المساعد الشخصي الرقمي

مشاهدة النسخة كاملة : مشاكل صحية صدري كبير وانا متين ابغى حل


حميدوههه
23-05-2011, 07:17 PM
انا ولد بالغ عمري 16 سنة يعني بالغ من كان عمري 15 وانا لدي صدر يسبب لي الاحراج فا ابغى اي تمرين يشيله مع العلم اني متين وزني قريب 80 كيلو وابغى تمرين عشان ينحفني وعندي جهاز المشي يعني وش السرعة الي تنصحوني امشي بيها وكم دقيقة مع العلم ابغى انحف قبل شهرين عشان عندي مناسبة وانا مستعد لاي برنامج وشكرا عارف مقدر اسوي شي بس كلمة شكرا + دعاء ان شاء الله راح تفيدكم
رحال الجنوب07
23-05-2011, 07:32 PM
السير ترا لحالة مايكفي ياغالي
اول شئ تمشي على نظام غذائي دايت مرتب
ثاني شئ اهتم بالسويدي وتمارين البطن والجوانب
قسم وقتك وادخل مع التمارين الدراجه ربع ساعه والسير ربع ساعه
واذا كان تسبح لا تخليها من افضل العوامل المساعده لإنقاص الوزن وشد الترهل
وبعد شهرين او ثلاثة ادخل تمرن حديد لشد الصدر والاعضاء الاخرى
فيه حوارق تساعدك على حرق الدهون مثل الليبو 6 بس ارى والله اعلم انك تؤخر استعمال الحوارق شوي
لين جسمك يأخذ على التمارين

ولا يمنع تدخل ساونا مرتين اسبوعيا إلى ثلاث مرات

ويمدحون الشاي الاخضر بالزنجبيل بدون سكر

وهذا رابط راح يفيدك

http://www.montada.com/showthread.php?t=687659&page=1
mak222
23-05-2011, 10:26 PM
حميد شحالك طيب ان شاء الله ماعليك كل مشكله ولها حـل ان شاءالله بس اهم شي يكون عندك العزيمه والصبر اهم اساس كـل شـي

اول شي واهم شي لزم تسوي الالتزام بالاكـل مثل ما قال اخوي رحال

انا قبل كنت متين واحين الحمد لله بفضل من الله تعالى والتمارين صار جسمي احسن بكثير من قبل

المهم مابطول عليك بعطيك النظام الى انا كنت ماشي عليه ونتايجه حلوه وان شاءالله يفيدكـ..

اهم شي الابتعاد عن الوجبات السريعه الى من المطاعم مثل هارديز وبيزات هـت الخ,,,,, والابتعاد عن الاكل الى في زيت حتى اذا كان طباخ بيت مثل البطاطس المقليه والبرقر والبرتا والسموسه الخ.....
وتنسى شي اسم مشروبات غازيه كل اشرب عصير طبيعي يعني انت سوه فالبيت احسن من العصير الطبيعي الى ينباع فالجمعيات .... وابتعد عن الحلويات والاسكريم والجبس ...

المهم امشي ع هذا الجدول الغذائي


الجدول الغذائي:
السبت :اول شي الفطور 2 توست اسمر + عصير طبيعي + 2 جبن خالي الدسم
الغدا صدر دجاج مشوي + سلطه + زبادي خالي الدسم + عصير طبيعي
العشاء تفاحه خضرا
احد :اثنين توست اسمر + عصير طبيعي + جبن خالي الدسم او جبن قليل الدسم
الغدا: سمكه مشويه + سلطه + عصير طبيعي
العشا : زبادي خالي الدسم

اثنين : 3 بيضات مسلوقه (بدون صفار)+ عصير طبيعي + ملعقتين عسل
الغدا : شيش طاوق مع خضرا مشويه بالفرن + سلطه + زبالي خالي الدسم + عصير
العشاء : كل اناناس

وتكرر الجدول يوم الثلاثاء والاربعاء والاخميس ويوم الجمعه افطراي شي بس حاول يكون مافي دهن والغدا اي شي بس دهن قاليل جدا عيني كل ع راحتك بس بأنتضااام بس لاتعشا يوم الجمعه :silly:

ملاحظه : كثر من الشاي الاخضر بس بدون سكر طبا كثر من عصير الاناناس لان يساعد حرق الدهون


وبالنسبه: للتمارين ع جهاز السير اول خمس دقايق حمي يعني امشي ع راحتك بعدين من خمسه لين 7 دقايق مشي سريع بعدين من 7 دقايق لين 10 دقايق هروله بعدين من 10 دقايق لين 12 ددقيه اجري بعدين نزل السرعه
من 12 دقيقه لين 14د هروله بعدين من 14 لين 16د مشي سريع بعدين من 16 لين 20د جري بعدين من 20د لين بعدين من 20 د لين 24 مشي سريع بعجين من 24د لين 27د جري بعدين من 27د لين 30 دقيه مشي سريع

هذا بالنسبه الاول اسبوع يعني مشي وهروله وجري 30 دقيقه الاسبوع الثاني خلي يكون 40 دقيه الاسبوع الرابع خلي يكون 50 دقيه طبعا بعد اسبوع انت تتحكم بالسرعه تكون اسرع من الى قبـل الخ ...

جرب هالجدول لمده شهر وشوف النتايج وان شاء الله اكيد راح تعجبك واذا عجبك استمر عليه يعني اذا شفت في تغير واكيد لزم تسوي التمارين الى فالرابط الى حطهم لك اخوي رحال

بـس اهم شـي يا حميد ( الصبر + العزيمه + تشد حيلك) لا تتكاسل ابدا حط فبالك شي معين يعني هدف انا ابي اضعف عشـان يكون شكلي احلى او مثلا عشان البس ملابس احلى وهكذا

والسموحه ع الاطاله وربي يوفقك وننتظر منك اخبار حلوه ان شاءالله بعد اول شهر
buraydawi
23-05-2011, 10:53 PM
[QUOTE=رحال الجنوب07;7120403][CENTER][SIZE=4][COLOR=purple][
فيه حوارق تساعدك على حرق الدهون مثل الليبو 6 بس ارى والله اعلم انك تؤخر استعمال الحوارق شوي

عمره غير مناسب لاخذ مكملات ولاسيما حوراق الدهون
رحال الجنوب07
24-05-2011, 12:17 AM
[QUOTE=رحال الجنوب07;7120403][CENTER][
فيه حوارق تساعدك على حرق الدهون مثل الليبو 6 بس ارى والله اعلم انك تؤخر استعمال الحوارق شوي

عمره غير مناسب لاخذ مكملات ولاسيما حوراق الدهون


[SIZE=5][COLOR=purple]مشكور على التنبيه لأني والله مانتبهت على عمره
حميدوههه
24-05-2011, 04:33 PM
طيب تسلموا على التفاعل معي والله ادعيلكم الله يوفقكم