يا جماعه الوالده خايفه علي بعدين يصير فيني شي

[ابي موقع+منتدى]

انا امي تقولي البروتين مو زين مادري شنو تقولي في مواد كيميائيه مادري شنو المهم اخواني انا باخذ سوبر قنر فيول سطل خمسه كيلو توه نازل بل سوق

هل له اثار ججانبيه
!
2
3
4
تقولي سئلت دكتور يقول فيه مضار واجد مو الحين يشوفها يشوفها بعدين مادري شنو المهم شباب ردودكم قولي لي
طولي 174
الوزني 75,5

وانا اقول انه يخوف وبس
اذا بروتين له اثار جانبيه الابر شنو خل لها

الرجاء مجاوبتني لاني محتاج الرد بل تفصيل الوالده راح تشوفه
لائهل الخبره تكفون

[دامبلز]

اخي الكبار في السن و الاباء لم يكن لديهم الاختراعات التي بحوزتنها نحن الان ... االان في اختراعات مثل البروتين هذه تعتبر من المكملات الغذائية الطبيعية فكأنك تاكل قطعة لحمة حمراء كلها بروتين شركات البروتين استخلصت البروتين في هذه الاكلات و الأطعمة و جففته مثل ما تجفف الحليب و وضعته في علب كالعلب التي تراها في محلات مكملات الأغذية ( البروتين ) , فالرياضين الكبار يعتبروا حالهم 100 % طبيعين وذلك لان البروتين طبيعي اما لما تفوت على الابر و الهرمونات و الشغلات اللي اسمائها غريبة ههههههه تكون هرمونات و ايش ما علمت لا تفكر انك تقرب منها .

لكن مكملات الاغذية اللي تاخدها انتا والشباب و انا كمان لازم ناخدها وفق تعليماتها بحذر شديد و ليس عبثا فمثلا مكتوب على العلبة سكوبين في اليوم فتلتزم في الكمية الموضوعة لانها تكون مدروسة بحذر بحيث انك لا تتعدى الكمية المرادة فلا انتا تقوم مثلا تستخدم البروتين هذا كأكلك كله في اليوم بما معناه تعتمد اعتماد كليا على البروتين و انما هي مكمل

وشكرا

[toto jeddah]

ان شاء الله ما يقصروا معاك الابطال بالردود الشافية

[ابي موقع+منتدى]

يعني عادي ومالها اضرار مستقبليه صح اخوي وهل لازم اكثر في الماء
وللعلم انا ماخذ اربع بروتينا في سابق دون علمها لمن قحطت هههه
ابي فلوس وقلت لها ابي اشتري سوت لي سالفه وقالت اذا اخذت انا مو راضيه عليك
وقعت افهمها

[بردان1]

اخوي انا سائل صيدلي وقال مافيها ضرر ابد
وهنا فيه موقع اسلام ويب للاستشارات فيه اكثر من استشاره عنها وكله يردون دكاتره عليه ينصحونه بالاكل الطبيعي ولكن مافيها ضرر قالو

وطبعا كنت ابحث قبل لا ادري وش القصة ولا ادري ان فيه شي يؤخذ مع اللعبه احسب كل شي يؤخذ يعني هذا مضر ومادري شلون وينفخ وخرابيط
اخي الابر الهرمونات هي المضره لماذا لان جسمك ينتج الهرمون ولا يستقبله من برا فلما انت تدخل عليه راح ينحاس نظام التوزيع داخل جسمك بالهرمونات وراح يتضرر اكيد ولانها مواد مصنعه مافيه مواد طبيعيه يقاله هذي هرمون
اما البروتينات انتا حررر يا اخي انت لاعب كمال اجسام تحتاج مثلا باليوم 250 قرام بروتين اوكي .. طيب تقدر تاكل 4 صدور دجاج وعلبتين تونه ومادري كم ابو وجبه يعني صعبه على الشخص
عشان كذا لاعب كمال الاجسام يوفر على نفسه يشتري هالمنتجات تكون مستخلصه المواد من الاغذيه الطبيعيه يعني مافيها اي ضرر ان شاءالله وكلنا متفقين ان الي يعتمد على التغذيه الموجوده بشكل مباشر افضل له لكن صعببببببب انك تاااااازن بالاغذيه الموجوده

عشان كذا طمن والدتك وقلها ان شاءالله ان مافيها لا ضرر ولا شي وانا برايي انها حتى اااامن من الببسي وهالمشروبات الغازيه وهالدخان الي على علبته التحذيرات ولا احد قال فيه شي

بالاخير اسف على الاطاله بس حبيت ابين شي بنفسي :)

تقبل مروري

[ابي موقع+منتدى]

تسلم حبيبي والحين تطمنت وتطمنت الوالده تلسلم

[ابي موقع+منتدى]

وما قصرت وكفيت ووفيا

[saasoo]

ما قصر الكبتن معاآ ــك

[ابي موقع+منتدى]

الحمدلله مشكور ويعطيه العافيه

[ابولطيفه]

اخوي ترى هو مكمل غذائي يعني من الاسم واضح

بس لو انك زودت فيه اكيد بيكون فيه ضرر يعني لو نفرض واحد ياخذ عشر حبات بندول اكيد بينضر

الخلاصه لازم تاخذ المكمل زي ماهو مكتوب على العلبه ولا تألف وتزيد من عندك وبس

[Rashid.S]

اما البروتينات انتا حررر يا اخي انت لاعب كمال اجسام تحتاج مثلا باليوم 250 قرام بروتين اوكي .. طيب تقدر تاكل 4 صدور دجاج وعلبتين تونه ومادري كم ابو وجبه يعني صعبه على الشخص


حسب المعلومات اللي عندي انك تحتاج 1.5 - 2 غرام كل كيلو غرام بجسمك
والافضل انك ما تتعدى 1.8 (( مو متأكد الوزن مع الدهون ولا بدون ))

وفي رويات كثير مثل 1-1.5 غرام لكل باوند من وزنك بدون دهون وكل كيلو يساوي 2.2 باوند .

بس انا اشوف هذيلا افضل اثنين ,,

لان زيادة البروتين سوى من اكل او مكمل راح يسبب ترسب عندك في الكلى ومنها مع مرور الزمن ممكن انها تضر
بس طول ما انت تراعي الكميه وتستخدمه كويس ,, ان شاء الله ما راح يجيك شي

طبعا كلامي مو على المكمل بس حتى على البروتين اللي من الاكل ,,

وتحياتي لك ,,

[abu kinan]

خذ الرابط هذا وخلي الوالدة الله يحفظها تقرأه وانا أكيد سوف تغير نظرتها عن الموضوع 100% والشكر موصول للأخ والكابتن أحمد ( ذا روك ) معد هذا الموضوع وعلى فكره هو متخصص ويدرس بالجامعه تخصص له علاقه بالطب + مدرب لياقة بنادي محترم وأخ وصديق ومحل ثقة
http://www.montada.com/showthread.php?t=690315&page=1