاية ايجابياتها و سلبياتها و التقييم للعبة و يتم اعتماد المراجعة من قبل المراقبين إذا واقفو على التقييم ثم نعمل موضوع مثبت يكون فهرس لكل مراجعات الأعضاء با الترتيب حسب ترتيب الأحرف الأنجليزية و كل لعبة و بجانبها اسم العضو الي عمل المراجعة و التقييم الي اعطاه للعبة و تكون اي لعبة يريدها العضو سواء كانت لعبة جديدة او قديمة و بنظري ان فكرة القسم ناجحة و تجذب الأعضاء

10 - عمل مواضيع عن الأخبار يوميا و كل خبر في موضوع لوحده إذا كانت لعبتين مختلفتين و عمل ايقونات صغيرة في العنوان توضح ان الموضوع خاص لـ PS او الـ X او الـ Nin او FF او MGS او RE و ايقونات اخرى لمعرض E3 و TGS مستقبلا

11 - تكليف اعضاء بنشر اعلانات لمواضيع رسمية او اخبار جديدة في ملفات الأعضاء ( و هذه طريقة جدا ناجحة و اسئلو مجرب )

12 - عمل مواضيع نقاشية تجمع الأعضاء و عمل استفتاء عن موضوع حديث اللاعبين في الفترة الحالية او ظاهرة معينة

.
.
.

ابغى رأيكم , و لو نسيت شي ياليت تذكروني او حد حب يضيف

Al-RaQmi

21-04-2011, 06:17 PM

^^^^
كلام 100% في الصميم .. فعلا وضعت النقاط على الحروف .. لكن هل بتنفذ ؟!
اضف نقطة + فتح المجال للمواضيع الرسمي للكل مو شرط انها تكون محكورة على مجموعة معينة .. الكل يبغا يشارك ويبدع على كيفة ويختار المساعدين

- تحديث القسم با الأخبار يوميا و عمل ايقونات صغيرة في العنوان توضح إذا كان الموضوع لـ PS او الـ X او الـ Nin او FF او MGS او RE و ايقونات اخرى لمعرض E3 و TGS مستقبلا
اسبوعية كافية او على حسب الموسم تعرف المواسم متقلبة بين زحمة العاب وبين الركود

dro

21-04-2011, 06:23 PM

^
^

أنا ابغى اعرف رأي الأعضاء حاليا و نجمع اكبر عدد اقترحات عشان خططنا تكون واضحه للأدارة و شكرا على الرد ^ ^

فتح المجال للمواضيع الرسمي للكل مو شرط انها تكون محكورة على مجموعة معينة .. الكل يبغا يشارك ويبدع على كيفة ويختار المساعدين

صراحة انا توي ادري .. المواضيع الرسمية خاصة للفريق فقط ؟ .. الي اعرفه ان لما تكون اللعبة يقرب اصدارها و لا تم عمل لها موضوع رسمي الفريق يشتغل عليها ولا با الأصل المجال مفتوح للجميع

+ تذكرت ... احنا نبغى نعمل قوانين جديدة للقسم و نستبدل قوانين اوستن الي غبرت ... فيه اشياء كثيرة لازم نوضحها للأعضاء لكن قوانين اوستن قديمة و ناقصة

Falling Angel

21-04-2011, 08:44 PM

والله نقاط ولا أروع يا درو

وبالنسبة للنقطة السابعة..
أنا شغال عليها.. 50% من الشغل جاهز..

ببالي تقسيمة من زمان لما طلع موضوع التقسيم .. أظن كتبه كاسح
قسم الألعاب ينقسم قسمين " الواجه من الخارج "..
1 - قسم الألعاب: اللي ذكرته أنت بتفاصيله..
2- قسم خاص بالمشاكل التقنية والمساعدات
وفقط..

Arashi

21-04-2011, 11:59 PM

ياريت يالونلي ترسل صفحة الإستفتاء لداركتيب في الخاص
لعل وعسى

انا ارسلت له رسالتين ووحده فيهم URGENT ولا رد علي >_>

9 - عمل قسم جديد خاص للمراجعات و يتم وضع قوانين و فواصل و تصاميم تسهل لأي عضو انه يعمل مراجعة للعبة الي يفضلها و يضع في النهاية ايجابياتها و سلبياتها و التقييم للعبة و يتم اعتماد المراجعة من قبل المراقبين إذا واقفو على التقييم ثم نعمل موضوع مثبت يكون فهرس لكل مراجعات الأعضاء با الترتيب حسب ترتيب الأحرف الأنجليزية و كل لعبة و بجانبها اسم العضو الي عمل المراجعة و التقييم الي اعطاه للعبة و تكون اي لعبة يريدها العضو سواء كانت لعبة جديدة او قديمة و بنظري ان فكرة القسم ناجحة و تجذب الأعضاء

http://www.cute-factor.com/images/smilies/onion/088.gif يسسسسسسس http://www.cute-factor.com/images/smilies/onion/088.gif

Judge Balthier

22-04-2011, 11:31 PM

8 - الأستمرار في تكريم الأعضاء كل شهر حسب نشاطتهم في القسم و
زيادة عدد الأوسمة

لو تطبق هاذي النقطة كما ينبغي , ستجدوا النجاح ,لكن اذا تم تجاهل الاعضاء النشيطين والي تشارك بشكل مستمر وتحلل وتجلب اخر الاخبار (مو الي يجي اخر الشهر ) , فصدقوني راح تخسروا الكثير , فالرجاء الاهتمام في الاعضاء الجدد وتشجيعهم مو تجاهلهم . لان في اعضاء في الشهرين الي مضوا شاركوا مشاركات ممتازة ولكن لو تذهب الى ملفه تجده منقطع من فترة ( هذا اذا ما ترك المنتدى ) .