بليـــــز ، متى آخذ الكربوهيدرات ( البطيئة و السريعة ) الهضم (قبل أو بعد ) التمرين

[دللوله]

السلام عليكم

سوري ..نسيت وكتبته فهالقسم :(

بليز بليز بليز ....أبغي رد ... أنا مابكتب وبسأل لاني فاظيه ، انا ابغي مساعده ...والي بيرد علي يزاه الله ألف خير ..

من ثلاث شهور تقريبا كنت امشي تقريبا 20 دقيقه وبعدهاا اسوي تمارين بطن لمدة ساعه ، لكن للاسف ما لاحظت اي تغير ماادري ليش ..مع اني كنت اسوي اكثر من تمرين وبتكرارات وبطريقه صحيحه ...بس أكلي كان ملخبط


الحين بديت أغير أكلي مثل ما نصحني أحد الأخوان هني ...لكن بالنسبة للكربوهيدرات محتاره شو أكل بالفتره قبل التمرين ( الصبح والظهر) ،، وبعد التمرين (العشى)

عرفت ان فيه كربوهيدرات بطيئة وسريعةو الهضم ن لكن ماعرفت شو هي بالضبط ومتى ممكن آكلهااا من ..

رز ( نص كوب) ، خبز أسمر ، دجاج او سمك مشوي ،تونه ،بيض مسلوق ، اجبان قليلة دسم وحليب وروب منزوع او قليل دسم ،الشوفان والكورنفلكس ، عصائر طازجه ،الفواكه (موز وتفاح، برتقال) وخضروات ،معكرونه (نص ،ربع كوب) ، بطاطا مسلوقه ، بقوليات ( فول ، فاصولياء ، عدس ، لوبيا )<<< طبعا انا مكست بين الكربوهيدرات والبروتينات

سؤالي

شو من هاالاكلات هي البطيئة والسريعه الهضم الي ممكن آكلها ومتى ممكن آكلاها ؟؟ قبل او بعد التمرين

بطبيعة جسمي اذا قللت منها راح اضعف بشكل كبير فكل جسمي ، لكن الكرش مادري هل ممكن يختفي ؟؟

واذا اختفى الكرش مع الايام ، هل ممكن اني اقدر اسمن مره ثانيه فباقي جسمي ، لكن بدون ما يطلعلي كرش ؟؟ اذا يصير ،كيف ؟

بالنسبة للتمارين الحين اسوي نص ساعه مشي ، نص ساعه تمرين بطن ، ونص ساعه تمارين مختلفه والي اسويهااا كافيه او لا ؟؟

http://www.youtube.com/watch?v=neeM-VzAvIA

آخر سؤال ..أحاول أركز فاكلي على البروتينات أكثر ، لكن مب قادره يعني احاول اكل صدر دجاج مشوي او تونه او غيره لكن مايعجبني مهما ظفتلها من نكهات مااتقبلهاا فمااقدر اكل اكثر من نصف الوجبه ، عادي ؟؟


وجذي تقريبااا مستوى الكرش عندي ...من اليسار الصوره الثانيه

http://www.l-7oob.com/up-pic/uploads/l-7oob_13065021721.gif (http://www.l-7oob.com/up-pic/)




والسموحه على الإطاله ،، اتمنى الرد أخواااااااااني

[THE CAST]

وعليكم السلام



لكن بالنسبة للكربوهيدرات محتاره شو أكل بالفتره قبل التمرين ( الصبح والظهر) ،، وبعد التمرين (العشى)
قبل التمرين بساعه ونصف الى ساعتين كارب بطيء
وبعده مباشره كمية بسيطه من الكارب السريع...


شو من هاالاكلات هي البطيئة والسريعه الهضم الي ممكن آكلها ومتى ممكن آكلاها ؟؟ قبل او بعد التمرين
الكارب قصدك..
السريع مثل الدقيق الابيض وتوابعه,السكر الابيض, الحلويات عموما,.....
المركب مثل
البطاط الحلو,البطاط العادي, الدقيق الاسمر / النخاله .............


