المساعد الشخصي الرقمي

مشاهدة النسخة كاملة : التخسيس واللياقة شهيتي للاكل رجعت بشكل مهول !!


وليد وبس
01-05-2011, 04:47 AM
السلام عليكم


انا كان وزني 111 ونسبه الدهون 33%
وطولي 172
وبعد 3 شهور تمارين ودايت صحي وممتاز لان معلوماتي الطبيه كويسه
واستفدت كثير من الاعضاء هنا الله يطرح فيهم البركه ويوفقهم لكل مايحبون
الحين صرت 95 والحمد لله الامور مستقره

مشكلتي انو بدت عندي تهيج للقولون
وقعد يمكن 10 ايام وانا زي الجنازه على السرير :( ما اكل ولا اشرب
باليوم كله اتغصب 4 لقم حالتي كانت جدا سيئه والحمد لله تحسنت كثير الحين

الحين يوم تحسنت رجعت شهيتي للاكل وبشكل مفرررررررط جداً ماقدر امسك نفسي
ولدرجه اني لو اكلت ما اشبع !!!
وش الحل جسمي احس قعد يمر في مرحله تخزين لانه حس بالخطر
كيف اقدر اتغلب على هالمرحله
مع اني قعدت 3 ايام اكل كالوريز مفتوح عشان اكسر نظام جسمي
لكن مانفع الشهيه مفرطه :(


وش رايكم ياخبراء المنتدى
ماجد402
01-05-2011, 09:40 AM
اهم شئ حاول تشغل نفسك وابعد عن الاماكن والتجمعات الي مع الشباب والاهل وقت الاكل وكل لوحدك وخذ اطول وقت ممكن في النادي واهم شئ قسم اكلك على 5 او 6 وجبات بحصص خفيفه وابعد عن الكارب ولاتكثر في الفاكهه الحلوه وخلي اكلك معتدل بين البروتين والخضار والفاكهه وقليل من الكارب عشان يعطيك باور واهم شئ تحرقه في النادي .

هاذي تجربتي انا .وانشاء الله مايقصرو معاك الكباتن .

اخوك ماجد
amma271
01-05-2011, 09:59 AM
ما قصر أخوي ماجد 402 الله يعطيه العافية


أخوي فيه طرق للتحايل على الجوع منها انك تكثر ماء خاصة في الفترة ما بين الوجبات عشان ما تاكل كثير

و بعدين المشكلة ماهي في عدد الوجبات المشكلة في كمية الطعام في الوجبة الواحدة و نوعه يعني 5 وجبات معتدلة في اليوم و نظيفة أفضل من وجبتين لكنها دسمة

عموما قبل الوجبة بنص ساعة خذ لك كوب ماء و فيه أطعمه حتى لو كثرت منها تأثيرها بسيط على السمنة مثل الخضار عدا الجزر و الزبادي قليل الدسم
وليد وبس
01-05-2011, 11:43 AM
هل تنصحوني اخذ ايزو 100
لاني احس ان البروتين يشبعني !!


ومن افضل الايزو 100 او الواي بروتين
وما افضل نكهه ؟؟
amma271
01-05-2011, 12:50 PM
ايه الايزو 100 ممتاز و النكهة حسب رغبتك أنت
بس أنا عندي شكولاته نكهته جيدة
abu kinan
01-05-2011, 01:00 PM
بس انتبه وانا اخوك
مرضك دليل على وجود خلل بنظامك الغذائي
fares allil
01-05-2011, 02:09 PM
أبشرك هذي الحالة مريت فيها و حليتها...

المشكلة ماهي في الشبع..المشكلة انك رغبتك في الأكل تستمر حتى لو انك مليت بطنك لآخر درجة..تضل عندك رغبة بالأكل...
فلا يختلط عليك مصطلع الشبع..بمسطلع الرغبة في الأكل و الشهية المفتوحة..

أنا كانت معي هذي الحالة..و لما اكل و اتغدى..انتظر العشا يجي..مع ان بطني مليان

الحل بسيط....قسم أكلك إلى 6 وجبات في اليوم..(وجبات صغيرة)..يعني مثلا كل وجبة تتكون من ساندويشة وحدة...و اترك عنك الوجبات المفتوحات الكمية
زي الأرز..لأنك تغرف فيه لين ما يمتلي بطنك..أم السندويشات..تقدر تحدد كميتها بسهولة..حتى أقراص الخبز المفرود..تقدر تاكل خبزة وحدة في كل وجبة..سواء كان داخلها دجاج او جبن او اي شي تحبة
بس ما يكون غني بالدهون
بين كل وجبة و وجبة ثلاث ساعات...و أكثر من شرب الماء مابين الوجبات
بعد الالتزام بأسبوع أو اسبوعين...راح تقرف الأكل..^_^..و تنسد نفسك..لأنه في الأصل معدتك تكون شغالة هضم من يوم ما تصحى لين ما تنام..و بكذا ماراح تكون مشتهي شي
و راح تفقد الشهية..
وليد وبس
01-05-2011, 10:49 PM
الله يجزاكم خير ويوفقكم ان شاء الله لما تحبونه

بس حاب اعرف الحين هل الايزو مناسب لحالتي ولالا !!
amma271
02-05-2011, 07:22 AM
الله يجزاكم خير ويوفقكم ان شاء الله لما تحبونه

بس حاب اعرف الحين هل الايزو مناسب لحالتي ولالا !!

أخوي فيه بعض أنواع الحمية تعتمد على البروتين
و بالنسبة للأيزو 100 ما فيه دهون و لا كارب و ما دام يحسسك بالشبع فهو مناسب

و على فكرة أشوف بعض اللي يشترون الأيزو 100 هدفهم التخسيس و لا يلعبون حديد أساسا و بعضهم لاعبين دراجات هوائية