مشاهدة النسخة كاملة : التخسيس واللياقة نادي لياقه فالرياض يدخل ناس اقل عمر من 18 ؟
khaled1
25-04-2011, 09:28 PM
السلام عليكم
انا وزني تقريبا 78 و, وودي انحف ( شوي , جسمي موب شين بس ابي اخفف مرره ) واشد جسمي شوي ( شد مو بناء جسم ) بس المشكلة عمري تقريبا 17 الحين
والنوادي الي مريت عليها كلها يقولون لازم 18+ .. فيه حول البيت واحة اللياقه و فاتنيس الي هو وقت اللياقه بس كلهم يقولون مرره مايدخلون اقل من 18
فاذا الله يعافيكم احد يعرف نادي يكون اول شيء راقي ( من ناحية المعدات والمدربين ) سعره غالي ( كل ما كان اغلى كل ما كان احسن و كل ما كان احسن لي ) ويكون قريب من ( خريص \ المنار \ الريان ) موب شرط قريب مرره بس مايكون باقصى الدنيا
ويعطيكم العافيه
بردان1
25-04-2011, 09:46 PM
خخخخخخ
بس اعجبتني كل ماكان اغلى كل ماكان افضل
موفق اخي
THE CAST
25-04-2011, 09:52 PM
وعليكم السلام
سعره غالي ( كل ما كان اغلى كل ما كان احسن و كل ما كان احسن لي )
ترا غلاء الاشتراك مو معناه ان النادي ممتاز انا معك انه تجهيزه شبه كامل من المعدات وغيرها ...
لكن المهم هو الكبتن وكثرة الالات غير مهمه المهم انك تقدر تأدي جميع التمارين الاساسيه , وللاسف الي يفكر بهالطريقه غالبا يكون ضحيه سهله لبعض معدومي الضمير من الكباتن
تحياتي
khaled1
25-04-2011, 10:05 PM
تفكيري موب عشان هالشيء هذا .. عشان شيء ثاني :\
طيب فيه احد يعرف ؟
The vippper
25-04-2011, 10:18 PM
انشالله تحصل طلبك اذا ما حصلت نادي سوي جري كل يوم وسوي تمارين في بيت احنا في بحرين عادي يعني انا عمري احين 17 بدخل 18 الى احين ما دخلت
فزااع
25-04-2011, 10:35 PM
اخوي انا في واحة اللياقة اللي بالمنار
اعتقد لو تجي وتسجل بدون ماتعطيهم عمرك او تسألهم عن العمر المسموح فيه بيقبلونك
واذا اخذ بطاقة الاحوال وجلس يعبي وشاف تاريخ ميلادك .. قله سنه ماتفرق اتوقع بيمشونك طالما انك قريب من 18
جيفارا12
25-04-2011, 10:43 PM
أخوي عندك (بودي ماسترز) الي بالروضة ولد خالي عمرة 16 ومسجل فية.
khaled1
25-04-2011, 11:37 PM
كيف واحة اللياقه ؟ كويس ؟ فيه مسبح ومدربين صح ؟
وبالنسبة لبودي ماستر الروضه مافيه مشكلة بس وين بالضبط ؟ وفرعهم هناك كويس ؟
abu kinan
25-04-2011, 11:57 PM
نصيحه فكك من بدي ماستر نصيحه لوجه الله تعالى الا اذا كنت حابب تكره الرياضه وكل يوم تسمع كلام بذئ جدا جدا وعدم اهتمام من المدربين روح بدي ماستر ويزعجوك بمعنى كلمة ازعاج ويعطلونك بقدر المستطاع وقت الصلاة
كلنا مسلمين ولله الحمد ما نقطع فرض ونصلي بالنادي الأولمبي وقت الصلاة ولله الحمد ولكن هذا لايعني انه النادي يوقفني اكثر من 50 دقيقة على صلاة المغرب مثلا والله لو هايبر بنده مو كذا واللي يخليك تنجن ياريت تلاقي واحد منهم في صف الجماعه بالصلاة الا متكيين بالصاله وعلى كلام زباله وياريت ادارة البدي ماستر تنتبه للموضوع هذا
اذا ودك في نادي الأولمبي طريق الملك فهد جنوب عند مخرج سوق عتيقه النادي في السوق حق المفروشات على اليمين
