المساعد الشخصي الرقمي

مشاهدة النسخة كاملة : التخسيس واللياقة شريت Lipo6x نصيحة على السريع تكفون :]


SteaM
24-04-2011, 02:04 PM
السلام عليكم ..

ياجماعة شريت ليبو 6 اكس وراح استعمله بعد ما اعرف طريقة استخدامه ..

وجبتي باليوم راح تكون صدرين دجاج مشوي فقط ..

فكيف طريقة الأستخدام مع وجبة وحدة فقط ,, وللمعلومة بس اول اسبوع راح استخدم حبتين كل يوم فقط

سؤال اخر .. اخوي عند الحبوب بس مايبي يلعب رياضة ..

هل يصلح الحبوب بدون رياضة؟ وكيف طريقة استخدامه اذا بدون رياضة
abu kinan
24-04-2011, 02:21 PM
الحبوب بدون رياضه نتيجتها 0%
الحبوب بدون دايت نتيجتها 0%
نظامك الغذائي غلط 100% ايش وجبة وحده باليوم فقط صدرين دجاج انت عارف بتخلي الأيض عندك بادنى معدل له يعني مستحيل ينزل وزنك بهالطيقة ولو نزل بينزل مع مرض لاسمح الله
the rock 911
24-04-2011, 02:53 PM
الاستخدام الامثل
حبتين على الريق وبعد نص ساعة افطر
حبتين قبل التمرين بنص ساعة ولازم تزبط جدول الاكل عندك يعني افطر وتغدى واتعشى بس حسب دايت تمشي عليه ولا تقصر بالتمارين (خصوصا الجري والهرولة) لانو بدون تمارين و دايت حارق الدهون ما بيعمل اي شيء يذكر
ولو حطيت عمرك وطولك ووزنك الشباب بيفيدك اكثر
THE CAST
24-04-2011, 07:35 PM
السلام عليكم ..
وعليكم السلام
ياجماعة شريت ليبو 6 اكس وراح استعمله بعد ما اعرف طريقة استخدامه ..
وجبتي باليوم راح تكون صدرين دجاج مشوي فقط ..
غلط 100% وراح تتسبب بقتل الايض تدريجيا وراح تصير لك مضاعفات صحيه انت في غناً عنها

فكيف طريقة الأستخدام مع وجبة وحدة فقط ,, وللمعلومة بس اول اسبوع راح استخدم حبتين كل يوم فقط

سؤال اخر .. اخوي عند الحبوب بس مايبي يلعب رياضة ..

هل يصلح الحبوب بدون رياضة؟ وكيف طريقة استخدامه اذا بدون رياضة

بقية الاسئله جاوبك اخونا بوكنان


الحبوب بدون رياضه نتيجتها 0%
الحبوب بدون دايت نتيجتها 0%
نظامك الغذائي غلط 100% ايش وجبة وحده باليوم فقط صدرين دجاج انت عارف بتخلي الأيض عندك بادنى معدل له يعني مستحيل ينزل وزنك بهالطيقة ولو نزل بينزل مع مرض لاسمح الله

بعدين مانقدر نقلك استعمل كذا بدون مانعرف العمر/نسبة الدهون/ هل عندك مرض لا قدر الله...؟

طبعا العمر فوق ال21 - والدهون تكون تحت ال18% والصحه جيده...بعدها فكر بالليبو ..والدايت مومعناه الحرمان
لعلمك الديت يكون مقسم ومنظم وغني بالعناصر الغذائيه الكافيه فقط يعني بدون اي زيادة

مو صدرين دجاج كذا تدمر جسمك
SteaM
25-04-2011, 12:13 AM
عمري 21 سنة .. طولي 1.74 ووزني نزل 108 بعد ماكان 130

طيب راح ازيد وجبة واحدة خفيفة غير الصدرين المشويين كـ ريوق ..

ونسبة الدهون الحالية حسب ما حصلته من الميزان اخر مرة اهو 35.7%

وماعاني من اي امراض بالقلب او المعدة او شي اخر الحمدلله

شتنصحوني؟
mshel
25-04-2011, 01:27 AM
السلام عليكم ..

ياجماعة شريت ليبو 6 اكس وراح استعمله بعد ما اعرف طريقة استخدامه ..

وجبتي باليوم راح تكون صدرين دجاج مشوي فقط ..

فكيف طريقة الأستخدام مع وجبة وحدة فقط ,, وللمعلومة بس اول اسبوع راح استخدم حبتين كل يوم فقط

سؤال اخر .. اخوي عند الحبوب بس مايبي يلعب رياضة ..

هل يصلح الحبوب بدون رياضة؟ وكيف طريقة استخدامه اذا بدون رياضة


نظامك خطاء كما قالو الاخوان

>>كنت مثلك في السابق >>سويت رجيم قاسي وجبه وحده وبدون تمرين <<نقصت 7 كيلو في 10 ايام ولكن بعد عشر ايام <<سقط مهدود الحيل ولم افق إلا من برد الماء على وجهي وبعدها رجعت عن الرجيم وتركته<<في تلك الفتره البسيطه بس<<حصل عندي جفاف وتلخبط عندي الجهاز الهظمي والبولي والعصبي >>وعلمت ان 7 كيلو اللي خسرتها في تلك الفترهـ ماهي الا عضلات وقليل جداً من الدهون >>وبعد ماتركته رجعت اكثر من اولـ

<<كما قالو لك اخواني بدون دايت صحي وبدون رياضه مافي نتيجه مرضيه ابداً ابداً بل تكون سلبيه جداً