بطبيعة جسمي اذا قللت منها راح اضعف بشكل كبير فكل جسمي ، لكن الكرش مادري هل ممكن يختفي ؟؟
مع الوقت والدايت الصحيح



واذا اختفى الكرش مع الايام ، هل ممكن اني اقدر اسمن مره ثانيه فباقي جسمي ، لكن بدون ما يطلعلي كرش ؟؟ اذا يصير ،كيف ؟
لا هذا الامر ماحد يضمنه ويعتمد على نوعية جسمك وجيناتك


بالنسبة للتمارين الحين اسوي نص ساعه مشي ، نص ساعه تمرين بطن ، ونص ساعه تمارين مختلفه والي اسويهااا كافيه او لا ؟؟
تقريبا...لكن البطن ثلاث ايام في الاسبوع فقط
وبقية الايام مشي سريع/تمارين سويدي/سباحه......


والاهم هو الدايت لايكون مبني عالحرمان بل عبارة عن وجيبات صغيره عددها 5-6 وجبات صحيه صغيره.



بالنسبه للصوره اعلاه ..لرجل ولا انا غلطان ؟ لانه اذا كان العكس فممنوع ولابد تُحذف




ونذكر بمراجعة قوانين القسم قبل المشاركه تم نقل الموضوع هذه المره





بالتوفيق

[abu kinan]

طبعا لازود على كلام الأخ ذا كاست ولكن بعطيكي نصيحه جابت معاي نتيجة وفرق المقاس عندي خلال شهر واحد بالرغم من أني كنت داخل بمرحلة ثبات الوزن وصعوبة فقد الدهون

النصيحه
5 - 6 وجبات صغيرة غير مشبعه غنيه بالألياف والبروتين وقليلة الدهون والكارب بما انك فتاة وما يلزمك كمية كبيرة من الكارب مثلا لاعبي الحديد
دراجات السبيننيغ وما ادراكي ما دراجات السبينيينغ بكل بساطه اصفها بكلمة رائعه لحرق الدهون تحديدا البطن والأرداف نتائج خيالية بصراحه

فلو عندك امكانية ممارستها بالنادي مع مجموعه ااو اقتناء وحده بالبيت وانشااء الله نشوف احد الأعضاء الخبرة بها يفيدك كيف تطبقي التمرين بالبيت واتوقع ممكن يكون في ملف فيديو تحطيه وتمشي معاه تماما

[دللوله]

وعليكم السلام


قبل التمرين بساعه ونصف الى ساعتين كارب بطيء
وبعده مباشره كمية بسيطه من الكارب السريع...


الكارب قصدك..
السريع مثل الدقيق الابيض وتوابعه,السكر الابيض, الحلويات عموما,.....
المركب مثل
البطاط الحلو,البطاط العادي, الدقيق الاسمر / النخاله .............


مع الوقت والدايت الصحيح


لا هذا الامر ماحد يضمنه ويعتمد على نوعية جسمك وجيناتك


تقريبا...لكن البطن ثلاث ايام في الاسبوع فقط
وبقية الايام مشي سريع/تمارين سويدي/سباحه......


والاهم هو الدايت لايكون مبني عالحرمان بل عبارة عن وجيبات صغيره عددها 5-6 وجبات صحيه صغيره.



بالنسبه للصوره اعلاه ..لرجل ولا انا غلطان ؟ لانه اذا كان العكس فممنوع ولابد تُحذف








بالتوفيق
[/COLOR]


مشكور اخوي عالرد ...

وتقريبااا فهمت
لكن بعد محتاره ماعرف شو من الكارب ممكن اخذه بعد التمارين ..يعني خبز اسمر قطعه وحده عادي ؟؟ او البقوليات عادي .؟؟ ولا بس فاكهه
بالنسبة لتمارين البطن ..اناا كنت اعملهاا يوميااا وماحسيت بفرق ..هل ممكن اني احس بالفرق لو سويتهاا ثلاث أيام بس فالاسبوع ..ولو يوميااا فيها شي ؟؟

بالنسبة للصوره سوري غيرتهاا لكن ماكنت الصوره حقي .. وانا حطيتهاا على اساس ما تنعرف لوحده او واحد

ويسلمووو أخي

[دللوله]

طبعا لازود على كلام الأخ ذا كاست ولكن بعطيكي نصيحه جابت معاي نتيجة وفرق المقاس عندي خلال شهر واحد بالرغم من أني كنت داخل بمرحلة ثبات الوزن وصعوبة فقد الدهون