جو حلو
سعر حلو
مدربين كفو
حصص لياقه نادي متكامل
ويقبلون البراعم بشكل رسمي ولهم نشاطات خاصة بهم
فزااع
26-04-2011, 02:34 AM
واحة اللياقة كويس
فيه مسبح وفيه ملعب كبير وفيه مدربين كويسين
بس من جد سالفة الكلام البذيء ملاحظها على بعض مدربين الحديد المصريين والله يقولون كلام مايقوله الا طلاب المتوسط ويلمسون بعض وشغالات تخرع
khaled1
26-04-2011, 06:52 AM
نصيحه فكك من بدي ماستر نصيحه لوجه الله تعالى الا اذا كنت حابب تكره الرياضه وكل يوم تسمع كلام بذئ جدا جدا وعدم اهتمام من المدربين روح بدي ماستر ويزعجوك بمعنى كلمة ازعاج ويعطلونك بقدر المستطاع وقت الصلاة
كلنا مسلمين ولله الحمد ما نقطع فرض ونصلي بالنادي الأولمبي وقت الصلاة ولله الحمد ولكن هذا لايعني انه النادي يوقفني اكثر من 50 دقيقة على صلاة المغرب مثلا والله لو هايبر بنده مو كذا واللي يخليك تنجن ياريت تلاقي واحد منهم في صف الجماعه بالصلاة الا متكيين بالصاله وعلى كلام زباله وياريت ادارة البدي ماستر تنتبه للموضوع هذا
اذا ودك في نادي الأولمبي طريق الملك فهد جنوب عند مخرج سوق عتيقه النادي في السوق حق المفروشات على اليمين
جو حلو
سعر حلو
مدربين كفو
حصص لياقه نادي متكامل
ويقبلون البراعم بشكل رسمي ولهم نشاطات خاصة بهم
وشو النادي ؟
وشكلي بروح واحة اللياقه وان شاء الله يقبلون
khzzar
26-04-2011, 09:31 AM
لو تبي نادي عادي بس يقبل أقل من 18 سنة شفه نادي الشروق في شارع الحسن بن علي في الروضه ..
النادي ما تقارنه بوقت اللياقة ولا غيره لكن مدربه ممتاز والشباب اللي فيه جيدين ...
abu kinan
26-04-2011, 11:29 AM
وشو النادي ؟
وشكلي بروح واحة اللياقه وان شاء الله يقبلون
نادي الأولمبي طريق الملك فهد جنوب عند مخرج سوق عتيقه النادي في السوق حق المفروشات على اليمين ممتاااااااااااااااااااااااااااااااااااااااز + بتحصل كثير شباب من عمرك وفي نشاطات خاصة بهم وملعب كرة قدم ومسبح وحصص لياقة
وفي بالعليا نادي اسمه الموارد مقابل مدخل مستشفى الحمادي عندهم صالة حديد خاصه لمن هم دون ال18 سنة
khaled1
26-04-2011, 08:05 PM
^
والله تقدر تقول بعيدين شوي .. عشان كذا نخليهم آخر الحلول
والله ياشباب انا رحت لواحة اللياقه وحاولت اسجل بدون ماسئلهم عن العمر , وسويت نفسي ذيب ورحت سحبت الفلوس وجيت بس يقول اصلن فوق 20 , ( انا رايح له قبل بعد وقايل لي نفس الكلام )
و بودي ماستر الي فالفروضه يقولي قبل كنا نقدر ندخل ناس اقل من 18 الحين مرره السيستيم مايسمح ( لابوك من سيستيم .. ماعندهم غير هالتصريفه xD )
شباب وقت اللياقه , دخلت النادي وعجبني والناس الي فيه واهم شيء انه قريب من البيت اقدر اروح مشي , لان العن شيء بالنوادي مافيه مواقف سيارات
فما تتوقعون فيه حل لهم ؟ لو انشب لهم ؟ xD
khaled1
26-04-2011, 08:15 PM
ابي حل سريع تكفون , انا مسافر يو كي بعد شهر ونص وودي اشد قبل لاروح
cha8siya
27-04-2011, 12:44 AM
شباب ليش نوادي لاتقبل اشخاص اقل من 18 سنة ؟
khaled1
27-04-2011, 03:36 PM
^
تخلف .......