>>
انا جربت اليبو بصراحه حلو ولكن فضلت استخدامه اذا قربت للوزن المثالي لاني راح انزل بصعوبه عشان كذا اضطر اني استخدم الليبو او اي حارق دهون >>نصيحه نصيحه لاتستخدمه الان لانك راح تنزل بسرعه لكـن يبيلك فتره طويله عشان تشد الترهلات وهذي اكبر مشكله >>وماهي الفائده اذا وصلت للوزن المثالي باقرب وقت ولكن جسمك مترهل وفقدت من العضل كثير بسبب اتباعك لدايتات الخاطئه>>>

..انا ماتعلمت الدايتات الصحيحه والرياضه الصحيحه الا من هالمنتدى الله يبارك في صاحبه والله يوفقك المراقبين والمشرفين والاعضاء اللي دلونا على الطريق الصحيح الله يجمعنا واياهم في جنات النعيم ياربـ العالمين


>>احترامي وتقديري لكــ سلاااام
SteaM
25-04-2011, 01:54 AM
افكر اغير نظام الأكل الى :

الفطور بيضة مفيوحة

وجبة الغداء صدر دجاج مشوي

والعشاء سلطة

مع استخدام الليبو قبل الفطور بنص ساعة وقبل الرياضة بنص ساعة

معدل حبتين باليوم في اول اسبوع بعدين الى 4 حبات في الأسبوع الثاني
SteaM
27-04-2011, 03:45 PM
ياجماعة بغيت نظام امشي عليه يتكون من ثلاث وجبات

وياريت تكون خفيفة .. لأن هذا ثاني يوم لي استخدم الليبو
SteaM
28-04-2011, 06:32 AM
ا
ي مساعدة يا اخوان؟ لأني محتاج النصيحة فعلاً

سمعت ان اذا اكل 4 حبات باليوم لازم اكل وايد على اساس مايحرق العضل او شي من هالقبيل

فـ مو عارف شنو افضل نظام .. تكفون مساعدة ياخوان وللخبراء لأني محتاجكم
mshel
28-04-2011, 06:55 AM
لنتائج افضل قسم الوجبات على 5 او ست وجبات 3 رائيسه و2 او 3 فرعيه


<<مثال
فطور 3 او 2 بياض بيض مع حليب او لبن خالي الدسم

بين الفطور والغداء وجبه خفيفه مثل بسكوت شوفان قطعه او قطعتين او تفاح اخضر او عصير برتقال او تفاح او انناس طبيعي من دون سكر

الغداء>>صدر دجاج مشوي اوقطعة سمك مشوي مع سلطه خضراء مع ربع رغيف اسمر

العصر بين وجبة الغداء والعشاء حبة فاكهه او كرونفلكس مع حليب خالي الدسم او اي شي خفيف يسد الجوع

العشاء>>قطعة خبز توست نخاله مع شريحة جبن خالي الدسم

>>يفضل تتعشى قبل النوم بفتره مابين 3 إلى 6 ساعات>>


>>>والليبو ماراح ينفعك اذا ماكان اكلك صحي وبرياضه بتركيز >>ولو خسرت وزن كثير والله راح تندم لانه راح يرجع او يكون بداله ترهلات قويه يعني خلك وسط بس عليك بالرياضه والاكل الصحي ولاتحرم نفسك من الاكل >>اذا وخسرت وزنك بسرعه >>وش بتستفيد يعني اذا طلعت ترهلات قويه بتجلس سنين وانت تشد وحالتك حاله <<<<نصييييييييييييييييييييييييييحه اخ قسم وجباتك والعب رياضه بتركيز


>>احترامي لكـ ياخووي
SteaM
28-04-2011, 07:38 AM
ماتقصر يالغالي .. فعلاً ردك مفيد وراح اطبقه ..

الرياضة الوحيدة الي اسويها اهي المشي السريع ..

يعني ماعندي اجهزة اتشد الصدر للأسف .. :(

يعني اتوقع الترهلات جايتني جايتني ..

بس سؤالي هل النظام الي عطيتني اياه يخليني اخسر الوزن بسرعة؟

او بشكل بطيء؟

ماتقصر يالغالي
mshel
28-04-2011, 01:24 PM
المشي حلوووو جداً بس حبذا لو تهرول وتسوي تمارين سويديه

<<مثال تمرين العصى والضغط وتمارين المعده وتمارين الصعود على السلم


>>الاهم من كل شي التغذيه السليمه

>>هذا نظام صحي جداً وانا مجربه شخصياً ينقصك من 5 إلى 10 كيلو شهرياً<<افضل من اللي ينقصك 15 لكن نصها عضل والباقي دهون ومياه <<وغير كذا تتلخبط جميع الاجهزه اللي بالجسم ويكون جسمك هزيل ومافيك طاقه >>امش على تدريبات رياضيه بالتركيز يعني طبق التمرين بحذافيرهـ شوف التمارين ماليه المنتدى وماقصر الشباب وادخل المواضيع المميزه تلقى اشياء تفيدك كثير


>>>بالتوفيق اخووووي
SteaM
28-04-2011, 08:55 PM
يسلملي يمناك يالغالي .. ماقصرت والله ,,

وماقول غير روح عسى الله يوفقك في كل خطوة ..

وان شاءالله راح اطبق كل شي قلته لي .. وللمعلومة بس

اسوي رياضة مرتين باليوم وساعات 3 مرات ..

يعني المفروض استخدم الليبو وبعد نص ساعة افطر ..

انا الصبح استخدم الليبو وبعد نص ساعة اروح اسوي رياضة ولين رجعت اتفطر

ونفس الشي للعصر .. فأتوقع الرياضة راح تساعدني كثير ..

اعطر تحية
mshel
29-04-2011, 10:48 AM
بالتوفيق لكـ اخوووووووي

<<التغذيه ثم التمرين الصحيح ولاتحمل جسمك اكثر من طاقته

فمان الله