ياناس انا عندي شيء منقهر منه (تمزق في العضلات)؟ سؤال مفيد ماراح يعرف إلا أصحاب الخبرة

[عليهث1]

السلام عليكم

أبدخل في صلب الموضوع

والي صار لي أنا

لعبت أنا مع خويي
ممتاز

لعبنا صدر أربع تمارين وكلها ثلاث جلسات ممتاز

أنا أشيل أوزان أكثر منه مثلا

مستوي بار أشيل بليتين يعني تقريبا أربعين كيلو

هو بليت ونصف

ممتاز

ونلعب ثلاث جلسات عشرة بعدين ثمانية وبعدين ستة


السؤال هنا لما مرة 24 ساعة

أنا جاني تمزق من بسيط إلى متوسط
وخويي ماجاه أي تمزق ماشاء الله


السؤال هنا ليش هو ماجاه وأنا ماجاني مع إني أشيل أوزان أثقل منه

ليش جاني تمزق وهو لا

يعني هي ماشيه على أي أساس التمزق

هو معروف إنها ناتجه عن تمزق ألياف عضلية
طيب ليش هو ماتمزقت وأنا تمزقت عندي


لحد يتفلسف ويقول علشان تشيل أوزان ثقيلة

لا هو أيضا يشيل أوزان ثقيلة بالنسبة له يعني يوصل لستة عدات فقط مثلي

وجزاكم الله خير

وبانتظار أرائكم

[farah12]

اخي من الممكن ان مارست التمرين غلط و بالتالي ادى الى تمزق او عندك قابلية للتمزق اكثر منه من الجينات مثلا

[حسموو]

عشانك ياخي بتلعب بطريقة علط وبتلعب بدون تركيز بس هوا دا السبب

[عليهث1]

ماقصرتوا

لكن من ناحية الأداء أنا متأكد مئة في المئة إني مسويها صح إن شاء الله
وإن كان فيه خطأ فهو صديقي ماهو أنا

من ناحية إنه عنده قابلية تمزق أكثر

ممكن بس ودي أعرف يعني من الوراثة
ما أحب ذذا الجواب

أبغى جواب واضح

[حسموو]

التمزق ماله صلاح في الوراثة

[عليهث1]

بصراحة مافهمت واحد كذا والثاني كذا

ياليت تفهموني ياجماعة

[salam912]

قدر الله وما شاء فعل

[khzzar]

معليش بس كيف عرفت أنه تمزق يعني هل رحت لدكتور وقال لك لا وقف الحديد لأنه عندك تمزق أو أنت شعرت بألم في العضلات ؟؟

أنا مثلاً لعبت صدر يوم الاثنين إلى الآن صدري يؤلمني ولكن هذا ليس تمزق مضر وإنما العضلة تتمزق وتعيد بناء نفسها وتكبر وهذي هي فكرة البناء العضلي.

فرق بين التمزق الطبيعي وبين الإصابة..

[عليهث1]

معليش بس كيف عرفت أنه تمزق يعني هل رحت لدكتور وقال لك لا وقف الحديد لأنه عندك تمزق أو أنت شعرت بألم في العضلات ؟؟

أنا مثلاً لعبت صدر يوم الاثنين إلى الآن صدري يؤلمني ولكن هذا ليس تمزق مضر وإنما العضلة تتمزق وتعيد بناء نفسها وتكبر وهذي هي فكرة البناء العضلي.

فرق بين التمزق الطبيعي وبين الإصابة..

الله يجزاك خير

أحس ردك أقرب شي للإ‘جابة إلى سؤالي

طيب ما يخالف نقول تمزق طبيعي حلو

لكن ليش هو يجيه تمزق طبيعي بسيط وأنا عالي

مع إننا نفس التمارين ونفس الجلسات

هنا السؤال

[khzzar]

يمكن لأنك رفعت وزن عالي آو لآن لك فترة ما مرنت العضله بآوزان قوية وبعدين رفعت الوزن فجأه ...

أتمنى لك التوفيق ...

[عليهث1]

يمكن لأنك رفعت وزن عالي آو لآن لك فترة ما مرنت العضله بآوزان قوية وبعدين رفعت الوزن فجأه ...

أتمنى لك التوفيق ...
كل الي قلته ما صار لي وبالعكس يمكن صار لخويي

إلا شي واحد تقول رفعت الوزن فجأة

يمكن من ذا الناحية

لكن أنا أحمي وأسوي عمليات إطالة

وجزاك الله خير على التفاعل

[THh Rock]

التغذيه والراحه تلعب دورر كبير يا بطل .......

[عآزف]

شوف يا وحش .... لكل انسان بنيته الجسميه في ناس تتمدد معاهم العظله وقت التمرين ولا تشد معاه الا بعد جهد جهيد

وفيه ناس خاصه النحاف اللي وزنهم دون 60 تشد معاه العضله بسرعه يمكن من ثاني دور وانا انصحك اذا شدت العضله معاك بتمرين وحسيت انها نشدت بقوه وقف التمرين وروح لغيره لو من ثاني دور مثلن صدر مستوي شد العضله من ثاني دور وحسيت انها من جد شدت غير التمرين روح العب صدر عالي ... وهذا اللي يسبب التمزق العضله مشدوده يحمل عليها اوزان .. ان شاء الله افتك

[fares allil]

يا عزيزي هذا مو تمزق

التمزق تطلع نتيجتة مباشرة...يعني يجيك ألم على طول..أثناء التمرين..
مو بعد 24 ساعة

الألم اللي بعد 24 هذا الم طبيعي نتيجة اعادة بناء الأنسجة التالفه اللي انت اجهدتها خلال التمرين
و هذا الألم معناه انك مستفيد من التمرين و ان عضلتك قاعدة تبني..
بالنسبة لي..انا يجيني هذا الألم في كل مرة امرن فيها عضلات الصدر..و بالعادة يستمر الألم لمدة يومين..ابتداءً من مرور 24 ساعة بعد التمرين

[عليهث1]

شوف يا وحش .... لكل انسان بنيته الجسميه في ناس تتمدد معاهم العظله وقت التمرين ولا تشد معاه الا بعد جهد جهيد

وفيه ناس خاصه النحاف اللي وزنهم دون 60 تشد معاه العضله بسرعه يمكن من ثاني دور وانا انصحك اذا شدت العضله معاك بتمرين وحسيت انها نشدت بقوه وقف التمرين وروح لغيره لو من ثاني دور مثلن صدر مستوي شد العضله من ثاني دور وحسيت انها من جد شدت غير التمرين روح العب صدر عالي ... وهذا اللي يسبب التمزق العضله مشدوده يحمل عليها اوزان .. ان شاء الله افتك

أتوقع هذا هو الصواب
وجزاك الله خير

وما قصرتوا ياشباب كفيتوا ووفيتو