النصيحه
5 - 6 وجبات صغيرة غير مشبعه غنيه بالألياف والبروتين وقليلة الدهون والكارب بما انك فتاة وما يلزمك كمية كبيرة من الكارب مثلا لاعبي الحديد
دراجات السبيننيغ وما ادراكي ما دراجات السبينيينغ بكل بساطه اصفها بكلمة رائعه لحرق الدهون تحديدا البطن والأرداف نتائج خيالية بصراحه

فلو عندك امكانية ممارستها بالنادي مع مجموعه ااو اقتناء وحده بالبيت وانشااء الله نشوف احد الأعضاء الخبرة بها يفيدك كيف تطبقي التمرين بالبيت واتوقع ممكن يكون في ملف فيديو تحطيه وتمشي معاه تماما

أحاول اقسمهاا لكن مب عارفه شو آكل بالضبط .. لكن بحاول ..وبعدين البروتينات عندي مااقدر اتقبلهااا مشويه او مسلوقه ..فما أحس اني اخذ كفاية منهااا
الجهاز موجود فالنادي لكن مافكرت أجربه ..لان تركيزي بس على البطن مب أي شي ثاني

يسلمووو أخي عالرد ماتقصر

[abu kinan]

اسمعي نصيحة المجربين

تمرين المعده كل يوم كل يوم يضر ما ينفع وممكن يسبب تدلي بجدار المعده
تمرين المعده يوم ويوم يعطي فرصه لحرق الدهون حلو هذه المنطقه
ركزي على الدراجات اللي قلت لك عليها شهر واحد فقط مع دايت محترم واقصد به دايت يكون محسوب وليس حرمان
وبعد شهر شوفي النتائج وترا ضروري تشوفي نسبة الدهون عندك علشان ممكن ماتلاحظي فرق واضح 100% انت تشوفيه خلال شهر فقط ولكن تكوني قد فقدتي دهون وتحتاجي وقت كمان علشان تكون النتائج واضحه 100 % وما بيمنع تاخذي صور لك انت لنفسك واحتفظي بها وبعد شهر خذي ايضا صور بنفس الوضع لنفس المنطقه وقارني بينهم انا أكيد بتشوفي الفرق
موضوع فقدان الدهون يحتاج وقت واصرار وعزيمة
انا بدأت مشواري قبل 8 شهور تقريبا وكنت محل انتقاد الجميع بالتزامي بالأكل الصحي والرياضه وبعض حوارق الدهون ..الخ ... ولكن بعد مرور 8 شهور نفس الشخص الي كان ينتقدني جاء الحين يسألني كيف يبدأ وكيف يتمرن ويبي النصيحه

[دللوله]

اسمعي نصيحة المجربين

تمرين المعده كل يوم كل يوم يضر ما ينفع وممكن يسبب تدلي بجدار المعده
تمرين المعده يوم ويوم يعطي فرصه لحرق الدهون حلو هذه المنطقه
ركزي على الدراجات اللي قلت لك عليها شهر واحد فقط مع دايت محترم واقصد به دايت يكون محسوب وليس حرمان
وبعد شهر شوفي النتائج وترا ضروري تشوفي نسبة الدهون عندك علشان ممكن ماتلاحظي فرق واضح 100% انت تشوفيه خلال شهر فقط ولكن تكوني قد فقدتي دهون وتحتاجي وقت كمان علشان تكون النتائج واضحه 100 % وما بيمنع تاخذي صور لك انت لنفسك واحتفظي بها وبعد شهر خذي ايضا صور بنفس الوضع لنفس المنطقه وقارني بينهم انا أكيد بتشوفي الفرق
موضوع فقدان الدهون يحتاج وقت واصرار وعزيمة
انا بدأت مشواري قبل 8 شهور تقريبا وكنت محل انتقاد الجميع بالتزامي بالأكل الصحي والرياضه وبعض حوارق الدهون ..الخ ... ولكن بعد مرور 8 شهور نفس الشخص الي كان ينتقدني جاء الحين يسألني كيف يبدأ وكيف يتمرن ويبي النصيحه

مشكور يا بو كنان أنا كان ناقصني التشجيع وماقصرت ^^

بحاول أنظم اكلي ..مع ان الاكل الصحي ماله طعم >.<

وبسوي تمارين البطن يوم ويوم لاا ..مع اني مب قادره اقتنع لكن انتوووو أدرى
ومشكور اخوي ماتقصر

واذا حد عنده إضافه اتمنى يفيدني فيهاااااااا