abu kinan
27-04-2011, 04:03 PM
نوادي الحديد ما تقبل اقل من 18 سنه لعدة اسباب اهمها هو عدم ملاءمة هذه الرياضه لمن هو دون ال 18 عام بسبب عدم استقرار الهرمونات والنمو والعظام
اضف الى ذلك تواجد من هم اقل من 18 سنة خطر عليهم يطيح شي عليهم او يمسك كيبل ويطيح الوزن عليه
وللأسف لايوجد مرافق رياضيه او ترفيه لمن هم دون ال18 ولا حتى فوق ال18 اللهم هالنادي نقضي الوقت فيه ما في اي مكان ممكن يروحه الشاب يقضي وقت فيه ويفيد نفسه
بالرغم من انه وجود هذه المرافق مهم جدا جدا جدا للشباب بكل اعمارهم
khaled1
27-04-2011, 05:19 PM
مو سالفة حديد .. نبي بس السيكل والسير وكم شيء ماتقدر تجيبهم فالبيت ..
ثاني شيء الي تحت 18 .. 17 او 16 مو طفل صغير تقول يطيح عليه شيء xD
توفيقك يارب
27-04-2011, 07:28 PM
طيب فيه نادي آد فيه اجهزة السير والسياكل وفيه حديد برضو واعتقد يقبلون سن 17 بس النادي شكله شوي غبي واسعارهم رخيصه لكن اجهزتهم مافيها فرق عن باقي الانديه
مكانه اذا جاك ماك اللي في الميه على يمينك لف يمين يجيك على اليسار تراه في عماره بالدور الثاني
abu kinan
27-04-2011, 10:12 PM
مو سالفة حديد .. نبي بس السيكل والسير وكم شيء ماتقدر تجيبهم فالبيت ..
ثاني شيء الي تحت 18 .. 17 او 16 مو طفل صغير تقول يطيح عليه شيء xD
ي أخي مو قصة طفل ولا رجال تحت 18 ما يصير يلعب حديد ويرفع اثقال حتى لو استطاع
cha8siya
28-04-2011, 01:13 AM
ي أخي مو قصة طفل ولا رجال تحت 18 ما يصير يلعب حديد ويرفع اثقال حتى لو استطاع
لو على نمو وهرمونات لازم يعدلو قانون يخلوه +21 سنة
باسكور
28-04-2011, 04:23 PM
بودي ماسترز اللي بالصحافه اتوقع يقبل اللي تحت 18
يعني اول شي بيقول لك مانقبل وكذا بس اذا كان شكلك كبير وكذا عاادي اتوقع .. xD
اعرف واحد عمره تقريبا 16 مسجل فييه ..
THE CAST
28-04-2011, 06:44 PM
شباب ليش نوادي لاتقبل اشخاص اقل من 18 سنة ؟
انا برأيي لان اغلب من فهالاعمار يقلبون النادي راس على عقب الاوزان مرميه ....الخ يعني تصرفات تصدر من البعض وليس الكل طبعا
والرجال مو بالاعمار لكن هذا الطابع العام عند مالكي النوادي
واللعبه ماتأثر عليك من ناحية النمو او غيره ..
النادي او الصاله الرياضيه .... المدرب قبل كل شي والله اهم شي في النادي المدرب مو السعر
الله يوفقك اخوي
khaled1
01-05-2011, 11:22 PM
ي أخي مو قصة طفل ولا رجال تحت 18 ما يصير يلعب حديد ويرفع اثقال حتى لو استطاع
انا قلت لك مو قصدي عن الحديد , انا حتى مادري اذا الحديد عادي اقل من 18 او لا
انا قلت لك فيه ناس تبي تدخل النادي عشان السير , السيكل , بعض الاداوت الي عندهم , المسبح الخ
على العموم انا رحت بدي ماستر وكم نادي ثاني مرره يقولون مافيه .. يقول صح عندنا ناس اقل من 18 بس اول ما يخلص اشتراكهم بنشيلهم لان النظام الجديد من الادراه ما يسمح وبلا بلا وكلام فاضي
مالها الا ادخل نادي بالاصل 16+ , او اجيب الاغراض الي ابيها فالبيت
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .